रौतहटमा २६ औँ कण्डम दिवस २०२० मनाईयो

रौतहटमा शनिवार २६ औँ राष्ट्रिय कण्डम दिवश २०२० मनाईएको छ । जिल्लाको चन्द्रपुरमा निलहिरा समाज रौतहटले पत्रकारहरुलाई भेला गरेर दिवशको औचित्य प्रस्ट्याएको हो ।

समाजले ‘दोहोरो सुरक्षाको लागि कण्डमको पहुंच’ भन्ने नाराका साथ सेभ द चिल्ड्रेनको सहयोगमा रौतहटमा एचआइभि एड्स रोकथामका लागि काम गरीरहेको छ ।

रौतहटमा हाल सम्म २ सय १४ जना संक्रमित रहेका समाजले जनाएको छ । साथै एक सय ९१ जनाले नियिमत औषधी सेवन गरीरहेका, १६ जना सम्पर्क बाहिर रहेका र ७ जनाको एचआइभि एड्स बाट मृत्यु भएको समाजको तथ्यांक उल्लेख छ ।

जिल्लामा एचआईभि एड्सको अवस्थाको बारेमा जानकारी दिँदै समाजका रौतहट जिल्ला संयोजक जिना रानाले पत्रकारहरु मार्फत जिल्लामा रोगको बिषयमा चेतना फैलाउन चाहेको बताएकी थिईन । बिभिन्न कारणले रोग परिक्षण गराउन नसकेकाहरुलाई संस्थाले सहयोग र परामर्श दिँदै आएको छ ।

कार्यक्रममा सञ्चारकर्मि, पत्रकारका साथै एचआइभि एड्स नियन्त्रणमा सकृय व्यक्तिहरुको उल्लेख्य उपस्थिती रहेको थियो ।