सिद्धार्थ बैंकको १८ औं स्थापना दिवशको अवसरमा लालबन्दी स्थिति सिद्धार्थ बैंकले शुक्रवार पानी ट्यांकी हस्तान्तरण गरेको छ ।

सर्लाहीको लालबन्दी नगरपालीका १६ मा रहेको डिम जनता माविमा पुगि बैंकका साखा प्रबन्धक बिष्णु प्रसाद शर्माले दुई हजार लिटर क्षमताको पानी ट्यांकी हस्तान्तरण गर्नु भएको हो । आफ्नो सेवा क्षेत्रभित्र रहेको पानीको समस्या भैरहेको बिद्यालयमा शुद्ध खानेपानी ब्यबस्थापनमा सहयोग गर्न पाउँदा बैंक आभारी रहेको शर्माले बताउनु भयो ।

बिद्यालय ब्यबस्थापन समितिका अध्यक्ष कृष्ण बहादुर गौतम लगायतको उपस्थितिमा ट्यांकी हस्तान्तरण गरिएको बैकका सहायक प्रवन्धक सुवास कुमार पाण्डेले जानकारी दिनु भयो ।

ट्यांकी हस्तान्तरणका लागि आफ्नो बिधालय छनौट गरेकोमा अध्यक्ष गौतमले बैंकलाई धन्यवाद दिनुभएको थियो ।

प्रधानमन्त्री केपी शर्मा ओलीले मन्त्रिपरिषदको हेरफेर र विस्तार गरेका छन् । शुक्रबार मन्त्रिपरिषदमा ८ जना मन्त्री र एक राज्यमन्त्री थप भएका छन् भने युवा तथा खेलकुदमन्त्री जगत विश्वकर्मा र उद्योग राज्यमन्त्री मोती दुगड बिदा भएका छन् ।

पुनर्गठित मन्त्रिपरिषदमा टोपबहादुर रायमाझी उर्जा मन्त्री भएका छन् । त्यस्तै मणि थापा खानेपानी, प्रभु साह शहरी विकास र प्रेम आले वन मन्त्री भएका छन् ।

त्यस्तै गणेश ठगुन्ना सामान्य प्रशासनमन्त्री र गौरी शंकर चौधरी श्रम मन्त्री भएका छन् भने दावा लामा युवा तथा खेलकुद मन्त्री भएका छन् ।

जुली कुमारी महतो महिला बालबालिका मन्त्री भएकी छन् भने विमला विश्वकर्मा उद्योग राज्यमन्त्री बनेकी छन् ।

यसअघि स्वास्थ्यमन्त्री रहेका भानुभक्त ढकाल पर्यटन र संघीय मामिला मन्त्री रहेका हृदयेश त्रिपाठी स्वास्थ्य मन्त्री बनेका छन् ।

यसअघिका महिला बालबालिका मन्त्री लीलानाथ श्रेष्ठ कानून र कानूनमन्त्री शिवमाया तुम्बाहाङ्फे भूमिसुधार मन्त्री बनेकी छन् । भूमिव्यवस्था मन्त्री पद्मा अर्यालले कृषि मन्त्रालयको जिम्मेवारी पाएकी छन् ।

त्यस्तै शहरी विकास मन्त्री कृष्ण गोपाल श्रेष्ठ शिक्षामन्त्री भएका छन् । नवमन्त्रीहरुले शीतल निवासमा शपथ लिएका छन् ।

इन्स्ट्यान्ट म्यासेजिङ एप ह्वाट्सएप अब केही स्मार्टफोन मोडलहरुमा नचल्ने भएको छ । २०२१ को पहिलो अर्थात् १ जनवरी देखि नै ह्वाट्सएपको सपोर्ट केही फोनमा अन्त्य हुनेछ ।

ह्वाट्सएपले उक्त मितिदेखि एन्ड्रोइड र आइओएस दुबै अपरेटिङ सिस्टममा सञ्चालन भइरहेका फोनलाई सपोर्ट गर्ने छैन । यसले पुरानो भर्सनको सफ्टवेयरमा पनि काम गर्ने छैन ।

रिपोर्टका अनुसार ह्वाट्सएपले आइओएस ९ र एन्ड्रोइड ४.०.३ अपरेटिङ सिस्टम वा त्यसभन्दा पुरानो भर्सनमा चलिहरेका स्मार्टफोनमा काम गर्ने छैन ।

यसको मतलब आइफोन फोरमा पनि ह्वाट्सएप नचल्न सक्छ । तर यसपछि आएका आइफोन फोर एस, आइफोन फाइभ सी, आइफोन फाइभ एस, आइफोन सिक्स, आइफोन सिक्स एसमा पुराना सफ्टवेयर छन् भने तिनलाई अपडेट गर्न सकिने रिपोर्टमा उल्लेख छ ।

अपडेट गरेपछि ती मोडलमा ह्वाट्सएप प्रयोग गर्न सकिनेछ । तर एन्ड्रोइडमा भने ४.०.३ भन्दा पुरानो भर्सनमा ह्वाट्सएपले सपोर्ट गर्ने छैन ।

पुरानो भर्सनको फोनका लागि सफ्टवेयर अपडेट गर्न सम्भव नभएको हुदा ह्वाट्सएपले समय समयमा यस्तो गर्दै आइरहेको छ । Techpana

कोरोना माहामारिका बिच नेपालसहित विश्वभरका क्रिश्चियन धर्मालम्बीहरूले शुक्रवार (आज) क्रिसमस डे पर्व मनाउँदैछन् । हरेक वर्ष २५ डिसेम्बरमा येशु ख्रिष्टको जन्मदिनको खुसियाली मनाउने परम्पराअनुसार क्रिश्चियन धर्मालम्बीले क्रिसमस मनाउन लागेका हुन् ।

दुई हजार वर्षअघि जेरुसेलमको बेथलेहममा कन्या मरियमको कोखबाट येशुको जन्म भएको मानिन्छ । येशुलाई जिसस क्राइस्ट पनि भनिन्छ । उनले मानव समुदायका लागि पु¥याएको योगदानको सम्झनामा इस्वी संवत् चलाइएको विश्वास गरिन्छ । क्रिसमस येशुको शिक्षा एवं उपदेशको मनन गर्नुका साथै प्रेम प्रकट गर्दै, शुभकामना तथा उपहार आदानप्रदान गरिन्छ ।

ख्रिष्टमसका अवसरमा आज देशभरका चर्चमा प्रार्थनालगायत कार्यक्रम गरी येशु ख्रीष्टको सम्झना गरिँदैछ । नेपालमा ४ सय वर्ष अघिबाट क्रिसमस मनाउन थालिएको राष्ट्रिय ख्रिष्टियन महासंघका पदाधिकारीहरु बताउँछन् ।

नेपाल धर्मनिरपेक्ष हुनुअघि देशभर छरिएर रहेका ख्रीष्टियन समुदायले क्रिसमस पर्वलाई विशेषगरी विभिन्न मण्डली (चर्च) र ख्रीष्टियन संघसंस्थाभित्र नै मनाउँदै आएका थिए । हाल नेपालभर १२ हजारभन्दा बढी चर्च र ३० लाखभन्दा बढी ख्रिष्टियन समुदाय रहेको अनुमान छ ।

यस बर्ष बिश्वभरि नै कोरोना माहामारिका कारण बिभिन्न चाडपर्वहरुमा सावधानी अपनाउन आग्रह गरिएको छ ।

बाराको निजगढमा निर्माण हुने आँखा अस्पतालको बिषयमा बिहिवार त्रिपक्षिय छलफल गरिएको छ ।

तिलगंगा आँखा अस्पतालको सहयोगमा निर्माण हुने आँखा अस्पतालकालागि लगानी जुटाउने एलिना भिजन, समन्वयकर्ता तिलगंगा आखा अस्पताल र निजगढ नगरपालिकाबीच छलफल भएको हो । अस्पताल निर्माण र व्यवस्थापनको धारणा सम्बन्धमा छलफल भएको निजगढका मेयर सुरेश कुमार खनालले बताए ।

तिलगंगाले निजगढमा अस्पताल निर्माण गराउन २०७५ कार्तिक ९ गते निजगढ नगरपालिकासंग सम्झौता गरेको थियो । तेतिबेला आँखा अस्पताल निर्माणकालागि निजगढ नगरपालिकाको तर्फबाट नगर प्रमुख सुरेस कुमार खनाल र अस्पतालको तर्फबाट नेपाल आखा कार्यक्रम तिलगंगा आखा प्रतिस्ठान काठमाडौंका कार्यकारीणी सदस्य सिद्धिलाल श्रेष्ठले सहमतिपत्रमा हस्ताक्षर गरेका थिए । निजगढ नगरपालिकाले आँखा अस्पताल निर्माणकालागि वडा नम्बर ९ मा रहेको प्राथमिक स्वास्थ्य केन्द्रको जग्गा उपलब्ध गराएको छ ।

नेपालको अन्धोपन सर्वेक्षण २०१२ को प्रतिवेदन अनुसार नेपालमा सबैभन्दा बढी दृष्टि विहिनताको उच्च दर रहेको जिल्लामध्येमा बारा जिल्ला परेपनि जिल्लामा आँखा अस्पतालको सेवा नहुँदा सेवाग्राहीहरू अन्यत्र उपचार गराउन जानुपर्ने बाध्यता रहेको छ । जिल्ला भरिमै सुविधायुक्त आखा अस्पतालको व्यवस्था नभएकाले निजगढमा सुविधा सम्पन्न आखा अस्पतालको आवश्यकता महशुश भएकाले निजगढ नगरपालिकाले आखा अस्पताल निर्माणकालागि पहल र आवश्यक सहयोग गरेको निजगढका मेयर खनालले बताउनुभयो ।

आँखा अस्पताल निर्माण पश्चात बारा लगायत रौतहट, मकवानपुर, सर्लाही र भारतीय नागरिकहरुले समेत सर्वसुलभ रुपमा आँखा उपचारको सेवा प्राप्त गर्नसक्नेमा आफुले आशा लिएको खनालले बताए ।

छलफलमा अस्पताल निर्माणकोलागि आर्थिक सहयोग गर्ने दातृ निकाय एलिना भिजनका चिफ अपरेटिङ अफिसर बसन्त कुमार, नेपाल आँखा कार्यक्रम तिलगंगा आँखा प्रतिस्ठान काठमाडौंका कार्यकारीणी सदस्य सिद्धिलाल श्रेष्ठ, तिलगंगा आँखा अस्पतालका डाक्टर मोहनकृष्ण श्रेष्ठ, नेपाल रेडक्रस सोसाईटी निजगढ उपशाखाका सभापति नारायण प्रसाद शर्मा, निजगढका मेयर सुरेश कुमार खनाल लगायत जनप्रतिनिधिहरुको सहभागिता रहेकोथियो । छलफल पश्चात अस्पताल निर्माण हुने स्थल र प्राथमिक स्वास्थ्य केन्द्र निजगढको समेत अवलोकन गरिएको श्रोतले बताएको छ ।

सिंगापुरको संस्था एलिना भिजनले भियतनाममा आँखा अस्पताल निर्माण गरेको र नेपालमा पनि आँखा अस्पताल निर्माण गर्ने योजना रहेको भारतीय मूलका चिफ अपरेटिङ अफिसर बसन्त कुमारले जानकारि दिए ।

रौतहट प्रहरिले चोरिको मोटरसाईकल सहित एक जनालाई पक्राउ गरेको छ ।

बुधवार बेलुका प्रहरिले गौर चन्द्रनिगाहपुर सडक खण्डमा सवारि चेक जाँच गर्ने क्रममा ईलाका प्रसासन कार्यालय गरुडा अगाडिबाट चोरिको मोटरसाईकल सहित गढिमाई ६ धर्मपुर टोलका २० बर्षिय रबिन्द्र रायलाई पक्राउ गरेको हो । रायले चलाएको BR 30 V 3547 नम्बरको कालो रंगको बजाज पल्सर मोटरसाईकल रोकी चेकजाँच गर्ने क्रममा कागजपत्र नरहेको र खान्तलासिका क्रममा बिभिन्न ५ ओटा साँचो बरामद भएको जिल्ला प्रहरि कार्यालय रौतहटले जनाएको छ ।

रायको पाईन्टको खल्ति चेकजाँच गर्ने क्रममा SPARK, ULTRON 099, Hero, TVS, MINDA नामको गरि ५ थान साँचो बरामद भएको प्रहरिले बतायो ।

उनलाई जिल्ला अदालतबाट १० दिनको म्याद थप गरि हिरासतमा राखेर अनुसन्धान भईरहेको प्रहरिले जानकारि दिएको छ ।

नेपाल कम्युनिस्ट पार्टी (नेकपा) को पुष्पकमल दाहाल प्रचण्ड र माधवकुमार नेपाल समूहले संसद् विघटनको विरुद्धमा देशभर आन्दोलन गर्ने घोषणा गरेको छ । काठमाण्डौमा शुक्रबारदेखि केही न केही प्रदर्शन र १४ गते देशव्यापी रूपमा आन्दोलन गर्ने निर्णय भएको प्रचण्ड–नेपाल समूहका नेताहरूले बताएका छन् ।

बिहीबार बसेको केन्द्रीय कार्यसमिति बैठकले आन्दोलनका लागि प्रवक्ता नारायणकाजी श्रेष्ठको नेतृत्वमा आन्दोलन परिचालन समितिसमेत बनाएको छ । बैठकले प्रवक्ता श्रेष्ठको संयोजकत्वमा २५ सय एक सदस्यीय आन्दोलन परिचालन समिति बनाउने निर्णय गरेको हो ।

यस्तै संसद् विघटनको विरुद्धमा नेकपाको प्रचण्ड–नेपाल पक्ष सर्वोच्च अदालत र निर्वाचन आयोग जाने भएको छ । बिहीबार भएको प्रचण्ड–नेपाल पक्षको स्थायी कमिटीको बैठकले संसद् विघटनको विरुद्धमा शुक्रबार (भोलि) बिहान सर्वोच्च अदालतमा जाने निर्णय गरेको एक नेताले जानकारी दिएका छन् ।

नेकपाको बहुमत स्थायी कमिटी तथा केन्द्रीय कमिटी आफ्नो पक्षमा रहेकाले आफ्नो पक्षका निर्णयलाई वैधता दिन निर्वाचन आयोग जाने निर्णय गरेको प्रचण्ड–नेपाल समूहका एक नेताले बताएका छन् । 

नेपालमा बिहीबार थप ६१३ जनामा कोरोना पुष्टि भएको छ ।

यो संगै नेपालमा कोरोना संक्रमितको संख्या २ लाख ५६ हजार ५९२ पुगेको छ । त्यस्तै कोरोनाका कारण थप ५ जनाको मृत्यु भएको छ । यो संगै नेपालका कोरोना संक्रमणबाट मृत्यु हुनेको संख्या १८ सय ८ पुगेको छ ।

त्यस्तै थप ७३९ जना कोरोनामुक्त भएका छन् भने हालसम्म २ लाख ४७ हजार ४ सय जना निको भएका छन् ।

नेपालमा हाल ७ हजार ३८४ जना आइशोलेशनमा छन् भने ४०० जना क्वारेन्टाइनमा छन् । नेपालमा हालसम्म १८ लाख ९६ हजार २५० वटा पिसिआर गरिएको छ ।

रौतहटको चन्द्रपुरमा बिहिवार सशस्त्र प्रहरी परिवार महिला संघले बिपन्न परिवारलाई न्यानो कपडा वितरण गरेको छ ।

चन्द्रपुर १ स्थित जुडिबेलाका दलित, बिपन्न परिवारलाई संघले कम्बल, झुल, सल लगाएतको न्यानो कपडा वितरण गरेको हो । २ सय २३ परिवारलाई संघकी अध्यक्ष सरिता कँडेल खनालको उपस्थितीमा न्यानो बितरण गरिएको हो ।

तराईमा दलित तथा बिपन्न परिवारलाई जाडो र शितलहरले अत्यधिक प्रभावित पार्ने गरेको छ ।

राष्ट्रिय जनमोर्चाका अध्यक्ष चित्रबहादुर केसीले प्रधानमन्त्री केपी शर्मा ओलीले प्रतनिधि सभा विघटन गरेर देशलाई भड्खालोमा हालेको टिप्पणी गरेका छन् ।

बिहीबार बुटवलमा पत्रकारहरुसँग कुरा गर्दै नेता केसीले भने, ‘पार्टीभित्रको गुटको विवाद समाधान गर्न नसकेर संसद भंग गरी देशलाई भड्खालोमा हाल्ने काम संविधानमाथिको कू हो ।’

उनले ओलीको असंवैधानिक कदमलाई सर्वाेच्च अदालतले सच्चाएर प्रतिनिधि सभा पुनर्स्थापित गरेर निकास दिनुपर्ने बताए ।

जनमतको अपमान गर्ने अधिकार ओलीलाई नभएको भन्दै उनले सर्वोच्च अदालतले संसद पुनर्स्थापित गर्ने विश्वास व्यक्त गरे ।

कोरोना महामारीका कारण मुलुकको अर्थतन्त्र तहसनहस भएको बेला निर्वाचनमा अर्बाैं रकम खर्च गर्ने सामर्थ्य देशको नभएको केसीको तर्क छ । Onlinekhabar