- राज बिश्वकर्मा, सप्तरि ।
प्रधानमन्त्री केपि शर्मा ओलीले संसद बिघटन गरेपछि मुलुकमा बिभिन्न टिका टिप्पणी र बिरोध प्रदर्शन भईरहेका बेला नेपाली कांग्रेस सप्तरिले सोमवार बृहत अगुवा कार्यकर्ता भेला तथा रक्तदान कार्यक्रम सम्पन्न गरेको छ ।
जिल्लाको शम्भुनाथ नगरपालीकामा कांग्रेसले अगुवा कार्यकर्ता भेला सँगै रक्तदान कार्यक्रम गरेको हो । कांग्रेस शम्भुनाथ नगर कमिटि सभापती सुरेन्द्र प्रसाद गुप्ताको संयोजकत्वमा भएको कार्यक्रममा कांग्रेसका केन्द्रिय सदस्य एवं पुर्व मन्त्री मोहन बहादुर बस्नेतको प्रमुख आतिथ्यता रहेको थियो । कार्यक्रमलाई सम्बोधन गर्दै पुर्व मन्त्री बस्नेतले संसद बिघटन गर्नु ओलीको ठुलो मुर्खता भएको र यस्ले देशलाई फाईदा नपुग्ने बताए ।
फरक प्रशंगमा बोल्दै पुर्व मन्त्री बस्नेतले कोरोनाको संकटका बेला हुन सक्ने रक्त अभावलाई केहि मात्रामा भएपनी परिपुर्तीका लागी भएको रक्तदान कार्यक्रममा रक्तदान गर्नेहरुलाई धन्यवाद प्रकट गरेका थिए । नगर प्रमुख योगेन्द्र प्रसाद चौधरि, उप–प्रमुख कबिता कुमारि सरदार सहितका जिल्लाका कांग्रेस नेता, कार्यकर्ताहरुको उपस्थितीमा भएको कार्यक्रममा १० जनाले रक्तदान गरेका थिए ।
शम्भुनाथ नगरपालीकाको वडा नम्बर ६ स्थित कठौना बजारमा भएको कार्यक्रममा कांग्रेसका जिल्ला सभापती दिनेस कुमार यादव, वडाध्यक्षहरु २ नं. वडाका दुर्गानन्द भगत, ३ का सत्रूघन प्रसाद चौधरि, ८ का लक्ष्मिकान्त चौधरि, ९ का मनोज कुमार चौधरि, ११ का शम्भु प्रसाद चौधरि र १२ का लक्ष्मि साह सहितका ब्यक्तिहरुको उपस्थिती रहेको कार्यक्रम उद्घोषक बिरेन्द्र कुमार पण्डितले जानकारि दिए ।
रौतहटमा मोटो रकम ठगी गरेको आरोपमा एक ब्यक्ति पक्राउ परेका छन । पक्राउ पर्नेमा बृन्दावन नगरपालीका ६ हर्षाहा टोल बस्ने बर्ष २८ का अनिल कुमार पटेल रहेका छन ।
उनलाई २३ जना किसान सँग किस्ता वापतको रकम बुझाउने भन्दै उठाएर ठगी गरेको आरोपमा प्रहरिले पक्राउ गरेको हो । प्रहरिका अनुसार ओम्नि अटो मोबाईल प्रा.लि. चन्द्रनिगाहपुर स्थित ट्याक्टर स्वरुमबाट किस्तामा ट्याक्टर खरिद गरिएकोमा उक्त स्वरुममा किस्ता वापतको रकम बुझाउने भन्दै २३ जना किसानसँग ४४ लाख ७८ हजार पाँचसय रुपैँया उठाई ठगी गरेको उजुरि परेपछि पटेललाई पक्राउ गरिएको हो ।
उनले २०७५ श्रावण देखि बिभिन्न मितिमा बुझाउने भन्दै किस्ता वापतको रकम उठाई किस्ता बुझाएका थिएनन् । उनलाई आईवार पक्राउ गरि जिल्ला अदालतबाट ७ दिनको म्याद थपि अनुसन्धान भईरहेको जिल्ला प्रहरि कार्यालय रौतहटले जनाएको छ ।
प्रतिनिधिसभा विघटन भएकाे विषम परिस्थितिमा प्रधानमन्त्री केपी शर्मा ओलीले आज देशवासीका नाममा सम्बोधन गर्दै हुनुहुन्छ ।
प्रधानमन्त्रीका प्रेस सल्लाहकार सूर्य थापाका अनुसार प्रधानमन्त्रीले साेमबार अपराह्न ३ बजे सरकारी टेलिभिजनमार्फत् देशवासीकाे नाममा सम्बोधन गर्न लाग्नुभएकाे हाे ।
संघीय संसद विघटन गरेर २०७८ काे वैशाखमा निर्वाचन घोषणा गर्नुभएका प्रधानमन्त्रीले संसद विघटन गर्नुकाे कारणबारे जनतासामु प्रस्ट पार्न देशवासीका नाममा सम्बाेधन गर्न लाग्नुभएकाे हाे ।
प्रधानमन्त्री ओलीले सोमबार बिहानैदेखि आफूनिकट सांसदहरूलाइ बालुवाटारमा भेला गराएर छलफल गरिरहनुभएकाे छ।
राधेश्याम प्रसाद कुशवाहा, चन्द्रनगर /नेपाली काग्रेसका केन्द्रिय सदस्य तथा पूर्व मन्त्री अजय चौरसियाले आइतबार प्रधानमन्त्री केपी शर्मा ओलीले गरेको सिफारिसका आधारमा राष्ट्रपति विद्यादेवी भण्डारीले प्रतिनिधिसभा विघटन गरेपछि नेपालमा रहेका किसानहरुलाई ऋणमा डुबाएको बताएका छन ।
सर्लाहीको चन्द्रनगर गाउँपालिका वडा नं. १ मा कोरोना तथा जाडो बाट प्रभावित दलित परिवारलाई राहत वितरण कार्यक्रमलाई सम्बोधन गर्दै चौरसियाले सो कुरा बताएका हुन । कार्यक्रमका प्रमुख अतिथि समेत रहेका केन्द्रिय सदस्य चौरसियाले संसद विघटनले सरकारको सम्बन्ध जनता तथा किसान सँग टुटेको र विभिन्न बैंकबाट किसानहरुले ऋण लिएकोले ऋण लिएका सबै किसानलाई नेकपा सरकारले डुबाएको उनको जिकिर छ ।
दुई तिहाइको सरकारले गरिबको हक हितको बारेमा नसोँचेको, कोरोनाबाट पिडित मानिहरुलाई व्यवस्थित नगरेको, लोकतन्त्रको मान्यताहरुलाई कमजोर गरेको, नागरिकको मर्म विपरीत काम गरेको नेपाली काग्रेसका केन्द्रिय सदस्य चौरसियाले बताए । अर्को प्रसंगमा बोल्दै केन्द्रिय सदस्य चौरसियाले नेकपा सरकारको ध्यान जनता तथा किसानमा नगई भ्रष्टाचार कसरी हुन्छ भन्ने तर्फ मात्र गएको र नेकपाको आन्तरीक कलहमा गएको बताए ।
वरिष्ट पत्रकार चन्द्रकिशोर झाको पहलमा अष्ट्रेलियामा रहेका नेपालीहरुले नेपाल अष्ट्रेलिया प्रजातन्त्रिक मंच द्धारा तराईका चमार, दुषाद, मुसहर लगायतका अति बिपन्न १ सय २५ दलित परिवारलाई राहत सामाग्री बितरण गरिएको छ । राहत स्वरुप २० किलो चामल, दाल २ किलो, खाने तेल आधा लिटर, नुन, नुहाउने साबुन लगायतका सामग्री वितरण गरिएको थियो ।
नेपाली काँगे्रसको तर्फबाट चन्द्रनगर गाउँपालिका उपाध्यक्षकी प्रत्यासी एवं वडा सभापति शान्तिदेवी साहको अध्यक्षता तथा पार्टीका केन्द्रिय सदस्य एवं पूर्वमन्त्री अजय चौरसियाको प्रमुख आतिथ्यतामा आयोजित राहत वितरण कार्यक्रममा वरिष्ठ पत्रकार चन्द्रकिशोर झा, कांगे्रसका महाधिवेशन प्रतिनिधि अशोक कुमार गुप्ता, महाधिवेशन प्रतिनिधि सोनेलाल साह, प्रदेश सभा सदस्यका प्रत्यासी सेख सहदुल्ला, प्रदेशका क्षेत्रीय सभापति अनिल कर्ण, वडा नं. २ का वडा सभापति मक्सुद आलम लगायतको उपस्थिति थियो ।
सर्लाही तथा रौतहट जिल्लाको पश्चिमी क्षेत्रमा पछिल्लो समयमा भारतीय नम्बरका सवारी साधनको प्रयोग व्यापकरूपमा बढेको छ ।
भारतको विहार राज्यसँग सिमाना जोडिएका प्रदेश नं २ का अधिकांश जिल्लामा खुलेआम भारतीय सवारी साधनको प्रयोग बढेको छ । भारतीय सवारी साधनले भन्सारसमेत नबुझाई नेपाली सडकमा खुलेआम बर्चश्व जमाइरहेको पाइएको छ । भारतीय सवारी साधन सडकमा बर्चश्व जमाइरहेको भए पनि सरोकारवाला निकायको ध्यान नपुगेको स्थानीय सर्वसाधारणको आरोप छ ।
सिमानामा २४ सै घण्टा रहने नेपाल प्रहरी र सशस्त्र प्रहरीले पनि यस्ता सवारी साधनलाई ध्यान नदिँदा नेपाल प्रवेश गरेपछि भारतीय सवारी साधनको दादागिरी नेपाली बजारमा बढ्ने गरेको छ भने दिनदहाडै बिभिन्न आपराधिक कृयाकलाप पनी भईरहेका छन । बिना रोकटोक नेपाल प्रवेश गरेका भारतीय सवारीको प्रयोगले नेपाली भूमिमा आपराधिक गतिविधि हुनुका साथै तीव्रगतिमा सञ्चालन हुने यस्ता सवारी साधनका कारण दुर्घटनासमेत बढेको र बेथिति बढ्ने गरेको ट्राफिक प्रहरिको भनाई छ ।
सरकारको आर्थिक प्रतिवेदनमा भारतीय सवारी साधनलाई आवश्यक भन्सार तिरेपछि एक महिनाका लागि नेपालभर सञ्चालन गर्न पाउने व्यवस्था भए पनि प्रदेश नं २ का अधिकांश नागरिकको घरघरमै भारतीय नम्बरका सवारी साधन रहेको पाइएको छ । प्रदेश नं २ का अधिकांश नागरिकको छिमेकी देश भारतसँग कुनै न कुनै रूपमा सम्बन्ध रहेको र उतैबाट खरिद गरी नेपालमा ल्याएर निर्वाधरूपमा सञ्चालन गर्ने गरिएको छ ।
भारतबाट भित्रिने भारतीय सवारी साधनको भन्सार कार्यालय, जिल्ला प्रहरी कार्यालय तथा ट्राफिक प्रहरी कार्यालयसँग कुनै तथ्याङ्क वा विवरण नहुँदा दुर्घटना हुँदासमेत भारतीय सवारी साधन फरार हुने र प्रहरीले फेला पार्न नसक्ने अवस्था रहेको भन्दै जिल्लावासीले गुनासो गर्ने गरेका छन् । यसरी नियमविपरीत सञ्चालित भारतीय सवारी साधनलाई कानूनबमोजिम कारवाही हुनुपर्ने स्थानीयवासीको माग छ ।
जिल्लामा कतिपय सरकारि कार्यालयका कर्मचारि, प्रायः पत्रकार तथा जनप्रतिनिधिहरुले निर्वाध रुपमा भारतिय सवारि साधन प्रयोग गरिरहेका छन ।
केहि समय अघि सर्लाहीको बागमति नगरपालीकाका प्रमुख (मेयर) भरत कुमार थापा प्रति साँघु न्युज नामक पत्रीका तथा अनलाईनमा प्रकाशित समाचार प्रति मेयर थापाले खण्डन गर्दै पुष्टि गर्न चुनौती दिएका छन ।
गएको कार्तिक महिनामा साँघु साप्ताहिक र साँघु न्युजमा ‘सर्लाहीको बागमती नगरपालिका भ्रष्टाचारको केन्द्र ः मेयरको खेती, अर्बको गिटीबालुवा विक्री गर्ने, एक रुपैयाँ आम्दानी नबाँध्ने’ शिर्षकमा समाचार प्रकाशन भएको थियो । समाचारमा लगाइएको आरोप र गलत तथ्यांकसहितको समाचारप्रति नगरपालिकाको गम्भीर ध्यानाकर्षण भएको मेयर थापाले बताएका छन ।
गलत तथ्यांक उल्लेख भएको समाचारले नगरपालिकाको मेयर थापाको व्यक्तिगत छविमाथि असर परेको जानकारी गराउँदै नगरपालिकाले हालसम्म गरेका विकास निर्माणका काम आम नागरिकको मागलाई ध्यान दिँदै पूर्ण पारदर्शीरुपमा सञ्चालन भइरहेको व्यहोरा उल्लेख गरेको छ । समाचारमा मेयरलाई संजय टक्लासँग जोडेर बद्नाम गराउने प्रयास भएको र उनीसँग कुनै सम्बन्ध नरहेको बताउँदै आजको दिनसम्म कसैको कर्मचारी वा ज्याला मजदूर भएर काम नगरेको समेत उल्लेख गर्न चाहेको मेयर थापाद्वारा बताईएको छ ।
त्यसैगरी जनयुद्धको समयमा तत्कालीन माओवादीका लोक रोशन प्रधानले बैंक लुटेर ल्याएको पैसा राख्न दिएको र उनको निधन पछि सो पैसा मेयर थापाले पचाएको, सोही पैसाले क्रसर सञ्चालन गरेको भन्ने आरोप अत्यन्त निराधार रहेकोले पुष्टि गर्न समेत मेयर थापाले प्रकासकलाई चेतावनी दिएका छन ।
जननिर्वाचित मेयरलाई ठेकेदारजस्ता विभिन्न संज्ञा दिएर बद्नाम गराउन रचिएको निराधार र कपोकल्पित समाचारले स्थानीय तहको मनोबल खस्किन पुगेको उल्लेख गर्दै थापाले समाचारमा उल्लेख गरिएका आरोपहरु भ्रामक र मेयरको छवि धुमिल पार्ने किसिमको भएकाले समाचारको पुष्टि गर्न चुनौती दिँदै समाचारको खण्डन गरेको बताएका छन ।
प्रदेश २ का मुख्यमन्त्री लालबाबु राउत गद्दीले प्रधानमन्त्री केपी शर्मा ओलीको संघीयता र गणतन्त्र विरोधी मानसिकता उजागर भएको बताएका छन् ।
संविधानमा व्यवस्था नै नभएको आधारलाई टेकेर प्रधानमन्त्री ओलीलेले संसद विघटन गरेर प्रतिगामीलाई फाईदा गराएको आरोप लगाए ।
उनले भने, ‘प्रधानमन्त्रीको कदमले उनीभित्रको संंघीयता, गणतन्त्र र परिवर्तन विरोधी मानसिकताको प्रतिबिम्ब झल्किएको छ,’ उनले भने, ‘मुलुकमा द्वन्दमा जान सक्ने अवस्था देखिएको छ ।’
प्रधानमन्त्रीले जे मन लाग्यो त्यही गरेर देशको हित विपरीत अघि बढेको आरोप उनको छ । ‘प्रधानमन्त्री संविधान संवत चल्नुपर्छ तर उनले जे-जे मन लाग्छ गरेका छन्,’ मुख्यमन्त्री गद्दीलेे भने, ‘ आफू बाहेक अरु कोही छैन भन्ने ठानेर कदम चालिएको छ । जुन देश, जनता, संघीयता, गणतन्त्र र परिवर्तनका लागि घातक छ ।’
संविधानमा प्रधानमन्त्रीले संसद विघटनका लागि सिफारिस गर्न सक्ने प्रावधान नै नभएको जिकिर गर्दै उनले सर्वोच्च अदालतले संसद व्युँताउने वा सभामुखले विशेष अधिकार प्रयोग गरेर संसद बैठक बोलाउन सक्ने बताए । अनलाईन खबरबाट …
संवैधानिक परिषदद्वारा राष्ट्रिय दलित आयोगको सदस्यमा सिफारिस परशुराम रम्तेलले उक्त पद अस्वीकार गरेको घोषणा गरेका छन् ।
आइतबार उनले फेसबुकमार्फत संविधानको मर्म र भावना विपरीत संवैधानिक परिषदसम्बन्धी अध्यादेश जारी गरी दलित आयोगमा आफ्नो सहमतिविना सिफारिस गरिएको उल्लेख गरेका छन् ।
‘मेरो सहमतिविना मेरो नाम सिफारिस गरिएको छ, सहमतिविपरीत नैतिक दृष्टिले पनि गलत तरिकाले गरिएको असंवैधानिक सिफारिसको र असंवैधानिक तरिकाले गरिएको संसद विघटनको ठाडै विरोध र अस्वीकार गर्दछु’ उनले भनेका छन् ।
गोरखाका रम्तेल पहिलो संविधानसभा सदस्य थिए ।
दिपेन्द्र जयसवाल/बारा : निजगढ बकैया पुलको दक्षिणतर्फको खोला किनारको तटबन्धमा जाली भर्न चोरी, तस्करी गरी ल्याइएका ढुङ्गा लोड ट्याक्टरसहित चालकमाथि डिभिजन वन कार्यालय सिमराले म्याद थप गरी अनुसन्धान अघि बढाएको छ।
बाराको निजगढ नगरपालिका भरतगंजसिगौलको बगर र धन्सार खोलाबाट चोरी, तस्करी गरी ल्याइएको ढुङ्गा राष्ट्रिय गौरवको आयोजना दोस्रो अन्तर्राष्ट्रिय विमानस्थलको तटबन्धको तारजालीमा प्रयोग गर्न ल्याइरहेको अवस्थामा तटबन्ध स्थल नजिकै ट्याक्टर र सोका चालकहरू चार दिनअघि पक्राउ परेका थिए। खानी भुवनेश्वरी जोशी जेभीले तटबन्ध गर्न ठेक्का सकार गरेर अवैध ढुङ्गा प्रयोग गरिरहेको छ। तटबन्ध गर्न तारजालीमा ढुङ्गा भर्न ४० हजार ८५ घनमिटर ढुङ्गा लाग्ने दोस्रो अन्तर्राष्ट्रिय विमानस्थल आयोजना कार्यालय सिमराले जनाएको छ।
एक साताअघि निजगढमा अवैध ढुङ्गासहित पक्राउ परेको एकवटा टिपर र चालकमाथि पनि म्याद थप गरी अनुसन्धान शुरू भएको डिभिजन वन कार्यालय सिमराले जनाएको छ। स्थानीय तहले कडाइ नगर्दा निजगढमा नदीजन्य पदार्थ ढुङ्गा चोरी, तस्करीका घटना बढिरहेको छ। निजगढ नगरपालिका वडा नं. ४ मा रहेको मोहोरी बागदेव, निजगढ नगरपालिका वडा नं.१० मा रहेको भालुखोला, लालखोला, भमरा, बुङ्जोर खोला, बगर खोला, धन्सार खोला र चुरे पहाड फेदका ढुङ्गासमेतको चोरी, तस्करी भइरहेको छ।
मोहोरीस्थित नेपाली सेनाले निर्माण गरिदिएको बेलीब्रिज पार गर्दै चुरेको झोलुङ्गे पुल आसपासको बकैया खोलाबाट दिनदहाडै ढुङ्गा, चोरी तस्करी हुदा पनि नेपाली सेना, सशस्त्र प्रहरी अस्थायी बेस लाल समेत मौन छन्।
आफूहरूले भ्याएसम्म कडाइ गरेको र बेलाबखत नियन्त्रणमा लिई सम्बन्धित निकायलाई बुझाइदिएको त्यहाँका सेना र सशस्त्र प्रहरीले बताउने गरे पनि ढुङ्गा तस्करको मनोबल घटेको छैन। यसतर्फ सम्बन्धित वडा कार्यालयले चासो नराख्दा पनि तस्करहरूको मनोबल बढेको छ।
जिल्ला समन्वय समिति बाराले निजगढका क्रसर उद्योगहरू तत्कालका लागि बन्द गर्न स्थानीय तह निजगढ नगरपालिकालाई निर्देशन दिएको छ।
निजगढ, कोल्हवी भएर बग्ने बकैया र धन्सार खोलामा जुनसुकै ढङ्गले भइरहेको उत्खनन, सङ्कलन कार्यलाई तत्कालै बन्द गर्ने निर्णय गरी उक्त निर्देशन दिएको जनाइएको छ। अनुगमनका क्रममा ठेक्का नलागेका खोलाबगरहरूमा समेत जथाभावी नदीजन्य पदार्थको उत्खनन, दोहन भइरहेको पाइएकोले सो निर्देशन दिएको जिल्ला समन्वय समिति बाराका संयोजक नवलकिशोर सिंहले बताएका छन्।
खोलामा मानिसले समेत ८/१० फिटभन्दा गहिरो खाडल खन्दै नदीजन्य पदार्थ झिक्ने गरेको पाइएपछि सो कार्य तत्कालै बन्द गर्न सम्बन्धित नगरपालिकालाई निर्देशन दिएका हौं, उनले भने। निजगढमा रहेका क्रसर उद्योगहरूका नदीजन्य पदार्थ रोडा, गिट्टी, बालुवाको मौज्दाद, सङ्कलन प्रक्रियासहित आवश्यक कागजात जिल्ला समन्वय समितिमा पेश गर्न स्थानीय तह निजगढ नगरपालिकालाई जानकारी दिइसकेको र सो सम्बन्धमा अर्को निर्णय नहुन्जेलसम्मका लागि क्रसर उद्योगहरू बन्द गर्न निर्देशन दिएको संयोजक सिंहले जानकारी दिएका छन्।
यसअघि वनक्षेत्र, आरक्ष, निकुञ्जदेखि २ किलोमिटरभित्र पर्ने, स्थानीय सुरक्षा निकाय, शैक्षिक संस्थादेखि १ किलोमिटरभित्र रहेका क्रसरलाई तीन वर्षभित्र बन्द वा स्थानान्तरण गर्नुपर्ने २०६७ चैत ६ गते सर्वोच्च अदालतद्वारा गठित अनुमगन समितिले मापदण्ड निर्धारण गरेको थियो। म्याद सकिए पनि करीब ३ वर्ष म्याद थप्दै क्रसर उद्योग चल्दै आइरहेको र पछिल्लोपटक म्याद थप नहुँदा पनि क्रसर उद्योग निर्बाध चल्दै आइरहेका छन्।
क्रसर उद्योग वर्षौंदेखि नवीकरण नभए पनि आन्तरिक राजस्व कार्यालयले राजस्व बुझ्ने, विद्युत् सेवा उपलब्ध गराइरहने जस्ता उद्योगका लागि आवश्यक सेवा कटौती नगर्ने, उद्योग सञ्चालन गर्न विकल्प पनि नदिने अनि नवीकरण पनि नगर्ने दोहोरो नीतिका कारण बेला बेलामा क्रसर उद्योगको नाम जोडेर सरकारप्रति स्थानीय नागरिकले आपत्ति प्रकट गर्ने गरेका छन्। त्यस बेला हामीले सबै प्रक्रिया पूरा गरी इजाजत लिई उद्योग चलाएका हौं। जसबाट सरकारलाई राजस्व बुझाइरहेका छौं क्रसर सञ्चालकहरू भन्छन्। त्यसपछि सरकारले मापदण्ड निर्धारण गर्यो। हामी यस अघि वा पछि जहिल्यै पनि उद्योग स्थानान्तरण गर्न तयार छौं।
तर त्यसका लागि सरकारले सडक, विद्युत्, खानीलगायतका उचित व्यवस्थापनसहितको स्थान उपलब्ध गराउन देशभरका क्रसर व्यवसायीहरूले माग गर्दै आइरहे पनि अहिलेसम्म उपलब्ध गराइएको छैन क्रसर सञ्चालकहरूको भनाइ छ। अहिले स्थानीय तहका सरकारलाई समेत हामीले उचित स्थान उपलब्ध गराउन निवेदन दिइसकेका छौं निजगढका क्रसर व्यवसायीहरूले भने।
यता निजगढ नगरपालिकाले औद्योगिक ग्रामको स्थान निश्चित गरी सो उद्योगहरूलाई सार्ने जनाउँदै आएको छ।