कोभिड–१९ का कारण सन् २०२० विश्वका लागि त्यति प्रभावकारी हुन सकेन । तर, प्रविधि क्षेत्रमा भने यो वर्ष अवसर जस्तै बनेर आएको छ ।
कोभिड–१९ का कारण सिर्जित समस्याको समाधान गर्ने टुलको रुपमा प्रविधिको प्रयोग बढ्दा यस क्षेत्रमा धेरै कुरा परिवर्तन भएका छन् । कतिपय कुराले आफ्नो राम्रो बजार बनाउन पाएका छन् ।
यही क्रममा ह्वाट्सएपमा पनि यो वर्ष धेरै कुरा परिमार्जन भए । सामान्य वर्षको तुलनामा यस वर्ष नयाँ सुविधा र अपडेटका हिसाबले ह्वाट्एपमा धेरै चिजहरु हामीले देख्न र प्रयोग गर्न पाएका छौं ।
त्यसमध्ये उत्कृष्ट पाँच नयाँ फिचरको बारेमा आज हामी यहाँ तपाईंलाई बताउँदै छौं । त्यी मध्ये कतिपय फिचर तपाईंहरुले प्रयोग गर्नु भएको पनि होला । तर केही फिचर प्रयोग नै नगरेका पनि हुनसक्छन् । यदि प्रयोग गर्नु भएको छैन भने तपाईंले ह्वाट्सएपमा आएका यस्ता फिचरको जानकारी राख्न सक्नुहुनेछ ।
डार्क मोड
ह्वाट्सएपले सन् २०२० को सुरुवातमै नयाँ फिचरको रुपमा डार्क मोड सार्वजनिक गरेको थियो । लामो समयदेखि प्रयोगकर्ताको प्रर्खाइको विषय रहेको यो फिचर ह्वाट्एसले सन् २०२० मा ल्याएका फिचर मध्ये सबैभन्दा प्रभावकारी फिचर हो ।
डार्कमोडको प्रयोगले प्रयोगकर्ताको आँखालाई आराम दिने मात्र नभई फोनको ब्याट्री पनि कम खपत हुने भएकाले समेत डार्क मोड पछिल्लो समय रुचाइँदै गएको हो ।
सात दिनपछि च्याट स्वतः डिलिट हुने फिचर
ह्वाट्सएपले केही समय अघिमात्रै म्यासेज आफैं बिलाएर जाने फिचर एन्ड्रोइड, आईओएस, वेब र डेस्कटप प्लेटफर्ममा ल्याएको थियो । यो फिचरले कुनै पनि म्यासेजलाई पठाएको सात दिनभित्र आफैं डिलिट गरिदिन्छ ।
यस किसिमको फिचर ह्वाट्सएप प्लेटफर्मका सबै प्रयोगकर्ताले व्यक्तिगत तथा ग्रुप च्याटमा समेत प्रयोग गर्न सक्छछन् । पर्सनल च्याटमा व्यक्तिले डिसअपियरिङ म्यासेज फिचरलाई इनेबल गर्ने वा डिसेबल गर्ने भन्ने कुरा आफैं चयन गर्न सक्छन् । तर ग्रुप च्याटमा भने यसको अधिकार एडमिनको हातमा हुन्छ ।
एडभान्स्ड सर्च
ह्वाट्सएपले वर्षको मध्यतिर एड्भान्स्ड सर्च फिचर सार्वजनिक गरेको थियो । यसले ह्वाट्सएपमा आएका म्यासेज बाहेक प्रयोगकर्तालाई जीआईएफ, भिडियो, अडियो र अन्य फाइलहरू छुट्टाछुट्टै रुपमा खोज्न सक्ने विकल्प दिएको छ । सर्चमा क्लिक गरी फोटो, टेक्स्ट, जीआईएफ, अडियो, भिडियो वा लिंक के खोज्ने हो, विकल्प छनौट गर्न सकिन्छ ।
८ जना सम्म ग्रुप कल
कोभिड–१९ कै कारण भिडियो कन्फ्रेन्सिङ एपका प्रयोग बढ्यो । त्यसैलाई मध्यनजर गर्दै ह्वाट्एपले समेत आफ्ना प्रयोगकर्तालाई आफ्ना आफन्त तथा प्रियजनसँग निरन्तर सम्पर्कमा रहन सकिने गरी भिडियो कलमा सहभागी हुनसक्नेको संख्यालाई बढायो ।
ह्वाट्सएपमा त्यसअघि चार जना व्यक्तिहरू मात्र ग्रुप भिडियो वा भ्वाइस कलमा सामेल हुन सक्दथे । त्यसलाई बढाएर ह्वाट्सएपले ८ जनासम्म सहभागी जोडिन सक्ने फिचर ल्याएको हो ।
स्टोरेज म्यानेजमेन्ट टूल
सन् २०२० को मध्यतिर ह्वाट्सएपले सार्वजनिक गरेको अर्को नयाँ फिचर भनेको स्टोरेज म्यानेजमेन्ट टूल पनि हो । जुन चर्चाको विषय समेत बन्यो ।
ह्वाट्एपमा आउने धेरै फाइलहरुलाई व्यवस्थित गर्न मिल्नेगरी ह्वाट्एसले यो फिचर सार्वजनिक गरेको हो । यसको अर्थ ह्वाट्सएपले उपलब्ध गराएको उक्त टुलमार्फत तपाईंले ह्वाट्सएपको स्टोरेज म्यानेजमेन्ट सेक्सनमा गएर ठूला फोटो, भिडियो तथा अन्य फाइलहरु अनावश्यक भएको खण्डमा डिलिट गर्ने सुविधा पाउन सक्नुहुन्छ । : TechPana
भारतले बासमती धानको भौगोलिक सङ्केत अधिकार स्थापित गर्न युरोपेली सङ्घमा निवेदन पेश गरेका विषयमा नेपाल सरकारले प्रतिवाद गर्ने भएको छ ।
उद्योग, वाणिज्य तथा आपूर्ति र कृषि तथा पशुपन्छी विकास मन्त्रालयका सचिव र सरोकार निकायका पदाधिकारीको बैठकले बासमती धानबारे भारतले गरेको दावीको प्रतिवाद गर्दै नेपालका तर्फबाट आधिकारिक दावी पेश गर्ने निर्णय गरेको छ ।
कृषि मन्त्रालयका प्रवक्ता डा.हरिबहादुर केसी बासमती धान परापूर्वकालदेखि नेपालको विभिन्न भौगोलिक क्षेत्रमा उत्पादन भएर विदेशमा समेत निर्यात हुने गरेकाले यसमा नेपालको समेत हक स्थापित हुनुपर्ने बताउँछन् । उनका अनुसार सो प्रयोजनका लागि नेपाल कृषि अनुसन्धान परिषद्, राष्ट्रिय कृषि आनुवांशिक स्रोत केन्द्रमार्फत तोकिएको म्यादमा दावी विरोध गर्ने निर्णयअनुसार नेपालका तर्फबाट केन्द्रले आधिकारिक दाबी पेश गर्ने निर्णय भएको छ ।
- परशुराम निरौला, लालबन्दी ।
सर्लाहीको लालबन्दीमा निर्मित बौद्ध गुम्बाको बुधवार एक समारोहका बिच उद्घाटन गरिएको छ । वडा नम्बर १३ स्थित तल्लो पत्थरकोटमा निर्मीत आर्य मन्जुश्री बौद्ध छोईलिङ गुम्वाको उद्घाटन गरिएको हो । सोही वडाका वडा अध्यक्ष शिवकृष्ण बैद्यद्वारा २०७३ सालको पुस ११ गते शिलान्यास भएको गुम्बाको बुधवार एक कार्यक्रम गरि संविधान सभा सदस्य एवं पूर्व मन्त्री काँग्रेस नेता शम्भुलाल श्रेष्ठले उद्घाटन गर्नुभएको हो ।
गुम्बा ब्यवस्थापन समितिका अध्यक्ष धन बहादुर ब्लोनको अध्यक्षतामा भएको कार्यक्रममा पूर्व मन्त्री श्रेष्ठले रिवन काट्दै १०८ ओटा दीप प्रज्वलन गरी गुम्वाको उदघाटन गर्नु भएको समितीका सचिव बुद्धसिंह लामाले बताउनुभयो । स्थानिय बीर बहादुर ब्लोनले प्रदान गरेको २ कठ्ठा जग्गामा करिव ९ लाख ८० हजारको लागतमा गुम्बा निर्माण सम्पन्न भएको हो ।
कार्यक्रममा मन्तब्य राख्दै वडा अध्यक्ष वैद्यले आगामी वर्ष बजेट विनियोजन गरेर गुम्वाको माथिल्लो तल्ला निर्माणमा सहयोग गर्ने बताउनु भएको थियो भने वडा सदस्य मोहन राउतले गुम्बाको थप भौतिक संरचना निर्माणका लागि व्यक्तिगत १० हजार रुपैयाँ सहयोग गर्ने प्रतिवद्धता व्यक्त गर्नु भएको थियो । त्यस्तै प्रमुख अतिथी शम्भुलाल श्रेष्ठले आफ्नो क्षेत्रका नागरीकका हरेक सुख दुःखमा आफु सँगै रहेकोले गुम्वाको मात्रै नभई समग्र क्षेत्रको विकासमै आफु कटिवद्ध भएर लाग्ने बताउनु भयो ।
बौद्ध दर्शन, प्रबर्धन तथा गुम्वा विकास समितिका केन्द्रीय सदस्य विश्व कुमार लामा विशिष्ट अतिथी रहनु भएको कार्यक्रममा नेपाली काँग्रेसका महासमिति सदस्य दिपक अधिकारी, लालबन्दी नगर सभापति प्रशान्त आचार्य, महाधिवेशन प्रतिनिधी ईन्द्र योन्जन, नारायण गुर्मछान लगायतले मन्तव्य राख्नु भएको थियो । कार्यक्रममा युवा व्यवसायी राजु योन्जन, प्रहरी चौकी पत्थरकोटका इन्चार्ज प्ररही नायव निरीक्षक प्रदीप चौधरी, गुम्वाका धर्मगुरु दल बहादुर ब्लोन र स्थानीयवासीहरुको उपस्थिती रहेको थियो ।
सर्लाहीको बरहथवामा रहेको नेपाल विद्युत प्राधिकरण वितरण केन्द्रका एक कर्मचारीलाई बुधबार अख्तियार दुरुपयोग अनुसन्धान आयोगको टोलीले नियन्त्रणमा लिएको छ ।
महोत्तरीको बर्दिबास स्थित आयोगको कार्यालयबाट खटिएको टोलीले आठ हजार रुपैयाँ घुस रकमसहित मनोज कुमार पाण्डेलाई नियन्त्रणमा लिएको हो । विद्युत मिटरको क्षमता वृद्धिका लागि सेवाग्राहीसँग लिएको आठ हजार रुपैंया रकम सहित पाण्डेलाई बरहथवा नगरपालिका–६ स्थित नेपाल बैंक चोकबाट पक्राउ गरिएको अख्तियारले जनाएको छ ।
प्राधिकरणमा तेस्रो तहका कर्मचारी पाण्डेलाई थप कारवाहीका लागि अख्तियारको केन्द्रीय कार्यालय काठमाडौं स्थित टंगाल पठाइने अख्तियारको बर्दिवास कार्यालयले जनाएको छ । उज्यालो अभियानबाट…
नेपालमा पछिल्लो २४ घण्टामा १०५६ जनामा कोरोना संक्रमण भएको छ । पछिल्लो २४ घण्टामा ३८६ महिला र ६७० पुरुषसहित १०५६ जनामा कोरोना संक्रमण भएको स्वास्थ्य तथा जनसंख्या मन्त्रालयले जनाएको छ ।
यससँगै देशभर कोरोना संक्रमितको कुल संख्या २ लाख ४४ हजार ४३३ पुगेको छ भने निको हुनेको संख्या २ लाख ३० हजार ५३७ पुगेको छ । यस्तै देशभर सक्रिय संक्रमितको संख्या १२ हजार २४५ जना रहेका छन् । मन्त्रालयका अनुसार हालसम्म १६५१ जनाले ज्यान समेत गुमाएका छन् ।
यस्तै सो अवधिमा १४८३ जना संक्रमणमुक्त भएका छन् भने १४ जनाको मृत्यु भएको छ । यसैबीच पछिल्लो २४ घण्टामा काठमाडौं उपत्यकामा ४९६ जनामा संक्रमण पुष्टि भएको छ ।
आयल निगमले पेट्रोलियम पदार्थको चुहावट रोक्न टयांकरमा लकिङ प्रणाली जडान गरे पनि चुहावट नरोकिएपछि नेपाल प्रहरीको केन्द्रीय अनुसन्धान ब्युरो (सिआइबी)ले अम्लेखगञ्ज डिपोमा अनुसन्धान सुरु गरेको छ ।
पेट्रोलियम पदार्थमा हुने मिसावट र चुहावट रोक्न निगमले दुई वर्षअघि टयांकरमा लकिङ प्रणाली जडान गरेको हो । तर, चालक र सहचालकले विभिन्न उपाय अपनाएर पेट्रोलियम पदार्थ चोरी गर्न थालेपछि लकिङ प्रणालीको प्रभावकारितामाथि नै प्रश्न उठेको हो । सिआइबीले मंगलबार प्रादेशिक डिपो अम्लेखगञ्जका पेट्रोलियम पदार्थ बोक्ने टयांकरहरुको लकिङ र फिटिङ चेकजाँच गरेको प्रादेशिक डिपो अम्लेखगञ्जका प्रमुख भरत रेग्मीले बताए ।
भारतको बरौनीबाट २० हजार लिटर डिजल÷पेट्रोल लोड गरिएको टयांकरबाट अम्लेखगञ्जमा अपलोड (खन्याउँदा) १०० देखि सवा सय लिटरसम्म कम हुने गरेको प्रमुख रेग्मीले बताए । सामान्यता अम्लेखगञ्जको तुलनामा बरौनीको तापक्रम बढी भए पनि प्रतिटयांकर सयदेखि सवा सय लिटरसम्म पेट्रोलियम पदार्थ घट्नु सामान्य नभएको उनको भनाइ छ ।
दुई साताअघि काठमाडौंको थानकोट डिपोमा चालक र सहचालकको मिलेमतोमा टयांकरभित्र अर्को छुट्टै फल्ट बटम जडान गरेर पेट्रोल चोरी गरेकोे घटना सार्वजनिक भएपछि सिआइबीको टोलीले अम्लेखगञ्जमा पनि चेकजाँच गरेको हो । लकिङ प्रणाली अन्तर्गत बन्द टयांकरको चाबी बरुणी र अम्लेखगञ्ज डिपोसँग मात्रै हुने गर्दछ । चाबी डिजल/पेट्रोल लोड वा अपलोड हुँदा मात्रै सम्बन्धित नियकाले खोल्ने गर्दछ । सिआइबीका प्रमुख डिआइजी सहकुल थापाले पेट्रोलियम पदार्थको चोरीको अवस्था भयावह रहेकाले सिआइबीले गम्भीर रुपमा अनुसन्धान गर्ने बताएका छन् ।
थानकोट डिपोमा दुईवटा टयांकरमा फल्ट बटम प्रयोग गरेर पेट्रोलियम पदार्थको चोरीको घटना भएपछि सिआइबीले देशैभरका निगम डिपोहरुमा अनुसन्धान सुरु गरेको उनले बताए ।
- क्षितिज विश्वकर्मा/कटहरिया, रौतहट ।
रौतहट सहित देशैभरि चिसो बढ्न थालेको छ । दिउँसो घाम लागेपनी बिहान र बेलुका चिसो बढेपछि तराईका बिपन्न परिवार समस्यामा पर्न थालीसकेका छन । हरेक बर्षको जाडो बिपन्न परिवारको लागी पिडादायी हुने गरेको छ ।
जाडो मौसम सुरु भएसँगै तराईका बस्तिहरुमा घुर बालेर ताप्नेको संख्या बढिरहेको छ । जाडोमा तराईका बिपन्न परिवारका ब्यक्तिहरु चिसोले कठ्यांग्रीएर त ज्यान गुमाउँछन नैे कतिपयले भने ताप्नका लागी बालेको आगोले जलेर पनी ज्यान गुमाउनु पर्छ । यतिबेला रौतहटको कटहरिया नगरपालीका सहितका तराईका बिभिन्न बस्तिहरुमा ज्यान तताउन घुर बालेर ताप्नेको लहर देखिन्छ । कतिपय अबस्थामा ताप्नलाई बालेको आगोबाट आगलागी भएर भौतिक क्षति समेत हुने गरेको छ ।
चुनावका बेला अनेक नारा लिएर आउने नेताहरु जाडोमा न्यानो कपडा बोकेर आएदेखि आफुहरुको जिवन रक्षा हुने थियो भन्दै कटहरियाका एक घुर तापिरहेका बृद्ध भन्छन ‘अनेक जालझेल गरेर भर्खर बजेट पास गराएका नेताहरुको ध्यान गरिव परिवारमा पुग्ने त कुरै भएन ।’ देशमा ३ तहको सरकार बनेपछि स्थानिय सरकारसँग निकै आसाबादि बनेका यहाँका गरिव जनता, नेता तथा सरकारमा बसेकाहरुले आफन्त हेरेर गर्ने ब्यबहारले आजित बनेका छन । सानो सानो कुरामा पनी राजनिती मिसाएर हरेक जनतालाई समान ब्यबहार गर्न नसक्नु अहिलेको नेतृत्वको कमजोरि रहेको श्रोत बताउँछ ।
बिहान बेलुका हात मुख जोर्न पनी धौ धौ पर्ने यहाँका जनता लामो समयको लकडाउनले मारमा छन । ओत लाग्ने राम्रो छानो समेत नभएका बिपन्न परिवार यो जाडोमा कतैबाट न्यानो सहयोग पाईएला की भनेर आस गरिरहेका छन । कतिपयले यो जाडोलाई आफ्नो क्षेत्रका बिपन्न परिवारलाई सहयोग गरि पुण्य कमाउनुका साथै मन जित्ने अवशरको रुपमा पनी बुझेका छन ।
स्थानिय जनप्रतिनिधिले यो अवशरलाई सहि ढंगले सदुपयोग गर्नु आवश्यक देखिएको छ ।।
निजगढकी मृगौला पिडित सुमिना मोक्तानलाई आज सहयोग रकम प्रदान गरिएको छ । पिडित सुमिनाको उपचारकोलागी उद्धार समाज प्रतिष्ठान नेपाल धरानले मंगलवार नेपाली कांग्रेस निजगढका सचिव आशिष तामाङको रोहबरमा उक्त रकम प्रदान गरेकोहो ।
प्रतिष्ठान बुद्धिमान कार्कीले सुमिनाका पिता पंचलाल मोक्तानलाई २ लाख रुपैंया प्रदान गर्नुभएको हो । नेपाली कांग्रेस निजगढका सचिव आशिष तामाङको आग्रह बमोजिम प्रतिष्ठानले हालसम्म ७ लाख २६ हजार ८ सय १७ रुपैंया सुमिनाको मृगौला प्रत्यारोपण गर्नका लागी प्रदान गरिसकेको छ । कांग्रेस निजगढका सचिव तामाङले सुमिनाको उपचारकालागी प्रतिष्ठानलाई आग्रह गर्नुभएसंगै ६ महिनामा १० लाख रुपैंया सहयोग प्रदान गर्ने प्रतिबद्धता जनाईएको थियो ।
सोहि अनुरुप प्रतिष्ठानले डेढ महिनामा ७ लाख रुपैंया भन्दा बढीको आर्थिक सहयोग गरेको हो । निजगढ नगरपालिका वडा नम्बर १२ कि १९ वर्षीय सुमिना मोक्तानको दुवै मृगौलाले काम नगरेपछि हाल प्रत्यारोपण गर्ने तयारि हुँदै छ । उनि हाल काठमाडौंमा उपचाररत छिन ।
बारा जिल्लाको निजगढमा निशुल्क महिला प्रजनन् स्वास्थ्य सम्बन्धि शिबिर हुने भएको छ । यहि मंसिर २६ र २७ गते निगजढ नगरपालीका ९ स्थित प्राथमिक स्वास्थ्य केन्द्रको परिसरमा महिला प्रजनन् स्वास्थ्य शिबिर हुने भएको हो ।
लायन्स क्लव अफ निजगढ सिटिको आयोजनामा निजगढ नगरपालीका सँगको सहकार्य तथा सामुदायिक सेवा प्रतिष्ठान भक्तपुरको प्राबिधिक सहयोगमा स्वास्थ्य शिबिर आयोजना गर्न लागीएको आयोजक लायन्स क्लव अफ निजगढ सिटिका प्रेसिडेन्ट मनोज रेग्मिले बताउनुभएको छ । सिबिरलाई मिडिया पार्टनरको रुपमा लिड न्युज नेपालले सहयोग गरेको छ भने रेडियो निजगढ र रेडियो मध्यतराई पनी मिडिया पार्टनरमा रहेका छन ।
ग्रामिण भेगका महिलाहरु प्रजनन् स्वास्थ्य सँग सम्बन्धित बिषयहरुमा खुलेर कुरा नगर्ने तथा प्रजनन् स्वास्थ्य सँग सम्बन्धित रोग तथा स्वास्थ्य समस्याका बारेमा खासै जानकार नरहेकै कारण बिभिन्न प्रजनन् स्वास्थ्य सम्बन्धि समस्याहरु भोगीरहेका छन । त्यस्ता महिलाहरुलाई सहयोग पु¥याउने उद्देश्यले क्लवले स्वास्थ्य शिबिरको आयोजना गर्न लागेको क्लवका पास्ट प्रेसिडेन्ट एवं कार्यक्रमका संयोजक खड्ग प्रसाद उप्रेतीले बताउनुभयो ।
लायन्स क्लव अफ निजगढ सिटिले समय समयमा बिभिन्न सामाजिक कामहरु गर्दै आईरहेको छ ।
रौतहटको २ छुट्टा छुट्टै स्थानमा मंगलवार नेपाली कांग्रेसको नगरस्तरिय बैठक सम्पन्न भएको छ । रौतहटको गुजारा नगरपालीका र कटहरिया नगरपालीकामा केहि समय अघि बरिष्ठ नेता रामचन्द्र पौडेललाई प्रहरिले धरपकड गरि नियन्त्रणमा लिएको बिरोधमा कांग्रेसको नगरस्तरिय बैठक सम्पन्न भएको हो ।
बैठकले नेकपा सरकारको बिरुद्धमा सदरमुकाम गौरमा यहि मंसिर २९ गत्ते बृहत बिरोध प्रदर्शन गर्ने सम्बन्धमा छलफल गरेको कांगेस निकट श्रोतले बताएको छ । कांग्रेसले अहिलेको सरकारले मनपरि सासन गर्न खोजेको, हत्या, हिंसा, मंहगी तथा कालाबजारि नियन्त्रण गर्न नसकेको, भ्रष्टाचार र घुसखोरिमा सरकार लिप्त रहेको भन्दै सदरमुकाम गौरमा बृहत बिरोध ¥याली तथा आन्दोलनको तयारि गरेको हो ।
गुजारा नगरपालीकामा नगरसभापती कुमार प्रसाद चौलागाईंको सभापतीत्व तथा संबिधानसभा सदस्य सुनिल कुमार यादव ‘जितेन्द्र’को प्रमुख आतिथ्यतामा बैठक बसेको हो । बैठकमा जिल्ला सदस्य मोहिबुल हक, मेयर प्रत्यासि शेख दाउद, उप–मेयर प्रत्यासि रत्न लामा, वडाध्यक्ष पवन गीरि लगाएतको सहभागीतामा बिरोध कार्यक्रमलाई कसरि बृहत रुपमा सफल बनाउने लगाएतको बिषयमा छलफल भएको थियो ।
त्यसैगरि कटहरिया नगरपालीकामा संबिधानसभा सदस्य सुनिल कुमार यादव ‘जितेन्द्र’को प्रमुख आतिथ्यता तथा नगरसभापती सर्फलाल प्रसाद गुप्ताको सभापतित्वमा बैठक सम्पन्न भएको छ । बैठकमा जिल्ला सदस्य वाल्मिकी यादव, प्रदेश २ शिक्षक संघका उपाध्यक्ष राम मंगल प्रसाद यादव, अजय प्रकास जयसवाल, शिक्षक संघ रौतहटका पुर्व सचिव कपिलदेव प्रसाद यादव, वडाध्यक्ष शम्भुकान्त प्रसाद यादव, वडाप्रत्यासि दिपलाल यादव, वडा नम्बर ३ का सभापती हरिन्द्र यादव, निबर्तमान केन्द्रिय सदस्य राजाबाबु जयसवाल, क्षेत्रिय सदस्य शंकरदास बनिया, कोषाध्यक्ष बच्चालाल यादव, वडाप्रत्यासि सहिद मिया, क्षेत्रिय सचिव रामविर ठाकुर, वडा सभापती रामअयोध्या यादव, हृदय नारायण यादव लगाएतको सहभागीता रहेको क्षेत्र नम्बर ३ का क्षेत्रिय सचिवालय सचिव गनिलाल प्रसाद यादवले जानकारि दिनुभयो ।
नेपाली कांग्रेसले हालको नेकपा सरकारको रबैयाको बिरुद्धमा मंसिर २९ गते देशब्यापि बिरोधको कार्यक्रम गर्दै छ । कांगे्रसका बरिष्ठ नेता पौडेल पुल उद्घाटन गर्न तनहुँ स्थित गृहनगर दमौली पुगेका बेला मंसिर १७ गत्ते बुधबार प्रहरीले नियन्त्रणमा लिएर तीन घण्टापछि छाडेको थियो । व्यास नगरपालिका–१, १० र ११ जोड्ने बुल्दी खोलामाथिको पुल उद्घाटन गर्न पुगेका उनलाई प्रहरीले पक्राउ गरेको बिरोधमा कांग्रेसले बिरोधका बिभिन्न कार्यक्रम गर्दै आईरहेको छ ।
पुलको नेता पौडेलले नै १८ गत्ते बिहिवार उद्घाटन गरेका थिए ।