अब सबै एकल महिलाले समाजिक सुरक्षा भत्ता पाउने भएका छन् । राष्ट्रपति विद्यादेवी भण्डारीले आइतबार ‘सामाजिक सुरक्षा (पहिलो संशोधन) अध्यादेश २०७७’ जारी गरेपछि सबै एकल महिलाले भत्ता पाउने बाटो खुलेको हो ।

समाजिक सुरक्षा (पहिलो संसोधन) अध्यादेशमा सरकारले सबै एकल महिला (सरकारले तोकेको परिभाषाभित्र पर्ने) ले सामाजिक सुरक्षा भत्ता पाउने व्यवस्था गरेको छ । यअसघि ६० वर्ष पुगेका एकल महिलाले मात्र समाजिक सुरक्षा भत्ता पाउने व्यवस्था थियो ।

। यस्तै उक्त अध्यादेशमा अतिअशक्त अपांगले सामाजिक सुरक्षा भत्ता नपाउने साविकको व्यवस्था संशोधन गरी अतिअशक्त अपांगलाई पनि सामाजिक सुरक्षा भत्ता उपलब्ध गराउने व्यवस्था गरिएको छ । यस्तै नेपाल सरकारबाहेक अन्य निकायबाट निवृत्तिभरण पाउने भए उनीहरूका लागि पनि सामाजिक सुरक्षा भत्ता प्रदान गर्ने उल्लेख छ। यसबाट बेलायती र भारतीय सेनाबाट निवृत्त भएका व्यक्तिहरू प्रत्यक्ष रूपमा लाभान्वित हुनेछन् ।

राैतहट जिल्लाकाे सदरमुकाम गाैरमा महिलाहरूले र्‍याली निकालेकाे छन् । “लैंगिक हिंसा अन्त्यकाे प्रतिबद्धता “व्यक्ति समाज र सबैको एक्यबद्धता” मूल नारा को साथ माहिला हिंसा विरुद्धको १६ दिने अभियान जारी रहेकाे छ । साे अन्तर्गत आइतबार रौतहटको गौरमा र्‍याली सम्पन्न भएकाे छ ।

नारी चेतना महिला कृषक सहकारी संस्था लिमिटेड गौर ५ , नेपाल पिछडा महासंघ र अन्तर पार्टी माहिला सञ्जाल को आयोजनामा र्‍याली भएको थियोे । र्‍याली गौरको बिपी चोकबाट सुरु भएर जिल्ला प्रशासन कार्यालयको मूल गेटमा पुगी कोणसभामा परिणत भएकाे थियो । र्‍यालिमा सहभागि महिलाहरूले ‘बलात्कारीलाई फाँसी दे, महिला हिंसा बन्द गर’ लगाएतका नारा लगाएका थिए ।

लैंगिक हिंसा विरुद्धको १६ दिने अभियान नोभेम्बर १५ देखी डिसेम्बर १० सम्म विभिन्न कार्यक्रम गरि मनाउने गरिन्छ । याे अवधिमा राैतहटमा पनि विभिन्न कार्यक्रमहरु भईरहेका छन ।

मेष –
डरको डरलाग्दो राक्षससँग लड्न आफ्नो विचारमा केही सकारात्मक सोच राख्नुहोस्, अन्यथा तपाईं यो कट्टर भूतको निष्क्रिय र बेरहमी सिकार बन्नुहुनेछ। आफ्ना घरको श्रृंगारको लागि आफ्नो खाली समय प्रयोग गर्नुहोस्। तपाईंका परिवारले साँच्चै नै यसको कदर गर्नेछ। रोमान्टिक सम्झनाहरुले तपाईंको आजको दिन बित्नेछ। काममा तपाईंले एउटा राम्रो परिवर्तन अनुभव गर्न सक्नु हुनेछ। तपाईंको वैवाहिक जीवन राम्रो बनाउने प्रयासले आज आशा गरेकोभन्दा राम्रो फल दिनेछ।

वृष –
जुन तपाईंसँग कहिल्यै आउँदैन। यो आफ्नो तर्फबाट धेरै प्रयास नगरिकन अरूको ध्यान आकर्षित गर्ने राम्रो दिन हो। यो प्रेमको लागि तपाईंको भाग्यशाली दिन हो। तपाईंको प्रेमीले तपाईंको लामो प्रतीक्षा गरेका कल्पनाको बोध गराउनेछन्। तपाईंले प्रदान गर्न सक्नुहुने निश्चित नभएसम्म केहि प्रतिज्ञा नगर्नुहोस्। तपाईंलाई सबैभन्दा गर्न मन लाग्ने कुराहरूको सामाजिकरण र पालनको लागि आज समय छ। तपाईं वरिपरि मानिसहरूले तपाईंको सम्बन्धमा मतभेद सिर्जना गर्न प्रयास गर्ने धेरै सम्भावना छ। बाहिरी मान्छको सल्लाह अनुसार केही नगर्नुहोस्।

मिथुन –
तपाईको लामो यात्रामा जाने योजना छ भने आफ्नो स्वास्थ्य र ऊर्जाको संरक्षण गर्ने बानीले तपाईंलाई अत्यन्तै लाभ हुनेछ। व्यस्त समय भए तापनि तपाईं सजिलै थकानको सामना गर्न सक्षम हुनुहुनेछ। आजको दिन नजिकका आफन्त वा साथीहरूले राम्रो समाचार दिएबाट सुरु हुनेछ। तपाईंका आँखा आफ्नो प्रेमीको अँध्यारो रातलाई प्रकाश गर्न सक्ने उज्ज्वल छन्। आज तपाईंले र तपाईंको जोडीले आफ्नो वैवाहिक जीवनको उत्तम स्मृति सिर्जना गर्नु हुनेछ।

कर्कट –
तपाईंको मनलाई अनावश्यक विचारहरूले कब्जा गर्न सक्छन्। खाली मस्तिष्क शैतानको कार्यशाला हुने हुनाले शारीरिक व्यायामहरूमा आफूलाई संलग्न गर्ने प्रयास गर्नुहोस्। घरेलु कामले तपाईंलाई अधिकांश समय व्यस्त राख्नेछ। तपाईंले प्रेममा हरेक दिन पर्ने आफ्नो प्रकृतिलाई परिवर्तन गर्नुहोस्। तपाईंसे आज काममा एउटा अचम्मको व्यक्ति भेट्न सक्नु हुनेछ। गलत सञ्चारले आज केही समस्या सिर्जना हुन सक्छ, तर तपाईंले यसलाई बसेर बातचीत गरेर समाधान गर्न सक्नु हुनेछ।

शिंह –
तपाईंका परिवारले तपाईंबाट धेरै आशा गर्दछन् जसले गर्दा तपाईंलाई रीस उठ्न सक्छ। व्यस्त र तनाउपूर्ण यात्रा गर्नुहोस्, तर आर्थिक फाइदा भने होस्। साँझको लागि रोमाञ्चक योजना राखेर तपाईंका मित्रहरूले तपाईँको दिन रोशन गर्नेछन्। नयाँ योजना र उद्यम लागू गर्नको लागि राम्रो दिन। आफ्नो ठाउँमा भएको कुनै बच्चा वा कुनै पनि बुजुर्ग नागरिकको नराम्रो स्वास्थ्यले तपाईंलाई चिन्तित बनाउन सक्छ जसले तपाईंको वैवाहिक जीवनमा सीधा असर पार्नेछ।

कन्या –
राम्रो स्वास्थ्यको लागि लामो पैदल यात्राको लागि बाहिर जानुहोस्। आफ्नो परिवारलाई उचित समय दिनुहोस्। तिनीहरूलाई तपाईंले ध्यान दिनुहुन्छ भन्ने महसुस गराउनुहोस्। तिनीहरूसँग आफ्नो गुणस्तरको समय बिताउनुहोस्। गुनासो गर्ने कुनै पनि मौका नदिनुहोस्। तपाईंको विश्वास बढ्दैछ र उन्नति स्पष्ट छ। आज आफ्नो जोडीसित तपाईंले आत्मीय कुराकानी गर्नु हुनेछ ।

तुला –
बच्चाहरुले तपाईंको साँझ रमाइलो पार्नेछन्। नीरस र व्यस्त दिनलाई बिदा गर्न एउटा राम्रो खाने योजना गर्नुहोस्। उनीहरूको भेलाले तपाईंको शरीरलाई पुन ऊर्जा दिनेछ। नातिनातिनाहरू खुशी गराउने राम्रा स्रोत हुनेछन्। आज प्रेम नभएको महसुस हुन सक्छ। कामको सन्दर्भमा आजको दिन धेरै राम्रो देखिन्छ। असीम रचनात्मकता र उत्साहले तपाईंको अर्को फाइदाजनक दिन आउँछ। आफ्नो इच्छा अनुसार आज केही काम नहुन सक्छ, तर तपाईंले आफ्नो जीवनसाथीसँग सुन्दर समय बिताउनु हुनेछ।

वृश्चिक –
तपाईंको सकारात्मक दृष्टिकोणले तपाईंका वरिपरिका मान्छेहरूलाई प्रभावित गर्नेछ। तपाईंले आफ्नो घरको वातावरण परिवर्तन गर्न अघि अरूको अनुमोदन प्राप्त गर्नुभयो भन्ने निश्चित गर्नुहोस्। धार्मिक र शुद्ध प्रेमको अनुभव गर्नुहोस्। तपाईं एक दिनको बिदामा जानु हुँदैछ भने चिन्ता नगर्नुहोस्, – तपाईंको अनुपस्थितिमा पनि काम सजिलै चल्नेछ। कुनै अनौठो कारणले गर्दा समस्या भएमा तपाईं फर्केर आएपछि यसलाई सजिलै समाधान गर्नुहुनेछ। तपाईंको जीवनसाथी कहिल्यै आजभन्दा रमाइलो थिएनन्।

धनु –
तपाईंको दयालु प्रकृतिले आज धेरै खुसीयाली ल्याउनेछ। मान्छे तपाईंबाट के चाहन्छन् र के जरूरी छ भन्ने कुरा तपाईंले ठ्याक्कै थाहा पाउने जस्तो देखिन्छ तर आज खर्च गर्नमा त्यति धेरै उदार पनि हुने प्रयास नगर्नुहोस्। बच्चाहरुले केही रोमाञ्चकारी समाचार ल्याउन सक्छन्। प्रेममा कमी आउनुबाट बच्नको लागि हँसिलो र साहसी हुनुहोस्। कामको समयमा तपाईंका कामको प्रशंसा गरिनेछ। एउटा विनोदी छलफलमा पुरानो मुद्दा उठ्न सक्छ र यसले तपाईं दुई बीच तर्क उत्पन्न गर्दछ।

मकर –
स्वास्थ्यको दृश्यबाट धेरै राम्रो दिन। तपाईंको हँसिलो मनले तपाईंको इच्छित बल दिन्छ र तपाईंलाई विश्वस्त राख्नेछ। तपाईंको जोडीले आनन्द दिने प्रयास गर्नाले आज आनन्द भरिएको दिन हुनेछ। प्रेम सम्बन्धमा दास जस्तो व्यवहार नगर्नुहोस्। आफ्नो दृष्टिकोणमा इमानदार र सही हुनुहोस्, तपाईंको सङ्कल्प र कौशलले परिचय प्राप्त गर्नेछ। गलतफहमीको नराम्रो चरण पछि, साँझसम्ममा तपाईंको जोडीको प्रेम पाउनुहुनेछ।

कुम्भ –
एउटा मित्रको ज्योतिष निर्देशनले तपाईंलाई आफ्नो स्वास्थ्य सुधार गर्न प्रोत्साहित गर्नेछ। आफ्नो निवासको विषयलाई लिएर लगानी गर्नु लाभदायक हुनेछ। जीवन र कामको विषयमा आफ्नो दृष्टिकोणमा नैतिक र पूर्णतावादी हुनुहोस्। न्यानो हृदय र अरूलाई मार्गदर्शन र मद्दत गर्ने जन्मजात उत्तेजना प्राप्त कोई पनि राम्रो मानव हुन सक्छ। यसले तपाईंको पारिवारिक जीवनमा स्वतः सामंजस्य ल्याउन सक्छ। तपाईंको प्रेम बहुमूल्य कुराहरू जस्तै ताजा राख्नुहोस्। काममा र घरमा हुने दबावले तपाईंलाई रिसाहा बनाउन सक्छ। तपाईंलाई आफ्नो वैवाहिक आनन्दको लागि एउटा अचम्मको आश्चर्य प्राप्त हुन सक्छ।

मीन –
कार्यस्थलमा वरिष्ठबाट दबाव र घरमा कलहले केही तनाउ ल्याउन सक्छ, जसले तपाईंका कामको एकाग्रतामा बाधा पुर्याउन सक्छ। गलत समयमा गलत कुरा नभन्ने प्रयास गर्नुहोस्, तर तपाईंका प्यारा मान्छेहरूलाई चोट पुग्ने ध्यान गर्नुहोस्। आफ्नो प्रियसँग तपाईंको व्यक्तिगत भावना र रहस्य साझेदारी गर्ने यो सही समय होइन। अधिनस्थ वा सह-कार्यकर्ता अत्यधिक सहयोगी हुनेछन्। घरमा संस्कार र हवन र शुभ समारोह गरिनेछ। तपाईंले आज आफ्नो वैवाहिक जीवनका एउटा कठिन समयको सामना गर्नुपर्ने हुन सक्छ ।

प्रहरीले दुई जना भारतिय चोरलाई पक्राउ गरेको छ । रौतहट जिल्लाको विर्ता बजारमा रहेको एक सपलमा चोरी गरी भाग्ने क्रममा भारत विहारको सितामढी जिल्लाको पोष्ट गम्हरिया भटा बढहवी थाना सुपी ग्राम रामनगरा वडा नं.६ का पवन साहको १९ वर्षिय छोरा मुन्ना साह सोनी र अर्को १४ वर्षको एक नाबालकलाई पक्राउ गरिएको प्रहरीले जनाएको छ । इलाका प्रहरी कार्यालय गरुडाको प्रहरी टोलीले दुवै चोरलाई रु ५ लाख नगद सहित पक्राउ गरेको हो ।

गत मंसिर १९ गते साँझ ५ बजेको समयमा जिल्लाको गरुडा नगरपालिका वडा नं.८ बहुअरी घर भई हाल बिर्ता चोक बस्ने २६ वर्षिय पप्पु साहले बिर्ता चोक स्थित सञ्चालन गरेको कुन्ती हार्डवेयर पसलमा रु ५ लाखको सामान चोरी गरी भाग्ने क्रममा ईलाका प्रहरी कार्यालय गरुडाले लखेटेर दुवै जना चोरलाई पक्राउ गर्न सफल भएको छ । उक्त पसलमा सामान खरिद गर्न गएको बेला दुवै जनाले ५ लाख बरावरको सामान चोरी गरी भारतिय हिरोहोण्डा मोटरसाइकलमा चढेर दक्षिणतरि भाग्न लागेको अवस्थामा प्राप्त भएको सुचना अनुसार इलाका प्रहरी कार्यालय गरुडाबाट प्रहरी नयाव उपरीक्षक डिएसपी रवि रावलको कमाण्डमा तत्कालै खटेको प्रहरी टोलीले लखेटेर दुवै जना चोरलाई पक्राउ गरेको हो ।

मोटरसाइकल सहित पक्राउ परेका दुवै जनाको शरीर खानतलासी गर्दा निजहरुको साथबाट रु पचास हजार रुपैया नगद बरामद भएको इलाका प्रहरी कार्यालय गरुडाका प्रहरी नायव उपरीक्षक डिएसपी रवि रावलले जानकारी दिनुभएको छ । चोरीमा संलग्न एक जना अझै फरार रहेकोमा उनको खोज तलास भईरहेको र पक्राउ परेका दुवै जनालाई न्यायिक हिरासतमा राखी अनुसन्धान कार्य भइरहेको डिएसपी रावलले जानकारी दिनुभयो ।

पछिलो समय गरुडा प्रहरीका डिएसपी रवि रावलको सक्रियातामा गलत क्रियाकलाप गर्नेहरु धमाधम पक्राउ पर्न थालेका छन । डिएसपी रवि रावल गरुडा प्रहरीको कमाण्ड सम्हालेदेखी नै लगातार चोरी पैठारी, हत्या, हिंसा, बलात्कार, चोरी तस्करी लगाएत अपराधिक गतिविधि गर्नेहरुलाई पक्राउ गरी कार्यवाहीको दायरामा ल्याउन सफल भएका छन ।

डिएसपी रावलले गरुडामा आएदेखी अहिलेसम्मद गलत क्रियाकलाप गर्ने दर्जनौ व्यक्तिलाई पक्राउ गरी कार्यवाहीको दायरमा ल्याई एक सफल प्रहरी अधिकृतको कर्तव्य र जिम्मेवारी निर्वाह गर्न सफल हुनुभएको छ ।

सरकारले विश्वको सर्वोच्च शिखर सगरमाथाको उचाइ घोषणा मंसिर २३ गते गर्ने भएको छ । नापी विभागको कार्यालय मीनभवनमा सगरमाथाको उचाइ घोषणा तथा सम्मान कार्यक्रमको आयोजना गरेको छ ।

विभागका उपमहानिर्देशक सुशील नरसिंह राजभण्डारीले मंसिर २३ गते दिउँसो साढे १ बजे आयोजना हुने उक्त कार्यक्रमका लागि पत्राचारसमेत गरेका छन् ।

सन् २०१५ मा गएको विनाशकारी भूकम्पका कारण हिमाली भेगको उचाइमा असर परेको तथ्य नापी विभागको अध्ययनले देखाएको थियो । यही कारणले सगरमाथाको उचाइ पनि थपघट भएको हुनसक्ने अनुमानका आधारमा नेपालले पहिलोपटक आफ्नै स्रोत साधनमा सगरमाथाको उचाइ मापन गरेको हो । यसमा नेपाल र चीनका सरकारी टोलीले संयुक्तरुपमा काम गरेका थिए ।

यसअघि विभिन्न देशहरुले सगरमाथाको उचाइ मापन गर्दै आएका थिए । पछिल्लो पटक सर्वे अफ इण्डियाले सन् १९५४ मा मापन गरी उचाइ कायम गरिएको विश्वको सर्वोच्च शिखर सगरमाथाको उचाइ ८८४८ कायम रही आएकोमा थोरै फेरबदल आएको स्रोतले बतायो ।

सगरमाथाको उचाइ मापन कार्य आर्थिक वर्ष ०७५र०७६ मा शुरु भएको थियो । यसै वर्ष उचाइ मापन कार्य सम्पन्न भएपछि अब चिनियाँ रक्षामन्त्री नेपाल भ्रमणको बेला पारेर मंसिर १० गते बुधबार बसेको मन्‍त्रिपरिषद बैठकले उचाइ सार्वजनिक गर्न स्वीकृति प्रदान गरेको थियो ।

काठमाडौँ । द भ्वाइस अफ नेपाल सिजन–३ को डिजिटल अडिसन सुरु भएको छ ।

बहुप्रतिक्षित रियालिटी सोको तेस्रो सिजनका लागि शनिवारबाट डिजिटल अडिसन सुरु भएको हो । द भ्वाइस अफ नेपालको प्लेटमर्फमार्फत् सांगीतिक करियर निर्माण गर्न चाहने प्रतिभाहरुले द अडिसनमा सहभागी हुन पाउने छन् ।

१६ बर्ष उमेर पुगेका युवादेखि ४५ बर्षसम्मका प्रतिभाहरुले यो रियालिटी सोमा भाग लिन पाउनेछन् । डिजिटल अडिसनमार्फत् आफ्नो गीतको भिडियो रेकर्ड पठाई यसमा आबेदन गर्न सकिने छ ।

अडिसनमा नेपाली नागरिकमात्र नभई नेपाली भाषामा गीत गाउन सक्ने नेपाली मूलका बिदेशी वा बिदेशी नागरिक पनि सहभागी हुन सक्नेछन् । यस्ता प्रतिभाहरु अडिसन दिन वा कार्यक्रममा सहभागीता जनाउनका लागि काठमाण्डौमा भौतिकरुपमै उपलब्ध हुनसक्ने हुनुपर्छ ।

कसरी सहभागी हुने ?

द भ्वाइस अफ नेपाल सिजन ३ को डिजिटल अडिसनमा सहभागी हुन द भ्वाइस अफ नेपालको अफिसियल एप डाउनलोड गरी फारम भर्नुपर्छ । फारम भरेपछि मोबाइलमार्फत् नै गीत रेकर्ड गरी पठाउनुपर्ने छ । आफ्नो रेकर्ड पठाएपछि अडिसनमा सहभागीताको प्रमाणस्वरुप आबेदनकर्ताले एउटा कोड प्राप्त गर्नेछन् ।

तर, मोबाइल एपमार्फत् अडिसन दिन असमर्थ भएको खण्डमा बिभिन्न सामाजिक सञ्जालमा रहेका द भ्वाइस अफ नेपालका पेजमार्फत् पनि अडिसनमा सहभागी हुन सकिने छ । प्रयोगकर्ताले फेसबुकमा रहेको द भ्वाइस अफ नेपालको पेजमा गई म्यासेन्जरमा समेत भिडियो पठाउन सक्नेछन् ।

कुनैपनि डिजिटल माध्यममा पहुँच नहुने प्रतिभाहरु पनि यो अडिसनबाट बञ्चित हुनुपर्ने छैन् । इन्टरनेटको पहुँच नभएका प्रयोगकर्ताले द भ्वाइस अफ नेपालको उत्पादन टीमको फोन नम्बर ९८४१५३४४२८ मा फोन गरेर पनि अडिसनका लागि समन्वय गर्न सक्नेछन् । आवेदकहरुले सोही नम्बरको भाइवर वा ह्वाट्सएपमा पनि भिडियो रेकर्ड गरी पठाएर अडिसनमा सहभागी हुन सक्नेछन् । DCNepal बाट…

पछिल्लो २४ घन्टामा थप १ हजार ९६ जनामा कोरोना संक्रमण पुष्टि भएको छ । यससँगै मुलुकभर हालसम्म कोरोना संक्रमितको संख्या १ लाख ४० हजार ९ सय ८१ पुगेको छ ।

आइतवार स्वास्थ्य तथा जनसंख्या मन्त्रालयले पत्रकार सम्मेलन गर्दै यसबारे जानकारी गराएको हो ।

मन्त्रालयका अनुसार, १३ हजार ५ सय ८२ जना सक्रिय संक्रमित रहेका छन् ।

मन्त्रालयका प्रवक्ता डा. जागेश्वर गौतमका अनुसार, पछिल्लो २४ घन्टामा १७ जना संक्रमितको मृत्यु भएको छ ।

हालसम्म १ हजार ५ सय ९४ जनाले कोरोना संक्रमणबाट ज्यान गुमाएका छन् ।

यस्तै १ हजार ७ सय ५२ जना संक्रमितले कोरोना भाइरससँगको लडाईं जितेका छन् । हालसम्म कोरोना जित्नेहरूको संख्या २ लाख २५ हजार ८ सय ५ जना पुगेको छ ।

वीरंजमा बारा र पर्साका राजाबादी संगठनहरुले ‘जनता आउ राजा ल्याउ देश बचाउ’ को नारा सहित राजसंस्थाको समर्थनमा प्रदर्शन गरेको छ ।

सो ¥यालीमा बारा र पर्साका राजावादीहरुको सहभागीता रहेको थियो । ¥यालीमा २०७२ सालको संबिधान खारेज गर, हिन्दू राष्ट्र कायम गर, राजा जनता एक हौँ, हाम्रो राजा हाम्रो देश प्राण भन्दा प्यारो छ, लगाएतका नारा लगाउँदै प्रदर्शनकारिहरुले वीरगंजको घण्टाघर चोकबाट निकालेको ¥याली माइस्थान चोक, आदर्शनगर चोक, अलखिया मठ, घडिअर्वा पोखरी हुँदै पुनः घण्टाघर चोकमा पुगेर कोणसभामा परिणत भएको थियो ।

कोणसभामा बोल्दै नेपाल राष्ट्रवाद संघका केन्द्रीय अध्यक्ष जनकलाल शाहले नेपाली जनताहरुलाई राजाको समर्थनमा जुट्न आव्हान गर्नु भएको थियो । सोही क्रममा उमाशंकर प्रसाद करवाकर, पृथ्वी झा, रेजेन्द्र पाल, संतोष गुप्ता, देबेन्द्र ढुंगाना, उदित सहनी, छठु साह कानु, महम्द अमर हुसेन पवरिया लगायतले राजसंस्थाको बारेमा चर्चा गरेका थिए ।

कार्यक्रमको सहजिकरण भने कबि अरुण बिक्रम शाहले गर्नुभएको थियो ।

लामो समयको बन्दाबन्दी पछि रौतहट जिल्लामा उप मेयर कप महिला राष्ट्रिय कराते प्रतियोगिता हुने भएको छ ।

आउदो मंसिर २८,२९ र ३० गते चन्द्रनिगाहपुर स्थित तुलसीलाल अमात्य स्मृती रंगसालामा हुने राष्ट्रिय महिला कराते प्रतियोगिता, चन्द्रपुर नगरपालिकाको आर्थिक सहयोगमा हुन् लागेको हो। सो कराते प्रतियोगितामा देशका बिभिन्न १३ नगरपालिकाका महिला कराते खेलाडीहरुको सहभागिता रहने आयोजक नेपाल सितोरियो कराते संघ रौतहटले जनाएको छ । प्रतियोगितामा देशका बिभिन्न १२ गरपालिकाका खेलाडी र आयोजक चन्द्रपुर नगरपालिका सहितको भारतको एक टिकको गरी २०० खेलाडीको सहभागिता रहने आयोजकले जनाएको छ ।

महिला २५,३०,३५,४०,४५,५०,५५,६० र ६५ किलो तौल समुहमा प्रतिस्पर्दा हुने र टिम काता र एकल काताका खेल हुने सितोरियो कराते संघ रौतहटले जनाएको छ । प्रतियोगिताको तयारीमा संघका पदाधिकारी जुटेको आयोजकले बताएको छ ।

रौतहटको कटहरिया नगरपालिकाका नगर प्रमुख शियाराम कुश्वाहाले अपांगहरुलाई आफना हक अधिकारको लागि संघर्षको आवश्यक्ता रहेको बताएका छन । सरकारले विना संघर्षको अधिकार दिन नसक्ने बताउँदै मेयर कुश्वाहाले आफना हक अधिकारको लागि एकजुट भएर लाग्न अपांगहरुलाई आग्रह गरेका छन ।

विश्व अपांग दिवसको अवसरमा आज रौतहटको कटहरियामा आयोजित एक कार्यक्रममा मेयर कुश्वाहाले यस्तो बताएका छन । कोडिभ–१९ पश्चातको उत्कृष्ट पुनरागमनको सुनिश्चितता : अपाङ्गता भएको ब्यक्तिहरुको पहुच र दिगो बिकासको लागि हामी सबैको प्रतिबद्धता भन्ने नाराका साथ रौतहटको विभिन्न ठाउँमा आज २९ अन्तराष्ट्रिय अपाङ्गता दिबस मनाइएको छ । कार्यक्रममा कटहरिया नगरपालिकाकाकी उपप्रमुख नूरजहाँ खातुनले यस नगरपालिकाका अपांगहरुलाई नगरपालिकाले अधिकार दिनबाट कुण्ठित गरेको आरोप लगाएकी छिन ।

नगरपालिकाका मेयर शियाराम कुश्वाहाले तत्कालिन प्रमुख प्रशासकीय अधिकृत मनोज रजकसँग मिलेमतो गरी यस नगरका अपांगहरुको सेवासुविधा र अधिकार दिनबाट बञ्चित गराएको उपमेयर खातुनले आरोप लगाएकी छिन । उपमेयर खातुनले मेयर कुश्वाहा अपांगहरुको हक अधिकार खोस्नुका साथै उनिहरुले नगरपालिकाबाट पाउने सेवासुविधा समेत दिन नचाहेको बताएकी छिन ।

आपांगहरुको हक हितका लागि नगरपालिकाबाट गठित समितिको सभापति आफु भएपनि आफले पाउने अधिकार समेत मेयर कुश्वाहाले खोसेर राखेको उपमेयर खातुनले बताईन । नगरपालिकाले अपांगहरुको नाममा ८५ लाख रुपैया निकासा गरेपनि अपांगहरुले कुनै सेवासुविधा नपाएको र सो रकम कुन शिर्षकमा खर्च भयो त्यसको विवरण समेत आफुलाई अझै थाहा नभएको उनले बताईन । अपांगहरुको नाममा रकम निकासा गरी अन्य शिर्षकमा बजेट हालेर हिनामिना गर्ने काम भइरहेकोले यस्तो कार्यको सबैले मिलेर विरोध गर्नुको विकल्प नरहेको समेत उनले बताईन ।

अपांगहरुको हक अधिकारको लागि आफु संघर्षरत रहेको बताउँदै उपमेयर खातुनले आफना अधिकारको लागि एकढिका भएर लाग्न सबै अपांगहरुलाई आग्रह गरेकी थिइन । कार्यक्रममा नेकपाका युवा नेता, व्यापारी एवं समाजसेवी नश्रुदिन अंसारीले अपांगको हक अधिकार तथा सेवासुविधा दिनबाट बञ्चित नगराउन नगर प्रमुख शियाराम कुश्वाहालाई आग्रह गरेका छन । आफना हक अधिकारको लागि तटस्थ भएर लाग्न नेता अंसारीले सबै अपांगहरुलाई आग्रह गरेका छन । अपांगहरुको हरेक समस्या समाधान गर्न र उनिहरुहरुको सुद दुखमा साथ दिन आफु सदैव तयार रहेको समेत समाजसेवी अंसारीले बताएका छन ।

कटहरिया नगरपालिकाको सहयोग र नयाँ नेपाल अपांग संघ रौतहटको आयोजनामा कटहरियाको ज्ञान मन्दिर प्रा. वि. मा आयोजित कार्यक्रममा यस नगरपालिकाका अपांगता भएका सयौ व्यक्तिहरुको सहभागिता रहेको थियो ।