मुख्यमन्त्री लालबाबु राउतले मधेश स्वास्थ्य विज्ञान प्रतिष्ठानको लागि जनकपुरको मुजेलिया स्थित मणिपाल शिक्षण अस्पतालले ओगटेको जग्गा अधिग्रहण गरिने बताउनु भएको छ ।
मुख्यमन्त्री राउतले प्रादेशिक अस्पताललाई आधार बनाएर गठन हुन लागेको प्रतिष्ठानको लागि मणिपालले ओगटेको जग्गा उपयुक्त हुने भन्दै अधिग्रहणको प्रक्रिया छिट्टै अगाडी बढाइने उल्लेख गर्नु भयो । मणिपालले गुठी संग लिजमा लिएको जग्गामा शर्त अनुसार काम नगरेको भन्दै उनको लिज खारेज गरेर उक्त जग्गा प्रतिष्ठानलाई दिइने उहाँको कथन थियो ।
प्रादे्शिक अस्पताल जनकपुरलाई आज सम्मको यात्रामा सहयोग गर्ने सम्पूर्ण चिकित्सक, समाजसेवी, राजनीति कर्मीहरुको योगदान अविस्मरणीय रहेको उल्लेख गर्नु हुँदै मुख्यमन्त्री राउतले अगामी यात्रामा समेत सबै पक्षलाई सहयोग गर्न आग्रह समेत गर्नु भयो ।
कक्षा १२ को परीक्षा दिएका विद्यार्थीले अबको ठीक एक महिनाभित्र नतिजा पाउने भएका छन् । विद्यार्थीको शैक्षिक सत्र प्रभावित नहुने गरी एक महिनाभित्र विद्यार्थीको हातमा नतिजा उपलब्ध गराइने भएको हो ।
राष्ट्रिय परीक्षा बोर्डका अध्यक्ष प्रा.डा.चन्द्रमणि पौडेलले विद्यार्थीको नतिजा महिना दिनभित्र दिने गरी तयारी थालिएको जानकारी दिनुभयो । यसबाट विद्यार्थीलाई उच्च शिक्षा अध्ययनका लागि बाटो खुल्ने भएको हो । यसका लागि देशभरका शिक्षकहरूसित समन्वयमा काम भइरहेको जनाइएको छ ।
यसैबीच, परीक्षा बोर्डले कोरोना भाइरसबाट प्रभावित भएर परीक्षा लिन नपाएका विद्यार्थीका लागि फेरि एक पटक अवसर दिने भएको छ । विद्यार्थीलाई पुनः परीक्षाको अवसर दिने र त्यसको सूचना आगामी १५ दिनको हाराहारीमा दिने बोर्डको तयारी छ ।
कोरोनाबाट प्रभावित विद्यार्थी परीक्षामा सहभागी हुँदा अन्य विद्यार्थीलाई सङ्क्रमणको समेत त्रास हुने भएकोले सङ्क्रमित विद्यार्थीलाई पुनः परीक्षा लिने निर्णय बोर्डले यसअघि नै गरिसकेको छ । त्रिभुवन विश्वविद्यालयले भने यस खालका विद्यार्थीलाई अन्य विद्यार्थीभन्दा १५ मिनेट ढिला गरी परीक्षा प्रारम्भ गर्ने गरी सूचित गरिसकेको छ ।
कोरोना भाइरसको सङ्क्रमणका कारण स्थगित गरिएको कक्षा १२ को परीक्षा सफलतापूर्वक सम्पन्न भएको जानकारी अधिकारीहरूले दिएका छन् । मङ्सिर ९ गते सुरु भएको कक्षा १२ का विद्यार्थीको वार्षिक परीक्षा मङ्गलबार सकिएको हो । परीक्षामा चार लाखभन्दा बढी विद्यार्थी भौतिक रूपमै परीक्षामा सहभागी भई परीक्षा सफलतापूर्वक सम्पन्नभयो ।
यसपटक बोर्डले परीक्षा सुरु हुनुभन्दा आधा घण्टा पहिले मात्रै सम्बद्ध परीक्षा केन्द्रमा प्रश्न पत्र पठाउने प्रावधान यस पटकबाट सुरु गरेको छ । परीक्षामा यस खालको अभ्यास पहिलो पटक गरिएको हो । विद्यार्थीले यस पटक डेढ घण्टा मात्रै परीक्षामा सहभागी भए ।
यसपटक देशभर गरी चार हजार १०५ वटा परीक्षा केन्द्र निर्धारण गरिएको थियो । यस पटकको कक्षा १२ को परीक्षामा विद्यार्थीको कक्षा ११ को ४० प्रतिशत मूल्याङ्कनलाई पनि जोडिनेछ । साथै कक्षा १२ को ४० प्रतिशत लिखित परीक्षा र विद्यालयले लिने आन्तरिक मूल्याङ्कनको २० प्रतिशतका आधारमा विद्यार्थीको मूल्याङ्कन गरिनेछ ।
झापाका पत्रकार खगेन्द्र घिमिरेमाथि कुटपिट भएको छ । मालपोत कार्यालय दमकमा घुस लिँदै गरेको दृश्य संकलनका लागि पुगेका माउन्टेन टेलिभिजनका पत्रकार घिमिरेमाथि मालपोत कार्यालयका कर्मचारी र लेखापढी व्यवसायीले कार्यालयभित्रै हातपात गरेका हुन् । सयौंको भीडको बीचमा पारेर घिमिरेमाथि निर्घात कुटपिट भएको हो ।
जग्गा रोक्का गर्न गएका एक सेवाग्राहीबाट मालपोत कर्मचारी इन्द्र राजवंशीले १० हजार घुस लिने क्रममा समाचार संकलन गर्न गएको बेला आफूमाथि कुटपिट भएको उनले बताए । मंगलबार दिउँसो ४ बजे आफूमाथि कुटपिट भएको पत्रकार घिमिरेले जानकारी दिए ।
‘कार्यालय परिसरमा रहेको सीसी क्यामेरा बन्द गरेर कुटे’, उनी भन्छन्, ‘ लछारपछार गर्दै ममाथि आक्रमण भयो । बाहिरी चोट त छैन । तर, धेरै जनाले कुटेका कारण भित्रबाटै दुखिरहेको छ ।’ मालपोत कार्यालय दमकका प्रमुख तारानाथ दंगालको कार्यकक्षामा कुटपिट हुँदा पनि अधिकारी मौन रहेको उनले बताए ।
पत्रकार घिमिरेले आफूमाथि ज्यान मार्ने उद्देश्यले कुटपिट भएको भन्दै इलाका प्रहरी कार्यालय दमकमा किटानी जाहेरी दिएका छन् । आफूमाथि भएको कुटपिटमा संलग्नलाई कारबाही गर्न माग गर्दै जाहेरी दिएका हुन् । नयाँ पत्रीकाबाट
काठमाडौँ- सत्तारुढ नेपाल कम्युनिस्ट पार्टी (नेकपा) को सचिवालय बैठक आज पनि बस्दैछ। बैठक आज दिउँसो १ बजेलाई बोलाइएको छ ।
तर आजको बैठकमा प्रधानमन्त्रीसमेत रहेका अध्यक्ष केपी शर्मा ओली भने अनुसस्थित हुने प्रधानमन्त्रीको सचिवालयले जनाएको छ । हिजोको बैठकमा अध्यक्ष ओलीले बैठक अब १० दिन स्थगित गर्न भनेपनि अन्य सचिवालय सदस्य अनौपचारिक र औपचारिक छलफलका लागि बैठक बस्नुपर्ने बताएपछि कार्यकारी अध्यक्ष पुष्पकमल दाहाल प्रचण्डले आज एक बजेका लागि बैठक बोलाएका हुन् ।
हिजोको बैठकमा बहुमत सचिवालय सदस्यहरूले बैठक रोक्न नहुने बताउँदै कार्यकारी अध्यक्ष प्रचण्डले प्रस्तुत गरेको प्रस्तावमाथि छलफल पनि छलफल गर्नुपर्ने अडान राखेका थिए । ओलीले यस्ता बैठकको कुनै औचित्य नभएको बताएका एक नेताले भने ।
- ओलीले बैठक रोकेर सहमति खोज्नुपर्छ भनेपछि दुई अध्यक्षबीच भनाभन !
प्रधानमन्त्रीको सचिवालयका एक अधिकारीका अनुसार लगत्तै बैठक राख्ने हो भने उपस्थित हुन भ्याउन्न भनेर प्रधानमन्त्रीले भनिसकेको बताए ।
मङ्सिर ३ गते बसेको सचिवालय बैठकले बिहीबारका लागि स्थायी कमिटी र २५ गतेका लागि केन्द्रीय कमिटी तय गरेको थियो ।
रासायनिक मल युरियाविना धान रोपेका पर्साका किसान गहुँ याममा मल पाएपछि हर्षित भएका छन् । साउनदेखि युरिया मलको अभाव हुँदा गहुँ खेती प्रभावित भएपछि यहाँका किसान निराश भए पनि केही दिनयता युरिया मल आउन थालेपछि यहाँका किसानलाई गहुँ खेती गर्न सहज भएको छ ।
नेपाल सरकारको पूर्ण स्वामित्वमा रहेको कृषि सामग्री कम्पनी लिमिटेडले केही दिनयता युरिया मल ल्याउन थालेको छ । नेपालका लागि तेस्रो मुलुकबाट ३० हजार मेट्रिक टन युरिया ल्याउनुपर्नेमा हालसम्म एक हजार मेट्रिक टन युरिया तथा चार हजार ६०० मेट्रिक टन पोटास वीरगञ्ज कार्यालयमा आइसकेको प्रादेशिक प्रबन्धक गोरखनाथ केसीले बताउनुभयो । तीमध्ये पर्साका लागि १२ हजार ५०० मेट्रिक टन युरिया चाहिन्छन् ।
स्विस सिङ्गापुर सप्लायर्सले कोलकाता बन्दरगाह हुँदै रेलमार्गमार्फत वीरगञ्जस्थित सुक्खा बन्दरगाहमा रासायनिक मल ल्याउने गरेको छ । मङ्सिर महिनाभित्र सबै ३० हजार मेट्रिक टन युरिया मल आइपुग्ने सो कार्यालयले जनाएको छ ।
गहुँ, धान, मकैलगायत बर्खेबालीका लागि आवश्यक पर्ने भएकाले मल आउन थालेपछि अभाव समाप्त भएको बताइएको छ ।
नेपालमा पछिल्लो २४ घण्टामा १ हजार ३०४ जनामा कोरोना भाइरस (कोभिड–१९) संक्रमण पुष्टि भएको छ ।
यससँगै नेपालमा हालसम्म २ लाख ३४ हजार ७५६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यस्तै २४ घण्टामा २ हजार ७३ जना कोरोना संक्रमित निको भएका छन् । यससँगै नेपालमा निको हुनेको संख्या २ लाख १६ हजार ५९४ पुगेको छ । नेपालमा हाल १६ हजार ६३३ जना सक्रिय संक्रमित रहेका छन् ।
यस्तै पछिल्लो २४ घण्टामा नेपालमा २१ जना कोरोना संक्रमितको मृत्यु भएको छ । यससँगै नेपालमा मृत्यु हुने कोरोना संक्रमितको संख्या १ हजार ५२९ पुगेको छ ।
सत्तारुढ नेपाल कम्युनिस्ट पार्टी (नेकपा) को सचिवालय बैठक सकिएको छ ।
प्रधानमन्त्री निवास बालुवाटारमा आज मंगलवार बसेको सचिवालय बैठक भोलि बुधवार दिउँसो १ बजे पुनः बस्ने गरी सकिएको प्रवक्ता नारायणकाजी श्रेष्ठले जानकारी दिए ।
बैठकमा प्रधानमन्त्री तथा अध्यक्ष केपी शर्मा ओली तथा अर्का अध्यक्ष पुष्पकमल दाहाल ‘प्रचण्ड’ले राखेका राजनीतिक प्रस्तावहरुमाथि औपचारिक छलफल सुरु भएको उनले जानकारी दिए । उक्त छलफल बुधबार पनि निरन्तर गर्ने सहमति भएको छ ।
राष्ट्रिय प्रजातन्त्र पार्टीका अध्यक्ष कमल थापाले देशमा हिन्दु राष्ट्र र राजसंस्थाको आवश्यकता बढ्दै गएको बताएका छन्। उनले हिन्दुराष्ट्र र राजसंस्थाको आन्दोलन र पार्टीको महाधिवेशनलाई सँगसँगै लैजाने बताएका छन्।
पार्टी केन्द्रीय सचिवालयद्वारा आयोजित अन्तर्क्रीयामा बोल्दै थापाले सरकारको अदुरदर्शिता र अकर्मण्यताका कारण जनता दिक्क भएको पनि बताए। हिन्दुराष्ट्र र राजसंस्थाको आवश्यकता दिनप्रतिदिन बढिरहेको उनले बताए।
कार्यक्रममा सचिवालय प्रमुखद्वय ध्रुबबहादुर रायमाझी र भाष्कर भद्रा लगायतले पनि आफ्ना भनाइ राखेका राप्रपा नेता राजाराम बर्तौलाले जानकारी दिएका छन्।
रौतहटमा कर्तव्य ज्यान मुद्धाको एक फरार अभियुक्त पक्राउ परेका छन । ज्यान मुद्धामा लामो समयदेखी फरार रहेका जिल्लाको कटहरिया नगरपालिका १ भसेढवाका तेजन दास भन्ने तेजनारायण दास पक्राउ परेका छन ।
पक्राउ परेका दासले २०७७ साल बैशाख ७ गते राति साढे ९ बजेको समयमा कटहरिया नगरपालिका वडा नं.१ भसेढवाका संदिप यादवलाई मृत्युहुनेगरी निर्घात कुटपिट गरेको थियो । कुटपिटबाट यादवको मृत्यु भएदेखी नै दास फरार रहँदै आएको थियो ।
फरार रहदै आएका दासलाई सोमवार राति अस्थायी प्रहरी पोष्ट छेदीचौकको प्रहरी टोलीले उनको आफनै गाउँबाट पक्राउ गरेको हो । जन्ती हेर्न घरबाट बाहिर निस्केको आवस्थामा अभियुक्त दासलाई पक्राउ गरिएको प्रहरीले जनाएको छ । आफ्नै गाउँ भसेढवामा जन्ती हेर्न घर बाहिर निस्केको अवस्थामा स्थानिय मानिसहरुले दासलाई समातेर कुटपिट गरी रहेको सुचना प्राप्त हुनसाथ अस्थायी प्रहरी पोष्ट छेदी चोकबाट खटिगएको प्रहरी टोलीले अभियुक्त तेजनारायण दास तत्मालाई पक्राउ गरेको जिल्ला प्रहरी कार्यालय रौतहटले जनाएको छ ।
पक्राउ परेको तत्मालाई आवश्यक कारवाहीको लागि आज सम्मानित रौतहट जिल्ला अदालतमा बुझाउँने जिल्ला प्रहरी कार्यालय रौतहटका सहायक प्रवक्ता प्रहरी निरीक्षक सुशील कुमार पाण्डेले जानकारी दिनुभएको छ ।
रौतहटमा गएराति चक्कु प्रहार गरी एकजनाको हत्या गरिएको छ । चक्कु प्रहारबाट जिल्लाको वृन्दावन नगरपालिका ३ का मौजेलाल रामको १८ वर्षिय छोरा नन्दकिशोर रामको मृत्यु भएको छ ।
स्थानीय लक्ष्मी रामको १९ वर्षिय छोरा रवि रामले छुरा प्रहार गर्दा नन्दकिशोर रामको मृत्यु भएको प्रहरीले जनाएको छ । सोमवार राति पौने ९ बजेको समयमा छिमेकी लाले रामले मादक पदार्थ सेवन गरी रवि रामको काकी ललिता देवीलाई गाली गलौज गर्दा दुवै जनाबीच झगडा भएको थियो ।
झगडामा लाले रामको पक्ष लिई बालेको भन्दै रवि रामले नन्दकिशोर रामको पेट अर्थात कोखमा धारिलो हतियार चक्कु प्रहार गरेको थियो । झगडा शान्ति भइसकेको अवस्थामा रामले गरेको चक्कु प्रहारबाट नन्दकिशोर राम गम्भिर घाइते भएका थिए । गम्भिर घाइते भएका नन्दकिशोर रामको चन्द्रनिगाहपुरको एपोलो अस्पतालमा उपचारको क्रममा राति साढे ९ बजे नै मृत्यु भएको प्रहरीले जनाएको छ ।
चक्कु प्रहार गर्ने रवि रामलाई इलाका प्रहरी कार्यालय गरुडाको प्रहरी टोलीले सोमवार राति नै पक्राउ गरिसकेको छ । घटना लगत्तै इलाका प्रहरी कार्यालय गरुडाका प्रमुख प्रहरी नायव उपरीक्षक डिएसपी रवि रावलको कमाण्डमा खटेको प्रहरी टोलीले लुकिछिपी बसेको अवस्थामा रवि रामलाई उनको आफनै घरबाट पक्राउ गरेको जिल्ला प्रहरी कार्यालय रौतहटले जनाएको छ ।