सर्लाहीको चन्द्रनगर गााउँपालिकाको गेरूका खोला पुल बुधवार उद्घाटन गरिएको छ। चन्द्रनगर गाउँपालिका स्थित वार्ड नं २ र ३ जोड्ने सडकमा रहेको गेरूका खोलामा निर्मित पुलको उद्घाटन बुधवार सर्लाही क्षेत्र नं. १ (क) का प्रदेश सांसद उपेन्द्र महतोले गर्नुभएको छ।
उक्त पुलको लागत ८४ लाख रुपैंया रहेको र महतोको पहलमा संघिय सरकारको सहयोगमा गेरूका खोलामा पुल निर्माण भएको पुल निर्माण समितिको अध्यक्ष कामेश्वर साहले जानकारी गराउनुभयो।
चन्द्रनगर गाउँपालिकामा पर्ने गेरूका नदीमा पुल उद्घाटन सँगै यो सड़क भएर आवतजावत गर्ने बटुवाहरुका साथै खेतिवारीको काममा निस्कने किसान तथा विद्यालय जाने विद्यार्थीहरुलाई आवतजावत गर्न सहज हुने जसपा केन्द्रीय सदस्य चेतनारायण महतोले बताउनुभयो । सो नदीमा पुल नहुँदा वर्षातको मौसममा बाटो बन्द भएर किसानहरूलाई खेतिवारी र विद्यार्थीहरुलाई स्कूल जान समस्या हुँदै आएको थियो ।
एक बर्ष पहिले प्रदेश सांसद महतोले नै शिलान्यास गर्नुभएको थियो र आज एक कार्यक्रमको आयोजना गरी महतोले नै उदघाटन गर्नुभएको हो।
पुल उदघाटन कार्यक्रममा चन्द्रनगर गाउँपालिकाका अध्यक्ष महन्द्र महतो, वार्ड अध्यक्षहरू, प्रमुख प्रसासकीय अधिकृत, लगायत अन्य जनप्रतिनिधि, स्थानिय तथा उपभोक्ताहरुको सहभागिता रहेको थियो ।
दुई दिन अघी महतोले चन्द्रनगर गाउँपालिका मै कटही खोला पुलको उद्घाटन गर्नुभएको थियो।
रौतहटको चन्द्रपुर नगरपालिका बसन्तपुरमा ट्रकको ठक्करबाट एक महिलाको ज्यान गरेको छ । चन्द्रनिगाहपुराबाट गौर जान लागेको ना ३ ख ५७२२ नम्बरको ट्रकले ठक्कर दिँदा ६५ वर्षीया महिलाको घटनास्थलमै ज्यान गएको हो ।
ट्रकको ठक्करबाट चन्द्रपुर नगरपालिका वडानं ८ मोतीपुरकी ६५ वर्षकी देवकी आचार्यको ज्यान गएको रौतहट प्रहरी प्रमुख एसपी सिद्धीबिक्रम शाहले जानकारी दिएका छन् । ठक्कर दिने चालक र ट्रक ईलाका प्रहरी कार्यालय चन्द्रनिगाहपुरको नियन्त्रणमा रहेको एसपी शाहले बताए ।
घटनाबारे आवश्यक अनुसन्धान भैरहेको ईलाका प्रहरी कार्यालय चन्द्रनिगाहपुरले जनाएको छ ।
- भागनारायण गुप्ता
सर्लाहीको चन्द्रनगर गााउँपालिकामा निर्माण हुने १५ शैय्याको अस्पताल भवनको सोमबार प्रदेश सांसद उपेन्द्र महतोले शिलान्यास गर्नुभएको छ।
स्वास्थ्य मन्त्रालयले आज (सोमबार) देशभरका ३ सय ९६ स्थानीय तहहरूमा अस्पताल र सातवटै प्रदेशमा सरुवा रोग अस्पताल भवनको दुई वर्षभित्र निर्माण सम्पन्न हुनेगरी शिलान्यास गरेको छ । सबै नागरिकलाई आधारभूत स्वास्थ्य सेवा पुर्याउने लक्ष्यसहित सरकारले अस्पताल बनाउँदै छ।
स्वास्थ्य तथा जनसङ्ख्या मन्त्रालयले पहिलो चरणमा अस्पताल नपुगेका ३९६ पालिकामा पाँचदेखि १५ शैय्याको अस्पताल बन्ने जनाएको छ । सोही योजना अनुसार चन्द्रनगर गाउँपालिकामा पनि अस्पताल भबन निर्माणको शिलान्यास गरिएको हो । वडा नं ६ स्थित बिलैया बजारमा हिन्दू संस्कृति अनुसार पुजापाठ गरी अस्पतालको शिलान्यास गरिएको छ।
स्वास्थ्य मन्त्रालयको करिव १८ करोडको बजेटमा टेन्डर आह्वान प्रक्रियाबाट २ बर्षमा १५ शैय्याको अस्पताल निर्माण सम्पन्न गर्ने गरि उद्घाटन गरिएको गाउँपालिकाका प्रमुख प्रसासकिय अधिकृत अशोक शाहले जानकारी दिनुभयो ।
कार्यक्रममा गाउँपालिका प्रमुख महेन्द्र महतो, उपप्रमुख बिनादेवी साह, जनता समाजवादी पार्टीका नेता नागेश्वर महतो, चन्द्रनगर गाउँपालिकाका अधिकृत छैठो कृष्ण आचर्य, स्वास्थ्य शाखा प्रमुख बिरेन्द्र साह लगायत गाउँपालिकाका ७ वटै वडाका वडा अध्यक्ष लगायत स्थानीयहरुको उपस्थिति रहेको थियो ।
सर्लाहीमा चन्द्रनगर गााउँपालिका संगै बागमती, हरिवन, बलरा, बरहथवा नगरपालिका र पर्सा गाउँपालिकामा अस्पताल भवन निर्माणको शिलान्यास गरिएको हो।
- इश्वर बिश्वकर्मा/चरिकोट ।
दोलखा कारागारका कैदीबन्दीद्वारा निर्मित २ सय भन्दा बढी मुढा बिक्री भएको छ । बन्दाबन्दी खुलेपश्चात साउन देखि मंसिर १३ सम्मको अवधीमा कैदीबन्दीद्वारा निर्मित २ सय ५० वटा मुढा बिक्री भएको हो । विश्वव्यापी रुपमा फैलिएको कोरोना भाइरस रोकथाम र नियन्त्रणका लागि नेपाल सरकारद्वारा जारी गरिएको बन्दाबन्दीमा मुढाले बजार पाएको थिएन ।
बन्दाबन्दी खुलेको केही साता पछि मुढा बिक्री हुन थालेको हो । कैदीबन्दीले हालसम्म मुढा बिक्रीबाट १ लाख २५ हजार भन्दा बढी आम्दानी गरेको कारागार प्रशासनले जनाएको छ । कारागारबाट उत्पादित मुढा प्रतिगोटा ५ सय रुपैयाँमा बिक्री हुने गरेको जिल्ला कारागार दोलखाका नायब सुब्बा पदम केसीले बताए । यस अघि मिहिनेत गरेर बनाइएको मुढा बिक्री सन्तोषजनक हुने गरेको थियो । तर कोरोना पछि मुढा बिक्रीमा गिरावट आएकोले कम संख्यामा उत्पादन गर्ने गरिएको कैदीबन्दीले बताएका छन् ।
मुढा निर्माणको लागि धागो, बाँस, टायर, डोरी, रङ लगायतका सामग्री आवश्यक पर्दछ । ति सामग्री उपलब्ध गराउन कारागार प्रशासनले सहयोग गर्दछ ।
थन्कियो त्रिशुल
कोरोना संक्रमण नफैलियोस भनि दोलखा भीमेश्वर, कालिञ्चोक लगायतका मठमन्दिर बन्द रहेका छन् । जसको प्रभाव कैदीबन्दीको आयआर्जनमा समेत परेको छ । मठमन्दिर बन्द हुँदा कैदीबन्दीले उत्पादन गरेको त्रिशुल बिक्री हुन सकेको छैन् । मठमन्दिर खुल्ला हुँदा केहि संख्यामा त्रिशुल बिक्री हुने गरेको भएपनि अहिले त्यस्तो नभएको कैदीबन्दीहरुले बताए ।
त्रिशुलसगैँ कारागारमा उत्पादित दियो र चुरा राख्ने स्ड्यान्ड एउटा पनि बिक्री हुन नसकेको कैदीबन्दीले गुनासो गरेका छन् । विभिन्न कारणले बन्दी जीवन बिताइरहेका कैदीबन्दीले मुढा, दियो, त्रिशुल, निर्माणका साथै कपडा सिलाउने काम गर्दै आएका छन् ।
दोलखा कारागारमा हाल १ सय ५७ जना पुरुष कैदीबन्दी रहेका छन् ।
बाराको निजगढमा सोमबार १५ शैयाको अस्पताल निर्माणको उद्घाटन गरिएको छ ।
१५ मंसिर २०७७ मा देशको ३९६ पालिकामा अस्पताल र ७ वटै प्रदेशमा सरुवा रोग अस्पताल भवनको शिलान्यास भईरहेको छ । पालिकासम्म स्वास्थ्य सेवा पुर्याउने उद्देश्यले सरकारले सोमबार एकैसाथ अस्पताल भवन शिलान्यास गर्न लागेको हो ।
स्वास्थ्य तथा जनसङ्ख्या मन्त्रालयले पहिलो चरणमा अस्पताल नपुगेका ३९६ पालिकामा पाँचदेखि १५ शैयाको अस्पताल बन्ने जनाएको छ । सोही योजना अनुसार निजगढ नगरपालीका वडा नम्बर ९ मा रहेको प्राथमिक स्वास्थ्य केन्द्रको स्तरोन्नती गर्दै अस्पताल निर्माण गर्ने उद्दश्यले १५ शैयाको अस्पताल भवनको शिलान्यास गरिएको हो ।
बिहान एक कार्यमक्रमका बिच निजगढ नगरपालीकाका प्रमुख सुरेश कुमार खनाल, उप–प्रमुख लिलादेवि लामिछाने खनाल, प्रसासकिय अधिकृत रबिन घिमिरे, वडा नम्बर ९ का वडाध्यक्ष सुदर्शन बडाल सँगै नेकपाका थानेश्वर साप्कोटा, नेपाली कांग्रेस महाधिवेसन प्रतिनिधि पेमा लामा, राप्रपाका नगर सभापती खड्ग प्रसाद उप्रेती सहित नगरपालीकाका कर्मचारि तथा स्थानियहरुको उपस्थिती रहेको थियो । १८ करोड बजेटको लगानीमा २ बर्षमा निर्माण सम्पन्न गर्ने गरि भवनको शिलान्यास गरिएको हो ।
शिलान्यास कार्यक्रमलाई सम्बोधन गर्ने क्रममा नगरप्रमुख खनालले निजगढ नगरपालीका कोरोना महामारि नियन्त्रणमा बारा जिल्लामै उत्कृष्ट भएको भन्दै अस्पताल निर्माण कार्य पनी निर्धारित समयमै सम्पन्न गर्ने र उत्कृष्ट स्वास्थ्य सेवा प्रवाह गर्नेमा बिश्वास ब्यक्त गर्नुभयो ।
महोत्तरी : बर्दिबास नगरपालिका–१२ बिजलपुरामा बलात्कार गरी बालिकालाई गर्भवती बनाएको घटना सार्वजनिक भएको छ । बालिका बलात्कार आरोपमा प्रहरीले गत मंसिर ७ गते स्थानीय २१ वर्षीय ललन राउतलाई पक्राउ गरेको थियो ।
उनीविरुद्ध जबरजस्ती करणी मुद्दा अघि बढाइएको इलाका प्रहरी कार्यालय बर्दिबासका डीएसपी राजन चापागाईंले जानकारी दिए । ‘बालिकाको गर्भमा पाँच महिनाको बच्चा छ । गर्भपतन गराउन नमिल्ने अवस्था छ’, डीएसपी चापागाईंले भने ।
ती बालिका गत असारमा भैंसी चराउन घरनजिकै गएकी थिइन् । साँझ बजारदेखि मोटरसाइकलमा आएका आरोपीले हात समाई झाडीमा लगेर बालिकालाई बलात्कार गरेको पीडितका बुवाले बताए ।
बालिका गर्भवती भएसँगै परिवार समस्यामा परेको महिला सांस्कृतिक उत्थान केन्द्र बर्दिबासकी अध्यक्ष शारदा दाहालले जानकारी दिइन् ।
रौतहट जिल्लाको कटहरिया नगरपालीकामा सोमबार बिहान १५ शैयाको अस्पताल निर्माणको शिलान्यास गरिएको छ ।
आज सोमबार ३९६ पालिकामा अस्पताल र सातवटै प्रदेशमा सरुवा रोग अस्पताल भवनको शिलान्यास हुँदैछ । पालिकासम्म स्वास्थ्य सेवा पुर्याउने उद्देश्यले सरकारले आज एकैसाथ अस्पताल भवन शिलान्यास गर्न लागेको हो । स्वास्थ्य तथा जनसङ्ख्या मन्त्रालयले पहिलो चरणमा अस्पताल नपुगेका ३९६ पालिकामा पाँचदेखि १५ शैय्याको अस्पताल बन्ने जनाएको छ ।
सोही योजना अनुसार आज स्वास्थ्य मन्त्रालयकटहरियामा पनी अस्पतालको शिलान्यास गरिएको हो । बिहान एक कार्यमक्रमका बिच कटहरिया नगरपालीका प्रमुख सियाराम कुशवाहले पुजा पाठ गरि बिधिपुर्वक अस्पताल भवन निर्माणको शिलान्यास गरका छन । स्वास्थ्य मन्त्रालयको करिव १८ करोड लागतमा टेन्डर आह्वान प्रक्रियाबाट २ बर्षमा निर्माण सम्पन्न गर्ने गरि अस्पताल निर्माणको उद्घाटन गरिएको नगरपालीकाका प्रमुख प्रसासकिय अधिकृत राम प्रकाश साहले जानकारि दिएका छन ।
कार्यक्रममा उपमेयर नुरजहाँ खातुन, नगर प्रवक्ता चन्दन कुश्वाहा, वडा अध्यक्षहरु सर्फलाल गुप्ता, हरिभजन साह, राजकुमार साह, प्रमुख प्रशासकिय अधिकृत राम प्रकाश साह, कटहरिया इलाका प्रहरी कार्यालयका सई लतिफ अंसारी, स्वास्थ्य संयोजक अमृत भगत कुशवाहा, योगेन्द्र कुशवाहा, मा.बि. कटहरियाका प्रधानाध्यापक योगेन्द्र प्रसाद कुसवाह, कटहरिया नगरपालिकाका कर्मचारी, बिभिन्न राजनितिक दलका प्रतिनिधि, नगरपालीकाका कर्मचारि तथा स्थानियहरुको उपस्थिती रहेको थियो ।
हिन्दू धर्मले एउटै गोत्रमा विवाह गर्न नहुने शास्त्रमा उल्लेख गरिएको छ । गोत्र भनेको वंश र कुल हो । प्रत्येक नयाँ पुस्तालाई गोत्रले नै जोड्ने काम गर्छ ।
विवाहमा गोत्रमिलाउन अत्यन्त आवश्यक रहेको हुन्छ । विश्वामित्र, जमदग्नि, भरद्वाज, गौतम, अत्रि, वशिष्ठ र कश्यप सप्तऋषि हुन् । यसमा अगस्त्य ऋषिको नाम पछि जोडिन आउँछ । यिनै ऋषिका सन्तान हामी हौं । दुई व्यक्तिको गोत्र एकै छ भने त्यसको अर्थ उनीहरू एउटै कुलमा जन्मेका हुन् ।
हिन्दू धर्ममा एकै परिवारका मानिसलाई विवाहको अनुमति छैन । एकै कुल र गोत्रमा विवाह गर्ने मानिसको बुद्धि भ्रष्ट हुने र तिनका सन्तान पनि चण्डाल हुने मान्यता छ ।
एकै गोत्रका स्त्री पुरुष भाइबहिनी हुन्, उनीहरूका बीच विवाह हुनु हाडनाताको करणी हो ।
कुन गोत्र कोसँग विवाह गर्ने भन्ने विषयमा फरक मान्यता छन् । हिन्दू धर्मका अनुसार मानिसले तीन गोत्र छोडेर विवाह गर्नुपर्छ, आफ्नै गोत्र, आमाको गोत्र र हजुरआमाको गोत्र ।
सहगोत्रीसँग विवाह गर्नु नहुने कुरा विज्ञानले पनि मानेको छ । एउटै कुल वा गोत्रमा विवाह गर्ने दम्पतीको सन्तानमा आनुवंशिक दोष हुन्छ र उनीहरूमा एकैखाले विचारधारा हुन्छ ।
रौतहटको माधवनारायण नगरपालिका–७ लौकाहाकी अमृताकुमारी साहको हत्या उनकै बाबुले लाख रुपैयाँ खर्चिएर गराएको खुलेको छ ।
साहको २६ कात्तिकमा सुतिरहेको अवस्थामा अमृताको दाहिने कञ्चटमा गोली हानेर हत्या भएको थियो । तीन साता लगाएर घटनाको अनुसन्धान गरेको प्रहरीले साहको हत्यामा अभिभावककै संलग्नता रहेको निश्कर्ष निकालेको छ । र, मृतकका बुबा रामअयोध्या साह, आमा सीतादेवीका साथै परोहा–४ का छोटेलाल साह, देवाही गोनाही नगरपालिका–२ लक्ष्मीनियाका शेख अलियास, इस्लाम अंसारी र शेख इम्तयाजलाई पक्राउ गरेको छ ।
- प्रेम सम्बन्ध तोडाउन विवाह –
अभियुक्तहरुले बताएअनुसार मृतक अमृताको आफ्नै गाउँका थारु भनिने सोसिन्द्र भगतसँग प्रेम सम्बन्ध थियो । तर जात नमिल्ने केटासँग प्रेम गरेको भन्दै अभिभावकले २०७६ फागुन २५ गते सर्लाही विष्णुपुर गाउँपालिकाको मधुवन गोठका सोहन भन्ने रुपेश साहसँग अमृताको विवाह गराइदिए ।
विहेको चौथो दिनमै रुपेशमाथि चक्कु प्रहार भयो । चक्कु प्रहारबाट गम्भीर घाइते भएका रुपेशले उपचारपछि २०७७ साउन २५ गते अमृतासँग सम्बन्ध विच्छेद गरे ।
सम्बन्ध विच्छेदपछि उनले अमृता र उनको प्रेमीसमेत रहेका सोसिन्द्रविरुद्ध जिल्ला प्रहरी कार्यालय सर्लाहीमा ज्यान मार्ने उद्योग अन्तर्गत उजुरी दिए ।
- अनि बुबाले बनाए हत्याको योजना –
प्रहरीका अनुसार छोरी पक्राउ परे वा प्रेमीसँग भागेर गएपनि इज्जत जाने, घरमै राख्दा गाउँलेले कुरा काट्ने डरले बुबा रामअयोध्या र मृतक अमृताको भिनाजु देवाही गोनाही–२ का लक्ष्मण साहले हत्याको योजना बनाएको देखिन्छ ।
अृमतालाई मार्न रामअयोध्याले पहिलो पटक परोहा–४ का छोटेलाल साहलाई १ लाख ५० हजार रुपैयाँ दिए । अमृतालाई भारतमा लगेर हत्या गर्नुपर्ने शर्त थियो । योजना अनुरुप कात्तिक ९ गते महानवमीका दिन अमृतालाई उपचारको बाहनामा भारत लैजाने र उतै हत्या गर्ने उनीहरुको योजना थियो ।
तर भारतको बिहारमा भइरहेको निर्वाचनले गर्दा योजना असफल भयो र अमृता पुनः घर आइपुगिन् । पहिलो प्रयास असफल भएपछि बुबा रामअयोध्याले देवाही गोनाही–२ करुनीयाका कैमुल देवानलाई १ लाख रुपैयाँको सुपारी दिए ।
कैमुल देवानले २६ कात्तिकको राति बहुदल भन्ने इस्लाम अन्सारी, शेख अलियास र शेख इम्ताजलाई लिएर गए । अलियास र इम्ताजले आमा सीता देवीलाई घर पछाडि नियन्त्रणमा राखे भने कैमुल र बहुदलले अमृतालाई गोली हानेको पाइएको प्रहरी उपरीक्षक शिद्धिविक्रम शाहले जानकारी दिएका छन् ।
- सीताको बाध्यता : श्रीमान रोज्दा छोरी गुमाइन् –
सीतालाई छोरीको हत्या गर्ने योजनाबारे पूर्व जानकारी भएको प्रहरी अनुसन्धानले देखाएको छ ।
‘रामअयोध्याले पत्नी सीतादेवीलाई आफू वा छोरीमध्ये एक रोज्न लगाएको देखिन्छ’ उपरीक्षक शाहले भने, ‘छोरीका कारण बदनाम भए आफू झुण्डिएर मर्ने वा छोरीलाई मार्नेमध्ये एक रोज्न सीता देवीलाई श्रीमानले बाध्य बनाएको देखिन्छ ।’
उनले श्रीमान रोजिन् र घटना हुने रात गोली हान्ने समूहलाई घरमा प्रवेश गराउन भूमिका खेलिन् । उनले त्यो दिन छोरी अमृतालाई आफूसँग सुत्न लगाइन् र राति ढोका खुल्ला राखिन्, हत्या गर्न चारमध्ये दुई जनाले आमा सीता देवीलाई घर पछाडि लगेर राखे भने कोठाभित्र प्रवेश गरेका दुई जनाले अमृतालाई गोली हानेको अभियुक्तहरुले स्वीकार गरेको उपरीक्षक शाहले बताए ।
सात जनालाई जिल्ला अदालतबाट ७ दिनको म्याद थप गरी अनुसन्धान गरिरहेको उनले बताए । अन्लाईन खबरबाट…
पर्सामा बालिकालाई बलात्कार गरेको अभियोगमा दुईजना युवा पक्राउ परेका छन् । सखुवाप्रसौनी–२ का १९ वर्षीय देश शंकर चौधरी र विन्दवासिनी–४ अमरपट्टीका २६ वर्षीय उमेश ठाकुर पक्राउ परेका हुन् ।
जिल्ला प्रहरी कार्यालय पर्साको अपराध अनुसन्धान शाखाका प्रहरी निरीक्षक कुशल बर्तौलाका अनुसार, देश शंकरलाई गत शुक्रबार गाउँकै ४ वर्षीया बालिकालाई करणी गरेको अरोप लागेको छ । खेलिरहेकी बालिकालाई नरिवल दिने प्रलोभन देखाई करणी गरेको बालिकाका आफन्तले बताएका छन् ।
अमरपट्टीका उमेशलाई ६ वर्षीया बालिकालाई करणी गरेको आरोप लागेको छ । मंसिर ३ गते नै घटना भएको थियो । उमेशले फकाएर बालिकाको यौनाङ्गमा औंला पसाएको आरोप आफन्तले लगाएका छन् ।
आरोपी दुवैमाथि जबरजस्ती करणी कसुरमा मुद्धा दर्ता गरेर थप अनुसन्धान सुरु गरिएको प्रहरी निरीक्षक बर्तौलाले बताए । दुवै बालिकाको स्वास्थ्य परीक्षण भइसकेको भएपनि रिपोर्ट भने आइसकेको छैन । उनीहरुको स्वास्थ्य अवस्था सामान्य छ ।