छोरी बलात्कारको आरोपमा प्रहरीले सर्लाहीबाट एक भारतीय नागरिकलाई पक्राउ गरेको छ ।
जिल्लाको हरिपुर नगरपालिका–६ स्थित ससुराली घरमा बस्दै आएका ती व्यक्तिले छोरीलाई पटक–पटक बलात्कार गरेको भनी उजुरी परेको प्रहरीले जनाएको छ ।
उनलाई आइतबार इलाका प्रहरी कार्यालय हरिपुरबाट खटिएको टोलीले नियन्त्रणमा लिएको सर्लाहीका प्रहरी प्रवक्ता मदन कुँवरले जानकारी दिए ।
पक्राउ परेका व्यक्ति, उनका श्रीमती, दुई छोरा र एक छोरीसँगै एक इँटा उद्योगमा काम गर्दै आएका छन् । करिब एक महिनाअघि उनले छोरीलाई राति घरबाहिर लगी बलात्कार गरेको प्रहरीले बताएको छ ।
त्यसपछि गत मंसिर १२ गते राति पुन बलात्कार गरेपछि श्रीमतीले नै ती पुरुषविरुद्ध प्रहरीमा उजुरी दिएकी हुन् । ‘बिहान छोरी रोइरहेको अवस्थामा आमाले सोधेपछि उनले आफ्नै पिताले दुष्कर्म गरेको बताइन्’ उनकी आमालाई उधृत गर्दै प्रहरी प्रवक्ता कुँवरले भने, ‘त्यसपछि आमाले आफ्नै श्रीमानविरुद्व उजुरी दिएपछि पक्राउ गरेका हौं ।’
प्रहरीले पीडित बालिका र उनका बुवाको जिल्ला अस्पतालमा स्वास्थ्य परीक्षण गराएको छ । ती पुरुषमाथि अनुसन्धानका लागि प्रहरीले जिल्ला अदालत सर्लाहीबाट ५ दिनको अनुमति लिएको छ ।
सर्वोच्च अदालतले बलात्कार आरोप लागेका सिद्धबाबा भनेर चिनिने कृष्णदास गिरीलाई थुनामा नै राख्न आदेश दिएको छ ।
एक अनुयायीमाथि बलात्कार गरेको अभियोगमा जिल्ला अदालत सुनसरीले सिद्धबाबालाई २०७६ माघ ९ गते धरौटीमा छाड्न आदेश दिएको थियो । त्यसविरुद्ध जिल्ला सरकारी वकिल कार्यालयले गरेको पुनरावेदनमा उच्च अदालत विराटनगरले थुनामा राख्न आदेश दिएको थियो ।
सिद्धबाबाबाले उक्त आदेश बेरीतको रहेको भन्दै सर्वोच्च अदालतमा निवेदन दिएका थिए । तर गत शुक्रबार न्यायाधीश डा. आनन्दमोहन भट्टराई र प्रकाशकुमार ढुंगानाको संयुक्त इजलासले उच्च अदालतको आदेश बेरीतको नदेखिएको भन्दै सिद्धबाबालाई थुनामा नै राख्न आदेश दिएको हो ।
‘मिसिल हेर्दा पीडितको किटानी जाहेरीको अतिरिक्त निजले मौकामा गरेको कागज, वरदात भएको भनिएको समय, त्यसको अघिपछि पीडित प्रतिवादीको आश्रममै रहेको तथ्य, पीडित र प्रतिवादीबीच भएको मोवाइलको मेसेजबाट देखिएको सामिप्यता, अडियो मेसेजको प्रमाणिकता प्राविधिक जाँचबाट पुष्टि भएको अवस्थालगायतका तत्काल प्राप्त प्रमाढको आधारमा निज अहिले नै निर्दोष रहेछन् भन्न सकिएन’ आदेशमा भनिएको छ ।
भारतले आफ्नो मुलुकबाट हुने प्याजको निर्यातमा रोक लगाएपछि चीनबाट प्याजको आयात हुन थालेको छ । पछिल्लो दुई महिनामा चीनबाट ६ लाख किलो प्याज नेपाल भित्रिएको भन्सार विभागले जनाएको छ ।
भारतले भदौ २९ गते देखि लागू हुने गरी प्याज निर्यातमा प्रतिबन्ध लगाएपछि नेपालमा चीनबाट प्याज आयात सुरु भएको हो ।
चालु आर्थिक वर्षको चार महिनामा ७५ करोड ९० लाख रुपैयाँ बराबरको एक करोड ८९ लाख ८० हजार किलो प्याज नेपाल भित्रिएको छ ।
यसमा ४ करोड १० लाख रुपैयाँ बराबरको चिनबाट आयात भएको प्याच पनि समावेश छ । प्रतिबन्ध अघि नेपालमा भारतबाट मात्रै एक करोड ५७ लाख ९५ हजार किलो भित्रिएको थियो । भदौ ३० पछि भन्सार च्यानलबाटै २६ लाख किलो प्याज नेपाल भित्रिएको भन्सारको तथ्याङ्कमा उल्लेख छ ।
कालिमाटी फलफूछ तथा तरकारी बजार विकास समितिकाअनुसार काठमाडौं उपत्यकामा भारतीय सुकेको प्याज १०२ र चिनियाँ प्याज ७० रुपैयाँ प्रतिकिलोमा थोक मूल्यमा बिक्री भईरहेको छ ।
नेपाली व्यवसायीले भारतीय बजार पुगेर प्याज किन्न अप्ठ्यारो नभएपनि दुवै मुलुकबाट भन्सार पास गनर्ैै नसकिने प्याज व्यवसायी बृज भुसन मल्लिकले बताए ।
शेखर गोल्छा नेपाल उद्योग वाणिज्य महासंघको १९ औं अध्यक्ष बनेका छन् । कार्यकाल पुरा भएपछि अध्यक्षको जिम्मेवारी वरिष्ठ उपाध्यक्षलाई सुम्पने विधान अनुसार भवानी राणाले गोल्छालाई पदभार हस्तान्तरण गरेकी हुन् ।
निर्वाचन आइतबार विहान सम्पन्न भएको थियोे । प्रमुख निर्वाचन अधिकृत उपेन्द्र पौडेलले गोल्छालाई अध्यक्षको प्रमाणपत्र हस्तान्तरण गरे । योसँगै आजबाट भवानी राणा निवर्तमान अध्यक्ष बनेकी छिन् । गोल्छा नेतृत्वको कार्यसमितिमा उनी दोस्रो वरियतामा रहनेछिन् ।
हालका निवर्मान अध्यक्ष पशुपति मुरारका पूर्व अध्यक्ष बनेका छन् । गोल्छाले आजै पद तथा गोपनियताको सपथ समेत लिएका छन् । महासंघको निर्वाचनले चन्द्र ढकाललाई वरिष्ठ उपाध्यक्ष चुनेको छ । उनी गोल्छा पछि स्वतः अध्यक्ष हुनेछन् ।
जिल्ला नगरतर्फको उपाध्यक्षमा दिनेशलाल श्रेष्ठ, वस्तुगततर्फको उपाध्यक्षमा अन्ज श्रेष्ठ र एसोसियट उपाध्यक्षमा रामचन्द्र संघाइ चुनिएका छन् ।
नेपालमा पछिल्लो २४ घण्टामा कोरोना भाइरसको सङ्क्रमणबाट थप २५ जनाको मृत्यु भएको छ । योसँगै नेपालमा कोरोना भाइरसको सङ्क्रमणबाट मर्नेको सङ्ख्या १ हजार ४७९ पुगेको स्वास्थ्य तथा जनसङ्ख्या मन्त्रालय जनाएको छ ।
नेपालमा पछिल्लो २४ घण्टामा एक हजार २५५ नयाँ सङ्क्रमित थपिएका छन् । नौ हजार ३६८ नमूना परीक्षण गर्दा १२५५ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
हालसम्म नेपालमा कोरोना सङ्क्रमितको सङ्ख्या दुई लाख ३१ हजार ९७८ पुगेको छ । सङ्क्रमितमध्ये दुई लाख १२ हजार ५९० सङ्क्रमणमुक्त भएका छन् । आज १४०४ जना कोरोनामुक्त भएका छन् । नेपालमा हाल १७ हजार ९०९ सक्रिय सङ्क्रमित रहेका छन् ।
- भागनारायण गुप्ता
सर्लाहीको चन्द्रनगर गाउँपालीकामा आईतवार बिहान नवनिर्मित पुलको एक कार्यक्रमका बिच उद्घाटन गरिएको छ ।
गाउँपालीकाको वडा नम्बर ५ स्थित कटहीखोलामा निर्मित पुलको सांसद उपेन्द्र महतोले उद्घाटन गर्नुभएको हो । सर्लाही क्षेत्र नम्बर १ (क) का प्रदेशसभा सांसद महतोको बिशेष पहलमा करिव ८५ लाखको लागतमा पुल निर्माण सम्पन्न भएको हो । वडाको पोखरिया देखि गाउँपालीका कार्यालय सम्म पुग्नका लागी पुल नहुँदा स्थानियले सास्ती खेप्दै आएका थिए ।
सांसद महतोको बिषेश पहलमा कटही खोलामा पुल बनेपछि स्थानियलाई सुविधा भएको छ भने त्यस क्षेत्रका बासिन्दा खुसि समेत भएका छन । पुल उद्घाटन कार्यक्रममा गाउँपालीका अध्यक्ष र उपाध्यक्ष महेन्द्र महतो र बिनादेवि साह, वडा नम्बर ५ का वडाध्यक्ष जगदिस साह, गाउँपालीकाका कर्मचारि, वडासदस्यहरु तथा स्थानिय पार्टि प्रतिनिधि तथा समाजसेवि एवं उपभोक्ताहरुको उपस्थिती रहेको थियो ।
कटही पुल १ बर्षमा निर्माण सम्पन्न भएको हो ।
अस्ट्रेलियाविरुद्धको पहिलो एकदिवसीय क्रिकेटमा निर्धारित समयभित्र ओभर पूरा नगरेका कारण भारतीय खेलाडीले खेलको २० प्रतिशत पारिश्रमिक जरिवानामा गुमाउने भएका छन् । अन्तर्राष्ट्रिय क्रिकेट काउन्सिल (आईसीसी) ले शनिबार यो निर्णय गरेको हो । विराट कोहलीको भारतीय टिमले निर्धारित समयभित्र ५० ओभरको बलिङ पूरा गर्न सकेको थिएन ।
म्याच रेफ्री डेविड बुनले यो निर्णय गरेका हुन् । आईसीसीले भनेको छ, ‘कोहलीलाई निर्धारित समयमा सबै ओभर पूरा नगरेको आरोप लागेको छ र उनले यसलाई स्विकारेका छन् । त्यसैले यसबारे थप प्रक्रिया आवश्यक रहेन ।’ सिड्नीको क्रिकेट मैदानमै दोस्रो एकदिवसीय आइतबार हुँदै छ । पहिलोमा अस्ट्रेलिया ६६ रनले विजयी भएको थियो । कान्तिपुर समाचारबाट…
बितेको २४ घण्टामा देशभर १३८० जना कोरोनाभाइरस संक्रमित थपिएका छन् । स्वास्थ्य तथा जनसंख्या मन्त्रालयका अनुसार थप १९ जनाको मृत्यु समेत भएको छ । मन्त्रालयका अनुसार यससँगै कोरोना संक्रमितको कुल संख्या २ लाख ३० हजार ७२३ पुगेको छ भने मृतकको संख्या १४५४ पुगेको छ ।
यस्तै बितेको २४ घण्टामा थप ५१५ निको भएपनि कुल निको हुने संख्या २ लाख ११ हजार १८६ पुगेको छ ।
यसैगरी हाल देशभर सक्रिय संक्रमित १८ हजार ८३ जना रहेका छन् भने निको हुने दर ९१.५ प्रतिशत रहेको छ ।
यसैबीच बितेको २४ घण्टामा काठमाडौं उपत्यकामा ६५४ जनामा संक्रमण पुष्टि भएको छ।
आयुर्वेदका अनुसार बिहान तातो पानी पिउनाले अधिक भन्दा अधिक फाईदा हुन्छ । त्यसो त स्वस्थ्य रहनको लागि दिनहुँ ७–८ ग्लास पानी पिउनु जरुरी हुन्छ । तर जाडो मौसममा १–२ ग्लास तातो पनि पिए पनि कयौं स्वास्थ्य सम्बन्धी समस्याहरूबाट छुटकारा पाउन सकिन्छ ।
यदी तपाईलाई छाला सम्बन्धी समस्याले हैरान पारेको छ भने विभिन्न किसिमका औषधिहरु प्रयोग गर्दा समेत ठीक हुन सकेको छैन भने पनि दिनहुँ एक गिलास तातो पानी पिउन शुरु गर्नुहोस् । तपाईलाई छालासम्बन्धी समस्या कम हुँदै जानेछ । महिलाहरूको लागि महिनावारीमा हुने पेट दुख्ने गर्दछ भने पनि यसरी दुखेको बेलामा तातोपानी पिउने गर्नाले आनन्दको अनुभूति हुन्छ । तातो पिउनाले शरीरका विषालु तत्वहरू बाहिर निस्कन्छ ।
खाना पछि र रातको अन्त अर्थात बिहान सबेरै तातो पानी पिउने गर्नाले पेट सम्बन्धी धेरै समस्या, कब्जीयत, ग्याष्ट्रिक सम्बन्धी समस्या निर्मूल भएर जानेछ । भोक नलाग्ने समस्या बढेमा दिनमा एक ग्लास पानी औषधि समान हुन्छ । एक गिलास तातो पानीमा एउटा कागतीको रस र कालो मरिच र नुन मिसाएर पिउनाले पेट भारी हुने र भोक नलाग्ने समस्या निर्मूल हुनेछ र शरीरलाई आराम मिल्नेछ ।
खाली पेटमा तातो पानी पिउनाले पनि पिसाब सम्बन्धि रोग निर्मूल हुँदै जान्छ । मुटु दुख्नेहरुका लागि पनि यो लाभदायक हुन्छ । बाथबाट हने रोगका लागि पनि तातोपानी अमृत समान नै हुन्छ । तातो पानी नियमित पिउनाले रगत संचालनमा तिब्र हुन्छ । खासगरी तातोपानी पिउनाले शरीरको तापक्रम पनि बढ्दै जान्छ । पसिनाको माध्यमले शरीरको सबै विषालु तत्वहरु बाहिरिन्छन । शरीर तन्दरुस्त हुन्छ ।
चरक संहिताका अनुसार ज्वरोमा प्यास लाग्दा बिरामीले चिसो पानी पिउनु हुँदैन । तातो पानी नै पिउनु लाभदायक हुन्छ । यदी ग्याष्टिकको कारण शरीरको कुनै भागमा दुःखी रहेको छ भने एक ग्लास पानी पिउनलाले ग्यास बाहिरिन्छ त्यसपछि शरीरलाई आराम मिल्छ । अधिकांश पेटका समस्या दूषित पानीकै कारण हुन्छन् ।
यदी पानीलाई उमालेर मन तातो बनाई खायो भने पेट सम्बन्धी अधिकांश रोग हट्दै जानेछन् । यसले शक्ति संचार हुन्छ । कफ र सर्दी सम्बन्धि रोगहरु बिस्तारै हट्दै जान्छ । दम, खोकी आदि जस्ता रोग एवम् तारेका खानेकुरा खाएपछि तातोपानी पिउनाले पनि फाइदा हुन्छ । बिहान खाली पेटमा एक गिलास तातो पानीमा एक कागती मिलाएर पिउनाले शरीरलाई भिटामिन प्राप्त हुन्छ । तातो पानी र कागतीको मिसावटले शरीरको प्रतिरक्षा तन्त्रलाई बलियो बनाउँछ ।
साथै अन्य विभिन्न प्रकारका फाइदा हुन्छ । दिनहुँ एक ग्लास तातोपानी पिउनाले टाउकोको लागि राम्रो टनिकको रुपमा काम गर्छ । टाउकोलाई स्केल्पको हाईड्रेट गरिदिन्छ । जसले गर्दा स्केल्प सुख्खा हुने समस्या समाधान हुन्छ । तौल घटाउनु परेमा पनि तातो पानीले एकदम मद्दत गर्दछ । खाना खानु एकघण्टा पछि तातो पानी पिउनाले शरीरमा मेटाब्लिजम बढ्दै जान्छ । यदी तातो पानीमा थोरै कागती र महको रस मिलाएर खानु भयो भने शरीरको तौल पनि कम हुँदै जान्छ ।
हर समय जबान देखिन होस् या शरीरलाई तन्दुरुस्त बनाई राख्न होस मानिसको लागि तातोपानीले औषधिको भूमिका निर्वाह गर्दछ ।
बाराको निजगढ अन्तर्राष्ट्रिय विमानस्थल उच्चस्तरीय सहजीकरण समितिको बैठकले विमानस्थलको लगानी मोडालिटी सम्बन्धमा साता दिनभित्र छलफल गर्ने निर्णय गरेको छ । संस्कृति पर्यटन तथा नागरिक उड्डयनमन्त्री योगेश भट्टराईको संयोजकत्वमा आज मन्त्रालयमा निजगढ अन्तर्राष्ट्रिय विमानस्थल अन्तर निकाय समन्वय, सहजीकरण एवं आइपरेका समस्या समाधान गर्न निरन्तर क्रियाशील रहने गरी गठित उच्चस्तरीय सहजीकरण समितिको बैठकले यस्तो निर्णय गरेको हो ।
बैठकले विमानस्थल निर्माणका लागि लगानीको मोडालिटी सम्बन्धमा अर्थ मन्त्रालयमा एक हप्ताभित्र छलफलको आयोजना गर्ने र सोको समन्वय नेपाल नागरिक उड्डयन प्राधिकरणले गर्ने जिम्मेवारी तोकेको छ । वन तथा वातावरण मन्त्रालय, भूमि व्यवस्था, सहकारी तथा गरिबी निवारण मन्त्रालय, लगानी बोर्ड र प्राधिकरणका सम्बद्ध पदाधिकारीसँग छलफल गरी एक वर्षको कार्यतालिकासहितको ठोस कार्ययोजना बनाई पेश गर्न पनि बैठकले निर्णय गरेको छ ।
त्यस्र्तै डिभिजन वन कार्यालय बाराद्वारा विमानस्थल वरिपरी निर्माणका निम्ति यसअघि नै गणना सम्पन्न गरिएका चार हजार २३२ रुख कटानका सम्बन्धमा समितिको अघिल्लो बैठकको निर्णय कार्यान्वयन गर्न वन तथा वातावरण मन्त्रालयलाई ताकेता गर्ने निर्णय भएको छ ।
बस्ती स्थानान्तरणका सम्बन्धमा सुझाव दिन गठित भूमि व्यवस्था, सहकारी तथा गरिबी निवारण मन्त्रालयका सहसचिव दीपककुमार पहाडीको संयोजकत्वको समितिले हालसम्म गरेका कार्यहरुका आधारमा स्थानीय एवं प्रदेश सरकारसमेतको अपनत्व हुने गरी बस्ती स्थानान्तरणका सम्बन्धमा आगामी दिनमा गर्नुपर्ने क्रियाकलापको ठोस विवरण पर्यटन मन्त्रालयमा पेश गर्न निर्देशन दिइएको छ । प्राधिकरणले विमानस्थल निर्माण आयोजना कार्यालयको स्तरोन्नोति गरी हाल कार्यरतभन्दा कम्तीमा दुई तहमाथिको आयोजना प्रमुख खटाउने निर्णयसमेत गरेको छ । गोरखापत्रमा समाचार छ ।