महोत्तरीको बर्दिबासमा बालिका हत्या विरोधमा स्थानीयले तोडफोड सहित विरोध प्रदर्शन गरेपछि अबरुद्ध भएको पुर्व पश्चिम राजमार्गमा सवारि साधनको आवागमन सुचारु भएको छ । रोकीएका सवारि साधन करिव साँडे ३ बजेको समयबाट सुचारु भएको प्रदेश ट्राफिक प्रहरि कार्यालयले जानकारि दिएको छ ।
बर्दिबास नगरपालिका–१४ घर भएका शहीद आलमकी छोरी ६ वर्षीया गुलाब खातुनको बलात्कार पश्चात हत्या गरिएको भन्दै स्थानीयले मंगलबार बिहानैदेखि बर्दिबास बजार एवं आसपासमा टायर बालेर विरोध प्रदर्शन गरिरहेका छन् । उनिहरुको प्रदर्शनका कारण राजमार्ग अवरुद्ध हुँदा पश्चिबाट पूर्व हिँडेका सवारी साधनलाई राजमार्गमै रोकिएको थियो ।
मंगलबार बिहानैदेखि सर्लाहीको लालबन्दी, नवलपुर, हरिवन, सुखेपोखरी, बागमती लगायत स्थानहरुमा बर्दीबासदेखि पूर्व जाने सवारी साधनलाई प्रहरीले रोकेर राखेको थियो । बर्दीबास छेउछाउ नै पुगेर सवारीसाधन रोकिँदा प्रदर्शनकारीले थप क्षति पुर्याउन सक्ने भएकाले महोत्तरी प्रहरीको आग्रहमा सवारि साधनलाई सर्लाहीमै रोकिएको थियो ।
हत्या आरोपमा बर्दिबास प्रहरीले गौशाला नगरपालिका–५ घर भई बर्दिबास चोकमा किराना पसल गर्दै आएका अरुणकुमार साहलाई पक्राउ गरेको छ । आइतबार साँझदेखि बेपत्ता भएकी गुलाबको मंगलबार बिहान एक बजे घर नजिकैको खेतमा फेला परेको हो । प्रदर्शनकारीले साहको बर्दिवासस्थित घरमा आगजनी समेत गरेका छन् ।
प्रदर्शन नियन्त्रणम लिन प्रहरीले दर्जनौं राउण्ड अश्रुग्याँस एवं केही राउण्ड गोली समेत चलाएको छ । गोली लागेर तीनजना घाईते भएको प्रहरीले जनाएको छ । गोली लागेर स्थानीय ३५ वर्षीय सञ्जय न्यौपाने, श्याम कार्की र अफताब आलम घाइते भएका हुन् । न्यौपानेको तिघ्रामा र आलमको टाउकोमा गोली लागेको छ । न्यौपानेको बर्दिबासस्थित पिनायक हस्पिटलमा हुन नसकेपछि थप उपचारका लागि काठमाडौं रेफर गरिएको छ।
प्रदर्शनमा उत्रिएका श्याम कार्कीलाई प्रहरीले हानेको ४ राउण्ड गोली लागेको छ। कार्कीको छाती, घाँटी, पाखुरा र हातमा गोली लागेको छ। अन्य घाइतेको शुभ स्वस्तिक हस्पिटलमा उपचार हुँदैछ। कार्कीको बर्दिबासमा उपचार सम्भव नभएपछि थप उपचारका लागि हेलिकोप्टरबाट काठमाडौं लगिएको छ ।
रौतहटको बृन्दावन नगरपालीकामा छिमेकीको कुटाईबाट एकजनाको ज्यान गएको छ ।
वृन्दावन नगरपालिका–७, सखुवा धमौराका अमिरि पासवानको छिमेकिको कुटाइबाट मृत्यु भएको हो । अमिरिको हत्या आरोपमा प्रहरीले उनका छिमेकि १९ वर्षीय विकास पासवान र ५५ वर्षीय बिन्द पासवानलाई नियन्त्रणमा लिएको छ ।
सोमबार साँझ विकास सहितको टोलीले मादक पदार्थ सेवन गरी घर फर्कने क्रममा अमिरी पासवानलाई कुटपिट गरी धकेलेर गम्भीर घाइते बनाएका थिए । गम्भीर घाइते अमिरीको गरुडास्थित सिटी अस्पतालमा उपचारका क्रममा सोमबार राति मृत्यु भएको प्रहरीले जनाएको छ ।
मृतको शव पोस्टमार्टमका लागि गौर पठाइएको र घटनाका बारेमा थप अनुसन्धान भइरहेको प्रहरीले जनाएको छ ।
महोत्तरीको बर्दिबास-१४ शुभम् बस्तीबाट बेपत्ता भएकी ६ वर्षीया बालिका बलात्कार गरेर हत्या गरेको आरोपीलाई कडा कारवाहीको माग गर्दै स्थानीय आन्दोलित भएका छन्।
प्रदर्शनकारीले प्रदर्शन स्थलमा निरन्तर ढुंगामुढा गरेपछि प्रहरीले हवाइ फायर गरेको छ।
भीड नियन्त्रणमा लिन हवाइ फायर गरेको भए पनि कति राउन्ड हवाइ फायर भएको एकिन नभइसकेको इलाका प्रहरी कार्यलय वर्दिवासका डीएसपी राजन चापागाइँले जानकारी दिए। प्रदर्शन स्थलमा भीडलाई नियन्त्रणमा लिन नेपाल प्रहरी र सशस्त्र प्रहरी परिचालन गरिएको छ।
इलाका प्रहरी कार्यालय बर्दिबासका डीएसपी राजन चापागाईंका अनुसार आइतबार साँझदेखि बस्तीबाटै हराएकी शहिद आलमकी छोरी गुलाब साह खातुनको शव राती बोरामा राखेर फालिएको अवस्थामा भेटिएको थियो।
आक्रोशित स्थानीयले पूर्व–पश्चिम राजगमार्गमा टायर बालेर बन्द गरेका छन्। बलात्कारपछि हत्या गरिएको आशंका भएकोले निस्पक्ष छानविन गर्न बालिकाका बुवाले माग गरेका छन्। स्थानीयले आरोपीको घरमा पनि तोडफोड गरेका छन्।
- आरोपितको घरमा आगजनी
बलात्कार आरोपितको घरमा प्रदर्शनकारीले आगजनी गरेका छन्। आगो नियन्त्रण गर्न आएको बर्दिबास नगरपालिकाको दमकललाई बीच बाटोमै उनीहरूले रोकेका छन्।
आगो नियन्त्रण गर्न आएको बर्दिबास नगरपालिकाको दमकललाई बीच बाटोमै उनीहरूले रोकेका छन्।
घरमा लगाएको आगलागी भीषण हुँदै गएको डीएसपी चापागाइँले बताए। घरमा भएको सिलिन्डर पड्किएर आगो अनियन्त्रित्र भएको हो। अन्नपूर्ण पोस्ट बाट
भारतीय टेलिभिजनकी लोकप्रिय कमेडियन भारती सिंह र उनका पति हर्ष लिम्बाचियालाई मुम्बईको एक अदालतले जमानत दिएको छ ।
सुशास्त सिंह राजपूत प्रकरणमा लागुऔषधको विषय जोडिएपछि फिल्म र टिभी जगतका कैयौँ कलाकारसँग नार्काेटिक्स कन्ट्रोल ब्युरो (एनसीबी) ले सोधपुछ गरिरहेको छ । यस क्रममा एनसीबीले विभिन्न कलाकारको घरमा छापा पनि मारेको छ ।
लागुऔषध प्रकरणमा एनसीबीले अभिनेता अर्जुन रामपालसहित अभिनेत्रीहरु दीपिका पादुकोण, साराअली खान, श्रद्धा कपुर र रिया चक्रवर्तीसँग सोधपुछ गरिसकेको छ । एनसीबीले भारती सिंहलाई शनिबार र उनका पति हर्षलाई आइतबार घरबाटै पक्राउ गरेको थियो । एनसीबीका अनुसार उनीहरुको घर र प्रोडक्शन आउसमा छापा मार्दा ८६ दशमलव ५ ग्राम गाँजा भेटिएको थियो ।
भारती सिंह र उनका पतिले गाँजा सेवन गरेको कुरा पनि स्वीकारेको एनसीबीका अधिकारीहरुले दाबी गरेका छन् ।
हामी कतिपय अवस्थामा टेलिकम सेवा प्रदायक र सरकारले मोबाइलमा हुने हाम्रो कुराकानी सुनिरहेको हुन्छ भनेर ठट्टा गरिरहेका हुन्छौं । तर, त्यो सत्य होइन भन्दा फरक पर्दैन । किनभने कुनै पनि व्यक्तिले गरेको कुराकानी सरकारले पनि कुनै विशेष अवस्थामा बाहेक सुन्न पाउने कानुनी प्रावधान छैन ।
तर, यहाँ त तपाईंले फेसबुक म्यासेन्जरमा गरिरहनु भएको कुराकानी अर्काले सुन्न सक्ने समस्या फेला परेको छ । यो फेसबुक म्यासेन्जरमा देखिएको समस्या हो । फेसबुक म्यासेन्जरमा देखिएको यो बगबारे गुगल प्रोजेक्ट रिसर्चर न्याट्ली स्लिभानोभिचले अघिल्लो महिना पत्ता लगाएका हुन् । उनका अनुसार यो समस्या एन्ड्रोइड फोन प्रयोगकर्तामा देखिएको छ ।
यसका लागि ह्याकरले प्रयोगतर्कालाई फोन कल गर्छ र उक्त फोन कलसँगै उसले नदेखिने म्यासेज पठाउँछ । उक्त कल तपाईंले नउठाउँदा पनि उसले म्यासेज छाड्न सक्छ । उक्त म्यासेजमार्फत ह्याकरले त्यसपछिका दिनमा हुने कललाई सहजै सुन्न सक्ने जनाइएको छ ।
तर, प्रयोगकर्ता र ह्याकर दुवैले एन्ड्रोइड फोनमार्फत म्यासेन्जर लगइन गरेको हुनुपर्नेछ । सँगै प्रयोगतर्काको हकमा उसले वेब भसर्नमा पनि म्यासेन्जर लगइन गरेको हुनुपर्नेछ ।
त्योभन्दा पनि महत्वपूर्ण कुरा ह्याकरले कल गर्ने भएकाले ह्याकर र प्रयोगकर्ता यसअघि नै साथी हुनुपर्नेछ । श्रोत : टेकपाना
महोत्तरीको बर्दिबास- १४ शुभम् बस्तीबाट बेपत्ता भएकी ६ वर्षीया बालिकाको शव फेला परेको छ। आइतबार साँझदेखि बस्तीबाटै हराएकी शहिद आलमकी छोरी गुलाब साह खातुनको शव भेटिएको इलाका प्रहरी कार्यालय बर्दिबासका डीएसपी राजन चापागाईंले जानकारी दिए।
हत्या गरेर बोरामा राखेर झाडीमा फालेको अवस्थामा बालिकाको शव सोमबार मध्य रातमा फेला परेको हो। बर्दिबास—१४ स्थित शुभम् बस्तीमा रहेको सामुदायिक परिवार कल्याण संघ महोत्तरीको कार्यालयभन्दा पश्चितर्फ रहेको विनोद साहको खाली जग्गामा बालिकाको शव भेटिएको हो।
हत्या आरोपमा एक युवकलाई प्रहरीले नियन्त्रणमा लिएको छ। प्रहरीले गौशाला— ५ का २५ वर्षीय अरुणकुमार साहलाई नियन्त्रणमा लिएको डीएसपी चपागाईंले बताए। उनका अनुसार ति युवकले आरोप स्वीकारसमेत गरेका छन् ।
घटना प्रकृति हेर्दा बालिकालाई बलात्कार गरेर हत्या भएको स्थानीयले बताएका छन् ।
प्रहरीले आरोपी साहलाई गौशालाबाट सोमबार साँझ नियन्त्रणमा लिएको हो। पूर्व—पश्चिम राजमार्गस्थित बर्दिबास भोलाबसन्त चोकबाटे नव क्षितिज क्यामस जाने मूलबाटोमा आरोपी साहले घर बनाई अरुण किराना पसल संचालन गर्दै आएका छन् । आइतबार साँझ पसलमा चकलेट किन्न गएको बेला उनले बलिकालाई अपहरण गरेर घरमा लुकाएका थिए।
अन्नपूर्ण पोस्टमा खबर छ ।
बाराको जीतपुरसिमरा उपमहानगरपालिकामा दोस्रो भेट्रान कप फुटबल प्रतियोगिता हुने भएको छ ।
कोशेली एण्ड हुलास फुटबल क्लबको आयोजनामा वडा नम्बर २ को गैरी टोलमा भेट्रान कप हुने भएको हो । गैरी टोलको खेल मैदानमा हुने फुटबल प्रतियोगिता यही मंसिर १३ गतेदेखि शुरु हुने प्रतियोगिता मुल आयोजक समारोह समितिका संयोजक सोमलाल बोम्जनले जानकारी दिनुभयो ।
गैरी टोलको खेल मैदानमा आयोजित पत्रकार सम्मेलनमा बोल्दै संयोजक बोम्जनले मंसिर २५ गतेसम्म खेल सञ्चालन हुने जानकारी दिनुभयो । १० वटा टिमको सहभागि हुने प्रतियोगिताको बिजेताले नगद ३० हजार रुपैया र उप बिजेताले २० हजार रुपैया पाउने बोम्जनले जानकारी दिनुभयो ।
जाडो समयमा धेरैलाई ओठ फुट्ने समस्याले पिरोलिरहेको हुन्छ । तर केही मात्रामा मात्र सावधानी र घरेलु विधि उपनाउ सकियो भने मात्र पनि ओठ फुट्ने समस्याबाट मुक्ति पाउन सकिन्छ ।
- के छन् उपाय ?
ओठमा जिब्रो लगाउने बानी, ओठ चुस्ने वा चाट्ने बानी छ भने तत्काल हटाउनुस् । साथै ओठमा मह दल्नु भयो भने पनि ओठ फुट्दैन ।
त्यसैगरी घ्यु र नरिवलको तेल लगाउँदा पनि ओठ फुट्नवाट बच्न सकिन्छ ।
पानी धेरै पिउनुभयो भने पनि यो समस्याबाट मुक्ति पाउन सक्नुहुन्छ ।
जाडो मौसममा सुन्तला, बदाम सेवन गर्दा पनि ओठ फुट्ने समस्याबाट छुटकारा पाउन सकिन्छ ।
बाहिरी वातावरणमा जानु पर्दा लिप जेल, लिप गार्ड वा लिपस्टिक लगाउँदा पनि ओठ फुट्ने समस्याबाट बच्न सकिन्छ ।
कहिले काँही रोगका कारण पनि ओठ फुट्न सक्छ । चिकित्सकका अनुसार जाडो मौसममा थाइराइड, इन्डोक्राइन जस्ता ग्रन्थीमा समेत रगतको मात्र कम भएर त्यसको परिणामस्वरूप ओठ फुट्न सक्छ ।
- एजेन्सी
रौतहटमा करणी मुद्दामा फरार प्रतिवादी ४ बर्षपछि प्रहरीको नियन्त्रणमा परेका छन ।
रौतहटको बृन्दावन नगरपालिकाकोे वडा नम्बर ४ का ३२ बर्षिय नागेश्वर राय यादव फरार भएको ४ बर्षपछि पक्राउ परेका हुन । यादवले सोेही वडाकी ११ बर्षिय बालिकालाई २०७३ साल फाल्गुन ९ गते दिउसो जबरजस्ति करणी गरेका थिए ।
बिशेष सुचनाका आधारमा यादवलाई ईलाका प्रहरी कार्यालय समनपुर रौतहटबाट खटिएको प्रहरी टोलीले पक्राउ गरेको हो । यादवलाई रौतहटको गढीमाई न.पा.वडा नं.१ स्थित बागमती नदि बाँध सडकखण्डमा ना६४प ४५०३ नं.को १५० सि.सि.को पल्सर मोटरसाईकल सहित पक्राउ गरिएको प्रहरिले जनाएको छ ।
पक्राउ परेका राय यादवलाई सोमबार रौतहट जिल्ला अदालत गौरमा उपस्थित गराईएको जिल्ला प्रहरी कार्यालय रौतहटले जनाएको छ ।
सरकारले निजामती कर्मचारीलाई निजी इन्स्टिच्युटमा पढाउन रोक लगाएको छ ।
संघीय मामिला तथा सामान्य प्रशासन मन्त्रालयले आइतबार मन्त्रीस्तरीय निर्णय गर्दै लोकसेवा आयोग तथा अन्य निकायबाट सञ्चालन हुने प्रतिस्पर्धात्मक परीक्षाको तयारी कक्षा चलाउने निजी इन्स्टिच्युटमा गएर पढाउन सरकारी कर्मचारीलाई रोक लगाएको हो । मन्त्रालयले अनलाइन माध्यमबाट प्रशिक्षण दिन पनि नपाउने निर्णय गरेको छ ।
यसअघि कुनै मन्त्रालय वा निकायबाट बाहिर गएर प्रशिक्षण दिनेलगायतका विषयमा अनुमति लिएको भएमा त्यस प्रकारका सबै अनुमतिसमेत रद्द गर्ने मन्त्रालयले निर्णय गरेको छ ।
साथै कर्मचारीले काज बिदाको बहाना गर्दै पढाएको पाइएमा त्यस्ता कर्मचारीमाथि कारबाही प्रक्रिया थालिने चेतावनी मन्त्रालयले दिएको छ ।
विभिन्न मन्त्रालय, विभाग, आयोग तथा अन्य निकायमा कार्यरत सरकारका सहसचिवस्तरका धेरै कर्मचारीले विभिन्न इन्स्टिच्युटमा पढाउने गरेका छन् ।
बहालवाला सहसचिव तथा केही सचिवसमेत विभिन्न निजी इन्स्टिच्युटमा गएर प्रशिक्षण दिने र पढाउने गर्दा सेवाप्रवाह कमजोर बनेको तथा नीति निर्माणमा समेत समस्या भएको ठहर गर्दै सरकारले यस्तो निर्णय गरेको हो ।