रौतहटमा मोटरसाइकल अनियन्त्रित भई दुर्घटना हुँदा एक जनाको मृत्यु भएको छ । मृत्यु हुनेमा परोहा नगरपालिका-६ बसन्पट्टी बस्ने प्रवीण सिंह रहेको प्रहरीले जनाएको छ । प्रहरी हवल्दार उनी काठमाडौँस्थित महानगरीय प्रहरी परिसर टेकुमा कार्यरत रहेका थिए ।

जिल्लाको दक्षिणी भेग बौधिमाई नगरपालिका-९ स्थित सडकमा ना.६ प ७४२२ नम्बरको उनी आफैले चलाएको मोटरसाइकल अनियन्त्रित भई शनिबार साँझ दुर्घटना भएको थियो । दुर्घटनामा गम्भीर घाइते भएका उनको उपचारको लागि जिल्ला अस्पताल गौरतर्फ लैजाने क्रममा बाटोमै मृत्यु भएको प्रहरीले जनाएको छ।

दुर्घटनामा घाइते भएका मोटरसाइकलमा सवार सोही स्थान बस्ने ३५ वर्षीय राकेश सिंहको नेशनल मेडिकल कलेज वीरगञ्जमा उपचार भइरहेको जिल्ला प्रहरी कार्यालय रौतहटका प्रवक्ता डिएसपी भरत श्रेष्ठले जानकारी दिए । श्रोत : रातोपाटी

इराकको सलाहुद्दिन प्रान्तमा शनिवार भएको एक हिंसात्मक आक्रमणमा परेर सात जना सुरक्षाकर्मी मारिएका बताइएको छ । शनिवार सो हमला भएको थियो । उक्त प्रान्तमा शनिवार भएको यस आक्रमण आइएसआइएसले गरेको अनुमान गरिएको छ ।

शनिवार साँझ इराककी सेना र त्यहाँको प्रहरीको संयुक्त सुरक्षागस्तीले इराकको एक सशस्त्र समूह सवाहका लडाकूहरुलाई कारबाही गरेको थियो । सो कारबाहीमा परी ती समूहका केही लडाकू मारिएका थिए ।

त्यसपछि यो आक्रमणको घटना भएको बताइएको छ । शनिबार साँझ सो हमला भएको छ । यसमा आइएसको हात रहेको इराकी प्रहरीले जनाएको छ । इराकको उक्त प्रान्त राजधानी बगदादबाट करिब २०० मिटर टाढा पर्दछ । उक्त स्थानमा पछिल्ला केही दिनहरुमा आइएसले आक्रमण थालेको छ ।

त्यसैले इराकको सुरक्षा फौजले सो क्षेत्रमा ठूलो संख्यामा सुरक्षा गस्ती दिने गरेको छ । सो गस्तीपछि आइएसले पनि सो क्षेत्रमा सुरक्षाकर्मी र सर्वसाधाारणलाई लक्ष गरेर हमला गर्ने गरेको छ । शनिवार हत्या गरिएका सात सुरक्षाकर्मी इराकका प्रहरी रहेको बताइएको छ । एजेन्सी

स्वास्थ्य तथा जनसंख्या मन्त्रालयले एकै दिन ३९४ स्थानीय तहमा अस्पतालको शिलान्यास गर्ने भएको छ। मङ्सिर १५ गते देशभरका ३९४ स्थानीय तहमा अस्पतालको शिलान्यास गरिने भएको हो ।

सबै नागरिकलाई आधारभूत स्वास्थ्य सेवा पुर्‍याउने उद्देश्यले  मन्त्रालयले ५, १० र १५ श्ययाका अस्पताल निर्माण प्रक्रिया अगाडि बढाएको हो।

चालु आर्थिक वर्षको नीति तथा कार्यक्रममा सबै स्थानीय तहमा पाँचदेखि १५ शय्यासम्मका आधारभूत अस्पताल स्थापना गर्ने उल्लेख गरिएको छ। सोही आधारमा अस्पताल निर्माण प्रक्रिया अघि बढेको हो ।

अस्पताल निर्माण हुने स्थानीय तहकाे विवरण हेर्न यहाँ क्लिक गर्नुहोस् :

https://drive.google.com/file/d/1YCCgu-zxz9KX8H1U-G9CuMffzuu6jzBT/view

सर्लाहीको लालबन्दीमा लागुऔषध सहित ३ जनालाई प्रहरिले नियन्त्रणमा लिएको छ ।

यहि मंसिर ४ गत्ते बिहिवारका दिन बयलवास बाट लालबन्दी तर्फ आउँदै गरेको २ ओटा मोटरसाईकल चेकजाँच गर्ने क्रममा लागुऔषध डाईलेक्स डि.सि.र नाईट्रोभेट सहित ३ जनालाई प्रहरिले पक्राउ गरेको हो । पक्राउ पर्नेमा ज९प ३७९८ नम्बरको मोटरसाईकल चालक ईश्वरपुर २ बस्ने १८ बर्षिय मनोज कुमार साह, सोहि ठाउँका बिआर ३० जेड ४६९६ नम्बरको मोटरसाईकल चालक सञ्जिव साह र भारत सितामणि सुनबर्षा १४ बस्ने २९ बर्षिय कृष्ण महत रहेका छन ।

करिव ४ बजेको समयमा बिशेष सुचनाको आधारमा मोटरसाईकल चेकजाँच गर्दा उनिहरुले लुकाएर ल्याउँदै गरेको डाईलेक्स डिसि ९८ पिस, नाईट्रोभेट २०९ पिस सहित मोटरसाईकल नियन्त्रणमा लिईएको ईलाका प्रहरि कार्यालय लालबन्दीले जनाएको छ ।

सर्लाहीको धनकौल गाउँपालिका–४ महिनाथपुर स्थित दहाउर सहनीको घर आगोले जलेर नष्ट भएको छ ।

शनिबार साँझ भएको आगलागीबाट सहनीको एक तले फुसको घर तथा घरभित्र रहेको १ टेलिभिजन, १ तोला सुन, नगद ९० हजार रुपैंया, दुईवटा मोबाईल सेट सहित लत्ताकपडा, भाँडा वर्तन, अन्नपात जलेर नष्ट भएको जिल्ला प्रहरी कार्यालय मलंगवाले जनाएको छ । खाना बनाउने सिलिण्डरबाट ग्याँस लिक भई आगलागी हुँदा दुई लाख ६३ हजार मुल्य बराबरको क्षति भएको प्रहरीले जनाएको छ ।

त्यस्तै शनिबार राती ९ बजे बिष्णु गाउँपालिका–५ फेन्हरा स्थित राज कुमार रायको काठले बनाएको घुम्ती पसलमा अचानक आगलागी हुँदा घुम्ती पसल आंशिक रुपमा जलेको छ । आगलागीबाट पसलमा रहेको नगद, सिल्डप्याक मदिरा तथा अन्य सामानहरु जलेर नष्ट हुँदा ७० हजार रुपैंया बराबरको क्षति भएको प्रहरीले जनाएको छ ।

यदि तपाईं सिर्जनात्मक उपाय खोज्दै हुनुहुन्छ भने एकपटक आफ्नो स्मार्टफोनको ग्यालरी छिर्नु होस् । आफ्ना पुराना फोटोहरु नियाल्नुहोस् र नयाँ मेकअप दिनुहोस् ।

गुगल प्ले स्टोर र आईओएसमा यसरी पुराना फोटोहरुलाई नयाँ बनाउने एडिटिङ एपहरु प्रशस्तै छन् । त्यसमध्ये आज हामी तपाईंलाई उत्कृष्ट आठ एपहरुका बारेमा बताउँदैछौं ।

१. स्नापसीड

स्नापसिड आईओएस र एन्ड्रोइड दुवैमा निःशूल्क रुपमा उपलब्ध एप हो । गुगलको स्वामित्वमा रहेको यो एपले तपाईंलाई एक्सपोजर र कलरका धेरै रेञ्ज प्रदान गर्नेछ ।

यसमा भिन्टेजदेखि मोडर्न स्टाइलसम्मका धेरै फिल्टर अप्सनहरु रहेका छन् । यसमा पञ्ची एचडीआर लुक्स पनि छ । 

२. लाइटरुम

प्रोफेसनल फोटोग्राफरहरुका लागि स्ट्याण्डर्ड एडिटिङ टूल मानिने एडोबको लाइट रुम आईओएस र एन्ड्रोइड दुवैमा उपलब्ध छन् । यसको निःशूल्क भर्सनमा सीमित फिचर मात्रै पाइन्छ ।

तर प्रति महिना ४.९९ डलर तिर्ने प्रयोगकर्ताहरुले यसका सबै फिचरहरु प्रयोग गर्न सक्छन् । तपाईंले यसमा स्टिकर, एनिमेसन तथा इमोजीहरु पाउनु हुनेछैन । तर यसबाट तपाईंले प्रोफेसनल किसिमको फोटो एडिटिङ गर्न भने सक्नुहुनेछ । 

३. एडोब फोटोसप एक्सप्रेस 

एडोब फोटोसपमा तपाईंले लाइटरुममा जस्तै फिचरहरु पाउन सक्नुहुन्छ । एक्सपोजर, कन्ट्रास्ट र कलर एडिटिङ जस्ता अप्सन यसमा छन् । तर यसबाट केही प्रो टूल र क्लाउड सेन्सिङ फिचरहरु हटाइएको छ ।

तर खुशीको कुरा के छ भने यसमा सब्सक्रिप्सन फी पनि हटाइएको छ । यो आईओएस र एन्ड्रोइड दुवैमा निःशूल्क उपलब्ध छ । यसमा तपाईंले राम्रा फिल्टर र ओभरले टेक्सचरहरु पाउन सक्नुहुन्छ । 

४. प्रिज्मा

प्रिज्माले सूक्ष्म फिल्टर तथा आधारभूत इमेज करेक्सनको काम गर्दैन । यो एउटा ट्रिप्पी फिल्टर हो जसले तपाईंको फोटोलाई एकदमै अभूतपूर्व कलात्मक शैलीमा एडिट गरिदिन्छ ।

यसमा भएका धेरै फिल्टरहरु साल्भाडोर डाली तथा पिकास्सो जस्ता कलाकारहरुबाट प्रेरित छन् । यसका फिल्टरहरु बलिया पनि छन् ।

सबै फिल्टरहरु सबै किसिमका तस्वीरहरुका लागि सुहाउँदैँनन् । यसमा भएको फिल्टर पोट्रेट तस्वीरहरुका लागि एकदमै उपयुक्त छ । आईओएस र एन्ड्रोइडमा उपलब्ध यो एप्सको मासिक सब्स्क्रिप्सन मूल्य ७.९९ डलर रहेको छ । 

५. बाजार्ट 

बाजार्टको मोन्टाज र कोलाजले तपाईंलाई तस्वीरदेखि टेक्स्ट तथा ग्राफिक्स लगायतका विभिन्न तत्वहरुलाई समायोजन गर्न मद्दत गर्दछ ।

यसले पोट्रेट तस्वीरको पृष्ठभूमिलाई मेट्न सहयोग गर्दछ । यसले नयाँ पृष्ठभूमि र नयाँ लेयर थप गर्न समेत सघाउँछ । आईओएसमा मात्र उपलब्ध यो एपको मासिक सब्स्क्रिप्सन शूल्क ७.९९ डलर हो ।

६. फोटोफक्स

बाजार्टमा जस्तै फोटोफक्समा पनि पृष्ठभूमिमा रहेका वस्तुहरु हटाउने शक्तिशाली टूल‍ छन् । यसले तपाईंलाई नयाँ पृष्ठभूमि र सुन्दर इफेक्टहरु प्रदान गर्दछ ।

यसमा भएको डिस्पर्सन  इफेक्ट एदमै राम्रो छ । साथै यसको ग्लिच इफेक्ट र डबल एक्सपोजर इफेक्ट पनि एकदमै अतुलनीय किसिमका छन् । यो एप आईओएस मा मात्र उपलब्ध छ । 

७. पिक्सआर्ट

पिक्सआर्टमा धेरै एडिटिङ टूलहरु उपलब्ध छन् । कन्ट्रास्ट एक्सपोजर जस्ता आधारभूत टूलदेखि सिनेम्याटिक कलर ग्रेडिङ र ड्रामाटिक फिल्टरहरु पनि यसमा उपलब्ध छन् ।

८. भिस्को

आईओएस तथा एन्ड्रोइड दुवैमा उपलब्ध यो एपमा केही फंसनहरु निःशूल्क छन् । यदि सब्सक्रिप्सनमा लिन चाहनुहुन्छ भने सात दिनको निःशूल्क ट्रायल सहित एक वर्षका लागि १९.९९ डलर तिर्नु पर्ने हुन्छ ।

लाइटरुम तथा रुटहरु स्पष्ट रहेको भिस्कोले फोटोलाई जीवन्त बनाउने कलर ग्रेडिङ समेत सुरु गरेको छ ।

यसमा डिजाइन, लुक्स, क्लासिक, फुजिफिल्म, कोड्का तथा इलफोर्ड जस्ता अनेकौं प्रिसेट समेत उपलब्ध छन् । यसका साथै भिस्कोमा विशेष किसिमको ब्लयाक एण्ड ह्वाइट फिल्टर समेत छ । 

शनिबार थप १ हजार ६७४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

योसँगै नेपालमा कोरोना संक्रमितको संख्या २ लाख १८ हजार ६३९ संक्रमितको संख्या पुगेको छ ।

मन्त्रालयका अनुसार हालसम्म पीसीआर विधिबाट १६ लाख ५२ हजार ४३ परीक्षणहरु गरिएका छन् । २४ घण्टामा जम्मा ८ हजार १४४ पीसीआर परीक्षण भएका छन् । देशभरी सक्रिय संक्रमितको संख्या हालसम्म २४ हजार ९छ भने हालसम्म क्वारेन्टाइनमा रहनेको संख्या ७५७ जना रहेका छन् ।

यस्तै पछिल्लो २४ घण्टामा २ हजार ३२३ जना कोरोना संक्रमणबाट निको भएर डिस्चार्ज भएका छन् । नेपालमा योसँगै निको हुनेको १ लाख ९३ हजार ३२५ संख्या पुगेको छ ।

त्यसका साथै २४ घण्टामा कोरोना संक्रमणबाट ७ जनाको मृत्यु भएसँगै हालसम्म मृत्युहुनेको संख्या १ हजार ३०५ पुगेको छ ।

सत्तारुढ नेपाल कम्युनिस्ट पार्टी नेकपा स्थायी कमिटी सदस्य एवं पूर्व अर्थमन्त्री सुरेन्द्र पाण्डेमाथि आफ्नै कार्यकर्ताले अभद्र व्यवहार गरेका छन् । चितवनमा शनिबार भएको कार्यक्रममा नेता पाण्डेले बोलिरहेको समयमा आफ्नै कार्यकर्ता र त्यहाँका स्थानीयले अवरोध गरेका हुन् । राप्ती नगर पार्टीको बैठकमा सहभागी भइ मन्तव्य राखिरहेको बेला पाण्डेलाई अभद्र व्यवहार गरिएको हो ।

यसैबीच, नेकपाका वरिष्ठ नेता माधवकुमार नेपालले नेता पाण्डेमाथि केही व्यक्तिले सुनियोजित रूपमा अभद्र व्यवहार गरेको भन्दै असन्तुष्ट हुनुभएको छ । सभ्य, सुसंस्कृत एवं समुन्नत समाज निर्माण गर्ने उद्देश्य बोकेको कम्युनिस्ट आदर्श अबलम्बन गर्ने लोकतान्त्रिक कम्युनिस्ट पार्टीका लागि यस्ता गतिविधि पटक्कै नसुहाउने उहाँको भनाइ छ । नेता नेपालले दुर्व्यवहार गर्नेहरूको छानबिन गरेर कडा कारबाही गर्न माग गर्नुभएको छ ।

त्यसैगरि सत्तारुढ दल नेपाल कम्युनिस्ट पार्टी (नेकपा)का वरिष्ठ नेता झलनाथ खनालले चितवनमा नेता सुरेन्द्र पाण्डे सुनियोजित रुपमा दुर्व्यवहार गरिएको बताउनुभएको छ । शनिबार साँझ एक विज्ञप्ति प्रकाशित गर्दै वरिष्ठ नेता खनालले नेता पाण्डेमाथि भएको दुर्व्यवहारको निन्दा एवं भत्र्सना गर्दै सम्लग्न व्यक्तिलाई कडाभन्दा कडा कारवाहीको माग गर्नुभएको छ ।

‘कार्यक्रममा आफ्ना भनाइहरु राखिरहेको अवस्थामा अनाधिकृत रूपमा प्रवेश गरेका केही अराजक व्यक्तिहरूले गरेको अभद्र व्यवहार तथा नाराबाजी अत्यन्तै निन्दनीय छ । यस्तो गैह्र जिम्मेवारपूर्ण घटनाको घोर निन्दा तथा भर्त्सना गर्दछु’, खनालद्वारा जारी विज्ञप्तिमा भनिएको छ, ‘कम्युनिस्ट पार्टीको नैतिक मूल्य, आचरण तथा आदर्शविपरीत यस्तो आपत्तिजनक कार्यमा संलग्न व्यक्तिलाई तत्काल कडाभन्दा कडा कारबाही गर्न सम्बन्धित पार्टी कमिटीको ध्यानाकर्षणसमेत गराउँछु ।’

पूर्वप्रधानमन्त्री समेत रहेका नेता खनालले पार्टीको आन्तरिक विवाद उत्कर्षमा पुगेको र त्यसको समधानका लागि उपायहरु खोजी भइरहेका बेला यस्ता घटनाले स्थितिलाई झनै उत्तेजक बनाउने भन्दै सचेत रहने नेता कार्यकर्तालाई आग्रह समेत गर्नुभएको छ ।

मानिसहरुलाई निन्द्रा लाग्नु र थकाइका कारण झुल्नु स्वभाविक कुरा हो । तर गाउँका सबै जना नै कुरा गर्दा गर्दै निदाउँछन् भन्दा तपाईलाई कस्तो लाग्ला ? काजिकिस्तानको एउटा गाउँमा मानिसहरु कुरा गर्दा गर्दै निदाउँछन् ।

यस बारेमा वैज्ञानिकहरु नै अचम्ममा परेका छन् । काजिकिस्तानको कलाची गाउँका मानिसहरु जुन बेला पनि निदाउँन सक्दछन् ।

अचम्मको कुरा त के छ भने त्यहाँका मानिसहरु सुतेर उठ्दा सबै कुरा बिर्सिन्छन् । कलाची गाउँको यो रहस्य पहिलो पटक सन् २०१० मा पत्ता लागेको थियो ।

त्यो समयमा केहि बच्चाहरु अचानक स्कुलमा सुतेको खबर बाहिर आएको थियो । वैज्ञानिकहरुका अनुसार यस्तो कारण जान्ने जति प्रयास गरेपनि नसकेको बताएका छन् ।

केहि अनुसन्धान कर्ताहरुले अचानक निन्द्रा लागेर सुत्नुको पछाडि स्लीपिंग डिसअर्डर रहेको बताएका छन् । कलाची गाउँमा युरेनियमका धेरै खानीहरु रहेका छन् ।

युरेनियमबाट निस्किने ग्यासहरुले शरिरमा असर गरेको कारण यस्तो भएको हुनसक्ने कतिपयको बुझाई रहेको छ ।

लोक आस्थाको पवित्र पर्व छठ आज शनिवार बिहानको उदाउँदो सुर्यलाई अघ्र्य दिएपछि सम्पन्न भएको छ ।

मिथिला नगरी एवं तराईका अधिकांश स्थानमा बिहानैदेखि नदी, पोखरी एवं नहर किनारमा अर्घ्य दिने, ब्रतालुको आशिर्वाद लिने एवं बिहानीको पुजापछि प्रसाद थाप्ने गरिन्छ । गएको बुधवारबाट सुरु भएको छठ यसपाली कोरोना माहामारिका कारण अघिल्ला बर्षहरुको जस्तो बृहत हुन सकेन । कतिपयले यसपालीको छठलाई घर आँगनमै घाट बनाएर मनाए भने कतिपय सिमित ब्यक्तिहरु मात्रै सहभागी भएर घाटमा पुगे ।

यसै बिच रौतहटको कटहरिया नगरपालीका वडा नम्बर ३, ५ र ६ का वडाध्यक्षहरु उमेश यादव, सर्फलाल प्रसाद गुप्ता, शम्भुकान्त यादव सहित नेपाली कांग्रेसका युवा नेताहरु गनिलाल यादव, वाल्मिकी यादव, हरेन्द्र यादवले नगरभित्रका बिभिन्न छठ घाटमा पुगेर ब्रतालु भक्तजनहरुसँग भेटघाट गर्दै शुभकामना आदान प्रदान गरेका छन । सहभागी वडाध्यक्षहरुले यसपालीको छठमा ब्रतालु भक्तजनहरुको सुबिधालाई ध्यानमा राखेर गाउँदेखि छठ घाटसम्म बिजुली बत्तिको प्रबन्ध गरेका थिए ।

उल्लेख भएअनुसार द्रौपदीसहित पाँच पाण्डव अज्ञातबासमा रहँदा सो गुप्तबास सफल होस् भनी सूर्यदेवको पूजा उपासना गरिएको थियो सोही समयदेखि छठ मनाउने परम्पराको थालनी भएको हो ।

यस पर्वमा बाँसको ढाकी, माटोका सामग्रीहरु, केरा, मौसमी फलफुल, भुसुवा, ठेकुवा, उखु, अदुवा लगायतका विविध मिठाई तथा फलफूल लगायतका प्रसाद चढाइन्छ ।