काठमाडौं– राप्रपाका प्रमुख सचेतक ज्ञानबहादुर शाही (ज्ञानेन्द्र) शाहीले ठूला ठूला फाइल खोल्छौं भनेको सरकारले गिरिबन्धु टि–स्टेटको फाइल कहिले खोल्छ भनेर प्रश्न गरेका छन्। 

मंगलबार प्रतिनिधि सभाको बैठकमा बोल्दै सांसद शाहीले गिरिबन्धु टी–स्टेटको फाइल खोलेको सुन्न आफूहरु सदनमा आतुर भएको बताए। 

यस्तै मेलम्ची, वाडबढी, फोर जी जस्ता प्रकरणका फाइलहरु कहिले खोलिन्छ? भन्दै गृहमन्त्री र प्रधानमन्त्रीलाई प्रश्न गरे। साथै उनले सहकारी प्रकरणमा जिबी राईलाई किन पक्राउ गर्न नसकिएको हो भन्दै प्रश्न गरे। देशभन्दा जिबी राई ठूलो हो? भनेर उनले टिप्पणी गरे। 

उनले भने, ‘यो देश ठूलो हो कि जिबी राई ठूलो हो। मलाई लाग्छ यो देशभदा जिबी राई ठूलो हो। हैन भने जिबी राईलाई किन पक्राउ गर्न सकिएको छैन?’

कांग्रेस, एमाले र माओवादीजस्ता पुराना दलहरुले काम गर्न सकेनन् भनेर नयाँलाई सदनमा पठाएको स्मरण गर्दै सांसद शाहीले नयाँ दलबाट आएर सरकारमा बसेकाहरुले पनि त्यही पारा देखाएको टिप्पणी गरे।

उनले भने, ‘कांग्रेस, एमाले र माओवादी लगायतका पुराना दलहरुले काम गर्न सकेनन् भनेर जनताले हामीलाई पठाए। तर गृहमन्त्रीज्यु यी ठूला प्रकरणमा जोडिएकाहरुलाई कहिले पक्रिनुहुन्छ। म माग गर्न चाहन्छु। गिरीबन्धु प्रकरणमा के भएको हो? फाइल खोल्नुहोस्।’

राष्ट्रिय प्रजातन्त्र पार्टीका सांसद दीपकबहादुर सिंहले नारायणहिटी संग्रहालयभित्र रहेको गणतन्त्र स्मारक सर्वसाधारणका लागि खुला गर्न माग गरेका छन् । सोमबार प्रतिनिधि सभामा शून्य समयमा बोल्दै उनले यस्तो माग गरेका हुन् ।

‘नारायणहिटी दरबारभित्र रहेको गणतन्त्र स्तम्भ पाँच वर्ष भइसक्यो बनेको । वर्षौंदेखि ताला लगाइ राखिएको छ । त्यो पार्कमा जनतालाई घुम्न, अध्ययन गर्न, विद्यार्थी भाइबहिनीहरूका लागि त्यहाँ घुम्नका लागि वरिपरि विद्यालयहरू भएको हुनाले त्यसको सुचारु जनताका लागि गर्न म सरकारसँग माग गर्न चाहन्छु।’ उनले भने ।

व्यवस्थापनको जिम्मा संघीय सरकारले गर्न नसके काठमाडौं महानगरपालिकालई जिम्मेवारी दिन उनको सुझाव छ ।

‘यदि यो काम नेपाल सरकारले गर्न सक्दैन भने काठमाडौं महानगरपालिकालाई जिम्मा दिइयोस् भन्ने म अनुरोध गर्दछु’ सांसद सिंहले भने ।

काठमाडौं/ राष्ट्रिय प्रजातन्त्र पार्टी संसदीय दलका प्रमुख सचेतक ज्ञानबहादुर शाहीले उपप्रधान एवं गृहमन्त्री रवि लामिछानेले राहदानी प्रकरण ढाकछोप गर्न प्रधानमन्त्री पुष्पकमल दाहाल ‘प्रचण्ड’को सहारा लिएको टिप्पणी गरेका छन् । हिजो (शुक्रबार) प्राइम टाइम्स टेलिभिजनको जनता जान्न चाहन्छन् कार्यक्रममा पत्रकार ऋषि धमलासँग संवाद गर्दै उनले यस्तो बताएका हुन् ।

‘उहाँले डेट गइसकेको नागरिकता प्रयोग गर्नुभएको थियो । अदालतले भन्दियो । उहाँले पनि त्यो स्वीकार गर्नुभयो । उहाँलाई अहिले पासपोर्टको मुद्दाले अल्झायो । प्रचण्डको साथ छोड्न नसक्नुको कारण नै पासपोर्ट हो । अरु कोही मान्छेलाई मुद्दा लाग्छ, त्यही मुद्दा रवि लामिछानेलाई लाग्दैन । उहाँले पुरानो नागरिकताबाट पासपोर्ट निकाल्नुभएको थियो । त्यो कानुनअन्तर्गत गलत हो । उहाँको नयाँ नागरिकताले लिएको भए त्यो गलत होईन । त्यो मुद्दा महान्यायाधिवक्ताको कार्यालयमा रोकिएको छ,’– उनले भने ।

आफ्नो पासपोर्ट काण्ड जोगाउन लामिछानेले प्रचण्डका कोहीपनि मान्छेलाई नछोएको उनको आरोप छ । उनले पञ्चा सिंहलाई उन्मुक्ति दिइएको भन्दै आपत्ति जनाए । हिजो नाकको डाँडी भाच्छु भन्ने मान्छे आज प्रचण्डको खुट्टामा परेको उनको टिप्पणी छ । सहकारी ठगी प्रकरणमा बन्न लागेको संसदीय समितिमा उपप्रधान एवं गृहमन्त्री लामिछानेको नामै तोकिनुपर्ने उनले बताए । नेता शाहीले छानविन गर्ने निकायको प्रमुख गृहमन्त्री आफैं भएकाले निश्पक्ष छानविन हुन नसक्ने भएर संसदीय समिति आवश्यक रहेको बताए । उनले भने, ‘छानविन कसले गर्छ ? गृह मन्त्रालयले होईन ? उहाँकै नाम जोडिएको विषयमा उहाँ आफैंले छानविन गर्न मिल्छ ? उहाँ गृहमन्त्री नभइदिएको भए उहाँको नाम राख्नु आवश्यक थिएन । छानविन गर्ने निकायको प्रमुख त गृहमन्त्री हुन्छन् नि त । आफूलाई आरोप लागेको कुरा आफैंले छानविन गर्न कहाँ मिल्छ ?’

साथै, एमाले अध्यक्ष एवं पूर्व प्रधानमन्त्री केपी शर्मा ओलीको कारण देश बर्वाद भएको उनको आरोप छ । उनले वर्तमान व्यवस्थामा केपी ओली, शेरबहादुर देउवा, प्रचण्ड सबै खराब देखिएको बताए । उनीहरुले सहकारी ठगी प्रकरणमा छानविन समिति बनाउन खुट्टा कमाएको नेता शाहीको टिप्पणी छ ।

कान्तिपुर मिडिया ग्रुपका अध्यक्ष कैलाश सिरोहिया पक्राउ प्रकरणका रोइलो गर्नुपर्ने आवश्कत्ता नरहेको उनले बताए । उनले सिरोहियालाई समाचार लेखेकै भरमा पक्राउ नगरिएको जिकिर गरे । उनले भने, ‘अदालतले पक्राउ पुर्जी जारी गरेको कुरामा के को रोइलो भनेको ? उहाँ निर्दोष भए त छुटिहाल्नुहुन्छ नि । उहाँले समाचार लेखेको भनेर पक्राउ गरेको हो र ? नागरिकताको केसमा पक्राउ गरेको हो । अब गृहमन्त्रीलाई कैलाश सिरोहियाले लेखेको न्यूज गलत हो भने मुद्दा हाल भन्नुपर्छ । कसैले कसैको बारेमा गलत न्यूज लेख्न हुँदैन ।’

 राष्ट्रिय प्रजातन्त्र पार्टीका अध्यक्ष राजेन्द्रप्रसाद लिङदेनले नेपालमा संघीयता बोझिलो र खतरनाक भएको बताउनुभएको छ ।

शुक्रवारबाट शुरु भएको पार्टीको कार्यसमितिको बैठकमा पार्टीको राजनीतिक प्रतिवेदन प्रश्तुत गर्दै अध्यक्ष लिङदेनले आर्थिक र राष्ट्रिय एकताको दृष्टिकोणले नेपालमा संघीयता बोझिलो र खतरनाक भएको बताउनुभएको हो । उहाले मुलुकले तीन तहको राज्य संरचना र धेरै संख्याको जनप्रतिनिधिहरुलाई तलव भत्ता ख्वाएर पाल्न नसक्ने समेत उल्लेख गर्नुभयो।

उहाले मुलुकको दीर्घकालीन हितका लागि सबै दलहरुका बीच राष्ट्रिय सहमति बनाएर प्रदेशको व्यवस्था खारेज गर्दै मुलुकमा नविन समझदारी कायम हुन आवश्यक रहेको बताउनु भयो ।

उहाले भन्नुभयो, ‘नेपाल जस्तो जनसंख्या र भुगोल भएको हिसावले समेत सानो मुलुकले तीन तहको राज्य संरचना र यति धेरै संख्याको जनप्रतिनिधिहरुलाई तलव भत्ता ख्वाएर पाल्न सक्दैन। आर्थिक र राष्ट्रिय एकताको दृष्टिकोणले समेत नेपालको सन्दर्भमा संघीयता बोझिलो र खतरनाक छ।’

उहाले मुलुकलाई दीर्घकालीन अफ्ठ्याराबाट जोगाउनु सबैको कर्तव्य रहेको भन्दै संघीयता देशको समृद्धिको आधार नभइ आर्थिक हिसावले बोझिलो र विकृतिको पर्याय बन्न पुगेको धारणा राख्नु भयो ।

अध्यक्ष लिङदेनले सत्ता स्वार्थका लागि जोसँग जस्तो पनि सम्बन्ध राख्ने प्रवृत्तिका कारण छिमेक र विश्व समुदायमा नेपालको विश्वसनियता कमजोर बनेको बताउनुभयो।

लिङदेनले भन्नुभयो, ‘मुलुकको दीर्घकालीन हितका लागि सबै दलहरुका बीच राष्ट्रिय सहमति बनाएर प्रदेशको व्यवस्था खारेज गर्दै मुलुकमा नविन समझदारी कायम गरी प्रदेश तहको खारेजी मात्र नभइ प्रतिनिधि सभा तथा स्थानीय तहको समेत जनप्रतिनिधिको संख्यामा व्यापक कटौति गर्नुपर्छ। मुलुकलाई दीर्घकालीन अफ्ठ्याराबाट जोगाउनु हामी सबैको कर्तव्य हो। आज संघीयता देशको समृद्धिको आधार होइन, आर्थिक हिसावले बोझिलो र विकृतिको पर्याय बन्न पुगेको छ। प्रदेश राजनीतिक दलका कार्यकर्ता भर्ती गर्ने ठाउँ बनेको छ।’

उहाले सत्ता पक्ष र प्रमुख दलहरुको क्रियाकलाका कारण बिग्रिने सम्बन्ध र देशले भोग्नुपर्ने क्षति सम्बन्धित दलहरुले मात्र नभइ सिंगो देशले व्यहोर्नुपर्ने भन्दै वैदेशिक सम्बन्ध कसैसँग नजिक र टाढाको नभइ समान हुनुपर्ने बताउनु भयो।

केन्द्रीय कार्यसमितिको बैठकमा पार्टी अध्यक्ष लिङदेनले समसामयिक राजनीतिक परिस्थिति र पार्टीको भावी कार्यदिशा सम्बन्धी राजनीतिक प्रतिवेदन पेश गरेको पार्टीका प्रवक्ता मोहन श्रेष्ठले जानकारी दिनुभयो। उहाले महामन्त्री राजेन्द्र गुरुङले सचिवालय सम्बन्धी, कोषाध्यक्ष नीलकण्ठ काफ्लेले आर्थिक प्रतिवेदनहरु पेश गरेका जानकारी वताउनुभयो।

नेता श्रेष्ठले आज नै विभिन्न सात प्रदेशका प्रदेश अध्यक्षले प्रदेशको कार्यप्रगति विवरणसहितको प्रतिवेदन पेश गरेका पनि जानकारी दिनुभयो।

आजबाटै नै विभिन्न प्रतिवेदनमा छलफल हुने र शनिवार प्रतिवेदन र भुगोकेन्द्रित जिम्मेवारीका बारेमा गरेको प्रगति विवरणबारे बैठकलाई जानकारी गराउने कार्यसूचि रहेको सो पार्टीले जनाएकोछ ।

सबै प्रतिवेदनमा छलफल सकिएपछि जेठ १३ गते बैठकले निर्णय सार्वजनिक गर्ने जनाईएको छ ।

बुटवल  । दाङको राजपुर गाउँपालिका ७ हाडेवासमा आगलागीबाट २३ घर जलेर नष्ट भएका छन् । आज आइतबार भएको आगलागीबाट घर र गोठ जलेर नष्ट भएका हुन् । 

वडा सचिव दीपक कुमार रानाले बस्तीमा लगेको आगोबाट २३ घर जलेको जानकारी दिए । उनले सशस्त्र प्रहरी, जनपथ प्रहरी, जनप्रतिनिधि र स्थानीयले आगो नियन्त्रणमा लिएका छन् । मानवीय क्षति नभएको बताउँदै उनले अन्य क्षतिको विवरण संकलन भइरहेको जानकारी दिए । 

काठमाडौं : राष्ट्रिय प्रजातन्त्र पार्टी अध्यक्ष राजेन्द्र लिङ्देनले नेपालमा पनि नवीन समझदारी गरी राजसंस्था पुनर्स्थापना गर्न आग्रह गरेका छन्।

कतारी राजाको नेपाल भ्रमणको सन्दर्भमा लिङ्देनले नेपालको हिजोको अन्तराष्ट्रिय गौरव पुनर्स्थापित गर्न अभिभावकीय राजसंस्थाको पुनर्स्थापना गर्न अपिल गरेका हुन्।

‘कतारका राजालाई स्वागत गर्न राष्ट्रपति विमानस्थल जानुभएको थियो भने राजालाई २१ तोपको सलामी दिईएको थियो । नेपाल सरकारले हिजो सार्वजनिक बिदा पनि दिएको छ। अमिर शेख तमीम विन अहमद अल थानीलाई नेपालमा स्वागत गर्दै उनले सामाजिक संजालमा लेखेका छन्,‘यो सम्मान राजसंस्थाप्रतिको अन्तर्राष्ट्रिय मर्यादा र सम्मान हो। त्यसैले हीनताबोध नगरौँ ! नवीन समझदारी गरौं !! नेपालको हिजोको अन्तर्राष्ट्रिय गौरव पुनर्स्थापित गर्न अभिभावकीय राजसंस्थाको पुनःस्थापना गरौँ !!!’

काठमाडौं– नेपाली बजारमा बुधबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुनको मूल्य तोला ५०० रुपैयाँले बढेको हो ।

महासङ्घका अनुसार आज छापावाल सुन प्रतितोला १ लाख ३६ हजार रुपैयाँ र तेजाबी सुन १ लाख ३५ हजार ३५० रुपैयाँमा कारोबार भइरहेको छ ।

मंगलबार छापावाल सुन प्रतितोला १ लाख ३५ हजार ५०० रुपैयाँ र तेजाबी सुन १ लाख ३४ हजार ८५० रुपैयाँमा कारोबार भएको थियो ।

आज चाँदीको मूल्य तोलामा १० रुपैयाँले बढेर प्रतितोला १६ सय ७० रुपैयाँमा कारोबार भइरहेको छ । यस अघि मंगलबार चाँदी तोलाको १६ सय ६० रुपैयाँमा कारोबार कारोबार भएको थियो ।

 राष्ट्रिय प्रजातन्त्र पार्टीका केन्द्रीय अध्यक्ष राजेन्द्र लिङ्देनले कांग्रेस-एमाले-माओवादी र नयाँ सबै दल एउटै भएको बताएका छन्।

बझाङको सदरमुकाम चैनपुरमा शुक्रबार भएको प्रदेश सभा उपनिर्वाचनको चुनावी सभालाई सम्बोधन गर्दै अध्यक्ष लिङ्देनले भने, ‘कतिपय मान्छेहरूले एमाले, कांग्रेस, माओवादीसँग चित्त नबुझेर नयाँ पार्टीमा लागेको देखेको छु। तर, एमाले, कांग्रेस र माओवादी पार्टीको विकल्प स्वतन्त्र पार्टी होइन, यिनीहरू सबै एकै पार्टी हुन्।’

उनले पार्टीका नाम, चिह्न र नेता अलग भए पनि विचार र व्यवहारमा सबै पार्टी एउटै भएको बताए। उनले देशको मूल समस्याका रूपमा रहेको निर्वाचन प्रणाली, नियुक्ति प्रणाली र भ्रष्ट व्यवस्थाको सबै पार्टीले स्वीकार गरेको बताए। उनले अहिलेको निर्वाचन प्रणाली, नियुक्ति प्रणाली र भ्रष्ट व्यवस्थाको सबैको विकल्पमा राष्ट्रिय प्रजातन्त्र पार्टीमात्रै रहेको बताए।

उनले व्यवस्था र अवस्था परिर्वतनका लागि वैशाख १५ गते हुने उपनिर्वाचनमा हलो चिह्नमा मतदान गर्नसमेत सबैमा अपील गरे। त्यस्तै उनले चुनावमा भोट दिने कुरा बिहेमा छोरी दिनेभन्दा पनि महत्वपूर्ण कुरा भएको बताए। अध्यक्ष लिङ्देनले चुनावमा दिइने मतले जनताको भाग्य र भविष्य निर्धारण गर्ने बताए।

तपाईँले अनेक विचार गरेर दिएको छोरी पनि कहिलेकाहीँ गलत मान्छेको हातमा पर्छ। छोरी गलत मान्छेको हातमा परेपनि त्यही एउटा छोरीले मात्र दुःख पाउँछ। तर, तपाईँले दिएको एउटा भोट पूरै समाज र देशले दुख पाउने भएकाले भोट दिनुअघि हजार पटक सोचेर भोट दिनुस् भनेर आग्रह गरेका छन् ।

राष्ट्रिय प्रजातन्त्र पार्टीले बैसाख ४ गते मगंलबार साँझ निजगढमा मसाल जुलुससहित प्रदर्शन गरेको छ ।

पार्टी कार्यकर्ताको हत्याको विरोधमा राप्रपा निजगढले गृहमन्त्री रवि लामिछानेको राजिनामा माग गर्दै मसाल जुलुस सहित प्रदर्शन गरेको हो ।

प्रदर्शनकारीहरुले राजतन्त्रको पक्ष र गणतन्त्रको विपक्षमा नाराबाजी गरेका थिए ।

निजगढको सहिद चोकबाट सुरु भएको सो प्रदर्शन पूर्वपश्चिम राजमार्गको बुद्ध चोक परिक्रममा गरेर शहिदमा आएर कोण सभामा परिणत भएको थियो ।

सभामा बोल्दै राप्रपा निजगढ नगर अध्यक्ष खड्ग प्रसाद उप्रेतीले आफूहरुको आन्दोलन जारी रहेको र राज संस्था पुर्नवहानी नभएसम्म जारी रहने बताए ।

राप्रपाको गत हप्ता भएको काठमाण्डौं केन्द्रीत आन्दोलनको क्रममा प्रहरीको अश्रुग्यास लागेर मृत्यु भएका बर्दियाका ठाकुरप्रसाद डाँगीको हत्याको विरोधमा कार्यकर्ताहरुले देशव्यापी प्रदर्शन गरेका छन ।

काठमाडौँ। प्रधानमन्त्री पुष्पकमल दाहाल प्रचण्डसमक्ष ४० बुँदे मागपत्र बुझाएर आन्दोलनमा होमिएको राप्रपाले काठमाडौँ केन्द्रित  जनप्रदर्शनको तयारीलाई तीव्रता दिएको छ । 

गत ९ फागुनमा प्रधानमन्त्री प्रचण्डसमक्ष  विभिन्न ४० बुँदे माग राखेर आन्दोलनमा होमिएको राप्रपाले २७ चैतमा काठमाडौँ केन्द्रित जनप्रदर्शन गर्न लागेको हो । काठमाडौँ उपत्यकाका हरेक पालिकामा कमाण्डर तोकिएको छ भने ती कमान्डरले पनि वडा कमान्डर तोकेका छन् । 

उनीहरूको नेतृत्वमा काठमाडौँ उपत्यकाको दर्जनौँ स्थानबाट झाँकीसहितको र्‍याली निक्लिने र वृहत् सभामा परिणत हुने राप्रपाले जनाएको छ । 

 ४० बुँदे माग पूरा गराउन दवाव दिन जिल्लाहरूमा विभिन्न कार्यक्रम गरेको राप्रपाको २७ चैतमा हुने जनप्रदर्शनमा देशभरबाट कार्यकर्ताहरू सहभागी हुने प्रवक्ता मोहन कुमार श्रेष्ठले जानकारी दिए । 

राप्रपाले राखेको ४० बुँदे मागपत्रमा सरकारी कर्मचारी तथा पेसागत दलीय भ्रातृ संगठनहरूको खारेजी हुनुपर्ने, संवैधानिक नियुक्तिहरूमा दलीय भागबन्डा नहुने संवैधानिक सुनिश्चितता हुनुपर्ने, शिक्षा र स्वास्थ्य सुधार हुनुपर्ने, ०४६ सालपछि उच्चपदस्थ नेता, कर्मचारी तथा परिवारको सम्पत्ति छानबिन गर्नुपर्नेलगायत उल्लेख गरेको छ । सहकारी तथा लघुवित्तको समस्या समाधान हुनुपर्ने, ललिता निवास, वाइडबडी, नक्कली भुटानी शरणार्थी, ठूलो सुन काण्डलगायतको निष्पक्ष छानबिन गरी दोषीमाथि कारबाही हुनुपर्ने माग पनि राप्रपाको छ ।