बारा/ निजगढ

   भारतको बिहारमा नेपाली तीर्थयात्री सवार बस दुर्घटनामा घाइते भएका नेपाली एउटै गाउँका रहेको खुलेको छ । आईतबार बिहान ४३ जना नेपाली तीर्थयात्री बोकेको बस दुर्घटना हुँदा ३५ जना घाइते भएका छन्।

उनीहरू सबै बाराको बारगढी गाउँपालिका वडा नम्बर ३ मुर्तिपलिया टोलका रहेको बाराका प्रहरी प्रबक्ता डिएसपी प्रकाश सापकोटाले जानकारी दिए। शनिबार बस रिजर्भ गरेर उनीहरु सबै जना बाबाधाम गएकोमा बिहान चार बजेको समयमा बिहारको समस्तीपुरको मुश्रीघरारी थाना क्षेत्रमा राष्ट्रिय राजमार्ग २८ मा पछाडिबाट ट्रकले ठक्कर दिँदा बस दुर्घटना भएको उनले बताए।सडकमा पल्टिएर भएको दुर्घटनामा परी घाइते भएकाहरुमध्ये दस जनाको अवस्था गम्भीर रहेको सापकोटाले बताए। घाइतेहरुको बिभिन्न अस्पतालहरुमा उपचार भइरहेको तथा घटनाको सम्बन्धमा थप बुझने प्रयास भईरहेको उनले बताए ।

 

सूर्यचौरमा हेलिकप्टर दुर्घटनामा ज्यान गुमाउने सबै यात्रु र क्याप्टेनको शव प्रहरीले संकलन गरेको छ। उक्त शवलाई काठमाडौँतर्फ लैजान संकलन गरिएको हो।

घटनास्थलमा हेलिकप्टरमा पूर्णतया जलेको अवस्थामा छ। उद्धारका लागि सुरक्षाकर्मी र स्थानीय जुटेका छन्।

बुधबार दिउँसो दिउँसो एयर डाइनेस्टीको हेलिकप्टर दुर्घटना हुँदा त्यसमा सवार क्याप्टेन र चार चिनियाँ यात्रुको मृत्यु भएको थियो।

प्रहरीका अनुसार दुर्घटनास्थलबाट चार पुरुष र एक महिलाको शव संकलन गरिएको छ।

ज्यान गुमाउने चार जना चिनियाँ नागरिक हुन् भने हेलिकप्टर क्याप्टेन अरुण मल्लले उडाएका थिए। काठमाडौंबाट १ बजेर १४ मिनेटरमा उडेको तीन मिनेटमै हेलिकप्टर सम्पर्कविहीन भएको थियो। हेलिकप्टर काठमाडौंबाट रसुवाको स्याफ्रुबेंसीका लागि उडेको थियो। हेलिकप्टरमा चिनियाँ नागरिकहरु जुदाड टाङ, जी ली र जेमिङ सी सवार थिए। त्यस्तै एक महिला चिनियाँ यात्री यियाद वु पनि हेलिकप्टरमा सवार थिइन्।

नुवाकोटको शिवपुरी गाउँपालिका वडा नम्बर ७ सूर्यचौरमा हेलिकप्टर दुर्घटनामा परेको हो।

नुवाकोटमा प्रजिअ रामकृष्ण अधिकारीका अनुसार घटनास्थलको उद्धारमा प्रहरी र स्थानीय खटिएका छन्। उक्त हेलिकप्टर केही विदेशी लिएर फेरि स्याफ्रुबेसीबाट काठमाडौँ आउने गरी त्यसतर्फ उडेको थियो।

स्थानीयले डाँडामा धुँवा देखेर प्रहरीलाई खबर गरेको प्रहरीले जानकारी दिएको छ।

ढाका- राजीनामा दिएर प्रधानमन्त्री शेख हसिनाले देश छाडेपछि ढाकास्थित उनको सरकारी निवासमा प्रदर्शनकारीले लुट मच्चाएका छन् ।

बंगलादेशमा हसिनाको राजीनामापछि प्रदर्शनकारी ढाकास्थित प्रधानमन्त्रीको आवासमा छिरेका थिए । तस्वीरहरूमा प्रदर्शनकारीलाई प्रधानमन्त्री आवासको सामान उठाएर लगिरहेको देख्न सकिन्छ।

बंगलादेशका स्थानीय टेलिभिजन च्यानलहरुमा देखाइएका फुटेजहरुमा प्रदर्शनकारीहरु प्रधनमन्त्री निवासबाट सोफा लगायतका सामानहरू लैजाँदै गरेको दृष्य देखिएको हो ।

बंगलादेशमा गत महिनबाट विद्यार्थीहरूले कोटा प्रणाली खारेजीको माग गर्दै आन्दोलन सुरु गरेका थिए । पछिल्लो समय उक्त आन्दोलन हिंसात्मक बन्दै गएको थियो ।

बंगलादेशकी प्रधानमन्त्री हसिना राजीनमा दिएर भारतको त्रिपुरा राज्यको राजधानी अगरतलाका लागि उडेकी थिइन् । उनले सुरक्षित उडानका लागि सेनाको हेलिकप्टर प्रयोग गरेकी थिइन् । उनी अहिले सेनाको जहाजमा भारतको दिल्लीतर लागेको बताइएको छ ।

त्यसपछि बंगलादेशका सेना प्रमुख जनरल वकार उज जमानले देशलाई सम्बोधन गर्दै मानिसहरूलाई शान्ति कायम गर्न अपील गरेका छन् ।

निजगढ/बारा

बाराको निजगढमा सञ्चालित निजगढ तिलगंगा सामुदायीक आँखा अस्पतालले आफ्नै सुविधा सम्पन्न भवनबाट सेवा सञ्चालन गर्ने भएको छ। अस्पताल व्यवस्थापनका अनुसार कात्तिक २२ गतेदेखि अस्पतालले आफ्नै भवनबाट आँखा उपचार सम्बन्धि सेवा प्रदान गर्नेछ ।

आँखाको उपचारका लागि विश्व प्रसिद्ध तिलगंगा नेत्र अस्पतालले स्थानीय स्तरमा आँखाको उपचारमा सर्वसाधारणको सहज पहुँच बिस्तारका लागि निजगढ लगायत देशका विभिन्न २० स्थानमा अस्पतालहरूमार्फत् आँखा उपचार सेवा प्रदान गर्दै आएको छ।

अस्पताल व्यवस्थापनका अनुसार निजगढमा निर्माणाधिन भवनको निर्माण कार्य सम्पन्न भएपछि बिरामीले बहिरंग सेवा, विशेषज्ञ सेवा, बिस्तारित सेवा र नियमित शल्यकृया सेवा पाउनेछन् ।

तिलगंगा नेत्र चिकित्सालयले हाल निजगढमा प्राथमिक स्तरको आँखा उपचार सेवा प्रदान गरिरहेको छ। साथै समुदाय र विद्यालय स्तरमा आँखा सम्बन्धि सचेतनामूलक कार्यक्रम र निःशुल्क उपचार शिविरमार्फत् आँखा उपचार सेवा समेत प्रदान गरिरहेको छ।

काठमाडौं । राप्रपाका अध्यक्ष राजेन्द्र लिङ्देनले सरकारमा जाने/नजाने भन्ने विषय परिस्थितिले निर्माण गर्ने विषय भएको बताएका छन् ।

पार्टीका ७७ वटै जिल्ला अध्यक्ष भेलालाई सम्बोधन गर्दै अहिले पार्टी बलियो प्रतिपक्ष भएर बस्ने बताए ।

उनले भने, ‘हामी अहिले बलियो प्रतिपक्ष भएर बस्छौँ, सरकारमा जाने भन्ने कुरा परिस्थितिले निर्माण गर्ने हो । हाम्रो चाहनाले पनि बन्दैन । हाम्रो गणित र राष्ट्रिय राजनीतिमा सरकारमा रहँदा के महत्त्व हुन्छ नहुँदा के हुन्छ भन्ने पार्टीले विश्लेषण गरेर गर्छ, व्यक्तिगत चाहनाले होइन। सरकारमा पनि आवश्यकता अनुसार सहभागी हुन्छौ ठिक लागेन भने बाहिरिन्छौँ ।’

उनले कोशी प्रदेशमा सभामुख लिने आफ्ना चाहना नहुँदा नहुँदै पनि लिइएको बताए ।

उनले भने, ‘प्रदेश सरकारमा सहभागी भएको विषयलाई पनि विभिन्न जोडेर टीकाटिप्पणी भयो, हामीले सभामुख लिएपछि, कोशी प्रदेशमा म पनि लिनुहुन्न भन्ने पक्षमै थिएँ, हामीले प्रदेश र स्थानीय तहको निर्वाचनमा पनि रणनीतिक रूपमा भाग लिएका हौँ ।’

उनले यो संविधानलाई पूर्ण रूपमा नमानेकाले संशोधनको पक्षमा रहेको बताए ।

 राष्ट्रिय प्रजातन्त्र पार्टी केन्द्रीय सदस्य एवं बारा जिविसका पूर्व सभापति राजनारायण साहको निधनप्रति दुःख व्यक्त गरेको छ । 

पार्टी प्रवक्ता एवं प्रचार विभाग प्रमुख मोहनकुमार श्रेष्ठद्वारा आज जारी शोक वक्तव्यमा भनिएको छ, “राप्रपाका केन्द्रीय सदस्य, बारा जिविसका पूर्व सभापति राजनारायण साहको आज निधन भएको खबरले अत्यन्तै दुःखी भएका छौँ । दिवङ्गत आत्माको चिर शान्तिको कामना गर्दै भावपूर्ण श्रद्धान्जली अर्पण गर्दछौँ, साथै शोकाकुल परिवारमा हार्दिक समवेदना प्रकट गर्दछौँ ।”

मस्तिष्कघातका कारण अस्वस्थ हुनुभएका साहको उपचारका क्रममा आज निधन भएको हो । साहको निधनबाट राप्रपाले नीति, विचार, सिद्धान्तप्रति अविचलित निष्ठा राख्ने तराइ मधेश क्षेत्रको एकजना लोकप्रिय राष्ट्रवादी नेता गुमाएको वक्तव्यमा उल्लेख गरिएको छ 

निजगढ, निजगढ ६ सडकटोलस्थित श्री कृष्ण प्रणामी मन्दिरमा बिहीवारबाट १ महिने श्रीमद् वितक चर्चा एमं श्री कृष्ण कथा प्रवचन कार्यक्रम शुरु भएको छ । प्रणामी धर्मको विशेष पर्वको रूपमा रहेको वितक चर्चाको बारा क्षेत्र नम्बर १ का प्रतिनिधि सभा सदस्य अच्युत मैनाली र मधेस प्रदेश सभा सदस्य द्वय त्रिलोकी चौधरी र माला लामाले संयुक्त रुपमा उद्धाटन गर्नुभएको थियो । कार्यक्रमको पहिलो दिन निजगढ नगरपालिकाका नगर प्रमुख सुरथ पुरी, उपप्रमुख सोममाया थिङ्ग, वडा नम्बर ६ का वडा अध्यक्ष घनश्याम तिमल्सिाना लगायत सयौं श्रद्धालुहरुको उपस्थिति रहेको थियो । आगामी भदौ १० गते पर्ने श्रीकृष्ण जन्माष्ठमीसम्म चल्ने सो कार्यक्रममा प्रणामी समाजका प्रखर शास्त्री श्री घनश्याम अधिकारीले प्रवचन दिनुहुने बताइएको छ ।

श्री कृष्ण प्राकट्य महोत्सवमा भने मन्दिर परिसरबाट रथ यात्रा निकालेर नगर परिक्रममा गरिने मन्दिर व्यवस्थापन समितिका यादवकुमार तिमल्सिनाले जानकारी दिनुभयो । कार्यक्रम अन्तरगत प्रतेक दिन विहान ११ः३० बजेदेखि दिउँसो ३.३० बजेसम्म प्रवचन र राति भजन, किर्तन तथा अन्य धार्मिक कार्यक्रमहरू आयोजना गरिने तिमल्सिनाले बताउनुभयो । सो अवसरमा सांसद मैनाली र चौधरीले निर्माणाधिन प्रणामी मन्दिरको निरीक्षणसमेत गर्नुभएको थियो ।

कुनै समय विश्वको दोस्रो ठूलो हतियार आयातकर्ता मुलुकका रुपमा रहेको भारत पछिल्लो समय भने हतियार निर्यातमा पनि अगाडि देखिएको छ ।

भारतीय आर्थिक सर्वेक्षणका अनुसार भारत विश्वका २५ ठूलो हतियार निर्यातकर्ता मुलुकको सूचीमा समेटिएको छ ।सन् २०१५ देखि सन् २०१९ सम्म भारत संसारकै दोस्रो ठूलो हतियार आयातकर्ता मुलुकका रुपमा रहेको थियो । द हिन्दूका अनुसार पछिल्लो समय भने हतियार उत्पादनको क्षेत्रमा भारतले ठूलो फड्को मारेको छ ।

आर्थिक वर्ष सन् २०१६–१७ मा भारतमा ७४ हजार ५४ करोड भारतीय रुपैयाँ बराबरको रक्षा उपकरण उत्पादन भएकोमा सन् २०२२–२३ मा यो बढेर १ लाख ८ हजार ६ सय ८२ करोड भारु पुगेको छ ।पछिल्लो समय रक्षा उपकरणको निर्यात स्वीकृतिमा पनि वृद्धि भएको हिन्दूले उल्लेख गरेको छ । अघिल्लो वर्ष १ हजार ४ सय १४ रक्षा उपकरण निर्यात स्वीकृत भएकोमा यस वर्ष भने बढेर १ हजार ५ सय ७ निर्यात स्वीकृत गरिएको हिन्दूले उल्लेख गरेको छ ।

रक्षा उपकरण निर्यात गर्ने भारतीय कम्पनीको सङ्ख्या १ सयभन्दा धेरै रहेको जनाइएको छ । भारतले खासगरी डोर्नियर विमान, तोपखाना प्रणाली, ब्रम्होस क्षेप्यास्त्र, पिनाका रकेट प्रणाली, रडार, बख्तरबन्द गाडीजस्ता रक्षा उपरकण निर्यात गर्दै आएको छ ।

काठमाडौ– राष्ट्रिय प्रजातन्त्र पार्टीले नेपाली कांग्रेस र नेकपा एमालेबीच भएको सहमति सकारात्मक भएको प्रतिक्रिया दिएको छ ।

पार्टी केन्द्रीय कार्यालय धुम्बाराहीमा आज बसेको पदाधिकारी बैठकले पछिल्लो विकसित राजनीतिक घटनाक्रमको समीक्षा गर्दै कांग्रेस र नेकपा एमालेबीच भएको सरकार बनाउने नयाँ सहमति सकारात्मक भएको प्रतिक्रिया दिएको हो ।

“अहिले कांग्रेस र एमालेबीच नयाँ सहमतिका साथ सरकार बनाउने कुरा आएको छ जुन स्वागतयोग्य छ”, बैठकपछि राप्रपा अध्यक्ष राजेन्द्र लिङ्देनले भन्नुभयो, “यो सहमतिको मूल विन्दु भनेको संविधान संशोधन हो । संविधान संशोधनका लागि मुख्य र दोस्रो दल मिलेर सरकार बनाउने विषय सकारात्मक छ ।”

राप्रपाले लामो समयदेखि संविधान संशोधनको विषय उठाउँदै आएको र त्यसका निम्ति नयाँ समझदारी कायम गरेर जानुपर्ने धारणा पार्टीको रहेको अध्यक्ष लिङ्देनको भनाइ छ । बैठकले विकसित राजनीतिक घटनाक्रमको समीक्षा गर्दै अहिले नै ठोस धारणा बनाएर निष्कर्षमा नजाने निचोड निकालेको छ ।

यसका निम्ति सबै राजनीतिक दलहरुबीच नयाँ समझदारी बन्नुपर्ने राप्रपाको धारणा छ । अध्यक्ष लिङ्देनले पछिल्लो विकसित राजनीतिबारे राजनीतिक दलहरुसँग निरन्तर छलफल रहने उल्लेख गर्नुभयो ।

बारा/

सर्लाहीकाे भरतताल जाँदै गरेका भारतीय पर्यटक सवार स्कारपिओ निजगढ-चपुर सडक खण्डकाे धन्सार पुलको पश्चिम मा दुर्घटनामा परेको छ ।

भारतको बिहार राज्य पूर्वी चम्पारण जिल्लाबाट आएको BR 05 AT 5963 को स्कार्पियो गाडी अनियन्त्रित भई दुर्घटनामा परेकाे हाे ।

दुर्घटनामा दुई जनाकाे मृत्युु भएको छ भने ३ जना गम्भीर घाईते भएका छन् । जसमा एक जनाकाे घटनास्थलमै मृत्यु भएको हाे भने एक जनाकाे उपचारको क्रममा ज्यान गएको छ ।

मृत्यु हुनेमा ३५ वर्षीय शेख सामना, २१ वर्षीय इदफान आलम रहेका छन् ।

घाइते हुनेमा चालक २२ वर्षीय स्वेल अमिर, २१ वर्षीय आसिफ रेजा, २७ वर्षीय अतिउल्लाह शेख, ३५ वर्षीय सद्दाम हुसेन रहेका छन् ।

ईलाका प्रहरी कार्यालय निजगढकाे टाेलीले उद्वार गरेर घाइतेलाई उपचारको लागि वीरगन्ज पठाएको थियाे । चालकलाई ईलाका प्रहरी कार्यालय चन्द्रपुरले नियन्त्रणमा लिएको छ ।