बारा | मंगलवार देशका विभिन्न ठाउँमा राष्ट्र निर्माता पृथ्वी नारायण शाहको जन्मजयन्ती मनाइएको छ । निजगढ नगरपालिकाको शहीद चोकमा पनि राष्ट्रिय प्रजातन्त्र पार्टी निजगढ नगर कार्य समितिको आयोजनामा पृथ्वी जयन्ती तथा राष्ट्रिय एकता दिवस भब्य रुपमा मनाईएको छ ।
राष्ट्रिय प्रजातन्त्र पार्टीका नगर अध्यक्ष खड्ग प्रसाद उप्रेती को सभाध्यक्षमा भएको कार्यक्रममा प्रमुख अथिति राप्रपाका पूर्व केन्द्रीय सदस्य सावित्री देवि भारती, विशिष्ठ अतिथि राप्रपाका पूर्व केन्द्रीय कार्यसम्पादन सदस्य तथा राप्रपा निकट भातृ संगठन राप्रयुसं का केन्द्रीय महासचिव विनोद कुमार भारती, अतिथिहरु राप्रपा २ नं. प्रदेश सदस्य वाशुदेव तिमल्सिना, बारा क्षेत्र नं १ क का प्रदेश अध्यक्ष भक्त दर्लामी , राप्रयुसं का केन्द्रीय सदस्य शुष्मा बस्नेत, राष्ट्रिय गायक बद्री राउत, राष्ट्रिय गायक मिना प्रसाई, गायक नवराज राउत जिल्ला सदस्य तथा मगर संगठन छाता संगठन बारा जिल्ला अध्यक्ष एम बहादुर जर्घा मगर, जिल्ला सदस्य बुद्धि राज पाण्डे लगायतको आतिथ्यता साथै शुभकामना मन्तब्य राखेका कार्यक्रम शुरू हुनुभन्दा पहिला नगर परिक्रमा गर्दै बुद्ध चोक पुगी शहीद चोकमा आई सभामा परिणत भएको थियो ।
कार्यक्रममा विभिन्न सांस्कृतिक कार्यक्रम पनि भएको थियो । कार्यक्रमको स्वागत मन्तव्य वडा नं २ कि वडा अध्यक्ष रमिला वि. क. तथा राप्रपा निजगढ नगर कार्य समितिका सचिव राजेन्द्र सापकोटाले गरेका थिए ।
मंगलवार सर्लाही सहित देशभर पृथ्वीजयन्ती एवम् राष्ट्रिय एकता दिवस मनाइँदैछ । हरेक वर्ष पुस २७ गतेका दिन पृथ्वीनारायण शाहको जन्मजयन्ती विभिन्न कार्यक्रम गरी मनाउने गरिन्छ ।
३०० औँ दिवसको अवसरमा सर्लाहीको लालबन्दीमा पनि कार्यक्रम गरिएको छ । लालबन्दीमा राजा सहितको हिन्दु राष्ट्रको अभियान लिएर अघि बढिरहेको राष्ट्रिय शक्ति नेपालले कार्यक्रम गरेको हो ।
राष्ट्रिय शक्ति नेपालको जिल्ला संयोजक गोपाल प्रसाद ढकालको संयोजकत्वमा ¥याली सहित पृथ्वी नारायण शाहको फोटोमा माल्यार्पण गरिएको हो । बिभिन्न नारा सहितको ¥यालीले लालबन्दी बजार परिक्रमा गरेको अभियानकी सदस्य संगीता दाहालले जानकारी दिनुभयो ।
राष्ट्रिय शक्ति नेपालले राजा सहितको हिन्दु राष्ट्र आवश्यक रहेको भन्दै जिल्लाका राजसंस्था प्रति आस्था राख्नेहरु समेटेर तिब्र रुपमा संगठन बिस्तार गरिरहेको छ । मंगलवारको कार्यक्रममा पनि जिल्लाका बिभिन्न भागका ब्यक्तिहरुलाई अभियानमा आवद्ध गराईएको छ ।
विक्रम सम्वत् १७७९ पुस २७ मा गोरखामा जन्मेका पृथ्वीनारायण शाहको यो तीन सयऔँ जन्मजयन्ती हो । शाहले नेपाल एकीकरणको सुरुवात गरेको इतिहासमा उल्लेख छ । लोकतन्त्रपछि सरकारले औपचारिक रुपमा पृथ्वीजयन्ती मनाउन छाडे पनि अनौपचारिक रुपमा विभिन्न कार्यक्रम हुँदै आएका छन् । कार्यक्रममा शाहले आधुनिक नेपाल निर्माणको जग बसाएको, दिव्योपदेश मार्फत राज्य सञ्चालनका लागि मार्गदर्शन गरेकोलगायत योगदानको स्मरण गर्ने गरिन्छ ।
दिवसका अवसरमा राष्ट्रपति बिद्यादेवी भण्डारी, पुर्व राजा ज्ञानेन्द्र शाह, राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङ्गदेन र पुर्व अध्यक्ष कमल थापा लगाएतले पृथ्वीनारायण शाहको तस्वीरमा माल्यार्पण गर्नुभएको छ ।
- क्षितिज बिश्वकर्मा | सर्लाही
जिल्लामा १ महिनासम्म भएको शिविरबाट २५ हजार बढि नयाँ मतदाता थपिएका छन । जिल्लाका बिभिन्न पालिकामा गएको मंसिर १ गत्तेदेखि संचालन भएको मतदाता नामावली संकलन शिविरबाट २५ हजार २५४ नयाँ मतदाता थपिएका जिल्ला निर्वाचन अधिकृत दिवाकर भुजेलले जानकारि दिनुभयो ।
जिल्लामा दुई चरणमा मतदाता नामावली संकलन शिबिर राखिएको थियो । पहिलो चरणमा मंसिर १७ बाट पौष २ सम्म ८ ओटा स्थानीय तहमा र पौष ४ गत्तेबाट १८ गत्तेसम्म ९ ओटा स्थानीय तहमा मतदाता नामावली संकलन शिविर संचालन गरिएको थियो ।
जिल्लामा संचालित दुई चरणको शिविरमा पनि धेरैले नाम दर्ता गर्न नपाएको गुनासो गरेका छन । शिविरमा नाम दर्ता गराउन छुटेकाहरुको हकमा भने सदरमुकाम मंलगवामा रहेको जिल्ला प्रशासन कार्यालय र जिल्ला निर्वाचन कार्यालय तथा हरिवन र बरहथवा नगरपालिकामा रहेका इलाका प्रशासन कार्यालयबाट चुनावको मिति घोषणा नभएसम्म नियमित रुपमा मतदाता नामावली संकलन गराउन सकिने जिल्ला निर्वाचन अधिकृत भुजेलले बताउनुभयो ।
अहिले पनि जिल्लाका ४ स्थानबाट भईरहेको नामावली संकलन केन्द्रबाट मासिक रुपमा ८ देखि १० हजारको हाराहारिमा नामावली संकलन भईरहेको उहाँको भनाई छ ।
समग्रमा हालसम्मको मतदाता नामावली संकलनको तथ्यांक हेर्ने हो भने जिल्लामा ६० हजार भन्दा माथी मतदाता थपिएका निर्वाचन अधिकृत भुजेलको भनाई छ । अधिकृत भुजेलका अनुसार जिल्लामा २०७४ को चुनावपछि १ लाखको हाराहारिमा नयाँ मतदाता थपिने अनुमान गरिएको छ ।
यसैबिच निर्वाचन अधिकृत भुजेलले आगामि माघ ७ गत्तेपछि अनिवार्य रुपमा कोरोना बिरुद्धको खोपकार्ड देखाए पछि मात्रै नामावली संकलन गरिने बताउनुभएको छ । नेपाल सरकारले गरेको निर्णय बमोजिम कोरोना संक्रमणको जोखिमलाई मध्यनजर गर्दै त्यस्तो निर्णय गर्न लागीएका भुजेलको भनाई छ ।
एजेन्सी | उत्तर कोरियाले मंगलबार पनि पुनः एक अज्ञात क्षेप्यास्त्र प्रहार गरेको बताइएको छ । उत्तर कोरियाले समुद्रतर्फ सो क्षेप्यास्त्र प्रक्षेपण गरेको दक्षिण कोरियाले जनाएको छ ।
दक्षिण कोरियाका ज्वाइन्ट चिफ अफ स्टाफले मंगलबार बिहान सो दाबी गरेका छन् । उनले पूर्वी समुद्रतर्फ सो क्षेप्यास्त्र प्रक्षेपण गरेको बताएका हुन् ।
यो प्रक्षेपण ब्यालिस्टिक मिसाइल हुन सक्ने बताइएको छ । जापानिज कोस्ट गार्ड (जेसीएस) ले यो क्षेप्यास्त्र मिसाइल हुन सक्ने बताएका हुन् । यसबारेमा अझै पनि यकिन भने हुन सकेको छैन । उत्तर कोरियाले गरेको यस क्षेप्यास्त्रको बारेमा दक्षिण कोरिया र जापानले आवश्यक अनुसन्धान थालेका बताएका छन् ।
संयुक्त राष्ट्रसंघले उत्तर कोरियालाई ब्यालेस्टिक मिसाइल प्रक्षेपणमा प्रतिबन्ध लगाएको छ । मंगलबारको यस प्रक्षेपणका बारेमा दक्षिण कोरिया र अमेरिकी गुप्तचरहरूले अनुसन्धान गरिरहेका बताइएको छ । उत्तर कोरियाले छ दिनमात्र अघि पनि यहाँ यस्तै प्रकारको क्षेप्यास्त्र हानेको थियो । यसै हप्ता उत्तर कोरियाले दुई वटा क्षेप्यास्त्र हानेको छ ।
काठमाडाैं | नेपाल कम्युनिष्ट पार्टी (एकीकृत समाजवादी)का अध्यक्ष माधवकुमार नेपाललाई कोरोना संक्रमण पुष्टि भएको छ । मंगलबार गरिएकाे काेराेना परीक्षणमा पाेजेटिभ देखिएकाे उहाँकाे निजी सचिवालयले जानकारी दिएको हाे ।
उहाँको स्वास्थ्य अवस्था सामान्य रहेको र आफ्नै निवासमा स्वास्थ्य लाभ लिइरहनुभएकाे सचिवालयले जनाएको छ ।
कोरोना संक्रमण देशभर बढेको भन्दै सोमबार मात्रै नेता नेपालले एक अपिल जारी गर्दै पार्टीका बैठक तथा भेलाहरू गर्दा स्वास्थ्य मापदण्ड पूरा गरेर मात्रै गर्न निर्देशन दिनुभएकाे थियाे ।
सर्लाही | प्रमुख जिल्ला अधिकारी र प्रहरी उपरीक्षक कोरोना संक्रमित भएका छन । सिडियो थानेश्वर गौतम र एसपी कृष्ण प्रसाईंमा संक्रमण पुष्टि भएको हो ।
आईतबार जिल्ला अस्पताल मलंगवामा स्वाब परिक्षण गरिएकोमा सामेवार साँझ दुबैको रिपोर्ट पोजेटिभ आएको हो । कोरोना पोजेटिभ आएपछि अहिले दुबैजना होम आईसोलेसनमा बसेका छन ।
संक्रमण पुष्टि हुनुअघि दुबैजना नियमितजसो सार्वजनिक कार्यक्रममा सरिक हुँदै आईरहेका थिए । सिडियो गौतमले रुघाखोकी लागेपछि कोरोना परिक्षण गराएका हुन भने एसपी प्रसाईंले आफु प्रायः सिडियोको साथमै हुने भएको भन्दै कोरोना परिक्षण गराएका थिए ।
त्यस्तै जिल्ला प्रशासन कार्यालयका कम्प्युटर अपरेटर मुकेश यादव पनि कोरोना संक्रमित भएका छन । जिल्ला अस्पतालमा गरिएको स्वाव परिक्षणमा यादवमा पनि संक्रमण पुष्टी भएको हो ।
सर्लाही | प्रदेश २ सरकारले विभिन्न समयमा भएका मधेस आन्दोलनमा शहीद भएकाको परिवारलाई ३ लाख उपलब्ध गराउने भएको छ ।
आगामी माघ ५ गते प्रदेश सरकारले मनाउने बलिदानी दिवसमा शहीद परिवारलाई जनही ३ लाखका दरले उपलब्ध गराउने भएको हो । यसपटक प्रदेश सरकारले राजविराजमा बलिदानी दिवस मनाउँदैछ ।
यो दिवसमा मधेस आन्दोलनमा शहीद भएका ५७ जनाको परिवारलाई ३ लाखका दरले प्रदान गरिने प्रदेश सरकारका प्रबक्ता समेत रहेका अर्थ मन्त्री शैलेन्द्र साहले जानकारी दिए । त्यस्तै, मधेस आन्दोलनका घाइतेलाई पनि रकम प्रदान गरिने छ ।
उनले घाइतेको अवस्था हेरि २५ हजारदेखि ३ लाखसम्म प्रदान गरिने प्रदेश सरकारको निर्णय भएको जानकारी दिएका छन ।
सर्लाही सहित तराईका जिल्लामा बिहानै देखि बाक्लो हुस्सु लागेको छ ।
आईतवार (आज) पनि बिहानैबाट हुस्सु लागेपछि दैनिक ज्याला मजदुरि गर्ने, वालवालीका, बृद्धबृद्धा तथा राजमार्गमा सवारिचालकहरुलाई समस्या परेको छ ।
हुस्सु लागेको बेला भिजिबिलिटि कम हुने भएकोले सवारि साधन गुडाउन समस्या पर्ने लालबन्दीका म्याजिक चालक उमेस अधिकारिले बताउनु भयो ।
यस्तो समयमा सवारि दुर्घटनाको जोखिम बढ्ने जिल्ला ट्राफिक प्रहरि कार्यालय सर्लाहीका प्रमुख प्रहरि निरिक्षक केदारमान दोङले जानकारि दिनुभयो । हुस्सु लागेको बेला सवारि चलाउँदा र सडक पार गर्दा ध्यान दिनुपर्ने उहाँको भनाई छ ।
यता चिकित्सकहरुले चिसोबाट बच्न आग्रह गरेका हुन । चिकित्सकका अनुसार शरिरको पुरै भाग छोप्ने कपडा लगाउने, तातो झोलिलो पदार्थ खाने र अनावश्यक रुपमा घर बाहिर निस्किनु हुँदैन ।
बालबालिका र बृद्धबृद्धालाई चिसोबाट बचाउन बिशेष ध्यान दिन डाक्टरहरुले सुझाव दिएका छन ।
सर्लाही | करिब १६ महिनादेखि थन्किएको रेलेको दोस्रो परीक्षण गरिएको छ। धनुषाको जनकनन्दनी गाउँपालिकास्थित इनर्वा स्टेशनमा उक्त रेल डेढ वर्षदेखि त्रिपालमुनि रहेको थियो।
रेल्वे ट्रयाक्क र रेलको इन्जिनको अवस्था बुझ्न इनर्वाबाट जनकपुरधामको कुर्थासम्म नेपाली रेल गुडाइएको हो। यसअघि सरकारले भारती रेल्वे कम्पनी कर्पोरेसनबाट (कोंकण)बाट किनेर पहिलो परीक्षण गरेको थियो।
गत वर्ष ३ असोजमा उक्त रेलले नेपाली भूमी टेकेको थियो। कम्पनीका मेकानिकल इन चिफ दीपक त्रिपाठीले नेपाल रेल्वे कम्पनी लिमिटेडका तत्कालीन महाप्रबन्धक गुरु भट्टराईलाई हस्तान्तरण गरेका थिए।
नेपाली रेलको ट्रयाक्क निर्माण भए पनि उक्त रेल अझैसम्म सञ्चालन हुन सकेको छैन। नेपाल रेल्वेका महाप्रबन्धक निरञ्जन झाले रेल गुडाउने सम्पूर्ण तयारी पूरा भएको बताए। उनले सबै कुरा मिले १० फेब्रुअरीदेखि रेल गुडाउने तयारी रहेको बताए | अन्नपुर्णबाट…
सर्लाही | भारतमा कोभिडको तेस्रो लहर तीव्र गतिमा फैलिएसँगै प्रधानमन्त्री शेरबहादुर देउवाको भारत भ्रमण स्थगित भएको छ।
देउवा यही पुस २५ गते भारत जाने तयारी थिए। देउवा सहभागी हुने भनिएको भारतको भाइब्रेन्ट गुजरात सम्मेलन स्थगित भएसँगै अब तत्काललाई दिल्ली यात्रा रोकिएको हो।
गुजरातमा कोभिड–१९ को संक्रमण बढेको भन्दै यो सम्मेलन स्थगित गरिएसँगै प्रधानमन्त्री भारत भ्रमणमा नजाने उनका स्वकीय सचिव भानु देउवाले बताए।