सर्लाही | लालबन्दीमा शुक्रवार लायन्स क्लव अफ लालबन्दी सिटिले बिपन्न परिवारका लागी फाईबर सिरक बितरण गरेको छ ।
लालबन्दी नगरपालिका ५ मा ३० जनाको लागी र लालबन्दी १२ जियाजोरमा १० जना बिपन्न परिवारका लागी फाईबर सिरक बितरण गरिएको लायन्स क्लव अफ लालबन्दी सिटिका अध्यक्ष बिकल जर्गा मगरले जानकारि दिनुभयो ।
सिरक बितरण कार्यक्रममा लायन्स क्लव अफ लालबन्दी सिटिका जोन चेयर पर्सन राजकुमार न्यौपाने, क्लवका पास्ट प्रेसिडेन्टहरु पुस्कर उपाध्याय र धर्मराज थापा लगाएतको उपस्थिति रहेको थियो ।
जाडोमा न्यानो फाईबर सिरक पाएपछि बिपन्नहरु खुसि भएका थिए ।
सर्लाही | उखु लोड गरेको ट्रयाक्टरमा नाईट बसले पछाडी बाट ठक्कर दिदाँ २५ जना घाइते भएका छन ।
शुक्रवार बिहान ४ः१५ बजेको समयमा हरिवन नगरपालिका वडा नं. ९ सुखेपोखरी स्थित पूर्व पश्चिम लोकमार्गमा ज २ त ७८१ नम्बरको विग्रेर बाटोको साईडमा रोकिराखेको उँखु लोड गरेको ट्रयाक्टरमा पश्चिम भैरहवाबाट पुर्व विराटनगर तर्फ आउँदै गरेको लु २ ख ४७५७ नम्बरको नाईट बस ट्रयाक्टरको पछाडीबाट ठोक्किन जाँदा बसमा सवार ३९ जना मध्ये २५ जना घाईते भएकोमा जिल्ला प्रहरी कार्यालय सर्लाहीले जनाएको छ ।
घाइते हुनेहरुमा चितवन खैरहनी न.पा.७ बस्ने वर्ष ३६ पसुराम फुयाल भरतपुर रेफर, रुपन्देही बुटवल न.पा.८ बस्ने वर्ष ५२ को टोप बहादुर गुरुङ, श्रीकटन गा.पा.१२ बस्ने वर्ष २५ की कृतिका चौधरी अवस्था गम्भिर (बयोधा अस्पताल विरगजं रिफर), बुटवल उ.म.न.पा.१२ बस्ने वर्ष २४ को शिव भुषाल, निजकै श्रीमती वर्ष २१ की सविता भुषाल, कन्चन गा.पा.१ बस्ने वर्ष २६ दिपेन्द्र मलाह बयोधा अस्पताल विरगजं रिफर, बुटवल न.पा.१० बस्ने वर्ष ४३ को भुपराज चापागाई (भरतपुर रिफर) सोहि नपा वडा नं. १३ बस्ने वर्ष ३१ की निशा पौडेल रहेका छन ।
त्यस्तै मोरङ सोनबर्षा न.पा.५ बस्ने वर्ष ४५ को विरेन्द्र मण्डल, वर्ष ३७ का शंकर सरदार, विराटनगर म.न.पा.६ बस्ने वर्ष ४७ को जय प्रकाश साह, सप्तरी खट्क न.पा.८ बस्ने वर्ष ४२ को तुलसी प्रसाद चौधरी खुट्टामा, निजकै श्रीमती वर्ष ३८ की ललिता कुमारी चौधरी, रामनगर कोदारकट्टी बलानदेवल न.पा. ५ बस्ने वर्ष २० सत्यनारायण यादव, सुनसरी ईनर्वा न.पा.६ बस्ने वर्ष ४६ को हरि प्रसाद पोखरेल, स्याङजा कालीगण्डकी गा.पा.५ बस्ने वर्ष २६ को त्रिभुवन न्यौपाने, धनुषा जनकपुर न.पा.१२ बस्ने वर्ष २९ को चन्द्रकान्त यादव, रौतहट गरुडा न.पा.१ बस्ने वर्ष ३० को सुभास गुप्ता रहेका छन ।
त्यसैगरी सिरहा सखुवा गा.पा.१ बस्ने वर्ष ६१ का किसुनदेव यादव, वर्ष ३६ को राजकुमार यादव, वर्ष ३७ की शितल कुमारी यादव, रुपन्देही रोहनी गा.पा.१ बस्ने वर्ष ३० को ईम्तियाज खानको स्वाभिमान अस्पताल हरिवनमा उपचार भईरहेको छ ।
त्यस्तै रुपन्देही बुटवल उ.म.न.पा.७ बस्ने वर्ष २२ को बिशाल परियार, वर्ष २१ की सुमिफा परियार, बर्ष अं.२८ की झर्ना परियारलाई सर्लाही जिवन हेल्थ केयर सुकेपोखरीमा उपचार पश्चात बिरगंज स्थित बयोधा अस्पताल रिफर गरिएको जिल्ला प्रहरी कार्यालय मलंगवाका डिएसपी माधब प्रसाद बुढाथोकीले जानकारी दिनुभयो ।
लायन्स क्लब अफ इन्टरनेस्नल ३२५ ए २ रि डिस्ट्रिक ३२५एच डिस्ट्रिकमा गभर्नरका लागि दिनेस क्षेष्ठ एकल उम्मेदवार रहेका छन तर लायन्सको बिधान अनुसार गभर्नर नियुक्त हुन क्षेष्ठले ५१ प्रतिशत एस भोट भने ल्याउनु पर्ने हुन्छ । उनले सो एस भोट प्राप्त नगरेमा बिधान अनुरुप पुनः गभर्नरका निम्ती निर्वाचन प्रक्रिया अघि बड्नेछ ।
यस्तै फस्ट भाईस गभर्नरका निम्ती निजगढका बिनोद कुमार भारती र काठमाडौंका सम्भु बहादुर थापा बिच प्रतिस्पर्धा हुने भएको छ । त्यसैगरी सेकेन्ड भाईस गभर्नरमा डा. राम सरण थपलिया र बिमल हाडा बिच निवार्चन हुने भएको छ ।
यस निर्वाचनमा फस्ट भाईस गभर्नर र सेकेन्ड भाईस गभर्नरले मतका आधारमा बिजयी हुनेछन ।
यसैगरी फस्ट भाईस गभर्नर बिजयी भएका व्यक्ति अर्को कार्यकालका निम्ती गभर्नर र सेकेन्ड भाईस गभर्नर बिजयी भएका व्यक्ति फस्ट भाईस गभर्नरको एस भोटका निम्ती सोत चयन हुने छन ।
लायन्स क्लब अफ इन्टरनेस्नल ३२५ ए २ बाट नयाँ डिस्ट्रिक ३२५ एच डिस्ट्रिक बनेका कारण यो पटक सबै पदका निम्ती निर्वाचन भएको हो भने त्यसपछ्यातका कार्यकालका निम्ती केबल सेकेन्ड भाईस गभर्नरका निम्ती मात्र प्रतिस्पर्धा हुने लायन्सको बिधानमा उलेख्ख गरिएको छ ।
भारती र थपलिया बिजयहुने आकंलन
फस्ट भाईस गभर्नरका उम्मेदबार निजगढका बिनोद कुमार भारती निकै शालिन र मिलनसार मानिन्छ । उनी निजगढमा स्थापना भएको लायन्स क्लब अफ निजगढका चाटर मेम्बर हुन । करिब २३ वर्षीय लायन्स यात्रामा उनी लायन्स क्लब अफ निजगढका चाटर मेम्बर हुदै सोही क्लबका अध्यक्ष हुदै जोन चियर पर्सन, रिजन चियर पर्सन, एरिया कोर्डिनेटर हुदै डिस्ट्रिकका बिभिन्न तहमा बसेर कार्य गर्दै आएका छन ।
हाल यस डिस्ट्रिकको मातहतमा पर्ने क्लबहरुमा भारतीको राम्रै पकट र सहकार्य रहेको बताईएको छ । भारतीको बिजयीले यस क्षेत्रमा रहेको क्लबहरुको निम्ती समेत निकै पाईदाजनक हुने देखिएको छ । लामो समयपश्यात् तराईबाट नेत्रीत्वमा केही आउन नसकेको बेलामा भारतीले दिएको उम्मेदवरीलाई यस क्षेत्रका क्लबहरुले निकै प्रशंसा गरेका छन भने तराई बाहेक यस डिस्ट्रिकको मातहतमा पर्ने भक्तपुर, काठमाडौं, सिन्धुलि लगाएतका क्लबहरुले समेत उनलाई बिजय बनाउन अभियाननै संचालन गरेका छन ।
लायन्समा मात्र होईन भारतीको व्यतिगत आचरण तथा सहयोगी भाबनाका कारण उनी सधै चर्चामा रहने गरेका छन । तराई तथा देश भर उनले असहाय तथा गरिबलाई सहयोग गर्दै आएका छन ।
यस्तै सेकेन्ड भाईस गभर्नरमा डा. राम सरण थपलिया ठमेल बिकास परिषद्मा दुई पटक अध्यक्षको भुमिका निर्बाह गरिसकेका छन भने उघोग बिणिज्य महासंघको केन्द्रिय सदस्यमा समेत निवार्चित भएका थिए । उनी लयान्समा बिभिन्न भुमिकामा रहेर काम गर्दै क्याबिनेट ट्रेजर समेत भईसकेका थपलियाको काठमाडौंका निकै बलिया लायन्स क्याडर हुन ।
यसपटक पहाडबाट सेकेन्ड भाईस गभर्नरको उम्मेदवारका रुपमा डा. राम सरण थपलिया र बिनोद कुमार भारती तराईबाट फस्ट भाईस गभर्नरका उम्मेदबारहुदाँ यस मिलनलाई तराई तथा पहाडको मिश्रण भएको भन्दै निकै चर्चा समेत पाएका छन जसकारण ऊनीहरुको बिजयी सुनिश्चित रहेको लायन्सका व्यक्तिहरूको दाबि रहेको छ ।
काठमाडौं । देशका विभिन्न स्थानमा ५ जना मृत अवस्थामा फेला परेका छन् ।
काठमाडौं, शंखरापुर नगरपालिका-३ बोझेनी बस्ने ५२ वर्षीय पदम बहादुर थिङ र उनकै श्रीमती ४५ वर्षीया फुल मायाँ थिङ आफ्नै घरमा बिहीबार मृत अवस्थामा फेला परेका छन् । उनीहरुले बुधबार राति कोठामा कोइला बाली झ्याल ढोका बन्द गरी सुतेको बुझिएको छ ।
सिन्धुली, सुनकोशी गाउँपालिका-३ झागाझोलीस्थित सुनकोशी नदीको बिच भागमा हाल नाम, थर, वतन नखुलेकी अन्दाजी २५ वर्षीया महिलाको शव बिहीबार फेला परेको छ ।
ओखलढुङगा, लिखु गाउँपालिका-४ मोसाबारीस्थित निर्माणाधीन सामुदायिक अस्पातलमा लेबर काम गर्ने दैलेख नोमुले गाउँपालिका(३ घर भएका ३१ वर्षीय मन बहादुर विक मोसाबारीस्थित बाटो नजिक बिहीबार मृत अवस्थामा फेला परेका छन् ।
धनकुटा, सागुरीगढी गाउँपालिका-३ ईनामे बस्ने ६० वर्षीय डिल्लीश्वर कुरुमवाङ ९लिम्बु० सोही गाउँपालिका-३ बरबोटेस्थित बाटोमा बिहीबार मृत अवस्थामा फेला परेका छन् ।
घटनाका सन्दर्भमा आवश्यक अनुसन्धान भइरहेको प्रहरीले जनाएको छ ।
सर्लाही | नेकपा एमाले निकट बिद्यार्थी संगठन अखिल नेपाल स्वतन्त्र बिद्यार्थी युनियन अनेरास्ववियुको पहिलो पुर्ण बैठक सर्लाहीको हरिवनमा बसेको छ ।
हालै सम्पन्न अधिवेशनबाट अध्यक्षमा चयन भएका प्रज्वल ढुंगानाको अध्यक्षता तथा अनेरास्ववियु केन्द्रिय स्थायी कमिटि सदस्य तथा मधेस प्रदेश सह–ईन्चार्ज उज्वल कुमार कार्कीको प्रमुख आतिथ्यतामा बैठक बसेको अनेरास्ववियुका नवनिर्वाचित सचिव आशिसवावु दाहालले जानकारी दिनुभयो ।
बैठकमा अनेरास्ववियु स्थायी कमिटि सदस्य एवं मधेश प्रदेश कमिटि अध्यक्ष अञ्जना सिवाकोटी, अनेरास्ववियु केन्द्रिय सचिवालय सदस्य तथा सर्लाही जिल्ला ईन्चार्ज सरोजवावु न्यौपाने, अनेरास्ववियु केन्द्रिय सचिवालय सदस्य श्रीकृष्ण उप्रेती, अनेरास्ववियु केन्द्रिय सदस्यद्वय शिवहरि गौतम र समिमवावु पठानको पनि आतिथ्यता रहेको सचिव दाहालले बताउनुभयो ।
पहिलो बैठकले प्रशिक्षण तथा ब्यक्तित्व बिकाश तालिमको आयोजना गर्नका लागि संगठनका अगुवाहरुसँग छलफल गर्ने, कोभिड–१९ संक्रमणमा जनचेतनामुलक कार्यक्रमहरु गर्दै अखिलको भुमिकालाई थप शसक्त बनाउने, युवा बिद्यार्थीलाई उत्पादनसँग जोड्नका लागी अनेरास्ववियु जिल्ला कमिटिको आयोजनामा मौरी पालन तालीम संचालन गर्ने लगाएतको बिषयमा छलफल गरेको छ ।
बैठक हरिवन नगरपालिका वडा नम्बर ११ को सभाहलमा भएको हो ।
सर्लाही | कोरोना भाइरसको तेस्रो लहर चलिरहेको समयमा मधेश प्रदेशमा हालसम्म लक्षित जनसंख्याको ४४ प्रतिशत नागरिकले खोपको पूर्ण डोज लगाएका छन्। साथै‚ करिब ११ हजार नागरिकले बुस्टर डोज लगाएका छन्।
मधेश प्रदेशमा हालसम्म १२ वर्षदेखि माथिका ४४ दशमलब २ प्रतिशत नागरिकले कोरोनाविरुद्धको खोप लगाएको स्वास्थ्य निर्देशनालय मधेश प्रदेशले जनाएको छ। निर्देशनालयको तथ्यांकअनुसार सर्लाहीमा ५५ दशमलब ५, बारामा ४९ दशमलब ४, धनुषामा ४९ दशमलब १, पर्सामा ४३ दशमलब ८, सप्तरीमा ४२ दशमलब ७ प्रतिशत, सिरहामा ४० दशमलब ७, महोत्तरीमा ३५ दशमलब ४ र रौतहटमा ३४ दशमलब ७ प्रतिशत लक्षित नागरिकले खोपको पूर्ण डोज लगाएका छन्।
त्यसैगरी नेपाल सरकारले अग्रपंक्तिमा खटेकालाई बुस्टोर डोज दिन सुरु गरेकामा मधेश प्रदेशमा करिब ११ हजारले बुस्टर डोज लगाएका छन्। स्वास्थ्य निर्देशनालयका निर्देशक विजय झाले आइतबारसम्ममा मधेश प्रदेशमा १० हजार ९९८ जनाले बुस्टर डोज लगाएको जानकारी दिए।
बारामा सबैभन्दा बढी तीन हजार २२० जनाले बुस्टर डोज लगाएका छन्। त्यस्तै सर्लाहीमा दुई हजार २६, धनुषामा एक हजार ९६०, रौतहटमा एक हजार ८२३, सिरहामा एक हजार ८७, महोत्तरीमा ४१६, सप्तरीमा ३२१ र पर्सामा १०० जनाले बुस्टर डोज लगाएको स्वास्थ्य निर्देशनालयले जनाएको छ।
निर्देशक झाका अनुसार प्रदेशमा हालसम्म कुल जनसंख्याको ३४ प्रतिशत नागरिकले खोपको पूर्ण डोज र ३९ दशमलब ५९ प्रतिशत नागरिकले पहिलो डोज लिएका छन्। प्रदेशमा कुल ६३ लाख ४३ हजार ९७० जना जनसंख्या रहेकोमा आइतबारसम्म २१ लाख ५६ हजार ९६४ जना अर्थात् ३४ प्रतिशतले खोपको पूर्ण डोज लगाएका छन्।
प्रदेशमा क्ल जनसंख्यामध्ये १८ वर्षभन्दा माथिका ६६ प्रतिशत अर्थात ४१ लाख ६० हजार ४२५ र १२ देखि १७ वर्षसम्मका ११ प्रतिशत नागरिक अर्थात सात लाख १५ हजार ३४२ जनालाई खोप दिने लक्ष्य रहेको छ।
लक्ष्यअनुसार भने मधेश प्रदेशमा १८ वर्षभन्दा माथिका ५१.८ प्रतिशत नागरिकलाई खोपको पूर्ण डोज र ६० दशमलब ४ प्रतिशत नागरिकले पहिलो डोज लिएको स्वास्थ्य निर्देशनालयले जनाएको छ। १२ वर्षदेखि १७ वर्षसम्मका भने ६७ दशमलब २ प्रतिशतले खोपको पहिलो मात्रा लिएका छन्।
पूर्ण डोज लिनेमा सबैभन्दा बढी पर्सामा पाँच लाख २८ हजार ३१६ जना रहेका छन्। त्यस्तै‚ सर्लाहीमा तीन लाख ८७ हजार ६५९, धनुषामा तीन लाख २१ हजार ७५४, बारामा तीन लाख २० हजार ८५१, सप्तरीमा दुई लाख ३६ हजार ३१६, रौतहटमा दुई लाख २९ हजार ३८१, सिरहामा दुई लाख २० हजार ३७७ र महोत्तरीमा एक लाख ९५ हजार ५९८ जनाले भ्याक्सिन लगाएका छन्। रासस/धनुषा
सर्लाही | सदरमुकाम मलंगवामा सोमवार नेकपा एकीकृत समाजवादीले आफ्नो जिल्ला पार्टी कार्यालय उद्घाटन गरेको छ ।
कोभिड सचेतता अपनाउँदै एक कार्यक्रमका बिच जिल्ला पार्टी कार्यालय उद्घाटन गरिएको पार्टी प्रचार बिभाग प्रमुख चूडामणि वाग्लेले जानकारी दिनुभयो । पार्टीका केन्द्रिय उपाध्यक्ष एवं मधेस प्रदेश इन्चार्ज धर्मनाथ साहले रिवन काटेर कार्यालय उदघाटन गरेका हुन ।
कार्यक्रममा मन्तब्य राख्दै शाहले स्थानीय चुनाब आगामी बैशाखमा गर्न नेपालको संबिधानले नै बाटो बन्द गरेको दाबी गरे । उनले संबिधानमा स्थानीय जनप्रतिनिधिको पाँच बर्षिय कार्यकाल पूरा भएको ६ महिना भित्र चुनाब गराउने प्राबधान रहेको स्मरण समेत गराए ।
जिल्ला अध्यक्ष सुरेन्द्र लामाको अध्यक्षतामा भएको कार्यक्रममा केन्द्रिय नेताहरु रबिन्द्र बैठा, डिल्ली उप्रेती एवं बेची लुङेली, जिल्ला उपाध्यक्ष देबेन्द्र राय, सचिब गोबिन्द अधिकारी, मलंगवा नगर अध्यक्ष राजाराम साहले मन्तब्य राखेका थिए ।
मलंगवाको शिबसागर चोकमा खुलेको कार्यालय अब नियमित रुपमा खुल्ला रहने प्रचार बिभाग प्रमुख चूडामणि वाग्लेको दाबी छ ।
नेकपा एकीकृत समाजबादीको जिल्ला कार्यलय उद्घाटन कार्यक्रममा जिल्लाका अगुवा नेता कार्यकर्ताको उपस्तिथि रहेको थियो ।
बारा | राष्ट्रिय प्रजातन्त्र पार्टीले हिन्दुराष्ट्र, राजसंस्था, पार्टीको झन्डालगायतका विषयमा निर्वाचन आयोगले उठाएका प्रश्न संविधानको मर्म र भावनाविपरीत रहेको एवं पूर्वाग्रही भएको प्रतिक्रिया दिएको छ । आइतबार पार्टीका महामन्त्री भुवन पाठकले जारी गरेको विज्ञप्तिमार्फत राप्रपाले आयोगको निर्णय पूवाग्रही रहेको भन्दै त्यसको राजनीतिक र कानुनी उपचार खोज्ने बताएको हो ।
निर्वाचन आयोगले राप्रपाको विधानको प्रस्तावनाको बुँदा ४ मा उल्लेखित ‘सनातन हिन्दुराष्ट्र एवं राजसंस्थासहितको प्रजातन्त्र’ भन्ने वाक्यांश संविधानको प्रतिकूल भएको र पार्टी विधानबाट सो वाक्यांश हटाउन राप्रपालाई निर्देशन दिएको थियो ।
आयोगको सो निर्देशन राप्रपाको मूल्य र मान्यताविपरीत भएको बताउँदै आइतबार राप्रपाका महामन्त्री भुवन पाठकले जारी गरेको विज्ञप्तिमा भनिएको छ, ‘विगतमा पार्टीले प्रयोग गर्दै आएको, निर्वाचन आयोगले समेत मान्यता प्रदान गरेको राप्रपाको झन्डामा र राप्रपाको चुनाव चिह्नको रूपमा समेत प्रयोग भई स्थानीय तह, प्रादेशिक तथा संघीय निर्वाचनमा समेत निर्वाचित भएको सन्दर्भमा आयोगको निर्देशन पूर्वाग्रही देखिएको राप्रपाको ठहर छ ।’
निर्वाचन आयोगले पार्टीलाई पठाएको पत्रको जवाफ उपयुक्त समयमा दिने तथा आयोगको पत्रका सम्बन्धमा कानुनी र राजनीतिक उपचार खोज्ने निर्णय राप्रपाले गरेको पनि विज्ञप्तिमा उल्लेख छ ।
सर्लाही | हरिवनबाट लागुऔषध गाँजा सहित एक दम्पती पक्राउ परेका छन ।
शनिवार राती १० बजेको समयमा हरिवन नगरपालीका ८ पुरानो बजारस्थित भित्री सडक खण्डमा ईलाका प्रहरि कार्यालय हरिवनबाट खटिएको गस्ति टोलीले बागमतीका ३८ बर्षिय रुद्र बहादुर अधिकारि र उनकी पत्नि ३० बर्षिय रिचा अधिकारिलाई पक्राउ गरेको हो ।
उनिहरुले बा६८प ४९७२ नम्बरको मोटरसाईकलमा लुकाएर पुर्वबाट पश्चिमतर्फ लैजाँदै गरेको करिव ५ किलो गाँजा सहित अधिकारि दम्पतीलाई पक्राउ गरि आवश्यक अनुसन्धान भईरहेको जिल्ला प्रहरि कार्यालय सर्लाहीले जनाएको छ ।
यही माघ १२ गते हुने राष्ट्रियसभा सदस्य निर्वाचनको मौन अवधि आज मध्यरातिदेखि लागू हुँदैछ ।
मौन अवधि सुरु हुनुभन्दा अगाडि नै निर्वाचन चिह्न लगायतका प्रचार सामग्री हटाउनुपर्ने लगायतका आचरण पालना गर्न निर्वाचन आयोगले सबैलाई आग्रह गरेको छ । मौन अवधिमा निर्वाचन प्रचार प्रसार गर्न र मत माग्न पाइँदैन । साथै मतदान केन्द्रको ३ सय मिटर वरिपरी राखिएका निर्वाचन चिह्न, प्रचार सामग्री हटाउनुपर्दछ । एसएमएस, फेसबुक, भाइबर जस्ता विद्युतीय माध्यमबाट पनि निर्वाचन प्रचार गर्न नपाइने निर्वाचन आयोगले जनाएको छ ।
मौन अवधिमा उम्मेदवार वा कुनै राजनीतिक दलको प्रचार हुने गरी समाचार वा सूचना प्रकाशन वा प्रसारण गर्न पनि निषेध गरिएको छ । साथै निर्वाचन आयोगले निर्वाचक मण्डलको अन्तिम मतदाता नामावली विवरणसँग भिडाई यकिन गरी मतदान गर्न पाउने व्यवस्था मिलाउन सम्बन्धित निर्वाचन अधिकृतलाई निर्देशन समेत दिएको छ ।
राष्ट्रिय सभामा रिक्त हुन लागेका १९ सिटका लागि सात वटै प्रदेशमा माघ १२ गते मतदान हुँदैछ । निर्वाचनमा नौ दलका ४३ जना उम्मेदवार छन् । प्रदेश १ मा तीन, प्रदेश २ मा दुई, बागमतीमा दुई, गण्डकीमा तीन, लुम्बिनीमा तीन, कर्णालीमा तीन र सुदूरपश्चिममा तीन पदका लागि निर्वाचन हुने छ ।
सातै प्रदेशमा कूल २०२५ मतदाता छन् । निर्वाचन आयोगका अनुसार निर्वाचनमा हरियो र रातो रंगको मतपत्र प्रयोग हुने छ । रातो रंगको मतपत्र स्थानीय तहका प्रमुख र उपप्रमुखले प्रयोग गर्नेछन् । हरियो रंगको मतपत्र भने प्रदेश सभा सदस्यले प्रयोग गर्ने छन् ।
स्थानीय तहका प्रमुखको मतभार १८ र प्रदेश सभा सदस्यको मतभार ४८ निर्धारण गरिएको छ ।