झापा / राष्ट्रिय प्रजातन्त्र पार्टीको अध्यक्षमा राजेन्द्र लिङदेन निर्वाचित भएपछि झापामा राप्रपामा प्रवेश गर्नेको लर्को नै लागेको छ ।
अधयक्षमा निर्वाचित भएपछि पहिलो पटक झापा आएका लिङदेनलाई राप्रपाका कार्यकर्ता मात्र नभई तमाम झापाबासीको न्यानो सम्मान ब्यक्त भएको थियो ।
पुस ३ गते झापा आएका राप्रपा अध्यक्ष लिङदेन झापा बसुन्जेल पार्टी प्रवेशको लर्कोले भ्याइ न भ्याई भएको राप्रपाका झापा जिल्ला अध्यक्ष केशव ओझाले जानकारी दिए ।
पुस ३ गते बिर्तामोडमा भएको स्वागत तथा पार्टी प्रवेश कार्यक्रममा ३७५ जना, बाह्दशी गाउँपालिकामा आयोजित विभिन्न कार्यक्रममा २५० जना, कचनकवल गाउँपालिकामा ५० जना, भद्रपुर नगरपालिकामा ५२३ जना, झापा क्षेत्र नं ५ को गौरीगञ्ज, गौरादह।कमल गाउँपालिका र दमक नगरपालिकाबाट ५०० भन्दा बढी नेकपा एमाले, नेपाली कांग्रेस र माओबादी केन्द्र परित्याग गरि राप्रपामा प्रवेश गरेको राप्रपा जिल्ला अध्यक्ष ओझाले जनाएका छन् ।
राप्रपामा प्रवेश गर्नेमा नेपाली कांग्रेसको समानुपातिक उम्मेद्वार बिकेन्द्र मेन्याङबो, नेकपा एमालेको कर्मचारी विभागको पूर्व केन्द्रिय सदस्य मातृका आचार्य, माओवादी केन्द्रका दुर्गा खरेल लगायत विभिन्न पार्टीको उपल्लो नेतृत्वमा रहेका व्यक्तिहरु रहेको राप्रपा झापाले जनाएको छ ।
सर्लाही | पूर्व–पश्चिम राजमार्गअन्तर्गत सर्लाहीको लालबन्दीमा सोमवार बिहान ट्रकको ठक्करबाट एक विद्यार्थीको मृत्यु भएपछि बिद्यार्थीहरु आक्रोशित एवंं त्रसित भएका छन ।
लालबन्दी नगरपालिका–९, बस्तीपुरमा ट्रकको ठक्करबाट जनज्योति माध्यमिक विद्यालयको कक्षा ९ मा अध्ययनरत १७ वर्षीय दीपेन्द्रकुमार यादवको मृत्यु भएको थियो । चन्द्रनगर गाउँपालिका–१, रतनपुरका दीपेन्द्र लालबन्दीमा भाडाको कोठामा बस्दै आएका थिए । सोमवार बिहान ट्युसन पढ्न सडक पार गर्न खोज्दा ट्रकले ठक्कर दिएको थियो ।
आफ्नो साथीको दुर्घटनामा ज्यान गएपछि मंगलवार पनि बिद्यार्थीले राजमार्गमा टायर बालेर प्रदर्शन गरे । उनिहरुले सोमवारको दुर्घटना एक प्रतिनिधि घट्ना मात्रै भएको र सम्बन्धित निकाय बेलैमा सचेत नभए अन्य बिद्यार्थीको पनी अकालमै ज्यान जाने निश्चित रहेको बताए ।
राजमार्गसँगै रहेको बिद्यालय आसपास कतै जेब्रा क्रसिङ नभएको, बिभिन्न सुचनामुलक बोर्डहरु नभएको, बिद्यालय क्षेत्रमा सवारिको गति तिब्र हुने गरेको लगाएतका कारणले राजमार्गमा बिद्यार्थीहरु असुरक्षित रहेका उनिहरुको भनाई थियो । सोमवार पनि बिहान १० बजेतिर केहि बेर राजमार्ग अबरुद्ध गरेका बिद्यार्थीले मंगलवबर लालबन्दीको डुमडुमे मन्दिर नजिकै र नगरपालीका अगाडि टायर बालेर प्रदर्शन गरे ।
बिद्यार्थीहरुले बिभिन्न नाराबाजी गर्दै नगरपालीका कार्यालय तिर ढुंगा हान्न थालेपछि नेपाल प्रहरि र शसस्त्र प्रहरिको टोली पुगेको थियो । बिद्यार्थीको ढुंगा प्रहारबाट लालबन्दी नगरपालीकाको डिजिटल बोर्डमा क्षति पुगेको छ ।
केहि बेरको आन्दोलन पश्चात प्रबिनिधि बिद्यार्थी, ईलाका प्रहरि कार्यालय लालबन्दीका प्रमुख ईन्स्पेक्टर निर्मल थापा, र लालबन्दी नगरपालीका मेयर मान बहादुर खड्का, प्रमुख प्रशासकिय अधिकृत बासुदेव तिमल्सिना लगाएतका सरोकारवालाबिच सकारात्मक सहमती भएको बुझिएको छ ।
बिद्यार्थीले अवरुद्ध गरेको राजमार्ग केहि घण्टा पछि खुलेको थियो ।
भिडियो हेर्नका लागी यहाँ क्लिक गर्नुहोस् ।
बिर्तामोड / राष्ट्रिय प्रजातन्त्र पार्टीका नवनिर्वाचित अध्यक्ष राजेन्द्र लिङदेनले आफू सानो चित्त र फिस्टे छाती लिएर राजनीतिमा आएको मान्छे नभएको बताएका छन् ।आज बिर्तामोडमा राप्रपा जिल्ला कमिटीद्वारा आयोजित बधाई तथा शुभकामना एवम् बृहत पार्टी प्रवेश कार्यक्रमलाई सम्बोधन गर्दै नवनिर्वाचित अध्यक्ष लिङदेनले सो कुरा बताएका हुन् ।राप्रपाको केन्द्रीय अध्यक्षमा निर्वाचित भएपछि पहिलो पटक झापा आएका लिङदेनले बृहत कार्यकर्ताका सामु जोड दिँदै भने आफू कांग्रेस कम्युनिष्टलाई पनि मिलाएर हिड्ने मान्छे हिजो आफूलाई भोट नदिने हजारौंलाई राप्रपामा प्रवेश गराएर आफ्नो बनाएर हिड्न सक्ने मान्छे राप्रपाको आन्तरिक चुनावमा कस्ले मलाई भोट दियो दिएन भनेर आफू हेरेर नबस्ने बताए ।उनले भने ‘त्यो सकियो त्यसैदिन सकियो त्यसलाई बोकेर त्यसलाई केलाएर हिड्ने छुट मलाई छँदै छैन ।’ राष्ट्रिय प्रजातन्त्र पार्टीमा आफूले आमूल परिवर्तन गर्ने भन्दै लिङदेनले काम नगरिकन कोही नेता हुन नपाउने व्यवस्था आफूले गर्ने उद्घोष गरे । म पनि काम गर्छु र अरुले पनि उपरखुट्टी लगाएर बस्न नपाउने अध्यक्ष लिङदेनको भनाई थियो ।उनले भने अब सबको फाएल खडा हुन्छ सबले के काम गर्ने भन्ने जिम्मेवारी छुट्याइन्छ त्यस अनुसार काम गर्ने नेता कोहि पछाडी पर्दै पर्दैन ।अझै पनि पार्टी फ्ट्ला कि भन्ने चिन्ता गर्नेहरु तर्फ संकेत गर्दे अध्यक्ष लिङदेनले भने अब यसलाई फुटाउने ठाउँ पनि छैन र फुटाउने ताकत पनि कसैसँग छैन ।पहिरो जाने ठाउँमा पनि बग्दा बग्दा बग्ने चिजै सकिएपछि अब के बग्छ भन्दै लिङदेनले राष्ट्रिय प्रजातन्त्र पार्टीमा पनि फुट्दा फुट्दा फुट्ने ठाउँ नै सकिएको उनले दाबी गरे ।सो कार्यक्रममा विभिन्न पार्टी परित्याग गरि २०० जना नेता कार्यकर्ता राप्रपामा प्रवेश गरेका थिए । नव प्रवेशी सबैलाई अध्यक्ष लिङदेनले खदा र अविर लगाउँदै सदस्यता दिलाएका थिए ।कार्यक्रममा पार्टीका प्रदेश नं १ अध्यक्ष राम थापा, नवर्विाचित केन्द्रिय सदस्य सगुन लावती, डा. राजेश गिरी निवर्तमान झापा जिल्ला अध्यक्ष कमर बिष्ट, राष्ट्रिय प्रजातान्त्रिक युवक संगठनका अध्यक्ष राजकुमार राई लगायतले सम्बोधन गरेका थिए ।
सर्लाही | प्रहरिले शुक्रवारराती लागुऔषध सहित एक जनालाई पक्राउ गरेको छ । पक्राउ पर्नेमा गम्हरिया बस्ने २४ बर्षका अनिल महतो छन ।
उनले ज८प ६७७३ नम्बरको मोटरसाईकलमा नवलपुर मलंगवा सडकखण्डमा मोटरसाईकलको ट्यांकी भित्रको दुबैतिरको खालीभागमा लागुऔषध लुकाएर मलंगवातर्फबाट वडा नम्बर १२ स्थित गम्हरियातर्फ लैजाँदै गर्दा पक्राउ परेका थिए ।
प्रहरिको गस्ति टोलीले गएराती करिव साँडे १२ बजेतिर मलंगवा ११ मा रहेको पेट्रोलपम्प आसमासमा शंका लागी चेकजाँच गर्दा महतोले लुकाई ल्याएको CodiWell लेखिएको १०० ML को २९ पिस सिसि लागूऔषध बरामद गरेको र मोटरसाईकल सहित महतोलाई नियन्त्रणमा लिएर आवश्यक अनुसन्धान भईरहेको मलंगवास्थित जिल्ला प्रहरि कार्यालय सर्लाहीले जनाएको छ ।
यसैबिच जिल्लाको दक्षिणी क्षेत्रमा जाडो मौसम सुरु भए यता आगलागीका घटना भईरहेका छन । शुक्रवार मात्रैपनी पर्सा गाउँपालीका १ सितलपुर बस्ने नवल किशोर रायको कच्चि घरमा आगलागी हुँदा करिव ५० हजार बराबरको क्षति भएको छ ।
दिउँसो ३ बजको समयमा खाना पकाउने चुल्होबाट आगो सल्किएर खर र बाँसबाट बनेको कच्चि घर जलेको हो । आगलागीबाट मानबिय र चौपाया क्षति भने नभएको प्रहरिले जनाएको छ ।
त्यस्तै शुक्रवार दिउँसो करिव साँडे ४ बजेको समयमा कबिलासि २ पिपरियाका बुलयसको खेतमा थ्रेसरबाट धान झार्ने क्रममा अचानक आगलागी भएको छ ।
आगलागीबाट २ ओटा त्रीपाल, १ बिघा खेतको पराल, ४ बोरा धान गरि अन्दाजी ४० हजार बराबरको क्षति भएको जिल्ला प्रहरि कार्यालय मलंगवाका सुचना अधिकृत एवं प्रहरि नायव उपरिक्षक माधव प्रसाद बुडाथोकीले जानकारि दिनुभयो ।
आगलागीबाट मानबिय क्षति नभएको उहाँको भनाई छ ।
क्षितिज बिश्वकर्मा । सर्लाहीमा गएराती आगोले पोलेर २ बालिका र १ बृद्ध गरि ३ जनाको ज्यान गएको छ ।
जिल्लाको कबिलासि नगरपालिका ७ स्थित सिरसियाका जोगी महरा चमारको फुसको घरमा बुधवार राती करिव सवा ९ बजे बिद्युत सर्ट भई आगो लागेको थियो ।
आगलागीबाट चमारको छोरीहरु ८ बर्षकी लक्ष्मी कुमारी, ५ बर्षकी सुधा कुमारी र ३ बर्षकी सोगन्धि कुमारी जलेर घाईते भएका थिए । घाईते बर्ष ८ कि लक्ष्मी र बर्ष ३ कि सोगन्धिलाई जिल्ला अस्पताल मलंगवामा उपचार पश्चात काठमाण्डौं पठाईएकोमा लैजाँदै गर्दा बिहिवार बिहान ३ बजेतिर बाटोमा नै ज्यान गएको जिल्ला प्रहरी कार्यालय सर्लाहीले जनाएको छ ।
५ बर्षकी सुधा कुमारीलाई स्थानिय मेडिकलमा उपचार गरिएको र उनको अवस्था सामान्य रहि घर फर्किएकी छिन ।
आगलागीबाट बिपन्न चमारको घर सहित घरमा भएको लत्ता कपडा र भाडावर्तन जल्दा अन्दाजी ५० हजार बराबरको क्षति भएको जिल्ला प्रहरी कार्यालय मलंगवा सर्लाहीका सुचना अधिकृत प्रहरी नायव उपरिक्षक माधव प्रसाद बुडाथोकीले जानकारी दिनुभयो ।
ईलाका प्रहरी कार्यालय हरिपुरबाट प्रहरी निरीक्षकको कमाण्डमा गएको टोली र स्थानीयको सहयोगमा करिव आधा घण्टा पछि आगो नियन्त्रणमा आएको थियो ।
त्यस्तै गएराती साँडै ११ बजे मलंगवा नगरपालिका ६ खुटौनाका ७० बर्षिय नसिर खाँको आगो तापिरहेका अवस्थामा जलेर ज्यान गएको छ । घरभन्दा अन्दाजी ५०० मिटर टाढा बाटोको छेउमा आगो तापिरहेको अवस्थामा कपडामा आगो सल्किएर पोली छटपटाई रहेका खाँ नजिकैको नालीमा खसेका थिए ।
सोहि क्रममा गस्तिमा रहेको प्रहरीको टोलीले देखि उद्धार गरी जिल्ला अस्पताल मलंगवामा उपचारका लागि पठाएकोमा बिहिवार बिहान सवा ७ बजेतिर उनको मृत्यू भएको जिल्ला प्रहरी कार्यालय सर्लाहीले जनाएको छ ।
नेपाली कांग्रेसको सभापतिमा शेरबहादुर देउवा निर्वाचित भएका छन् । मंगलबार भएको दोस्रो चरणको मतदानमा शेखर कोइरालालाई ९०७ मतान्तरले पराजित गर्दै देउवा दोस्रो कार्यकालका लागि सभापति चुनिएका हुन् ।
कुल ४७४३ महाधिवेशन प्रतिनिधिमध्ये ४ हजार ६७९ जनाले पहिलो चरणमा मतदान गरेका थिए । सभापतिमा चुनिन २३४० मत चाहिन्थ्यो ।
देउवाले २२५८ पाएका थिए भने शेखरले १७०२ । प्रकाशमान सिंहले ३७१ मत पाउँदा विमलेन्द्र निधिले २५० र कल्याण गुरुङले २२ मत पाए । कुनै पनि उम्मेदवारले बहुमत नपाएपछि विधान अनुसार धेरै मत ल्याउने दुई जनाबीच दोस्रो चरणमा प्रतिस्पर्धा भयो ।
काठमाडौं । शिक्षक सेवा आयोगले माध्यमिक तह तृतीय श्रेणी शिक्षक पदका लागि विज्ञापन खुलाएको छ ।
आउँदो पुस १ गतेदेखि २९ गतेसम्म नियमित शुल्कमा र माघ ६ गतेसम्म विलम्ब शुल्क तिरेर दरखास्त दिन सकिने आयोगले जनाएको छ । दरखास्त अनलाइनमार्फत् बुझाउन सकिने छ ।
नेपाली, अंग्रेजी, गणित, विज्ञान, सामाजिक, अर्थशास्त्र, लेखा, शिक्षा, स्वास्थ्य, संस्कृत, कम्प्युटर, शुक्लयजुर्वेद र न्याय विषयका जम्मा एक हजार ५४७ जना शिक्षकका लागि विज्ञापन खुलाइएको हो ।
हेर्नका लागी यहाँ क्लिक गर्नुहोस …
https://drive.google.com/file/d/1mJe5sqazj7MiOyRNrJXlFvUlQxzD9MHY/view
सर्लाही | गोडैता नगरपालीका १२ मधुवनीगाउँ स्थित नेपाल भारत बोर्डर नजिकैबाट प्रहरिले सोमवार दिउँसो लागुऔषध सहित एक जनालाई पक्राउ गरेको छ ।
भारततर्फबाट नेपाल आउँदै गरेको ०३–०२–०३१ प् २७८१ नम्बरको २२० सिसिको पल्सर मोटरसाईकलमा सवार रामनगर गाउँपालीका ५ बस्ने २९ बर्षिय राजेश कुमार यादवलाई शंका लागी चेकजाँच गर्ने क्रममा प्रहरिले लागुऔषध बरामद गरेको हो ।
चेकजाँचका क्रममा यादवको साथबाट ९०० ओटा पिस नाईट्रोभेट टेन नामक लागुऔषध बरामद भएको जिल्ला प्रहरि कार्यालय सर्लाहीले जनाएको छ । पक्राउ परेका यादवलाई मोटरसाईकल सहित नियन्त्रणमा लिएर आवश्यक अनुसन्धान गरिरहेको प्रहरिले बताएको छ ।
सर्लाही | सोमवार राती करिव साँडे १० बजेतिर आगलागी हुँदा सर्लाहीको हरिपुर्वाका नागा रायको घर जलेको छ । हरिपुर्वा ७ खिला टोलका रायको काठको घरमा राती एक्कासि आगलागी भएको हो ।
आगलागीबाट घरमा रहेको अन्नपात, लत्ताकपडा, भाडावर्तन र काठपात जलेर नष्ट भएको छ । जिल्ला प्रहरि कार्यालय सर्लाहीका अनुसार गाईको गोठमा बालेको घुरबाट आगो सल्किएर आगलागी भएको हो ।
करिव २ लाखको क्षति हुने गरि भएको आगलागीबाट मानवीय तथा चौपायाको भने कुनै क्षति नभएको र राती ११ बजेतिर आगलागी नियन्त्रणमा आएको जिल्ला प्रहरी कार्यालय सर्लाहीले जानकारि दिएको छ ।
त्यसैगरि गएको मध्यरातमा भएको आगलागीबाट जिल्लाको बिष्णु गाउँपालीका ४ बस्ने ५ जनाको पराल तथा दाउरा राख्ने फुसको गोठ जल्दा करिव १ लाख १० हजार बराबरको क्षति भएको छ ।
राती भएको आगलागीबाट वडा नम्बर ४ का बिन्देश्वर साहको पारालको टाल र २ ओटा दाउरा राख्ने टहरो जल्दा करिव ५ हजार बराबर, सोहि ठाउँका सगुनी रायको अन्दाजी १० हजार बराबरको परालको टाल, सोनेलालको २० हजार बरारको पराल, उपेन्द्र रायको १५ हजार बराबरको पराल र बिश्वनाथ रायको १५ हजार बराबरको पराल जलेको हो ।
सर्लाही | ईलाका प्रहरि कार्यालय हरिवनले मंगलवार दिउँसो एक कार्यक्रमको आयोजना गरि बिभिन्न मिती र समयमा बरामद बजाज कम्पनीका ६ वटा मोटरसाईकल सम्बन्धित निकायलाई बुझाएको छ । बिभिन्न समयमा प्रहरिको सक्रियतामा चोरि भई फेला पारिएका, बेवारिसे अवस्थामा भेटिएका मोटरसाईकलहरु सम्बन्धित निकायलाई बुझाएको हो ।
प्रहरिले हरिवनका दिपेन्द्र थापाको कालो रंगको २२० सिसिको २ ओटा पल्सर, दाङका फिरलाल चौधरिको निलो रंगको २२० सिसिको पल्सर, धनुषाका कमल यादवको रातो रंगको २२० सिसिको पल्सर, बाराका सुसन तामाङको २०० सिसिकाृ एनएस पल्सर र महोत्तरिका लवराज देवकोटाको १५० सिसिको कालो रातो पल्सर मोटरसाईकल सम्बन्धित मोटरसाईकल धनिलाई बुझाएको हो ।
त्यसका साथै ईलाका प्रहरी कार्यालय हरिवनले मंगलवार शान्ति सुरक्षा सम्बन्धि सचेतनामुलक अन्तरक्रिया कार्यक्रम गरेको छ । जिल्ला प्रहरि कार्यालय सर्लाहीका प्रमुख प्रहरि उपरिक्षक कृष्ण प्रसाद प्रसाईको प्रमुख आतिथ्यतामा सचेतनामुलक अन्तरक्रिया कार्यक्रम गरेको हो ।
कार्यक्रममा सशस्त्र प्रहरि बल हरिवनका प्रमुख दिपेन्द्र थापा, नेकपा समाजवादीका सर्लाही जिल्ला संयोजक सुरेन्द्र लामा, माओवादी केन्द्रका सर्लाही संयोजक कमल बुडाथोकी, नेकपा समाजवादी हरिवन नगर कमिटि अध्यक्ष चुडामणि वाग्ले, बिभिन्न राजनितिक दल सम्बद्ध प्रतिनिधिहरु, ईलाका प्रशासन कार्यालय हरिवनका प्रमुख सुर्य दाहाल, हरिवन उद्योग वाणिज्य संघका अध्यक्ष मोहनलाल श्रेष्ठ, हरिवन नगरपालीकाका बिभिन्न वडाका जनप्रतिनिधिहरुको उपस्थिती रहेको थियो ।
कार्यक्रममा उठेका बिषयबस्तुहरुको सम्बन्धमा प्रमुख अतिथी एस.पी.कृष्ण प्रसाईंले जवाफ दिनुभएको जिल्ला प्रहरि कार्यालय सर्लाहीका प्रवक्ता एवं सुचना अधिकृत प्रहरि नायव उपरिक्षक माधव प्रसाद बुडाथोकीले जानकारि दिनुभयो ।