अर्थमन्त्री जनार्दन शर्माले पुष्प खेतीले मुलुकलाई आत्मनिर्भर बनाउने अर्थमा निकै महत्वपूर्ण रहेको बताउनु भएको छ । शुक्रवार ललितपुरमा १४ औं गोदावरी पुष्प प्रदर्शनी २०७८ को उद्घाटन गर्नुहुँदै उहाँले पुष्प व्यवसाय उत्पादनको क्षेत्रमा महत्वपूर्ण रहेको बताउनुभएको हो ।
फूलमा मुलुक आत्मनिर्भर उन्मुख भएको बताउनु हुँदै मन्त्री शर्माले अर्को वर्षदेखि आयात नगर्नुपर्ने गरी संकल्प गरेर अगाडि बढ्न आग्रह गर्नुभयो । उहाँले केही प्रतिशत अन्य मुलुकबाट बर्सेनि फूल भित्रिरहेकाले आगामी वर्षदेखि आत्मनिर्भर हुने गरी पुष्प कृषक, व्यवसायी तथा सरोकारवालालाई संकल्प गर्न आग्रह गर्नुभएको हो ।
मन्त्री शर्माले फूल नेपालीको संस्कृतिसँग पनि जोडिएकाले निकै महत्वपूर्ण रहेको बताउनु भएको छ । फ्लोरिकल्चर एशोसिएसनले बर्सेनि प्रदर्शन आयोजना गर्दै आएको गोदावरी पुष्प प्रदर्शनी यस वर्ष शुक्रवारबाट सोमबारसम्म चल्ने बताइएको छ ।
प्रदर्शनीमा गोदावरी पुष्पसँगै विश्वभर चलेका फुलहरू, पुष्प खेती गर्दा आवश्यक पर्ने औजार, मललगायत राखिएको फ्लोरिकल्चर एशोसिएसन नेपालका अध्यक्ष मिनबहादुर तामाङले बताउनुभयो । अध्यक्ष तामाङले प्रदर्शनीको अवलोकन ३५ हजार बराबरले गर्ने अनुमान गरिएको जानकारी दिनुभयो । त्यस्तै ५० लाखभन्दा बढीको व्यापार हुने अपेक्षा गरिएको उहाँले बताउनुभयो ।
अध्यक्ष तामाङका अनुसार आर्थिक वर्ष २०७६/०७७ को प्रदर्शनीमा ७३ लाखको व्यापार भएको थियो ।
अघिल्लो वर्ष भने कोरोना महामारीका कारण प्रदर्शनी स्थगित भएको थियो ।
पूर्व प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्ड भोली शनिवार सर्लाही सदरमुकाम मलंगवा आउने भएका छन ।
मलंगवामा माओवादी निकट एकीकृत अखिल नेपाल शिक्षक संगठन र मधेशवादी दल निकट नेपाल लोकतान्त्रिक शिक्षक फेडेरेशनबीचको एकता कार्यक्रममा सहभागी हुन प्रचण्ड मलंगवा आउन लागेका हुन ।
बरिष्ठ नेता आउने भएपछि माओवादी केन्द्रका जिल्ला स्थित नेता कार्यकर्ताले ब्यवस्थापन र तयारि तिब्र पारेका छन ।
नेपाल सरकारले बेमौसमी वर्षाका कारण किसानले लगाएको धानबालीमा भएको क्षतिका विषयमा जग्गाको क्षेत्रफललाई आधार बनाएर राहत दिने निर्णय भएको कृषि तथा पशुपन्छी विकास मन्त्री महेन्द्र राय यादवले जानकारी गराएका छन् ।
बिहीबार बसेको मन्त्रिपरिषद् बैठकले किसानलाई धानबालीको क्षेत्रफलका आधारमा राहत दिने र त्यसका लागि कार्यविधि बनाउन कार्यदल गठन गर्ने निर्णय समेत भएको कृषी मन्त्री यादवले बताएका छन् ।
मन्त्री यादवका अनुसार, सरकारले साना किसान (बढीमा १० कठ्ठा जग्गा) को धानबालीमा भएको क्षतिको उत्पादन लागतको ६५ प्रतिशत रकम अर्थात प्रति कठ्ठा १ हजार ९ सय २१ रुपैयाँ र प्रति बिघा ३८ हजार ४ सय २० रुपैया, मझौला किसान (११ कठ्ठादेखि ४० कठ्ठासम्म) को धानबालीमा क्षति भएकालाई उत्पादन लागतको ३० प्रतिशत रकम अर्थात प्रति कठ्ठा ८ सय ८७ रुपैया र प्रती बिघा १७ हजार ७ सय ४० रुपैयाँ त्यसैगरी ठूला किसान जस्को ४१ कठ्ठा भन्दा बढी क्षेत्रफलमा क्षति भएको छ उनिहरुलाई उत्पादन लागतको २० प्रतिशत रकम अर्थात प्रति कठ्ठा ५ सय ९१ रुपैयाँ र प्रति बिघा ११ हजार ८ सय २० रुपैयाँसम्म राहत उपलब्ध गराउने निर्णय भएको छ ।
त्यस्तै सरकारले आंशिक क्षति अन्तर्गत सबै वर्गका किसानलाई उत्पादन लागतको २० प्रतिशत रकम अर्थात प्रति कठ्ठा ५ सय ९१ रुपैयाँ र प्रति बिघा ११ हजार ८ सय २० रुपैयाँसम्म राहत उपलब्ध गराउने भएको छ ।
राहत वितरण गर्ने कार्यविधि बनाउन प्रधानमन्त्री तथा मन्त्रिपरिषद् कार्यालयका सचिवको संयोजकत्वमा कार्यदल बनाइएको छ । कार्यदलले ५ दिनभित्र कार्यविधि बनाई मन्त्रिपरिषद्मा पेस गर्नेछ ।
हालसम्मको तथ्यांक अनुसार राहत उपलब्ध हुने अनुमानित क्षेत्रफल १ लाख ११ हजार हेक्टर रहेको र सोको राहतका लागि नेपाल सरकारको खर्च हुने अनुमानित रकम ११ अर्व ८८ करोड मध्ये बिहिवार बसेको मन्त्रिपरिषद् बैठकले तत्काललाई ५ अर्व ५२ करोड रुपैयाको राहत प्याकेजको घोषणा गरेको कृषि मन्त्रालयले जनाएको छ ।
सर्लाहीको परवानीपुरमा निर्मित पुष्पलालको शालिक बुधवार नेकपा एकिकृत समाजवादीका केन्द्रिय अध्यक्ष तथा पुर्व प्रधानमन्त्री माधवकुमार नेपालले अनावरण गर्नुभएको छ ।
मंगलवार सर्लाही आउनुभएका अध्यक्ष नेपाल सोहि दिन देखि जिल्ला भित्रका विविध कार्यक्रममा सहभागी हुनुहुन्छ । उहाँले बुधवार लालबन्दी नगरपालीकाको वडा नम्बर १५ र १६ परवानीपुरस्थित बोहोरेडाँडामा प्रदेश सांसद बेचि लुंगेलीको क्षेत्र बिकाश कोषको रकम करिव १ करोडको लगानिमा निर्मित पुष्पलालको शालिकको अनावरण गर्नुभएको हो ।
शालिक अनावरण सँगै २७५ सदस्यिय जिल्ला कमिटि घोषणा गरिएको छ । बुधवार आधिकारिक घोषणा गरिएको जिल्ला कमिटिको अध्यक्षमा सुरेन्द्र लामा, उपाध्यक्षमा देवेन्द्र यादव, सचिवमा गोबिन्द अधिकारि रहेका छन । बुधवार घोषणा गरिएको कमिटिले बाँकी पदाधिकारि र सदस्यहरु चयन गर्ने बताईएको छ ।
नेकपा एसका प्रदेश २ अध्यक्ष एवं पुर्व सामान्य प्रशासन मन्त्री रामचन्द्र यादवले सर्लाही जिल्ला कमिटि घोषणा गर्नुभएको हो । कार्यक्रममा बिभिन्न पार्टी परित्याग गरि थुप्रै ब्यक्तिहरु लोकतान्त्रीक समाजवादीमा प्रवेश गरेका थिए ।
त्यसअघि अध्यक्ष नेपालले लालबन्दी नगरपालीका ५ मेजरगञ्जस्थित शान्तिटोलमा निर्मित महिला संरक्षण गृहको उद्घाटन गर्नुभएको थियो । प्रदेश सांसद बेचि लुंगेलीको क्षेत्रबिकाश कोषको रकमको ३५ लाखको लागतमा संरक्षण गृहको निर्माण सम्पन्न भएको सांसद लुंगेलीले जानकारि दिनुभयो ।
कम्पाउण्ड वाल तथा २ ओटा गेट र एउटा सभाहल सहितको योजना अन्तर्गत संरक्षण गृह निर्माण गरिएको हो ।
यसैबिच नेकपा एकीकृत समाजवादीले चुनाव चिन्ह कलम पाएको छ । निर्वाचन आयोगले एकीकृत समाजवादीलाई कलम चुनाव चिन्ह प्रदान गरेको हो ।
सामाजिक सञ्जाल फेसबुकले आफ्नो नाम परिवर्तन गरेको छ । फेसबुकको परिवर्तन गरिएको नाम ‘मेटा’ राखिएको छ ।
फेसबुकका संस्थापक मार्क जुकरबर्गले फेसबुकको नाम परिवर्तन गरेर मेटा राखिएको घोषणा गर्नुभएको हो । लामो समयदेखि फेसबुकले नाम परिवर्तन गर्नेबारे चर्चा चलिरहेको थियो । फेसबुकका संस्थापक जुकरबर्गले आफ्नो सामाजिक सञ्जाललाई दोस्रो पटक ब्राण्डिङ गर्न चाहेको बताउनुभएको छ ।
कम्पनीले फेसबुकको नयाँ नाम परिवर्तन गरेसँगै रोजगारीको नयाँ अवसर पनि खोल्ने जनाएको छ । युवा प्रयोगकर्ताहरुको मानसिक स्वास्थ्यमै असर पारेको आरोप लागिरहेका बेला फेसबुकले आफ्नो कम्पनी नाम बदलेको हो ।
पछिल्लो समय आफ्नै पूर्वकर्मचारीले अमेरिकी संसदमा फेसबुकका गोप्य तथ्यहरुको खुलासा गरिदिएसँगै फेसबुक दबाबमा परेको छ । साथै फेसबुकले आफूलाई केवल सोसल मिडिया भन्दा व्यापक भएको कम्पनीको रुपमा चिनाउन चाहेको जनाएको छ ।
फेसबुकले पछिल्लो समय स्मार्ट चस्मा लगायतका कन्जुमर हार्डवेयर उत्पादन सुरु गरिसकेको छ र यसका लागि १० हजारभन्दा धेरै कर्मचारी खटाइसकेको छ ।
एकीकृत समाजवादीका नेता राजेन्द्र पाण्डे आज एकीकृत समाजवादीका नेता राजेन्द्र पाण्डे आज बागमती प्रदेशको मुख्यमन्त्री बन्दैछन् । उनले आजै सानो आकारको मन्त्रिपरिषद् गठन गर्दैछन् । बागमती प्रदेशको मुख्यमन्त्री बन्दैछन् । उनले आजै सानो आकारको मन्त्रिपरिषद् गठन गर्दैछन् ।
नेकपा एमालेबाट मुख्यमन्त्री बनेकी अष्टलक्ष्मी शाक्य अल्पमतमा परेर राजीनामा दिएपछि पाण्डे मुख्यमन्त्री बन्न लागेका हुन् ।
नेकपा एकीकृत समाजवादीका नेता राजेन्द्र पाण्डे आज बागमती प्रदेशको मुख्यमन्त्री बन्दैछन् । उनले आजै सानो आकारको मन्त्रिपरिषद् गठन गर्दैछन् ।
नेकपा एमाले विभाजन भएपछि १३ जना प्रदेशसभा सदस्यले एकीकृत समाजवादी पार्टी रोजेपछि मुख्यमन्त्री शाक्य अल्पमतमा परेकी थिइन् ।
कांग्रेस, माओवादी र जसपाका गरी ५९ सांसदहरूको समर्थनमा पाण्डेले हिजो नै मुख्यमन्त्रीमा दाबी पेस गरेका थिए । उनले आज दिउँसो ३:४५ मा पद तथा गोपनियताको शपथ ग्रहण गर्ने कार्यक्रम छ ।
चीनमा ४० लाख जनसंख्या भएको एक शहरमा मंगलबार पुनः लकडाउन लागू गरिएको छ । गाँसू प्रान्तको राजधानी लानजू शहरमा कोरोनाको बढ्दो संक्रमणपछि यस्तो कदम उठाइएको सञ्चार माध्यमहरुले जनाएका छन् ।
संक्रमितको संख्या निकै थोरै भएपनि सावधानी स्वरुप लानजूमा लकडाउन लागू गरिएको छ । त्यहाँका जनतालाई आपतकालीन स्थितिमा मात्रै बाहिर निस्कन अपिल गरिएको छ ।
सोमबार चीनमा २९ नयाँ संक्रमित भेटिएका मध्ये लानजूमा ६ जना मात्रै भेटिएका थिए । शहरका अधिकारीले लानजूमा प्रवेश र त्यहाँबाट बाहिरिने प्रक्रियालाई पूर्ण रुपमा नियन्त्रित गरिने समाचार एजेन्सी एएफपीले बताएको छ । प्रशासनले सबै मानिसहरुलाई आफ्नो हाउजिङ कम्प्लेक्स भित्र नै बस्नुपर्ने आदेश दिएको छ । अत्यावशेक सामाग्री ओषधी र अस्पताल जानबाहेक प्रशासनले अरुकुरामा रोक लगाएको छ ।
यसअघि पनि उत्तरी चीनमा हजारौं मानिसलाई घरभित्रै बस्न कडा आदेश दिइसकिएको छ । चीनमा कोरोनाको ताजा संक्रमण डेल्टा भेरियन्टसँग सम्बन्धित भएको बताइएको छ । स्वास्थ्य अधिकारीले परीक्षणको दायरा बढेसँगै संक्रमितको संख्या पनि बढ्ने अनुमान गरेका छन् ।
पछिल्लो एक हप्तामा चीनमा कोभिड–१९ का १३३ नयाँ संक्रमित भेटिएका छन् जसमध्ये १०६ संक्रमित अन्य देशबाट आएका पर्यटक छन् । १७ अक्पटोबर पछि चीनका ११ प्रान्तमा घरेलु संक्रमितको संख्यामा पनि वृद्धि भइरहेको छ ।
: लोकपथ
बेमौसमको वर्षाले मुलुकका सातै प्रदेशमा ८ अर्ब २६ करोड ८० लाख रुपैयाँबराबरको धानबाली क्षति भएको छ ।
बाढी तथा डुबानका कारण ३ लाख २५ हजार २ सय ५८ मेट्रिकटन धान सखाप भएको छ । ८५ हजार ५ सय ८० हेक्टर क्षेत्रफलमा लगाइएको धानबाली पूर्णरूपमा क्षति पुगेको कृषि तथा पशुपन्छी विकास मन्त्रालयले जानकारी दिएको छ ।
मन्त्रालयका अनुसार आंशिक क्षतिसमेत गरेर २ लाख ८५ हजार ७६ हेक्टर क्षेत्रफल प्रभावित भएको छ । मन्त्रालयका सहसचिव एवं प्रवक्ता प्रकाशकुमार सञ्जेलले प्रदेशस्तरमा तथ्यांक संकलनमा समन्वय र सहजीकरणका लागि सातवटै प्रदेशमा १/१ वटा कार्यटोली गठन गरिएको बताए ।
सातै प्रदेशका कृषि मन्त्री र कृषि सचिवको बैठकले क्षति मूल्यांकनका साथै राहतबारे आज कात्तिक ९ गते मंगलबार छलफल राखिएको छ ।
निर्वाचन आयोगका पदाधिकारीहरुले प्रधानमन्त्री शेरबहादुर देउवालाई स्थानीय तहको निर्वाचन आगामी चैत ५ गतेभित्र गरिसक्नुपर्ने बताएका छन् ।
सोमबार प्रधानमन्त्री र केही मन्त्रीहरुसँग भएको छलफलमा आयोगका पदाधिकारीहरुले पहिले स्थानीय तहको निर्वाचन गर्नुपर्नेमा जोड दिए ।
‘स्थानीय तहको निर्वाचन चैत ५ गतेभित्र गरिसक्नुपर्छ । संकटकाल बाहेकको अवस्थामा म्याद थप्ने व्यवस्था पनि छैन । स्थानीय तह पदाधिकारीविहीन राख्न पनि मिल्दैन,’ आयोगका एक पदाधिकारीले भने, ‘हामी देशभर एकै चरणमा, एकै पटक स्थानीय तहको निर्वाचन गर्न तयार छौं भनेका छौं ।’
प्रदेशसभा र प्रतिनिधिसभाको अवधि भने १४ महिना बाँकी छ । त्यसैले पहिला स्थानीय तहको निर्वाचन गर्नु उपयुक्त हुने आयोग पदाधिकारीहरुको जोड थियो ।
आयोग पदाधिकारीहरुले प्रदेश र प्रतिनिधिसभाको निर्वाचन पनि देशभर एकै पटक गर्न सकिने बताएका छन् । एक आयुक्तका अनुसार प्रधानमन्त्री देउवा स्थानीय चुनाव पहिले कि प्रदेश र प्रतिनिधिसभा भन्ने बहसमा प्रवेश नै गरेनन् ।
तर देशभर एकै पटक चुनाव गर्ने आयोगको प्रस्तावमा उनी सहमत देखिएका छन् ।
नेपालका लागि फ्रान्सका राजदूत Gilles Bourbao ले अर्थमन्त्री जनार्दन शर्मासँग शिष्टाचार भेट गरेका छन ।
सोमवार अर्थ मन्त्रालयमा भएको भेटमा मन्त्री शर्माले नेपालमा अर्गानिक कृषि, पर्यटन, जलविद्युतलगायतको क्षेत्रमा लगानी गर्न फ्रान्सका लगानीकर्तालाई आग्रह गरेका छन ।
लगानीमैत्री वातावरणको लागि सरकार हरदम तयार रहेको बताउँदै मन्त्री शर्माले त्यसको लागि सहजीकरण गरिदिन राजदुत Bourbao लाई आग्रह गरे । कोभिड महामारीको असर कम हुन नपाउदै नेपालमा बमौसमी वर्षाले ठूलो क्षति पु¥याएकोले त्यसको पुननिर्माण र क्षतिपूतिको लागि आवश्यक सहयोग जुटाउने सकारात्मक कुराकानी भएको छ ।
साथै जलवायु परिवर्तनका कारण नेपालले व्यहोर्नुपरेको क्षतिका सम्बन्धमा समेत भेटमा छलफल भएको छ ।