आईतवार बिहान ५ बजे बरामद बेवारिसे कपडाहरुमा कसैको दाबि नपरेपछि रौतहट प्रहरिले सोमवार भन्सार बुझाएको छ ।
आईवार बिहान जिल्लाको गरुडा नगरपालीका वडा नम्बर ५ झाँझपुल सडक किनारमा बच्चाहरुको रेडिमेड कपडा र महिलाहरुको सल प्रहरिले फेला पारेको थियो ।
बोरामा रहेको करिव एक लाख चार हजार तिन सय पचास रुपैँया बरावरको कपडामा कसैले दाबि नगरेपछि आवश्यक कारवाहिका लागी गौर भन्सार बुझाएको जिल्ला प्रहरि कार्यालय रौतहटले जनाएको छ ।
सर्लाहीको चन्द्रनगर गाउँपालीकाका जनप्रतिनिधिहरुलाई जनतासँग प्रत्यक्ष सरोकार राख्ने बिषयहरुमा अभिमुखिकरण तालीम प्रदान गरिएको छ । वातावरण संरक्षण तथा मानव बिकाश संस्था सुनसरिको आयोजना तथा चन्द्रनगर गाउँपालीकाको आर्थिक सहयोगमा जनप्रतिनिधिहरुका लागी नेतृत्व तथा क्षमता बिकास अभिमुखिकरण गोष्ठि सम्पन्न भएको हो ।
मलंगवा स्थित होटल कुसुम एण्ड पार्टि प्यालेसको तालीम हलमा चैत्र ६ र ७ गत्ते गोष्ठि सम्पन्न भएको हो । सहभागी जनप्रतिधिहरुलाई आवासको सुविधा सहित संचालीत गोष्ठिमा चन्द्रनगर गाउँपालीकाका सबै जनप्रतिनिधिहरु सहभागी भएका थिए । गोष्ठिमा जनप्रतिनिधिहरुको काम, कर्तब्य र अधिकारको बिषयमा स्पस्ट जानकारि प्रदान गरिएको थियो ।
गाउँपालीका अध्यक्ष महेन्द्र महतोको अध्यक्षता तथा उपाध्यक्ष बिनादेवीको प्रमुख आतिथ्यतामा भएको कार्यक्रममा दिपक श्रेष्ठ तथा वातावरण संरक्षण तथा मानव बिकाश संस्थाका अध्यक्ष भुवनेश्वर साहले प्रशिक्षण दिनुभएको थियो ।
ईलाका प्रहरि कार्यालय लालबन्दीले रानिगञ्जबाट १५ किलो लागु औषध गाँजा सहित अटो, चालक र अर्का एकजनालाई पक्राउ गरेको छ ।
सर्लाहीको लालबन्दी नगरपालीका वडा नम्बर १७ स्थित रानिगञ्जमा परवानीपुर देखि रानिगञ्जसम्म चल्ने अटोलाई आईतवार साँझ करिव ६ बजेको समयमा चेक जाँच गर्ने क्रममा सो परिमाणको गाँजा फेला पारेको प्रहरिले जनाएको छ । बिशेष सुराकीको आधारमा ईलाका प्रहरि कार्यालय लालबन्दीका प्रहरि निरिक्षक निर्मल थापाको कमाण्डमा गएको प्रहरि टोलीले परवानीपुरबाट रानिगञ्ज तर्फ जाँदै गरेको ज१ह ४६०९ नम्बरको अटोलाई चेकजाँच गर्दा जेब्रा झोला भित्र ३ वटा प्लास्टिकको पोकामा रहेको १५ किलो गाँजा फेला पारेको हो ।
राजिगञ्जका पुष्प बहादुर फुँयालले चलाएको अटोको पछाडि बसेका सोहि ठाउँका ४० बर्षका सुरेन्द्र कुमार बलको साथमा रहेको २५ हजार सहित र लालबन्दी नगरपालीका वडा नम्बर १४ का ४१ बर्षिय पाल्साङ पाख्रिनलाई अटो र अटो चालक सहित नियन्त्रणमा लिएर हिरासतमा राखि अनुसन्धान भईरहेको जिल्ला प्रहरि कार्यालय सर्लाहीका सुचना अधिकृत प्रहरि नायव उपरिक्षक मदन कुवंरले जानकारि दिनुभएको छ ।
इश्वर बिश्वकर्मा|चरिकोट
नेपाली कांग्रेस विपद व्यवस्थापन समिति दोलखाले २४ जनालाई राहत रकम उपलब्ध गराएको छ । चालु आर्थिक वर्षको साउनमा निर्माण गरिएको समितिले हालसम्म गम्भिर प्रकृतिका रोग र प्राकृतिक प्रकोप पीडित गरि २४ जनालाई राहत रकम उपलब्ध गराएको हो ।
१ जना व्यक्तिलाई रोग र समस्याको प्रकृति अनुसार १० देखि १५ हजारसम्म राहत उपलब्ध गराइएको समितिका अध्यक्ष प्रभुराम श्रेष्ठले बताए । उनका अनुसार सम्बन्धित पालिकाका वडा सभापतिको सिफारिस र आवश्यक कागजातसहित समितिमा पेश गरेको खण्डमा पीडितलाई राहत रकम उपलब्ध गराउने गरिएको छ ।
सुखमा मात्रै होइन्, दुख र आपतविपदमा पनि नेपाली कांग्रेस जनताको साथमा रहेको प्रत्याभूति दिलाउन र कुनै स्वार्थ बिना राहत उपलब्ध गराउने गरिएको उनले बताए । उनले भने “यो कुनै चर्चामा आउन वा चुनावी हतियार बनाउनका लागी निर्माण गरिएको समिति होइन्, नितान्त मानविय नाताले सहयोग गर्न समिति बनाइएको हो ।
पार्टीगत नाता भन्दा समितिले मानविय नाताले आपतविपत् र दुखमा परेकालाई मलम लगाउने काम गर्ने हेतुले यो काम गरेको हौँ । गम्भिर रोग र विपद् प्रभावित नागरिकको दुखमा राहत दिने उद्धेश्यले समिति र कोष निर्माण गरिएको र शुभेच्छुक तथा नेताकार्यकर्ताले कोषमा रकम जम्मा गर्ने गरेका छन् ।
राष्ट्रिय स्तरमै चर्चा कमाउन सफल सर्लाहीका कलाकार साहित्यकारसहित १७ जनालाई शनिवार बरहथवा नगरपालिकाले सम्मान गरेको छ । नगरपालिकाले वडा नं. २, हजरियास्थित खेल मैदानमा ‘सर्लाही स्वर्णिम सम्मान २०७७’ बाट चर्चित कलाकार, कवि, निर्देशक, पत्रकारलगायतलाई सम्मान गरेको हो ।
सम्मानित हुनेहरुमा कवि एवं गीतकार दिनेश अधिकारी, नायक निखिल उप्रेती, गायक शिव परियार, हास्यकलाकार शिवशङ्कर रिजाल (जोगिन्दर), निर्देशक प्रदिप भट्टराई, गायक कमल खत्री, मोडल कविता नेपालीलगायत रहनु भएको छ । कलाकारिता एवं पत्रकारिता क्षेत्रबाट जिल्लालाई नै देशव्यापी रुपमा चिनाउन सफल भएका व्यक्तिहरुलाई थप हौसल्ला प्रदान गर्ने उद्देश्यले सम्मान गरिएको बरहथवा नगरपालिकाका प्रमुख देवानन्द महतोले बताए ।
नगरप्रमुख महतो, उपप्रमुख सीतादेवी माझीलगायतले सम्मानित हुने व्यक्तिहरुलाई कदर पत्र र दोसल्लाबाट सम्मान गरे । कार्यक्रममा उपस्थित कलाकारहरुले आ–आफ्नो प्रस्तुति दिएर मनोरञ्जन समेत प्रदान गरेका थिए ।
ट्रक ब्यवसायी संघ सर्लाहीको छैठौँ बार्षिक साधारणसभा सम्पन्न भएको छ । हरिवन नगरपालिका १० मा २०६५ सालमा स्थापना भएको संघको शनिबार छैँठौँ बार्षिक साधारणसभा सम्पन्न भएको हो ।
संघ सर्लाहीका अध्यक्ष राम बहादुर दवाडीको अध्यक्षतामा भएको कार्यक्रममा प्रदेश नम्बर २ का प्रदेश सभा सदस्य डिल्ली प्रसाद उप्रेती प्रमुख अतिथी रहनुभएको थियो । कार्यक्रममा हरिवन नगरपालिकाकी उप–प्रमुख रेणुका पौडेल, हरिवन ८ का वडाध्यक्ष यज्ञ विनोद ढुंगेल, हरिवन ९ का वडा अध्यक्ष सिताराम पोख्रेल, उद्योग बाणिज्य संघ हरिवनका अध्यक्ष मोहन श्रेष्ठ, नेपाल चेम्बर अफ कमर्स हरिवनका अध्यक्ष कृष्ण ओमपोते लगाएत जिल्लाभरका ट्रक व्यावसायीहरुको उपस्थिती रहेको थियो ।
कार्यक्रममा असल ट्रक चालकको रुपमा चालक प्रकाश राईलाई सम्मान गरिएको थियो भने जेष्ठ नागरिक ववरजंग थापालाई समेत सम्मान गरिएको थियो ।
पत्रकार बख्तियार अलीमाथि मरणासन्न हुने गरी आक्रमण गर्ने व्यक्तिलाई कारवाहीको माग गर्दै सर्लाहीका पत्रकारहरुले प्रमुख जिल्ला अधिकारी र जिल्ला प्रहरी प्रमुखलाई ध्यानाकर्षण पत्र बुझाएका छन् ।
घटना भएको एक साता बितिसक्दा समेत अभियुक्त पक्राउ नपरेका भन्दै जिल्लाका पत्रकारहरुले यस घटनाप्रति गम्भीरता देखाई अभियुक्तलाई तत्काल पक्राउ गर्न माग राखी सुक्रवार दिउँसो प्रमुख जिल्ला अधिकारी हेमराज तामाङ र प्रहरी उपरीक्षक सन्तोषसिंह राठौरलाई ध्यानाकर्षण पत्र बुझाएका हुन् । नेपाल पत्रकार महासंघ सर्लाहीका उपाध्यक्ष एवं एभिन्यूज टेलिभिजनका प्रतिनिधि अलीमाथि गत फागुन २७ गते आफ्नै भाई ईफ्तिखार अलीले हम्मरले आक्रमण गरी गम्भीर घाईते बनाएका थिए ।
घाईते पत्रकार अलीको अहिले सुमेरु अस्पताल, काठमाण्डौंमा उपचार चलिरहेको छ । स्वास्थ्य अवस्था खराब भएपछि उनलाई बिहिवार मात्रै थप उपचारका लागि काठमाण्डौं पु¥याइएको हो । पारिवारिक विवादका कारण घटना भएपनि ज्यानै लिने हिसाबले भएको यस घटनाका दोषीलाई कानुनी कारवाहीको दायरामा ल्याउन जिल्लाका पत्रकारहरुले माग गरेका छन् ।
सीडीओ र एसपीलाई ध्यानाकर्षण पत्र बुझाउनुअघि बसेको पत्रकारहरुको बैठकले घाईते पत्रकार अलीको उपचारका लागि व्यक्तिगत रुपमा तथा नेपाल पत्रकार महासंघ सर्लाही शाखाको नाममा रहेको अक्षय कोषको ब्याजबाट गरि १ लाख रुपैंया सहयोग गर्ने निर्णय समेत गरेको छ ।
आठ वर्षीया नातिनीलाई बलात्कार गरेको आरोपमा पक्राउ परेका एक व्यक्तिलाई जिल्ला अदालतले कसुरदार ठहर गरेको छ । जिल्ला न्यायाधीश माधवप्रसाद सिलुवालको एकल इजलासले त्रियुगा नगरपालिकाका ५६ वर्षीय वृद्धलाई आजीवन कारावाससहित थप चार वर्षको कैद सजायको फैसला सुनाएको छ ।
त्यसैगरी, जरिवानाबापत ४० हजार रुपैयाँ र सरकारले स्थापना गरेको पीडित राहत कोषमा चार हजार चार सय रुपैयाँ भराउन पनि अदालतले आदेश गरेको स्रेस्तेदार धनबहादुर कार्कीले बताए ।
कसुरदारले साउन १२ गते घरमा कोही नभएका बेला पीडितलाई बलात्कार गरेको भन्दै परिवारबाटै भदौ ९ गते जिल्ला प्रहरी कार्यालयमा जाहेरी परेको थियो । तत्काल पक्राउ परेका आरोपितलाई अदालतले असोज २ गते पुर्पक्षका लागि थुनामा राख्न आदेश दिएको थियो ।
स्वास्थ्य तथा जनसङ्ख्या मन्त्रालयले कोरोना भाइरसविरुद्धको पहिलो चरणको खोप लगाएका व्यक्तिलाई दोस्रो मात्रा आगामी वैशााख ७ देखि ११ गतेसम्म प्रदान गरिने भएको छ।
मन्त्रालयको इन्सिडेन्ट कमाण्ड सिस्टम(आइसिएस)को बैठकले गत माघ १४ गतेदेखि फागुन १० गतेसम्म खोप लगाएका लागि वैशाख ७ देखि ११ गतेसम्म दोस्रो मात्रा दिने भएको हो। पहिलो चरणमा चार लाख २९ हजारले खोप लगाएका थिए।
मन्त्रालयका प्रवक्ता प्रा डा जागेश्वर गौतमले दोस्रो चरण गत फागुन २३ गतेदेखि यही चैत ३ गतेसम्म खोपको पहिलो मात्रा लगाएकालाई दोस्रो मात्रा लगाउने सूचनापछि प्रकाशन गरिने जानकारी दिए। दोस्रो चरणअन्तर्गत ६५ वर्षभन्दा माथिका ज्येष्ठ नागरिकलाई खोप प्रदान गरिएको थियो।
यस्तै दोस्रो प्राथमिकतामा परेका ५५ वर्षदेखि ६४ वर्षसम्मका नागरिकलाई खोपको पहिलो मात्रा दिनेबारे पछि सूचना जारी गरिने भएको छ। मन्त्रालयले दैनिक गर्दै आएको पत्रकार सम्मेलन आजबाट हप्ताको दुई दिन आइतबार र बुधबार मात्र सञ्चालन गरिने उनले जानकारी दिए।
भारत सरकारले उपहारस्वरुप प्रदान गरेको पहिलो खेपको बाँकी मौज्दातसहित सम्पूर्ण खोपको मात्राको मौज्दात विवरण दुई दिनभित्र केन्द्रमा पठाउन पनि निर्देशन दिने निर्णय गरेको उनले बताए।
चीनले कोरोना भाइरसविरुद्धको चौथो खोपलाई प्रयोगका लागि अनुमति दिएको छ। चीनको रोग नियन्त्रण केन्द्रले यो खोप आपत्कालीन अवस्थामा प्रयोगका लागि मात्रै अनुमति दिइएको स्पष्ट पारेको छ।
केन्द्रका प्रमुख गाओ फु नेतृत्वको टोलीले यो खोपलाई अन्तिम रूप दिएको हो। त्यसलाई अन्य नियामक निकायहरूले गत हप्ता आपत्कालीन अवस्थामा प्रयोग गर्न सकिने गरी अनुमति दिएका थिए।
आमनागरिकले प्रयोग गर्न सक्ने गरी अहिलेसम्म चीनमा विकास गरिएका चार खोप तीन संस्थाले विकास गरेका हुन्। त्यस कार्यमा अन्हुइ झिफेइ लङ्कम, बायो फर्मास्युटिकल कर्पोरेसन लिमिटेड र चिनियाँ विज्ञान प्रतिष्ठान संलग्न रहेको अधिकारीहरूले जनाएका छन्।
खोपको पहिलो र दोस्रो चरणको परीक्षण गत वर्षको अक्टोबरमा उज्ज्वेकिस्तान, पाकिस्तान र इन्डोनेसियामा गरिएको वक्तव्यमा उल्लेख गरिएको छ।
यो खोप उज्ज्वेकिस्तानमा भने गत मार्च १ देखि नै प्रयोगका लागि अनुमति दिइएको छ। खोपका बारेमा पर्याप्त विवरण भने सार्वजनिक गरिएको छैन। कम्पनीका प्रवक्ताले नियामक निकायहरूलाई भने आवश्यक विवरणहरू उपलब्ध गराइएको स्पष्ट पारेका आजको नागरिकमा खबर छ ।