चन्द्रनगर गाउँपालिकामा कार्यालय सार्ने विषयमा स्थानियहरु बिभाजित बनेका छन ।

एकथरीले गाउँपालिका यथा स्थानमा राख्नुपर्ने भन्दै गाउँपालिकामा तालाबन्दी गरेका छन भने अर्का थरिले गाउँपालिका कार्यालय मध्य भागमा पर्ने गरि सार्नुपर्नु माग गर्दै प्रदर्शन गरेको छ । बुधवार वडा नं. १ र २ का स्थानियले गाउँपालिका सबैलाई पाएक पर्ने मध्य बिन्दुमा राख्नुपर्ने माग गर्दै विरोध प्रदर्शन गरेको हो ।

गाउँपालिका अध्यक्ष महेन्द्र महतोले सबैको बिच भागमा गाउँपालिका कार्यालय नराखेको भन्दै स्थानियहरुले गाउँपालिका अध्यक्ष महतो विरुद्ध चर्को नाराबाजी गर्दै टायर बालेर समेत प्रदर्शन गरेका छन । प्रदर्शनकारीले नाराबाजी गर्दै गाउँपालिका अध्यक्ष महतोको निजि निवासमा समेत ढुङ्गामुढा गरी तोडफोड गरेका स्थानिय युवा भाग्यनारायण गुप्ताले जानकारी दिए ।

गएको २१ गते वडा नं. ७ मा रहेको गाउँपालिकाको कार्यालय वडा नं. २ मा सार्न खोजेको भन्दै वडा नं. ६ र ७ का स्थानियले गाउँपालिकामा ताला लगाएका थिए ।

प्रदर्शनकारीले गाउँपालिकाको भवन नाढि तालमै राख्नु पर्ने, नाढि तालमै गाउँपालिकाको भवन बनाई शाखाहरु टुट्टा छुट्टै राख्नुपर्ने, विकास निर्माण कार्य पारदर्शी हुनुपर्ने, सूचनाको हक सम्बन्धि प्रावधान कार्यन्वयन गर्नुपर्ने लगायतका माग गरेका छन ।

सर्लाहीको बरहथवा नगरपालिकाको शिक्षा शाखा प्रमुख भुपनारायण राय यादवमाथि कुटपिट भएको विरोधमा कर्मचारीले कार्यालयको काम ठप्प पारेर धर्नामा बसेका छन् । यादवलाई वडा नम्बर १७  का वडाध्यक्ष  रामविश्वास रायले मङ्गलवार बेलुका कार्यकक्षमै कुटपिट गरेका थिए ।

शिक्षकको तलब दिने विषयमा विवाद हुँदा कुटपिट भएको बरहथवा नगरपालिकाका प्रमुख प्रशासकीय अधिकृत खिमबहादुर भुजेलले जानकारी दिए । धर्नाका क्रममा पनि कर्मचारी र वडाध्यक्ष पक्ष समूहबीच झडप हुँदा वडाध्यक्षसहित दुवै पक्षका पाँच जनालाई प्रहरीले पक्राउ गरेको छ ।

अन्य नगरपालिकाबाट काज सरुवा भइ बरहथवा नगरपालिका १० को  कटानीमा रहेको दुर्गा सरस्वती जनता माविका शिक्षक फेकुकुमार रायलगायत राहत कोटाका शिक्षकलाई तलब भत्ता नदिएको भन्दै वडाध्यक्ष रायले नगरपालिकाको शिक्षा शाखा प्रमुखमाथि कुटपिट गरेका बताईएको छ ।

स्वास्थ्य शाखाका प्रमुख सत्यनारायण यादव भन्छन ‘कार्यालय समयमा कर्मचारीमाथि आक्रमण हुनु गम्भीर कुरा हो, यही अवस्था रहे काम गर्न सकिँदैन, यसअघि पनि प्रमुख प्रशासकीय अधिकृतमाथि आक्रमण भएको हो । त्यसबेला कारबाही नगरेका कारण उनको मनोबल बढ्दै गएको छ । हामी कर्मचारी कसैको कुटाइ र धम्की खान यहाँ आएका होइनौँ, दोषीलाई कानुनी कारबाही नभएसम्म कर्मचारीको धर्ना जारी हुन्छ, कुनै बहानामा दोषीलाई उन्मुक्ति दिए नगरपालिकाभित्रको सबै सेवा बन्द हुन्छ । आज नगरपालिका बन्द भयो, यही अवस्था रहे भोलिदेखि शिक्षा, स्वास्थ्यलगायतका सबै वडामा रहेका कार्यालयको काम बन्द हुन्छ’, ।  

लालबन्दी जेसिजले सोमवार २४ औँ अन्तराष्ट्रिय नारि दिवसको अवशरमा लैङ्गिक हिंसाका बिरुद्धमा सचेतना मुलक कार्यक्रम सम्पन्न गरेको छ । लालबन्दी जेसिजले सर्लाहीको लालबन्दी नगरपालीका वडा नम्बर १ मा रहेको श्री जनता माध्यमिक बिद्यालयमा कार्यक्रम संचालन गरेको हो । बिद्यालयका कक्षा ९, १० र ११ का करिव ९० जना छात्राहरुलाई सहभागी गराएर बिद्यालयमा हुने बिभिन्न खाले हिंसा र न्युनिकरणका बिषयमा कार्यक्रमबाट जानकारि गराईएको हो ।

कार्यक्रममा हिमावन्ती नेपाल प्रदेश नम्बर २ को संयोजक तथा WAVES कार्यक्रमकाGender Champions रहनुभएका महिला अभियन्ता रमा पौडेलले प्रशिक्षण दिनुभएको थियो । लालवन्दी जेसीज वर्ष २०२१ का अध्यक्ष जेसी श्याम कुमार खड्काको अध्यक्षतामा भएको कार्यक्रममा लालबन्दी नगरपालीका १ का वडाध्यक्ष पञ्चाल स्याङ्बोको प्रमुख आतिथ्यता रहेको थियो ।

कार्यक्रममा जनता मा.वि.का प्रधानध्यापक विनोद पौडेल, लालबन्दी जेसीजका संस्थापक अध्यक्ष जेसी किरण घिमिरे, विद्यालयका शिक्षक शिक्षिकाहरु, लालबन्दी जेसीज वर्ष २०२१ का कार्यसमिति पदाधिकारीहरु र अन्य सदस्यहरुको सहभागीता रहेको थियो । कार्यक्रमलाई सम्बोधन गर्दै विद्यालयका प्रधानाध्यापक पौडेलले लालबन्दी जेसीजले सचेतनामुलक कार्यक्रम लागि आफ्नो विद्यालय छनौट गरी छात्राहरुलाई विद्यालयमा हुने विभिन्न हिंसाहरुको न्यूनिकरण गर्न सहयोग गरेकोमा धन्यवाद व्यक्त गदै आगामी दिनमा पनि थप कार्यक्रमको अपेक्षा राखेको बताएका थिए ।

त्यस्तै कार्यक्रमका प्रमुख अतिथि वडा अध्यक्ष स्याङ्बोले आफ्नो मन्तव्यमा लालबन्दी जेसीजले विगतमा पनि निकै सराहनीय कार्य गर्दै आएको र नारी दिवसको अवसरमा समेत जल्दो वल्दो समस्याको रुपमा रहेको समस्यालाइ उजागर गर्दै किशोरीहरुका लागी लैङ्गि हिंसाको विषयमा चेतना जगाएको भन्दै धन्यवाद ब्यक्त गरे ।

त्यस्तै लालबन्दी जेसीज वर्ष २०२१ का अध्यक्ष जेसी श्याम कुमार खड्काले आफ्नो भनाई राख्दै जेसीजले सदैव व्यक्तित्व र नेतृत्व विकासमा जोड दिँदै समाजमा भएका विभिन्न विद्यमान समस्याहरुको वकालत गर्दै आएको र समाज सेवामा समेत सक्रिय रहँदै अगामी दिनमा पनि यस्तै खालका कार्यक्रमहरु लालबन्दी जेसीजले संञ्चालन गर्दै जानुका साथै कार्यक्रमले कम्तीमा पनि विद्यालयमा हुनसक्ने हिंसालाई व्यवहारमै कम गर्ने विस्वास व्यक्त गर्दै उपस्थीत सम्पूर्ण लाई धन्यवाद व्यक्त गरेका थिए ।

उपाध्यक्ष जेसी गणेश कार्की संयोजक रहेको कार्यक्रमको संचालन जेसी राजकुमार सिंहले गरेको जानकारी लालबन्दी जेसीज वर्ष २०२१ का उपाध्यक्ष जेसी कुमार घिमिरेले दिए ।

प्रतिनिधिसभाको बैठक फागुन २६ गते दिउँसो १ बजेसम्मका लागि स्थगित भएको छ । आइतबार बोलाइएको बैठक नेपाली कांग्रेस र जनता समाजवादी पार्टीले अवरोध गरेपछि संसद सचिवालयले सूचना टाँस गरेर बैठकको नयाँ मिति फागुन २६ गते दिउँसो १ बजेका लागि तोकिएको हो ।

आइतबारको संसद बैठक नेकपाको प्रचण्ड माधव समूहले बहिस्कार गरेको थियो भने कांग्रेस र जसपाले नाराबाजी गर्दै अवरुद्ध गरेको हो ।

संसद सचिवालयले आइतबारको बैठकको कार्यसूचीमा संसद नभएका बेला सरकारले ल्याएका अध्यादेश पेश गर्ने विषय र वर्तमान र पूर्व सांसदहरुको निधनमा शोक प्रस्ताव गर्ने विषय उल्लेख गरेको थियो ।

प्रचण्ड माधव समूहका सांसद भीम रावलले शोक प्रस्ताव पारित हुने दिन अन्य विषय कार्यसूचीमा राख्न नहुने बताएका थिए । तर सभामुख अग्निप्रसाद सापकोटाले अध्यादेशहरु संसद बैठक बसेकै दिन पेश गर्नुपर्ने कानुनी प्रावधान रहेको भनी बचाउ गरे । त्यसपछि प्रचण्ड माधव समूहका सांसदले प्रतिनिधिसभा बैठकस्थल छाडेका थिए ।

त्यसपछि नेपाली कांग्रेसका सांसदहरुले पनि उठेर विरोध जनाए । कांग्रेस संसदीय दलका प्रमुख सचेतक बालकृष्ण खाँड र सचेतक पुष्पा भुसालले सरकारले संवैधानिक परिषदसम्बन्धी अध्यादेश ल्याएर संवैधानिक परिषदको मर्ममाथि प्रहार गरेको भन्दै उक्त अध्यादेश पेश गर्न नदिने अडान लियो ।

सभामुख सापकोटाले कांग्रेसका विरोधका बाबजुद कानुन न्याय तथा संसदीय मामिलामन्त्री लीलानाथ श्रेष्ठलाई संवैधानिक अध्यादेशसम्बन्धी विधेयक पेश गर्न अनुमति दिएपछि कांग्रेस र जनता समाजवादी पार्टीका सांसदले रोस्टममा नाराबाजी गरेका थिए ।

नाराबाजीका बीच सभामुख सापकोटाले बैठक १० मिनेटका लागि स्थगित गरे र त्यसपछि सूचना टाँस गरेर फागुन २६ गतेसम्मका लागि बैठक स्थगित गरेका हुन् ।

Source: Online khabar.com

राष्ट्रीय प्रजातन्त्र पार्टी राप्रपाको भातृ संगठन राष्ट्रिय प्रजातान्त्रिक ट्रेड यूनियन महासंघ नेपाल पर्सा जिल्ला कार्य समिति गठन भएको छ । पार्टिको जिल्ला अध्यक्ष श्री अंगद ठाकुर को अध्यक्षतामा समिती गठन सम्पन्न भएको हो ।

राष्ट्रीय प्रजातान्त्रिक ट्रेड यूनियन महासंघ नेपालका अध्यक्ष चिराग मान सिंह कुँवरको बिशेष उपस्थितिमा राप्रपाका केंद्रीय सदस्य राम बहादुर थापा, गया हजरा, अर्जुन सिंह ठाकुरी, रीता पोखरेल र राष्ट्रीय प्रजातांत्रिक ट्रेड यूनियन महासंघ नेपालका महा सचिव कृष्ण बहादुर महतको समुपस्थितिमा जिल्ला सचिव अजय पौडेलको सहजिकरणमा पर्सा ट्रेड यूनियन गठन गरिएको हो ।

जसको अध्यक्षमा राम जनम चौधरी, उपाध्यक्ष दिल महमद देवान, सचिव प्रसान्त गैरो, कोषाध्यक्ष बलिराम साह कलवार र सदस्यहरु प्रदीप साह गोठ, जगदीस सहानी, जागेश्वर चौधरी चयन भएका छन ।

सर्लाहीको लालबन्दीमा रहेको सगरमाथा नेपालको वार्षिक साधारणसभा सम्पन्न भएको छ । संस्थाका अध्यक्ष रोहित प्रसाद पौडेलको अध्यक्षता तथा दनुवार जागरण केन्द्रिय समतिका पुर्व अध्यक्ष जयकरण सिंह दनुवारको प्रमुख आतिथ्यतामा साधारणसभा भएको हो ।

लालबन्दी नगरपालीकाको वडा नम्बर ७ परोपकार मार्गमा कार्यालय रहेको संस्थाले बिविध निर्णयका साथ पुनः रोहीत प्रसाद पौडेलको अध्यक्षतामा नयाँ कार्यसमिती चयन गरेको छ ।

जसमा महासचिव प्रमिला चौधरि, सचिव समिर सुवेधि, कोषाध्यक्ष ज्ञान बहादुर स्यांतान सहित सदस्यहरुमा उमा पौडेल, सन्तोष पोखरेल र क्षितिज बिश्वकर्मा चयन भएका छन ।

संस्थाले बिभिन्न सामाजिक कार्य सहित बिभिन्न किसिमका तालीमहरुको पनी आयोजना गर्ने गरेको छ ।

सर्लाहीको ईश्वरपुरमा श्रीमान श्रीमती बिचको झगडामा श्रीमान गम्भिर घाईते भएका छन ।

ईश्वरपुर नगरपालीका वडा नम्बर १५ मुिस्लमटोल बस्ने ६० बर्षिय श्रीमान जोगी साह र श्रीमती ४५ बर्षिय निमकलि देवि साह बिच अंशबन्डाको बिषयमा बिवाद भएको थियो । बिवादका बिच श्रीमतीको कुटाईबाट श्रीमानको अण्डकोष फुटेको जिल्ला प्रहरि कार्यालय सर्लाहीले जनाएको छ ।

शनिवार दिउँसो करिव पौने ३ बजे घट्ना भएको र घाईते जोगी साहलाई उपचारका लागी जनकपुर पठाईएको छ ।

श्रीमतीलाई भने प्रहरिले नियन्त्रणमा लिएको जिल्ला प्रहरि कार्यालय सर्लाहीका सुचना अधिकृत प्रहरि नायव उपरिक्षक मदन कुंवरले जानकारि दिए ।

चन्द्रनगरका स्थानिय बालबालीकालाई निशुल्क ट्युसन पढाएर तथा कापि कलम जुटाएर चर्चामा आएका शिवनाथ राउतलाई सांसदले अपांगमैत्री स्कुटर प्रदान गरेका छन ।

सर्लाहीको चन्द्रनगर गाउँपालीका २ बस्ने शिवनाथ राउत जो शारिरिक रुपमा अशक्त छन्, उनलाई प्रदेश सांसद उपेन्द्र महतोले अपांगमैत्री स्कुटर प्रदान गरेका हुन । हिँडडुल गर्न समस्या हुने गरेका राउतलाई सांसद महतोले स्कुटर दिएपछि उनको दैनिकी सहज हुने भएको छ ।

समाजसेवी राउतको जन्मदिनमा सांसद महतोले गरेको प्रतिबद्धता अनुसार उनले स्कुटर पाएका हुन । राउतको समाज सेवा प्रतिको लगाव र लौरोको सहारामा विभिन्न ठाउँमा जादाँ आउँदा पर्ने अप्ठ्यारोलाई केहि हद सम्म कम गर्न आफुले समाजसेवी राउतलाई अपाङ्ग मैत्री स्कूटर प्रदान गरेको प्रदेश सभा सदस्य महतोले बताए ।

अंग्रेजीमा स्नातक गरेका शिवनाथ गाउँकै सरकारी स्कुलमा गणित र अंग्रेजी पढाउँछन् । उनी निजी स्रोतबाट नियुक्त प्राथमिक तहका शिक्षक हुन् । यसबाहेक अपांगता भएका, दलित तथा विपन्न बालबालिकासम्म शिक्षाको पहुँच पुर्याउन पनि राउत केहि वर्षदेखि खटिरहेका छन् ।

राउतको सामाजिक काम अरूलाई सहारा बनेको छ भने उनको शरीरलाई सहारा लठ्ठीले दिने गरेको छ । उनको दायाँ खुट्टा प्यारालाइसिस भएकाले हिँडडुल गर्न लठ्ठी चाहिन्छ नै । तर पनि उनि समजसेवामा अग्रसर रहँदै आएका छन ।

गएको माघ १ गते राउतको जन्मदिनको अवसरमा सांसद महतोले अपाङ्ग मैत्री स्कूटर दिने प्रतिबद्धता गरेका थिए ।

नेपाल दूरसञ्चार प्राधिकरणले जेठदेखि मोबाइल डिभाइस म्यानेजमेन्ट सिस्टम (एमडीएमएस) सञ्‍चालनको तयारी गरेको छ ।

यो प्रणाली सञ्चालनमा आएपछि अवैध रुपमा भित्रिएका मोबाइल फोन नेपालमा नचल्ने प्राधिकरणले जनाएको छ ।

प्राधिकरणका अध्यक्ष पुरुषोत्तम खनालका अनुसार यो प्रणाली सञ्‍चालनमा आएपछि इन्टरनेसनल मोबाइल इक्विपमेन्ट आइडेन्टिटी कोड (आईएमईआई) दर्ता नभएका मोबाइल नेपालका कुनै पनि नेटवर्कमा चल्दैनन् । यो उपकरण जडान भएपछि अवैध रुपमा नेपालमा भित्रिने मोबाइल बन्द भई राजस्व वृद्धि हुने साथै मोबाइल सेवा सुरक्षित तथा भरपर्दो हुने उहाँले बताउनुभयो ।

यसैगरी उनले आईकाओसम्बन्धी सन्धि तथा दूरसञ्‍चार ऐनको व्यवस्थाअनुसार १० हजार फिटमाथिको नेपाली आकाशमा विदेशी एयरलाइन्सहरुले पनि दूरसञ्‍चार सेवा प्रयोग गर्न पाउने गरी खुला गर्ने तयारी पनि भइरहेको बताउनुभयो ।

सर्लाहीको चन्द्रनगरमा गाउँपालीका सारेको भन्ने विवादमा तनावको स्थिती सिर्जना भएको छ । गाउँपालीका अध्यक्ष महेन्द्र महतोले आफ्नो पक्षको मान्छेहरु लगाएर रातारात पालीकाको कागजात सारेको भन्दै स्थानियले गाउँपालीका घेराउ गर्दै तालाबन्दी तथा नारावाजी गरेका हुन ।

शुक्रवार बिहान शिक्षा शाखाको कागजात सारेको भन्दै स्थानियले बिरोध गर्दै कार्यालय घेराउ, तालाबन्दी तथा नारावाजि गरेका हुन । वडा नं. ६ र ७ मा पर्ने नाढीमन ताल परिसरमा रहेको गाउँपालीकाको कार्यालय अध्यक्ष महतोले वडा नं. २  बबरगंग सार्न लागेको स्थानियको आरोप छ । करिव १००० भन्दा बढिको संख्यामा उपस्थित भएका स्थानियले राजेन्द्र महतो, उपेन्द्र महतो तथा महेन्द्र महतोको बलजफ्तीले आफ्नै गाउँमा कार्यालय सार्न लागेको आरोप लगाएका छन ।

यता गाउँपालीका अध्यक्ष महेन्द्र महतोले भने कागजात सारेको भन्ने कुरा झुटो आरोप मात्र भएको बताएका छन । लिड न्युज सँगको कुराकानीमा अध्यक्ष महतोले भोली शनिवार बिशेष परिषद रहेको कारणले बिरोधिले राजनिति गरेर अभद्र ब्यवहार देखाएको आरोप लगाए ।

अध्यक्ष महतोले कसैले भनेको भरमा कार्यालय सार्न नमिल्ने भन्दै परिषमा दुई तिहाई बहुमतले पारित गरेको खण्डमा प्रदेश तथा केन्द्रको निर्देशनमा मात्रै कार्यालय सार्न मिल्ने बताए । ७ वटा वडा रहेको पालीकामा सबैलाई बिचमा पर्ने गरि कार्यालय सार्ने कुरा चलिरहेको भएपनी त्यसो नगरिएको बताए ।

शुक्रवार दिउँसो गाउँपालीका कार्यालय परिषरमा विवाद भएपछि नेपाल प्रहरि, शसस्त्र तथा जनपथ प्रहरि बाक्लो रुपमा परिचालन गरिएको छ । विवादका बिच अश्रु ग्यास प्रहार गरि प्रहरिले स्थिती नियन्त्रणमा लिने प्रयास गरेको तथा गाउँपालीका अध्यक्ष महतोको स्वकिय सचिव राम कैलास साहलाई प्रहरिले लिएर गएको बताईएको छ । उनलाई प्रदर्शनकारिले घेरेर राखेका थिए ।

यता गाउँपालीका अध्यक्ष महतोले आफु खाना खाएर कार्यालय जान खोजेपनि तनावपुर्ण अवस्थाका कारण बिच बाटो मै रोकिएको बताए ।