- पवन प्रसाद साह, वीरगञ्ज ।
राष्ट्रिय प्रजातन्त्र पार्टी राप्रपा वीरगञ्जको होली मिलन कार्यक्रम सम्पन्न भएको छ । राप्रपाको वीरगञ्ज महानगरपालीका वडा नम्बर १७ अलौ गाउँ कमिटिद्वारा शनिवार होली मिलन कार्यक्रम गरिएको हो ।
मकवानपुर जिल्लाको तिरखण्डीमा एक समारोहका बिच होली मिलन कार्यक्रम सम्पन भएको हो । कार्यक्रम राप्रपा अलौं गाउँ कमिटीका अध्यक्ष छठु साह कानु को सभापतित्व रहेको थियो ।
कार्यक्रममा राप्रपाका जिल्ला सदस्य तथा सल्लाहकार देबेन्द्र, पार्टी मुस्लिम संगठनका केन्द्रीय सदस्य अमरहुसेन पवरिया, पार्टीको दलित संगठनका केन्द्रीय सदस्य उमेश राम, युवा नेता मिश्रि साह कानु, बिसनु राम, बिजेश्वर साह कानु, राजकपुर गुप्ता लगाएतका राप्रपा कार्यकर्ताहरुको सहभागीता रहेको थियो ।
सर्लाहीको चन्द्रनगरमा दलित समुदायको लागी शसक्तिकरण तथा क्षमता बिकाश तालीम सुरु भएको छ ।
शनिवार बिहान एक औपचारिक कार्यक्रमका बिच तालीमको शुभारम्भ भएको हो । २ दिन सम्म चल्ने तालीमलाई चन्द्रनगर गाउँपालीकाको कार्यालयले आर्थीक सहयोग गरेको छ । वातावरण संरक्षण तथा मानव बिकाश संस्था नेपाल सुनसरिले तालीमको आयोजना गरेको हो ।
तालीममा सर्लाही जिल्लामै सबैभन्दा बढि दलित समुदायको बसोवास रहेको चन्द्रनगर गाउँपालीकाका दलित समुदायलाई आफ्नो हक अधिकारको बारेमा जानकारि गराउनुका साथै संबिधानमा रहेका दलितका हक अधिकारका बारेमा जानकारि गराईने संस्थाका अध्यक्ष तथा कार्यक्रम संचालक भुवनेश्वर साहले जानकारि दिए ।
सहभागीलाई लामो समयदेखि दलित समुदायको हक अधिकारका लागी सक्रिय तथा प्रशिक्षक अमर बराईलीले प्रशिक्षण दिनेछन ।
गाउँपालीका अध्यक्ष महेन्द्र महतोको प्रमुख आतिथ्यता तथा प्रमुख प्रशासकिय अधिकृत असोक साहको बिशिष्ट अतिथी रहेको कार्यक्रममा पालीकाका सञ्जय महतो, कृष्ण आचार्य लगाएत स्थानिय समाजसेवि तथा दलित समुदायका बिद्यार्थीका लागी निशुल्क ट्युसन कक्षा संचालन तथा १००० बालबालीकालाई शैक्षिक सामाग्री बितरण गरेर चर्चामा आएका शिवनाथ राउतको उपस्थिती आतिथ्यता रहेको थियो ।
तालीममा पालीकाका दलित समुदायका ३५ जनाको सहभागीता रहेको छ ।
बिरामी वालकको मृत्यु भएपछि लालबन्दीमा शुक्रवार दिनभर जसोभएको तनावको स्थिती साम्य भएको छ ।
सर्लाहीको लालबन्दी नगरपालिका–६, का रमेश गिरीको ७ महिने छोराको मृत्यृपछि आक्रोशित आफन्त तथा गाउँलेले पूर्व–पश्चिम राजमार्गमा टायर बालेर चक्काजाम गर्ने प्रयास समेत गरेका थिए भने वालकको शवलाई एम्बुलेन्समै राखेर राजमार्ग अवरुद्ध गर्ने प्रयास गरेका थिए । घट्नाले ठुलो रुप लिन सक्ने आशंकामा बाक्लै प्रहरि परिचालन समेत गरिएको थियो ।
घट्नाका बिच प्रहरिले सम्झाए पछि पिडित पक्ष केहि मत्थर भएका थिए । उपचारका लागी लालबन्दी बजारस्थित गाउँमैत्री बाल अस्पतालमा भर्ना गरिएका बालकलाई थप उपचारका लागी शुक्रवार बिहान समर नर्सिङ होम जनकपुर लगिएकोमा अस्पताल पुगेपछि चिकित्सकले मृत घोषणा गरेका थिए । चिकित्सकले बेलैमा रेफर नगरेकाले घटना भएको भन्दै आक्रोशित आफन्त र गाउँले प्रदर्शनमा उत्रिएका थिए ।
ईलाका प्रहरि कार्यालय लालबन्दीले दिएको जानकारिका अनुसार कुनै अप्रिय घट्ना नहोस भनेर लालबन्दी गाउँमैत्रीका बरिष्ट चिकित्सक अर्जुन लामालाई हिरासतमा लिएर पिडित पक्षसँग छलफल गरिएको छ । जिल्ला प्रहरि कार्यालय सर्लाहीका एसपि, डिएसपि सहितका सुरक्षा निकायका ब्यक्तित्वहरुको उपस्थितीमा छलफल भएको बताईएको छ ।
श्रोतका अनुसार गाउँमैत्री बाल अस्पतालले क्षमायाचना सहित केहि रकम क्षतिपुर्ती दिने सहमती भए पश्चात पिडित आफन्तले बालकको शव बुझेर लगेका छन ।
कति पैसा दिने सहमती भयो भन्ने बिषयमा आफुहरुलाई समेत थाहा नभएको प्रहरि श्रोतले बताएको छ ।
सरकारले प्रक्रिया थालेको ६ महिनापछि बल्ल बंगलादेशसँग खरिद गरेको मल नेपाल आइपुग्ने निश्चित भएको छ ।
बंगलादेशसँग जीटुजीमा खरिद गरेको युरिया मलको पहिलो लट कलकात्ता आइपुगेको र साता दिनभित्रै उक्त मल नेपाल आइपुग्ने कृषि सामाग्री कम्पनी लिमिटेडले जनाएको छ । कम्पनीको दाबीअनुसार २२ हजार ५ सय मेटि्रकटन मल अर्को सातासम्म नेपाल भित्रिने छ ।
पहिलो खेप ब्लकमा ल्याउन लागिएको मल कलकत्ता आइपुगेको र शनिबारबाट नेपाल पठाउन उक्त मलको अनलोड सुरु हुने कृषि सामाग्री कम्पनी लिमिटेडका सूचना अधिकारी विष्णु पोख्रेलले बताए ।
कलकत्ताबाट रेल मार्गमार्फत नेपालको तीन वटा नाकामा मल आइपुग्ने छ । भैरहवा, विराटनगर र वीरगन्जस्थित गोदाममा उक्त मल आइपुग्ने कम्पनीले जनाएको छ ।
बंगलादेशसँग सरकारले ५० हजार मेटि्रकटन यूरिया मल खरिद गर्ने प्रक्रिया गत भदौमा सुरु गरेको थियो ।
दुई देशका प्रधानमन्त्रीबीच भदौ १६ मा भएको कुराकानीपछि मल खरिदको औपचारिक प्रक्रिया सुरु भएको थियो ।
दक्षिण अफ्रिकाका लागि नेपाली राजदूतमा नियुक्त भएका डा. निर्मलकुमार विश्वकर्मा र बेलायतका लागि नेपाली राजदूतमा नियुक्त भएका लोकदर्शन रेग्मीले पद तथा गोपनीयताको सपथ लिएका छन् ।
राष्ट्रपति विद्यादेवी भण्डारी समक्ष राजदूतद्वय विश्वकर्मा र रेग्मीले विहीबार पद तथा गोपनीयताको सपथ लिएका हुन् ।
मन्त्रिपरिषद्को सिफारिसमा राष्ट्रपति भण्डारीले रेग्मीलाई बेलायत र विश्वकर्मालाई दक्षिण अफ्रिकाको राजदूतमा नियुक्त गरेकी थिइन् ।
प्रतिनिधिसभाका सदस्यहरुले गत पुसदेखि रोकएको तलब/सुविधा एकमुस्ट पाउने भएका छन् ।
सरकारको सिफारिसमा राष्ट्रपतिले गत पुस ५ गते प्रतिनिधिसभा विघटन गरेपछि संसद सचिवालयले सांसदहरुको तलब/सुविधा रोकेको थियो ।
फागुन ११ गते सर्वोच्च अदालबाट प्रतिनिधिसभा विघटन बदर भएपछि यसअघि रोकिएको तलब सुविधा सांसदहरुले एकमुस्ट पाउने भएका हुन् ।
फागुन महिनाको तलब पठाउँदा पुसदेखि रोकिएको सबै तलब एकमुस्ट पठाइने संसद सचिवालयले जनाएको छ । सांसदहरुको तलब मासिक ५५ हजार २३० रुपैयाँ छ ।
प्रमुख प्रतिपक्षी दलका नेता, संसदीय समितिका सभापति र सत्तापक्ष र विपक्षी दलका प्रमुख सचेतकको को ६० हजार ९७०, राष्ट्रिय दलका प्रमुख सचेतक, सत्तापक्षको सचेतक र विपक्षी दलको सचेतकको ५७ हजार ७८० रुपैयाँ रहेको छ ।
यसका अलावा विशेष भत्ता, बैठक भत्ता, सञ्चार सुविधा, आवास सुविधा, फर्निचर खर्च, इन्धन खर्च, यातायात सुविधा, बिजुली धारा लगायतका शीर्षकमा पनि सांसदहरुले सुविधा पाउँछन् ।
प्रमुख विपक्षी नेपाली कांग्रेसले नेपाल कम्युनिस्ट पार्टी (नेकपा) विवादको अन्तिम टुंगो नलाग्दासम्म कुनै पक्षसँग सहकार्य नगर्ने भएको छ ।
बिहीबार पार्टी सभापति शेरबहादुर देउवाको निवास बुढानीलकण्ठमा बसेको पदाधिकारी र पूर्व पदाधिकारीहरुको बैठकमा संसद पुनर्स्थापना भएपछि उत्पन्न राजनीतिक परिस्थितिबारे समीक्षा भएको थियो । बैठकमा सभापति देउवाले नेकपाको दुबै पक्षबाट सहकार्यको प्रस्ताव आएको भन्दै राय मागेका थिए ।
‘नेकपाको विवाद अन्तिम टुंगो नलागेसम्म कांग्रेस कसैको पक्ष वा विपक्षमा उभिन सक्दैनौं भन्ने हाम्रो निष्कर्ष रह्यो’ बैठकपछि नेता अर्जुननरसिंह केसीले अनलाइनखबरसँग न भने ।
जनताले पनि प्रतिपक्षमा बस्ने म्याण्डेट दिएको भन्दै नेताहरुले सरकारमा जान हतार गर्न नहुने बताएका छन् । नेकपा विभाजन भएर सरकार बन्नै नसक्ने अवस्था आए मात्र यसबारे पार्टीमा छलफल गर्नु उपयुक्त हुने नेताहरुले राय दिएका छन् ।
‘त्यस्तो बेला हामी आफैंले सरकारको नेतृत्व लिने, सरकारमा जाने वा बाहिरै बसेर समर्थन गर्ने विकल्पहरु हुन्छन्’ एक नेताले भनेका छन् ।
सर्लाहीमा पहिलो पटक घरजग्गा व्यवसायीको समिति गठन गरिएको छ ।
यस क्षेत्रमा घरजग्गाको कारोवार गर्ने व्यवसायीहरुको बिहिवार बिहान लालबन्दीमा सम्पन्न भेलाले १३ सदस्यीय तदर्थ समिति गठन गरेको हो । समितिमा गोविन्द महत अध्यक्ष, साकार शर्मा उपाध्यक्ष, राजकुमार न्यौपाने सचिव र दीपेन्द्र अधिकारी कोषाध्यक्ष छन् ।
यस्तै, होमराज काफ्ले, चिरन्जिवी खतिवडा, हरिबहादुर बुढाथोकी, मानबहादुर स्याङतान, आनन्दबहादुर बुढाथोकी, श्यामहरि पोखरेल, कैलाश साह, कृष्ण थापा र मोहन राउतलाई समितिको सदस्यमा चयन गरिएको छ । आजको पहिलो भेलामा लालबन्दी, नवलपुर, हरिवन र ईश्वरपुरका घरजग्गा व्यवसायी सहभागी भएका थिए ।
समितिमा हालसम्म ५१ जना व्यवसायी आवद्ध भइसकेका र आगामी दिनमा जिल्लाभरीकै व्यवसायीलाई समेटेर अघि बढ्ने आफूहरुको योजना रहेको तदर्थ समितिका सचिव राजकुमार न्यौपानेले जानकारी दिए | उज्यालो अभियानबाट…
सर्लाहीको दक्षिणी क्षेत्रम पर्ने धनकौलमा आगलागी भएको छ । आगलागीबाट ११ लाख ६३ हजार ७०० रुपैंया बराबरको धनमाल जलेर नष्ट भएको छ ।
धनकौल गाउँपालिका–५ छठिघाट स्थित बिलास महतोको दुई तले घरको तल्लो तलामा रहेको खाना पकाउने ग्याँस सिलिण्डर लिक भई आगो लागि हुँदा सामानहरु जलि नष्ट भएको हो ।
आगोले घर तथा घर भित्र रहेको अनाज, लत्ताकपडा, भाँडाकुँडा लगायत सम्पूर्ण सामानहरु जलेर नष्ट भएको छ । जिल्ला प्रहरी कार्यालय मलंगवाका अनुसार बुधबार बिहान साँढे ८ बजे लागेको आगो पौने ११ बजे नियन्त्रणमा लिईएको जिल्ला प्रहरि कार्यालय सर्लाहीका प्रहरि नायव उपरिक्षक एवं सुचना अधिकारि मदन कुवंरले जानकारि दिए ।
नेपाल प्रहरी, शसस्त्र प्रहरी र स्थानिय तथा दमकलको सहयोगमा आगो नियन्त्रणमा आएको थियो ।
गायिका अन्जु पन्तले विवाह गरेकी छन् । उनले बुधबार थिर कोइरालासँग पाटनस्थित एक चर्चमा विवाह गरेकी हुन् ।
विवाहपछि अन्जुले सामाजिक सञ्जाल फेसबुकमा विवाहको भिडियो समेत राखेकी छन् । भिडियोमा पन्तले ‘धेरै माया नदेऊ मलाई’ बोलको आफैँले गाएको गीतमा टिकटक समेत बनाएकी छन् ।
अन्जु र थिरले एक वर्षदेखिको प्रेम सम्बन्धलाई विवाहमा परिणत गरेको बताइएको छ ।
केही समय अगाडि थिरसँग विवाहको चर्चा चलेपनि पन्त भने मौन रहँदै आएकी थिइन् । तर थिरले भने विवाहको कुरो मिडियामा स्वीकारेका थिए ।
अन्जु र थिरले विवाहमा सीमित आफन्तहरु मात्र सहभागी रहेको बुझिएको छ । आफूहरूबीच विवाह भएको थिरले बताए । उनले आफूहरुले पाटनको चर्चमा बिहे गरेको बताए । कोरोनाको कारणले सीमित आफन्तका उपस्थितिमा विवाह गरेको थिरको भनाइ छ ।
गायिका पन्तको यस अगाडि गायक संगीतकार मनोज राजसँग विवाह भएको थियो । करिब एक दशक अगाडि उनले मनोज राजसँग डिभोर्स लिएकी थिइन् । मनोजराज र अञ्जुको एक छोरी समेत रहेकी छन् ।