अवैध रुपमा डिजल भारततर्फ निकासी गर्ने तीन जनालाई प्रहरीले पक्राउ गरेको छ । मकवानपुरको मनहरी गाँउपालिका -३ बस्ने ३३ वर्षीय रामकृष्ण उप्रेती, राक्सीराङ गाउँपालिका- ३ बस्ने २१ वर्षीय अशोक पाख्रीन र पर्साको वीरगञ्ज महानगरपालिका- २२ का शम्भु महतो पक्राउ परेका हुन् । प्रहरीका अनुसार पक्राउ परेका उप्रेती ना.७ ख १५११ नम्बरको ट्याङ्कर चालक, पाख्रीन सहचालक र गुप्ता स्वेता आलय ट्रेडर्सको मुन्सी हुन् ।

आइतबार राति ६:५० बजे च्याम्बरमा १ हजार लिटर र ट्याङ्करको फ्युल ट्याङकमा ३६० लिटर गरी जम्मा १ हजार ३६० लिटर डिजेल भारततर्फ निकासी गर्दैगर्दा उनीहरूलाई पक्राउ गरिएको जिल्ला प्रहरी कायालय पर्साका प्रवक्ता प्रहरी नायब उपरीक्षक मनोजीत कुँवरले जानकारी दिए ।

वीरगञ्ज-२२ जगरनाथपुरस्थित स्वेता आयल ट्रेडर्सबाट ट्याङ्करमा डिजेल भरेर अवैध रुपमा निकासी गर्न आईसीपीको मुल बाटो हुँदै भारततर्फ जाँदै गरेको छ, भन्ने विशेष सूचनाको आधारमा प्रहरी टोली खटिएको थियो । आईसीपीको मुलगेटमा ट्याङ्कर रोकेर चेकजाँच गर्दा उक्त परिमाणको डिजेल बरामद भएको प्रहरीले जनाएको छ ।

पक्राउ परेका तीनै जनामाथि थप अनुसन्धान भइरहेको प्रहरीले जनाएको छ ।

सर्लाहीको लालबन्दीमा गणकहरुका लागी ३ दिने तालीम सोमबारबाट सुरु भएको छ । लालबन्दी स्थित थकाली होटलमा तालीम सुरु भएको हो ।

खानेपानी सरसफाई तथा स्वच्छता (खासत्व) योजना बिकाश कार्यक्रम अन्तर्गत तथ्यांक संकलकका लागी N-WASH Applications सम्बन्धि ३ दिने तालीमको आयोजना गरिएको हो । युनिसेफको आर्थिक सहयोग, छाया नेपालको प्राबिधिक सहयोग र लालबन्दी नगरपालीकाको सहजिकरणमा लालबन्दी नगरपालीका भरि हुन लागेको सर्वेका लागी तालीमको आयोजना गरिएको युनिसेफको लालबन्दी प्रतिनिधि अजित कुमारले जानकारि दिनुभयो ।

नेपाल सरकारको सबै नेपाली जनतालाई आधारभूत खानेपानी र सरसफाइ सेवा उपलब्ध गराउने राष्ट्रिय लक्ष्य पुर्ति गर्नका लागी देशको ७५३ ओटै स्थानिय तहमा खानेपानी तथा सरसफाई सम्बन्धि सर्वेक्षण गर्दैछ । सोहि लक्ष्य प्राप्तिका लागी सरकारले युनिसेफ तथा छाया नेपाल सँग सहकार्य गरि कार्यक्रम संचालन गर्न लागेको छाया नेपालका एक प्रतिनिधिले बताए ।

लालबन्दी नगरपालीकाका १७ ओटै वडाका एक एक जनालाई सहभागी गराएर तालीम भईरहेको र सहभागीलाई मोबाईल एप्लिकेशनबाट फर्म भर्नका लागी तालीम प्रदान गरिएको बताईएको छ । तालीम पश्चात सहभागीले आफ्नो वडाको खानेपानी तथा सरसफाईका बिषयमा मोबाईल एप मार्फत सर्वेक्षण गर्नेछन ।

देशभरिका नगरपालिकाहरुको विभिन्न योजना तथा विकास निर्माणमा लगानी गर्दै आएको ‘नगर विकास कोष’ले आफ्नो ३३ औँ वार्षिकोत्सवको अवशरमा सर्लाहीको लालबन्दी नगरपालिकालाई उत्कृष्ट नगरपालिका घोषणा गर्दै सम्मान गरेको छ । कोषको लगानीमा निर्माण भएका देशभरिका आयोजनाहरु मध्ये लालबन्दी नगरलाई सफल कार्यान्वयन तथा व्यवस्थापन गर्ने उत्कृष्ट नगरपालिका घोषणा गरि कदर- पत्र सहित रु.१ लाख नगद पुरस्कार सहित सम्मान गरेको छ ।

कोषद्वारा कार्यक्रममा नगर प्रमुख मान बहादुर खड्का सहित लेखा अधिकृत नेत्र बहादुर पाख्रिन, इन्जीनियर रोशन कुमार पण्डित समेतलाई आमन्त्रण गरि सम्मान गरेको हो ।

शहरी विकास मन्त्री प्रभू साहबाट सम्मान पाएको नगरपालिकाले कोषको लगानीमा डुमडुमे मन्दिर नजिक ६ तल्ले ब्यवसायिक भवन निर्माण गरिरहेको छ भने अघिल्ला आर्थिक बर्षहरुमा समेत बिभिन्न निर्माण कार्यहरु गरेको थियो ।

नेपालमा पुन: नयाँ प्रकारको कोरोना भाइरस संक्रमण भएको आशंका गरिएको छ ।

कुनै ट्राभल हिस्ट्री नभएका १३ जनामा संक्रमणको आशंका गरिए पनि उनीहरुको सम्पर्क भने नयाँ भेरियन्टको कोरोना संक्रमण देखिएका व्यक्तिसंग भएको इपिडिमियोलोजी तथा रोग नियन्त्रण महाशाखाका प्रमुख डा. कृष्ण पौडेलले बताए ।

उनका अनुसार केही दिनअघि मुक्तिनाथ दर्शन गरेर फर्किएका एक व्यक्तिको परीक्षण गर्दा नयाँ प्रकारको कोरोना भाइरस देखिएको र सो व्यक्तिको सम्पर्कमा रहेका १३ जनाको नमूना परीक्षण गर्दा उनीहरूमा पनि नयाँ भेरियन्टको भाइरस पुष्टि भएको हो । ती व्यक्ति पनि बेलायतबाट फर्किएका व्यक्तिको सम्पर्कमा रहेका थिए ।

‘नयाँ प्रकारको कोरोना भाइरसमा ‘एस जीन’ नदेखिने र यी १३ जनामा पनि परीक्षण गर्दा ‘एस जीन’ नदेखिएकोले नयाँ प्रकारको भाइरस पुष्टि भएको, तर यसअघि बेलायतबाट फर्किएका तीन जनामा देखिएको खालको भेरियन्ट हो वा हैन भन्ने निश्चित छैन’ डा. पौडेलले भने, ‘नयाँ स्वरुपको भाइरसको आशंका गरेको केही दिन भयो हामीले अझै कन्ट्याक्ट ट्रेसिङ गरिरहेका छौं ।’

हाल नेपालमा कुन किसिमको कोरोना भाइरस हो भनेर पत्ता लगाउन परीक्षण गरिने ( जीन सिक्वेन्सिङ) प्रविधि छैन, यसअघि गत माघमा पनि बेलायतबाट आएका नेपालीमा देखिएको भाइरस कुन किसिमको हो भनेर पत्ता लगाउन विश्व स्वास्थ्य संगठनको हङकङस्थित प्रयोगशालामा पाँच जनाको स्वाब संकलन गरी पुस २७ पठाइएको थियो ।

पाँच जनामध्ये ३ जनामा नयाँ  ‘भेरियन्ट’को भाइरस देखिएको थियो । अहिले पनि जिन सिक्वेन्सिङको लागि पठाउन नमुना तयार गरिएको डा. पौडेलले बताए ।

‘संक्रमण देखिएका कसैमा पनि कुनै स्वास्थ्य समस्या देखिएको छैन’ डा. पौडेलले भने, ‘ अहिले आशंका गरिएकाहरु काठमाडौं, पोखरा लगायतका ठाउँका छन् ।’

• पवन प्रसाद साह

सनातन संस्कृति समाज नेपाल पर्साको आमसभा शनिवार सम्पन्न भएको छ । समाजको जिल्ला अध्यक्ष शम्भु प्रसाद चौरसियोको सभापतीत्वमा मा सभा सम्पन्न भएको हो ।

सभामा केन्द्रिय सह–अध्यक्ष तारानाथ लुईंटेल, बरिष्ठ अधिवक्ता तथा केन्द्रिय बरिष्ट उपाध्यक्ष बिष्णु भट्टराई, महामन्त्री पुष्प पराजुली, केन्द्रीय सदस्य राज कृष्ण अमात्य, राप्रपा पर्साका अध्यक्ष अंगद ठाकुर, केन्द्रीय सदस्य गया हजरा, चन्द्रिका सहनी, उदित सहनी लगायतको उपस्थिती रहेको थियो ।

सनातन संस्कृति समाज नेपालको केन्द्रीय पदाधिकारीहरुले हिन्दुराष्ट्र र राजसंस्था बिना देश अगाड़ी बढ़न नसक्ने र सम्पूर्ण सनातनी हिंदुहरु एक ढिक्का हुनु पर्ने बताएका थिए ।

सभामा हिन्दू युवा संघका अध्यक्ष स्वः काशी तिवारीकी धर्म पत्नी बबिता तिवारीलाई दोसल्ल ओढाई सम्मान गरेको थियो भने कार्यक्रमको सहजिकरण अजय पौडेलले गरेका थिए ।

• राज बिश्वकर्मा

सर्लाहीको हरिवनमा प्रदेश २ स्तरीय खुल्ला आमन्त्रीत डोरीतान प्रतियोगीता हुने भएको छ । नेपाल डोरीतान संघ प्रदेश नं. २ को आयोजनामा प्रदेश स्तरीय खुल्ला आमन्त्रीत डोरीतान प्रतियोगीता आयोजना हुन लागेको आयोजकले बताएको छ ।

शनिवार हरिवन नगरपालिकाको सभाहलमा भएको पत्रकार सम्मेलनमा नेपाल डोरीतान संघ प्रदेश नं. २ का अध्यक्ष प्रभुनारायण शिवाकोटीले प्रतियोगीताको बारेमा जानकारि गराएका हुन । प्रतियोगीता यहि फागुन १७ र १८ गते हुने छ ।

प्रदेश २ का ८ वटै जिल्लाका १/१ टिम, नेपाल राष्ट्रिय भूतपुर्व सैनिक संघबाट एक टिमका साथै अन्य ५ टिम गरि १४ टिमको सहभागीता हुने प्रतियोगीतामा ९ लाख ३१ हजार खर्च हुने बताईएको छ ।

डोरीतान खेल तीन चरणको हुने भएपनि संघको आयोजनामा हुन लागेको खेलमा ८ जना खेलाडीको ६ सय के.जी. तौल हुनु पर्ने खेलको नियम रहेको संघले जनाएको छ । फागुन १० गतेसम्म आफ्नो टिम दर्ता गर्न सकिने प्रतियोगीतामा प्रथक हुने टिमलाई रु ३० हजार, मेडल, प्रमाण पत्र र ट्रफि र द्धितिय हुनेटिमलाई रु २० हजार मेडल, प्रमाण पत्र र ट्रफि प्रदान गरिने आयोजकले बताएको छ ।

हरिवन नगरपाकिला ११ को सुर्ति विकास खेल मैदानमा हुने प्रतियोगीता सञ्चालनको लागि हरिवन नगरपालिका लगायत छिमेकी स्थानिय निकायले सहयोग गर्ने आश्वासन दिएका अध्यक्ष शिवाकोटीले जानकारी दिए ।

प्रदेश २ मा हालसम्म प्रदेशसभा निर्वाचन क्षेत्रमा ३५६ किलोमिटर पक्कि सडक निर्माण सम्पन्न भएको तथ्यांक सार्वजनिक गरिएको छ ।

शनिवार एक कार्यक्रमका बिच प्रदेश २ को भौतिक पूर्वाधार विकास मन्त्रालयले आर्थिक वर्ष २०७५/७६ देखि हालसम्म निर्माण गरिएको पक्कि सडकको बारेमा पत्रकार सम्मलन गरि जानकारि गराएको हो । प्रदेशमा कालोपत्रे सडक ५०.९५ किलोमिटर, पक्की सडक ढलान ७४.९० किलोमिटर र ग्राभेल सडक १७०.१७ किलोमिटर निर्माण सम्पन्न भएको बताइएको छ ।

त्यस्तै ३० वटा पुल निर्माणको क्रममा रहेको, ५.५४ किलोमिटर नाला, १४ वटा कल्भर्ट र ५९.८१ किलोमिटर नयाँ कच्ची सडक निर्माणकार्य सम्पन्न भएको छ । नीति तथा कार्यक्रममा रहेको १० वटा झोलुङ्गे पुलमध्ये तीनवटाको निर्माण कार्य सम्पन्न भएको समेत बताईएको छ ।

यसैबिच प्रदेश २ सरकारद्वारा फागुन महिनाभित्रै प्रदेश परिवहन सञ्चालन गर्ने गृहकार्य भइरहेको जानकारि दिईएको छ । प्रदेश परिवहन सञ्चालनका लागि प्रदेश सरकारद्वारा रु तीन करोड नौ लाख ८२ हजारमा पाँचवटा बस खरीद गरिसकेको छ ।

सरकारले एक अर्ब लगानीमा इन्टरनेटमा आउने सामग्री (कन्टेन्ट) फिल्टरिङ गर्ने सिस्टम राख्ने भएको छ । समाजमा नकारात्मक असर परेको भन्दै सरकारले त्यस्ता सामग्री ब्लक गर्ने प्रणाली भित्र्याउने भएको हो ।

नियामक नेपाल दूरसञ्चार प्राधिकरणले यही फागुनदेखि कन्टेन्ट फिल्टरिङ लागू गर्ने भन्दै चालु आर्थिक वर्षको बजेटमा एक अर्ब रुपैयाँ समेत छुट्याएको थियो ।

शनिबार प्रविधि पत्रकार मञ्च (टीजेएफ) ले आयोजना गरेको ‘इन्टरनेटमा कन्टेन्ट फिल्टरिङ नेपालका लागि कति आवश्यक’ विषयक कार्यक्रममा बोल्दै प्राधिकरणका निर्देर्शक विजयकुमार रोयले यस विषयमा अध्ययन भइरहेको बताए ।

‘अहिले हामी नेपालमा विभिन्न नाकाबाट भित्रिने व्यान्डविथको ट्राफिकको अध्ययन गरिरहेका छौं,’ उनले भने, ‘त्यसै आधारमा इन्टरनेटमा आउने सामग्री नियन्त्रण गर्नेगरी यो योजना अगाडि बढेको हो ।’

उनले कुनै व्यक्ति वा संस्थाको सामग्रीलाई नियन्त्रण गर्ने यसको उद्देश्य नभएको स्पष्ट पारे । सरोकारवालाहरुले भने सरकारले यसबाट के गर्न खोजेको हो भन्ने विषय नै स्पष्ट नभएको बताए ।

चोरिको मोटरसाईकल चढेर हिँडेका ब्यक्तिले प्रहरिलाई देखि भागेपछि मोटरसाईकल सम्बन्धित धनीले पाएका छन ।

यहि माघ १६ गत्ते सवारि चेकजाँचका क्रममा रौतहटको गरुडा प्रहरिले लालबन्दीका करण साहको २२० सिसिको पल्सर मोटरसाईकल फेला पारिदिएका हुन ।

हाल मकवानपुरको हेटौँडा ४ बस्ने साहको मोटरसाईकल चढेर रौतहटको कटहरियाबाट झाझपुल तर्फ जाँदै गरेका ब्यक्तिले ईलाका प्रहरि कार्यालय गरुडाका निमित्त कार्यालय प्रमुख प्रहरि निरिक्षक राम राजा केशरिको कमाण्डको टोलीले सवारि जाँच गरिरहेको देखेपछि मोटरसाईकल छोडि भागेका थिए ।

प्रदेश ३–०३–००१ प–२४४८ नम्बरको मोटरसाईकल प्रहरिले आवश्यक प्रकृया पु¥याएर सम्बन्धित सवारि धनिलाई हस्तान्तरण गरेको गरुडा प्रहरिले जानकारि दिएको छ ।

सत्ताधारी नेपाल कम्युनिष्ट पार्टी (नेकपा) सम्बद्ध अखिल नेपाल महिला संघमा आवद्ध महिलाहरुले नेकपा नेतृ एवं विघटित संघीय सांसद् रामकुमारी झाँक्रीलाई अविलम्ब पक्राउ गरी कानूनी कठघेरामा उभ्याउन माग गरेका छन् ।

बुधबार सर्लाहीका प्रमुख जिल्ला अधिकारी सुरेन्द्र पौडेललाई ज्ञापन–पत्र बुझाउँदै अनेमसंघमा आवद्ध महिलाहरुको समूहले त्यस्तो माग गरेको हो ।

२०७७ माघ १६ गते गोरखा जिल्लाको सिरानचोक गाउँपालिकामा भएको एक कार्यक्रममा राष्ट्रकै प्रमुख राष्ट्रपति विद्यादेवि भण्डारी विरुद्ध आपत्तिजनक अभिव्यक्ति दिएको भन्दै झाँक्रीलाई तत्काल पक्राउ गरी कानून बमोजिम हदैसम्मको सजाय गर्न ज्ञापन–पत्रमा जोडदार माग गरिएको छ ।

अनेमसंघका नेतृहरुले प्रमाणको रुपमा भन्दै प्रजिअ पौडलललाई ज्ञापन–पत्र सँगै नेतृ झाँक्रीले बोलेको भिडियो क्लिप समेत बुझाएका छन् । अनेमसंघ केन्द्रीय सदस्य तारादेवी सुबेदीको हस्ताक्षर रहेको ज्ञापन–पत्र प्रजिअ पौडेललाई उनकै कार्यकक्षमा बुझाउन सुबेदी सहित पार्वती विश्वकर्मा, सीता थापा लगायत आधा दर्जन महिला नेतृहरुको उपस्थिती रहेको थियो ।