संसद् विघटनको पक्ष र विपक्षमा दिनहुँ बढ्दो प्रदर्शन र नजिकिँदै गरेको निर्वाचनलाई मध्यनजर गर्दै सर्लाहीमा सुरक्षा सतर्कता बढाइएको छ ।  

संघीय संसद् विघटनपछि बद्लिँदो राजनीतिक घटनाक्रमलाई ख्याल गर्दै जिल्लाका मुख्य–मुख्य व्यापारिक केन्द्रहरु तथा ग्रामीण भेगमा समेत सुरक्षा सतर्कता बढाइएको सर्लाहीका प्रमुख जिल्ला अधिकारी CDO सुरेन्द्र पौडेलले बताए । उनले संसद् विघटन तथा आगामी बैशाखमा घोषणा गरिएको मध्यावधी निर्वाचनको पक्ष तथा विपक्षमा प्रदर्शन भइरहेका स्थलहरुमा सुरक्षाकर्मीको उपस्थिति बढाइएको जानकारी दिए ।

निर्वाचनको तयारी अघि बढ्दै गर्दा स्थानीय प्रशासन थप चनाखो हुन थालेको छ । जिल्लामा अहिले नेपाल कम्युनिष्ट पार्टी (नेकपा) भित्र प्रधानमन्त्री केपी शर्मा ओली समूहले संसद् विघटन र निर्वाचनको माहोल सिर्जना गर्ने गरी त्यसको पक्षमा प्रदर्शन गर्दै आएको छ । यस्तै, नेकपाको अर्को खेमा पुष्पकमल दाहाल (प्रचण्ड) र माधवकुमार नेपाल समूह, नेपाली कांग्रेस र जनता समाजवादी पार्टी (जसपा)ले भने संसद् विघटनको विरोधमा दिनहुँजसो प्रदर्शन गर्दै आएका छन् ।

जिल्लामा पछिल्ला दिनहरुमा राजाका समर्थकहरुले पनि ठाउँ–ठाउँमा कार्यक्रमहरु गरिरहेका छन् । त्यस्ता गतिविधीलाई विष्लेषण गरी सुरक्षा सतर्कता बढाइएको सर्लाहीका प्रहरी उपरीक्षक (एसपी) सन्तोषसिंह राठौरले बताए ।

अहिले राजनीतिक दल तथा अन्य पक्षको प्रदर्शनका कार्यक्रमहरुमा नेपाल प्रहरी, सशस्त्र प्रहरी र राष्ट्रिय अनुसन्धान विभागका कर्मचारी बाक्लो मात्रामा परिचालित हुने गरेका छन् । माथिल्लो निकायबाटै सबै सुरक्षा निकायहरुलाई अलर्ट अवस्थामा रहन निर्देशन प्राप्त भएको जिल्लाका एक सुरक्षा अधिकारीले बताएको उज्यालो अभियानमा खबर छ ।

चक्रघट्टा गाउँपालिकाका अध्यक्ष बिक्रम यादवले पालिकामा रहेको बजार सेडको सार्वजनिक भवन गत पुस २६ गते खाली गराउन खोज्दा नेपाली काङ्ग्रेसका स्थानीय नेता रामजी साहको नेतृत्वमा करिब पाँच सयको हाराहारीमा आएका काङ्ग्रेस कार्यकर्ताहरुले पालिका अध्यक्ष यादवको विरुद्धमा नाराबाजी गर्दै पालिकाको कार्यालयमा तोडफोड तथा ढुङ्गामुढा गरेका थिए । ढुङ्गामुढामा उत्रेका काङ्ग्रेस कार्यकर्ताहरुले पालिका अध्यक्ष यादवमाथी समेत ढुङ्गा प्रहार गरेका थिए ।

स्थानीय नेपाली काङ्ग्रेसका नेता तथा कार्यकर्ताहरुको सो समुहले पालिकाको कार्यालयमा प्रवेश गरि पालिका अध्यक्ष यादव माथी अभद्र व्यवहार गर्नुका साथै भौतिक सामग्रीहरु तोडफोड गरेको घटनाप्रती नेपाल कम्युनिस्ट पार्टी (नेकपा) सर्लाही जिल्ला कमिटीले आइतबार आयोजना गरेको पत्रकार सम्मेलन मार्फत गम्भीर ध्यानाकर्षण भएको बताएका छन् ।

आयोजित पत्रकार सम्मेलनमा नेकपाका जिल्ला इन्चार्ज डचाराज वाग्लेका अनुसार, पालिका अध्यक्ष यादवको कार्यकक्षमा प्रवेश गरि सो समुहले पालिकाको बैठक पुस्तिका, लैपटप १ थान र टैब ५ थान समेत लुटि लगेको उनले बताए । पालिकाको सिसिटिभी, कम्प्युटर, दराजहरु, विद्युतीय उपकरण र अध्यक्ष यादवले प्रयोग गर्दै आएका ना.१ झ १७०० नम्बरको सरकारी प्लेटको गाडी लगायत ३ वटा मोटरसाइकलमा समेत तोडफोड हुनु लज्जास्पद कार्य हो, र यस घृणित कार्यको हाम्रो पार्टीले घोर भर्त्सना गर्दछ, इन्चार्ज वाग्ले बताए ।

पत्रकार सम्मेलनमा बोल्दै नेकपाका जिल्ला अध्यक्ष रेवती पन्तले भने, नेपाली काङ्ग्रेसले सामाजिक द्वेष र अराजकता निम्त्याउन जुन घृणित खेलहरु खेलेका छन् , ती लज्जास्पद भएको उनले ठोकुवा गरे । झुटो प्रपंच रचेर नेपाली काङ्ग्रेसले यस घटना मार्फत राजनैतिक रीस्वी साध्ने खेल खेलिरहेको बताउदै नेता पन्तले घटनाको सत्यतथ्य जाँच गरि दोषिलाई तत्काल कानुनी कठ्घरामा ल्याउन स्थानीय प्रशासनसंग जोडदार माग गरे ।

गाउँपालिकाकै वडा नं. ६ गोइयाहीका स्थानीय नेपाली काङ्ग्रेसका कार्यकर्ता राम जिनिस साहले सो बजार सेडको भवन व्यापारीक प्रयोजनका लागि प्रयोग गर्दै आएका थिए । बजार सेडको भवन खाली गर्नका लागि पालिका अध्यक्ष यादवले मौखिक तथा लिखित रुपमा अनुरोध गर्दा समेत साहले खाली नगरी उल्टै साहका छोरा ठगा भनेर चिनिने रवि साहले पालिका अध्यक्ष यादवलाई धाकधम्की दिदै आएको अध्यक्ष यादवले पत्रकार सम्मेलन मार्फत जानकारी गराएका छन् । उनले भने, स्थानीय सरकार संचालन ऎन अनुसार सो बजार सेडको भवन खाली गराएर सोही भवनमा पालिकाले ५ बेडको कोरोना अस्पताल बनाउन लागेको अध्यक्ष यादवले जनाए ।

बिरोध सभा
प्रधानमन्त्री केपी शर्मा ओलिले चालेको असंवैधानिक, अलोकतान्त्रिक र प्रतिगमनकारी कदम र पुस २६ गते चक्रघट्टा गाउँपालिकामा भएको तोडफोड र ज्यादतीको विरुद्धमा नेपाल कम्युनिस्ट पार्टी (नेकपा) ले आइतबार एक कार्यक्रमको आयोजना गरि बिरोध जनाएको छ ।

चक्रघट्टामा आयोजित बिरोध सभालाई सम्बोधन गर्दै कार्यक्रमका प्रमुख अतिथि पुर्व शिक्षा मन्त्री गिरिराजमणि पोखरेलले भने, संसद विघटन जस्तो असंवैधानिक कदमले देशमा राणा शासनको पुनरागमन भएको आभास हुन्छ, जुन जनताले कदापि स्विकार्दैन ।

सम्बोधनकै क्रममा विशिष्ट अतिथि पुर्व श्रम, रोजगार तथा सामाजिक सुरक्षा मन्त्री रामेश्वर राय यादवले भने, प्रधानमन्त्री ओलीले असंवैधानिक रुपमा गरेको संसद विघटन र नेपाली काङ्ग्रेसले सुनियोजित रुपमा पालिका अध्यक्ष यादवमाथी गरेको आक्रमणको विरुद्धमा आजको यो बिरोध सभा गरिएको जनाए ।

बिरोध सभालाई नेकपाका जिल्ला, प्रदेश तथा केन्द्रिय तहका नेताहरुले सम्बोधन गरेका थिए । सम्बोधनका क्रममा नेताहरूले प्रधानमन्त्री ओलीले चालेको असंवैधानिक कदम र नेपाली काङ्ग्रेसले पालिका अध्यक्ष यादवमाथी गरेको आक्रमणको विरुद्धमा चर्को बिरोध गरेका थिए ।

गाँउ–गाँउबाट आएका नेता तथा कार्यकर्ताहरुले पार्टीको झण्डा बोकेर बिरोध प्रदर्शन गरेका थिए । हजारौंको संख्यामा रहेका नेता तथा कार्यकर्ताहरुले ओलि सरकार विरुद्ध चर्को नाराबाजी गर्नुका साथै काङ्ग्रेसका कार्यकर्ताहरुलाई खबरदारी समेत गरेका थिए ।

नेकपाका युवा नेता तथा चक्रघट्टा गाउँपालिकाका अध्यक्ष बिक्रम यादको अध्यक्षतामा भएको बिरोध सभा कार्यक्रममा पुर्व शिक्षा मन्त्री गिरिराजमणी पोखरेल, पुर्व श्रम, रोजगार तथा सामाजिक सुरक्षा मन्त्री रामेश्वर राय यादव लगायत जिल्ला, प्रदेश तथा केन्द्रिय तहका नेता एवं कार्यकर्ताहरु, पत्रकार र आम जनसमुदाय समेतको उपस्थिती रहेको थियो ।

सर्लाहिको चक्रघट्टा गाउँपालिकामा गएको पुस २६ गत्ते कांग्रेसले गरेको अराजनीतिक कृयाकलाप तथा अभद्र व्यबहार प्रती नेपाल कम्युनिष्ट पार्टी (नेकपा) ले आफ्नो गम्भीर ध्यानाकर्षण भएको जनाएको छ ।

नेकपा जिल्ला कमिटी सर्लाहीका अध्यक्ष रेवती पन्तद्वारा हस्ताक्षरित प्रेस बिज्ञप्ति मार्फत पार्टीले नेपाली कांग्रेसको एक समुहले गाउँपालिका कार्यालयमा प्रवेश गरि अभद्र व्यबहार प्रदर्शन गर्दै भौतिक सामाग्रीहरु तोडफोड गरेको घटनाप्रती नेपाल नेकपा सर्लाही जिल्ला कमिटीको गम्भीर ध्यानाकर्षण भएको उल्लेख गरिएको छ ।

साथै सो समुहले गाउँपालिका अध्यक्ष बिक्रम यादवको कार्यकक्षमा प्रवेश गरि पालिकाको बैठक पुस्तिका, CCTV, Monitor, विभिन्न विद्युतीय उपकरण तोडफोड तथा लुटपाट संगै पालिकाको मोटरसाईकल, गाडी तोडफोड एवं सेवाग्राहीलाई अभद्र व्यबहार गरेको भन्दै नेपाली कांग्रेसले सामाजिक द्वेष र अराजकता निम्त्याउन घृणित खेल खेलेको नेकपा सर्लाहीको आरोप छ । साथै झुटो प्रपंच रचेर कांग्रेसले घटनालाई राजनैतिक रिसिवी साँध्ने काम गरेको भन्दै नेकपाले घटनाको सत्यतथ्य जाँच गरि दोषिलाई कानुनी कठ्घेरामा ल्याउन स्थानीय प्रशासनलाई अपिल समेत गरेको छ ।

सर्लाहिको लालबन्दी नगरपालिका वडा नम्बर १४ ले आफ्नो वडा भित्रका ११७ जना जेष्ठ नागरिकलाई सम्मान गरेको छ । वडा कार्यालयले शुक्रबार र शनिबार वडा भित्रका ७० बर्ष उमेर माथिका जेष्ठ नागरिकलाई फाईबर सिरक एक/एकथान, आधा लिटरको हर्लिक्स सहित दोसल्ला ओढाएर सम्मान गरेको हो ।

शुक्रवार वडाध्यक्ष सुवाईसिङ भ्लोन, वडा सचिव हस्त रेग्मी मगर सहित वडा सदस्यहरु, वडाका कर्मचारीहरु तथा स्थानीय बुद्धिजीवी, भद्रभलाद्मीको उपस्थितिमा ६७ जना जेष्ठ नागरिकलाई सम्मान गरिएको थियो । उनिहरुलाई वडाभित्र पर्ने मोटरदोभानमा एक कार्यक्रमका बिच सम्मान गरिएको हो ।

त्यसैगरी शनिबार वडाको सत्रकट्ठा र डाईनीखोलाका ५० जना जेष्ठ नागरिकलाई सम्मान गरिएको वडा सचिव रेग्मिले जानकारी दिनुभयो । वडा कार्यालयले कठ्याङ्ग्रीँदो जाडोबाट राहत पुगोस् भन्ने हेतुले राहतका सामग्री बितरण गरेको हो ।

पोखरा : पहिलो पटक अछाम पोखरा सम्पर्क समिति गठन गरिएको छ । राजन साउदको संयोजकत्वमा समिति गरिएको छ ।

शनिबार पोखरामा रहेका अछामी बासीहरुले माघे संक्रान्तिको अबसरमा शुभकामना आदानप्रदान तथा चियापान कार्यक्रमको आयोजना गरि समिती गठन गरेको हो ।

नवगठित समितिको अध्यक्षमा राजन साउद निर्वाचित हुनु भएको छ भने उपाध्यक्षमा रोशन बोहरा, सचिबमा रमेश लुहार, सह-सचिबमा जिबन लुहार, कोषाध्यक्षमा पुष्प कडारा र सदस्यहरुमा बिनोद पण्डित, रमा साउद, नरेश लुहार, बिकास लुहार, भावना कडारा र एसुदा लुहार छन । विविध प्रयोजनको सिलसिलामा पोखरामा बस्दै आएका अछामीहरु बिच सहयोग, सद्भाव र एकताबद्ध गर्न तथा दु:ख सुख साटासाट गर्ने मंचका रुपमा अछाम पोखरा सम्पर्क समिती गठन गरिएको नवगठित समितिका अध्यक्ष साउदले बताए ।

सर्लाहीको परवानीपुरमा दुग्ध संकलन केन्द्र (दूध डेरि) संचालनमा आएको छ । महिला सानाकिसान कृषि सहकारी संस्था लिमिटेड लालबन्दी नगरपालिका १६ ले दूध डेरि संचालन गरेको हो ।

डेरिको बिहिवार लालबन्दी नगरप्रमुख मान बहादुर खड्काले उद्घाटन गर्नुभएको छ । सहकारीको अध्यक्ष मिना कुमारी स्याङ्तानको अध्यक्षतामा भएको कार्यक्रममा मेयर खड्काले रिबन काटेर दूध डेरिको उद्घाटन गर्नुभएको हो ।

कार्यक्रममा लालबन्दी नगरपालिका १५ र १६ का वडाअध्यक्षहरु क्रमशः गोरख बल र गणेश थापा सङ्गै ग्रामीण उद्धम तथा बिप्रेषण आयोजना समृद्धी नेपालको कार्यालय प्रमुख मोति गिरि, सल्लाहकार समितिका पदाधिकारीहरु बलराम खड्का, गोबिन्द प्रसाद अधिकारी, राम बहादुर पाण्डे, प्रकाश थापा, हेम बहादुर कार्की, सहकारीका कर्मचरु लगाएत वडा सदस्य तथा स्थानिय भद्र भलाद्मी, बुद्दिजिविहरु उपस्थिती रहेको थियो ।

सहकारीले हाल दैनिक ५/६ सय लिटर सम्म दूध संकलन गरिरहेको छ । गाडी भाडामा लिएर अहिले सहकारिका कर्मचारीहरु नै किसानको घर घरमा पुगेर दूध संकलन गरिरहेको सहकारीकि प्रबन्धक मधु गौतमले बताउनुभयो ।

सहकारिले दुधको गुणस्तरको आधारमा दुधको मूल्य दिने गरेको भन्दै सहकारीकि अध्यक्ष स्याङ्तानले किसानले अन्य ब्यापारिले दिने मूल्य भन्दा २५ रुपैयाँ सम्म बढि मुल्य पाउने गरेको जानकारी दिनुभयो । उहाँका अनुसार सहकारीले दिने दुधको मुल्यबाट किन धेरै नै खुसी भएका छ्न ।

अहिले सबै किसानले दूध डेरि संचालन भएको बारेमा थाहा नपाएको र केही समय पछि दूध संकलनमा भारी मात्रामा बृद्दी हुने सहकारीको सल्लाहकार समितिका संयोजक बलराम खड्काले बताउनुभयो ।

वरिष्ठ पत्रकार जनार्दन आचार्यको निधन भएको छ। लामो समयदेखि मधुमेह, उच्च रक्तचाप र पार्किन्सन्सबाट पीडित पुराना चर्चित पत्रकार तथा स्तम्भकार आचार्यको ८१ वर्षको उमेरमा आज (बुधबार) बिहान निधन भएको हो।

पत्रकार आचार्य साप्ताहिक मञ्चका संस्थापक सदस्य तथा साप्ताहिक विमर्श, समकालीन साप्ताहिक र नेपालीपत्र साप्ताहिकका सम्पादक थिए। पत्रकार आचार्य ‘समय–समय’ स्तम्भका चर्चित स्तम्भकार थिए।

धरानमा जन्मिएर वामपन्थी पृष्ठभूमिबाट राजनीति सुरु गरेर पछिल्लो कालखण्डमा पञ्चायत हुँदै नेकपा माओवादीको नजिक पनि भएका थिए। पूर्व सांसद समेत रहेका स्वर्गीय आचार्यका एक श्रीमती र दुई छोरा छन्।

नेपाली कांग्रेसका लोकप्रिय युवा नेता गगन थापाले आज सर्लाहीको लालबन्दीमा सम्बोधन गर्दैछन् ।

प्रधानमन्त्री केपी ओलीको सिफारिसमा राष्ट्रपति विद्यादेवी भण्डारीले गैर संवैधानिक तवरले संसद् विघटन गरेको भन्दै नेपाली कांग्रेस लालबन्दीले आयोजना गरेको विरोध सभालाई नेता थापाले सम्बोधन गर्ने कांग्रेस श्रोतले जनायो ।

सभालाई पूर्व मन्त्री एवं पार्टीका केन्द्रिय सदस्य थापाले प्रमुख अतिथिका रुपमा सम्वोधन गर्दैछन् ।

कार्यक्रममा सम्बोधन गर्नका लागि नेता थापा मंगलवार साँझ नै लालबन्दी आईसकेका छन् । थापाले आज नै बयलवासमा केही अगुवा कार्यकर्तासँग भेटघाट गर्ने र मध्यान्ह लालबन्दीमा विरोध सभालाई सम्वोधन गर्ने कार्यक्रम रहेको छ । त्यस्तै नेता थापा आज नै हरिवन लगायत जिल्लाका विभिन्न स्थानमा पार्टीले आयोजना गरेको कार्यक्रममा सहभागि हुने बताईएको छ ।

अमेरिकी राष्ट्रपति डोनाल्ड ट्रम्पले वासिङ्टनमा दुई हप्ताका लागि संकटकालको घोषणा गरेका छन् । आफूविरुद्ध अमेरिकी संसद्मा महाभियोग प्रस्ताव पेस गरिएलगत्तै ट्रम्पले जनवरी ११ लागु हुने गरी संकटकाल लगाएका हुन्।

गत हप्ता अमेरिकी संसद भवन क्यापिटल बिल्डिङमा भएको आक्रमणमा राष्ट्रपति ट्रम्पको हात रहेको भन्दै महाअभियोग लगाउने तयारी भैरहेका बेला ट्रम्पले राजधानी वासिंगटन डिसीमा आपतकालको घोषणा गरेका हुन् । सो हिंसामा पाँच जनाको मृत्यु भएको थियो।

जनवरी २४ सम्म जारी रहने आपतकाल घोषणा गर्ने ट्रम्पको निर्णयले नवनिर्वाचित राष्ट्रपति जो बाइडेनको जनवरी २० हुने सपथ समारोह प्रभावित हुने देखिएको छ ।यद्यपी ट्रम्पले भने शपथ ग्रहण समारोहमा हिंसा हुने आशंका बढेकाले संकटकाल लगाउनु परेको बताएका अन्तर्राष्ट्रिय सञ्चारमाध्यमलेजनाएका छन् ।

संघीय अनुसन्धान ब्युरो (एफबीआई)ले बाइडेनले कार्यभार सम्हाल्नुभन्दा केही दिनअघि ५० वटै राज्यमा सशस्त्र प्रदर्शन आयोजना हुने तयारी भएको बताइरहँदा ट्रम्पले आपतकाल घोषणा गरेका छन् ।

सहरी विकास मन्त्री प्रभु साहले बन्द रहेको नेपाल भारत सिमानाका चाँडै खुल्ने बताएका छन् । लामो समय देखीको भारतीय सिमा बन्दका कारण मारमा परेका रौतहट वासीलाई सम्बोधन गर्दै साहले काठमाण्डौँ पुगेर प्रधानमन्त्रीसँग कुरा गरेर सिमा खुलाउने प्रयास गर्ने बताए ।

साहले चन्द्रनिगाहपुरमा आयोजित क्षेत्रिय कार्यकर्ता भेलालाई सम्बोधन गर्ने क्रममा बोल्दै सिमानाका नखुलेका कारण सबै भन्दा बढि सर्वसाधारण किसान मारमा परेको बताउँदै तत्काल सिमानाका खोल्न आफ्नो पहल रहने बताए ।

कारोना माहामारिका कारण नेपाल सरकारले सिमानाका बन्द गरेका कारण भारतिय बजारमा निर्भर रौतहटका सर्वसाधारण किसान मारमा परेका छन ।

स्थानिय प्रशासनले केहि समय अघि आंशिक मात्रामा नाका खुला गरेको भएपनी त्यो पर्याप्त नभएको भन्दै नागरिक अगुवाहरुले सिमानाका पुरै खुलाउनुपर्ने भन्दै नाकामा धर्ना दिएर आन्दोलन गर्दै आएका थिए । तर पुष ५ गत्ते प्रधानमन्त्री केपी शर्मा ओलीको सिफारिसमा राष्ट्रपतीले संसद बिघटन गरेपछि सिमानाकाको आन्दोलन रोकिएको थियो ।