प्रतिनिधिसभा विघटनको विरोधमा प्रचण्ड–माधव समूहले प्रदेश नम्बर २ मा विशाल प्रदर्शन गरेका छन् । मंगलबार नेपाल कम्यूनिष्ट पार्टी नेकपाले प्रदेश नम्बर २ को सप्तरी, सिरहा, धनुषा, महोत्तरी, सर्लाही, रौतहट, बारा र पर्सामा पनि प्रधानमन्त्रीको कदमको विराधमा बृहत प्रदर्शन गरेका हुन् ।

प्रधानमन्त्री केपी शर्मा ओलीले संसद विघटन गरेको विरोधमा प्रचण्ड माधव समूहले रौतहटको सरमुकाम गौरमा विशाल विरोध प्रदर्शन गरेका छन । नेकपाका केन्द्रीय नेता मातृका प्रसाद यादवको नेतृत्वमा रौतहट सदरमुकाम गौरको राइसमिलमा भेला भएका नेता कार्यकर्ताले प्रधानमन्त्री र राष्ट्रपति विरुद्ध चर्का नारावाजी गर्दै गौरमा प्रदर्शन गरेका हुन् । प्रधानमन्त्री ओलीले संसद विघटन गरेर असंवैधानिक, प्रतिगामी र गणतन्त्र विरोधी कदम चालेको उनीहरुको ठहर छ ।

प्रचण्ड माधव समुहका नेता कार्यकर्ताहरुले संसद विघटन खारेज गरी संसद पुन स्थापना गर्नुपर्ने माग राखेर गौरमा प्रदर्शन गरेको छ । प्रदर्शनमा सहभागी नेकपा नेता कार्यकर्ताहरुले ‘केपी ओली तेरो पाराले दुःख पायो साराले’, पार्टी एकता कायम राख, प्रतिगामी कदम खारेज गर लगायतका नारा लगाएका थिए । नेकपाका नेता मातृका यादव र सत्यनारायण भगतको नेतृत्वमा भएको प्रदर्शनमा हजारौ नेता कार्यकर्ताहरुको सहभागिता रहेको थियो ।

प्रदर्शनपछि गौरको विपी चौकमा आयोजित कोणसभालाई सम्बोधन गर्दै पुर्व मन्त्री समेत रहेका मातृका यादवले प्रधानमन्त्री ओलीले चालेको कदमलाई नसच्याए आन्दोलनको आँधि ल्याउने चेतावनी दिएका हुन । नेता यादवले प्रधानमन्त्री ओली प्रतिगमनकारीको मुखिया एवं सरदार रहेको बताए । ओली कुनैपनि हालतमा कम्युनिष्ट नभएको र कम्युनिष्टको खोल ओढेर कम्युनिष्ट आन्दोलनलाई समाप्त पार्ने खेलमा लागेको नेता यादवले आरोप लगाए । ओलीको नेतृत्वमा देश सुम्पिनु नै सबैभन्दा ठूलो भूल भएको बताउदै उनले अहिलेको सरकार संघीय लोकतान्त्रिक गणतन्त्र समाप्त पर्ने षड्यन्त्रमा लागेकाले संसद पुनस्थापनाको विकल्प नभएको बताए ।

कोणसभसालाई पुर्व उर्जा राज्य मन्त्री सत्यनारायण भगतले पनि सम्बोध गर्दै ओलीले असंवैधानिक रुपमा संसद विघटन गरेर देशलाई अस्थिरर्ता तर्फ धकेल्ने काम गरेको बताएका छन ।

विरोध प्रदर्शनमा पूर्वसांसदहरु रामकुमार भटराई, सरला यादव, सत्यनारायण भगत, अशोक जयसवाल, युवा नेता युवराज भटराई, शम्भु साह, जिल्ला अध्यक्ष कमल राय यादवलगायत सहभागी थिए ।

रौतहट जिल्लामा जनचेतनाको कमिका कारण ट्राफिक ब्यवस्थापनमा समस्या देखिएको जिल्ला ट्राफिक प्रहरि कार्यालय चन्द्रनिगाहपुरका प्रमुख प्रहरि निरिक्षक (ईन्स्पेक्टर) शैलेस न्यौपानेले बताउनुभएको छ ।

बिना हेल्मेट मोटरसाईकल चलाउने, मादक पदार्थ सेवन गरि सवारि चलाउने, जेब्रा क्रसिङ लगाएतका ट्राफिक नियमको पालनमा चेतनाको कमि देखिएको ईन्स्पेक्टर न्यौपानेको भनाई छ । उहाँले जिल्लाका दक्षिणी भेगहरुमा बिना हेल्मेट तथा मापसे गरि सवारि चलाउनेको संख्या बढि रहेको बताउनुभएको छ ।

ट्राफिक प्रहरिले आफ्नो अधिकार क्षेत्रभित्र रहेर सडक र सवारिको बिषयमा कार्यक्रमहरु तथा सवारि चेकिङ लगाएतका कामहरु गरिरहेको जिकिर गर्दै ईन्स्पेक्टर न्यौपानेले यस्ता कुरामा स्थानिय निकायले पनी चासो र ध्यान दिनुपर्ने बताउनुभयो । जिल्लामा सडकमा निर्माण सामाग्री राख्ने, ठेला गाडा राख्ने लगाएतका कारण पनी दुर्घटनाको जोखिम रहेको छ । सडक किनारामा नाला निर्माण, सडक बिस्तार लगाएतका कामहरु सुरु गरेर बिचमै छोड्ने प्रबृत्तीका कारण पनी सवारि आवागमन तथा यात्रुलाई सास्ति हुने गरेको छ ।

यात्रु तथा स्थानियको बुझाईमा ट्राफिक प्रहरिले नै यस्ता मुद्दा हेर्नुपर्ने जस्तो बुझाई रहेकोले यस्ता कुरामा ट्राफिक प्रहरिले चाहेर पनी केहि गर्न नसक्ने बताउँदै ईन्स्पेक्टर न्यौपानेले सडक बिभाग, नगरपालीका तथा सम्बन्धित निकायले नै चासो राख्नुपर्ने बताउनुभयो ।

अर्को एक प्रसंगमा बोल्दै ईन्स्पेन्टर न्यौपानेले हालको अवस्थामा भारतिय नम्बर प्लेट सडकमा गुड्नै नपाउने बताउनुभयो । अहिले भन्सार बन्द रहेको र भन्सार चलान काटेपछि १ महिनाका लागी मात्रै नेपालमा चलाउने अनुमती भएका भारतीय नम्बर प्लेटका सवारिलाई ट्राफिक प्रहरिले कारवाहि गर्ने न्यौपानेको दाबि छ ।

जिल्लामा ट्राफिक ब्यबस्थापनका लागी ट्राफिक प्रहरिले प्रहरि तथा शिबिल प्रहरि सँग सहकार्य गरिरहेको बताउँदै ईन्स्पेक्टर न्यौपानेले चपुर गौर सडकमा निर्माण ब्यवस्थापन लगाएतका केहि काम चलीरहेका कारण केहि समस्या रहेपनी अन्य समस्या नरहेको दाबि गर्नुभयो । जिल्लामा ट्राफिक प्रहरिको संख्या ४१ जना रहेको छ ।

पछिल्लो समयमा चर्चाको शिखरमा रहेका गाएक तथा सर्जक हेमन्त कान्छा रसाईलीको नयाँ म्युजिक भिडियो ‘के छ ज्यानलाई’ सार्वजनिक भएको छ ।

रमेश बिजीको उत्कृष्ट शब्दमा सर्जक रसाईली र निता पुनको आवाज रहेको गीतको भिडियोलाई कुमन नेपालीले निर्देशन गरेका छन । रसाईलीकै संगीत रहेको गीतको भिडियोमा नेपाली चलचित्रका लोकप्रिय नायक दिलीप रायमाझिले अभिनय गरेका छन भने नृत्यमा वुगी बुगीकी बिजेता कबिता नेपालीले रायमाझिलाई साथ दिएकी छिन ।

लोकदोहोरी गित प्रतिष्ठान नेपालका अध्यक्ष रमेश विजीको जन्म दिनको अवसर पारेर म्युजिक भिडियोलाई रसाईलीको आफ्नै युट्युब च्यानल मार्फत सार्वजनिक गरिएको छ ।

रसाईलीले पछिल्लो समय श्रोता दर्शकको मन छुने गित संगीत प्रस्तुत गरीरहेका छन भने दिन प्रतिदिन उनको लोकप्रियता समेत बढ्दो छ । छोटो समयमै सबै माझ लोकप्रिय बनिरहेका गायक तथा सर्जक रसाईलीका हरेक गीत उत्कृष्ट हुने गर्दछन ।

यो गीतमा पनि उनले निकै मेहनत गरेको देखिएको छ ।

लायन्स क्लव लालबन्दीले मंगलवार बिपन्न तथा बिकट बस्तिका न्युन आय आर्जन भएका परिवारलाई न्यानो कम्बल बितरण गरेको छ । क्लवले आफ्नो सामाजिक कार्यलाई प्राथमिकताका साथ निरन्तरता दिँदै बिपन्न परिवारमा न्यानो बितरण गरेको हो ।

क्लवले सर्लाहीको लालबन्दी नगरपालीकाको वडा नम्बर १२, १६ र १७ का ११९ परिवारलाई कम्बल बितरण गरेको हो । वडा नम्बर १२ भालुखोपका ५३, १६ परवानीपुरका ३० र १७ रानीगञ्जका ३६ परिवारलाई न्यानो कम्बल बितरण गरेको क्लवले जनाएको छ ।

न्यानो बितरण कार्यक्रममा लायन्स क्लव ईन्टरनेसनलका PMCC भरत प्रसाद ढुंगेल, लायन्स क्लव अफ लालबन्दी सिटिका प्रेसिडेन्ट राजकुमार न्यौपाने, वडाध्यक्षहरु १६ का गणेश थापा, १७ का नवराज अधिकारि सँगै पुर्व सांसद शम्भुलाल श्रेष्ठ लगाएतका ब्यक्तिहरुको सहभागीता रहेको थियो । पुर्व सांसद श्रेष्ठ वडा नम्बर १२ को भालुखोपमा गरिएको कार्यक्रममा मात्र सहभागी भएका थिए ।

साथै उक्त वडामा सहारा फाउण्डेसले समेत न्यानो स्विटर बितरण गरेको छ । फाउण्डेसनले भालुखोपका बिद्यार्थीहरुका लागी स्विटर बितरण गरेको हो । लायन्स क्लवले न्यानो कम्बल बितरण गर्न पुगेको समयमा फाउण्डेसन पनी भेटिए पछि संयोगले दुबै संस्था मिलेर न्यानो बितरण गरेका लायन्स क्लव अफ लालबन्दी सिटिका प्रेसिडेन्ट न्यौपानेले जानकारि बताउनुभयो ।

सरकारले घोषणा गरे अनुरुप आगामी वैशाख १७ र २७ मा प्रतिनिधि सभाको निर्वाचन हुने नहुने यकिन नभए पनि निर्वाचन आयोगले भने प्रारम्भिक तयारी अगाडि बढाएको छ ।

निर्वाचन हुने वा नहुने धेरै विषय सर्वाेच्च अदालतको फैसलामा निर्भर गर्दछ । तर आयोगले भने अहिलेलाई सरकारले घोषणा गरेको मितिलाई आधार बनाएर निर्वाचनको तयारी गरेको छ । आयोगले सबैभन्दा पहिला मतदाता नामावली अद्यावधिक गर्ने कार्यलाई प्राथमिकतमा राखेको छ ।

आयोगका प्रवक्ता राजकुमार श्रेष्ठका अनुसार सो सम्बन्धी काम अगाडि बढिसकेको छ । आयोगले यसपटक सकेसम्म युवा मतदाता नछुटाउने गरी अद्यावधिक गर्न खोजेको छ । त्यसैगरी आयोगले निर्वाचनको कार्यतालिक तयार पार्ने गृहकार्यसमेत सुरु गरेको छ ।

त्यसैगरी निर्वाचन गराउनका लागि आवश्यक पर्ने सामग्रीहरुको बारेमा समेत तयारी गरिएको छ । अहिले कति सामग्री छ, कति खरिद गर्नुपर्ने हो र कति सहयोग माग्ने भन्ने सम्बन्धमा पनि मूल्याङकन भइरहेको छ ।

त्यसैगरी निर्वाचनका लागि आवश्यक बजेटका सम्बन्धमा पनि गृहकार्य भइरहेको छ । यस पटक निर्वाचनका लागि भने खासै नयाँ कानुन नचाहिने र पुराना कानुनले नै निर्वाचन गराउन सकिने आयोगले जानकारी दिएको छ ।

यस अगाडि निर्वाचन आयोगले एकीकृत निर्वाचन कानुन बनाउने प्रक्रिया अगाडि बढाए पनि अब त्यो अगाडी नबढ्ने भएको छ ।

प्रतिबन्धित नेत्रविक्रम चन्द (विप्लव) नेतृत्वकाे नेपाल कम्युनिस्ट पार्टीले अन्य तीन साना कम्युनिस्ट पार्टीसँग मिलेर रणनीतिक संयुक्त मोर्चा निर्माण गर्ने भएकाे छ ।

विप्लव समूहले ऋषिराम कट्टेल नेतृत्वको नेपाल कम्युनिस्ट पार्टी, मोहन वैद्य किरण नेतृत्वको नेपाल कम्युनिस्ट पार्टी (क्रान्तिकारी माओवादी) र आहुती नेतृत्वको वैज्ञानिक समाजवादी कम्युनिस्ट पार्टीसँग मिलेर रणनीतिक संयुक्त मोर्चा निर्माण गर्ने सहमति भएकाे हाे ।

चार पार्टीले मंगलबार जारी गरेको संयुक्त विज्ञप्तिमा भनिएको छ, ‘प्रधानमन्त्री केपी शर्मा ओली सरकारको निरङ्कुशता, फासिवाद र दलाल तथा प्रतिक्रियावादी राज्यसत्ताकाविरुद्ध अग्रगामी राजनीतिक विकासको ऐतिहासिक पहल कदमीका निम्ति हामी ४ पार्टीका बीचमा रणनीतिक संयुक्त मोर्चा निर्माण गर्ने सहमति भएको छ । यसको अवधारणा, संरचना र अग्रगामी कार्यक्रम शीघ्र घोषणा गरिनेछ ।’

वैदेशिक शक्तिको आड, भरोसा र इसारामा ओली सरकारले संसद् विघटन गरेको विज्ञप्तिमा उल्लेख छ । संसद विघटन गर्ने कदम पार्टीको आन्तरिक मामिला नभएको भन्दै उनीहरुले यसलाई संसदीय व्यवस्थाको असफलताको द्योतक भएको बताएका छन् ।

कारोना महामारी सुरु भएपछि बन्द गरिएको सवारी चालक अनुमतिपत्रका लागि अनलाइन फारम आजबाट खुला भएको छ । सरकारले गत चैतदेखि सवारी चालक अनुमति पत्र वितरण प्रक्रिया रोकेको थियो ।

स्वास्थ्य सुरक्षाका सबै मापदण्ड पूरा गरेर आजदेखि सातै प्रदेशमा सवारीचालक अनुमतिपत्रका लागि अनलाइन फाराम खुला गरिएको यातायात विभागका निर्देशक डा.लोकनाथ भुसालले जानकारी दिनुभयो । लकडाउन अगाडि लिखित परिक्षा दिएर पनि ट्रायल दिन नपाएका परीक्षार्थीको चाँडै ट्रायल परीक्षा लिने विभागले जनाएको छ ।

यसको लागि विभागले आन्तरिक तयारी गरीरहेको र कानुनी जटिलता समाधान भएसँगै ट्रायल लिने विभागले जनाएको छ । उपत्यकामा चारसहित देशभर विभागका १७ कार्यालयबाट अनुमतिपत्र वितरण, नवीकरण गरिँदै आएको छ ।

हाल मोटरसाइकलमा दैनिक १ सय, स्कुटर र चारपाङग्रे सवारीमा ५०/५० गरी कुल २ सयले अनलाइन आवेदन दिन पाउने व्यवस्था गरिएको छ । यस्तै, लिखित परिक्षा पास गरेका परिक्षार्थीले अब १८ महिनासम्म ट्रायल दिन पाउने भएका छन् ।

लकडाउनका कारण लिखित परीक्षा पास भएर ट्रायल दिन नपाएका र पहिलोपल्ट ट्रायलमा फेल भएका परिक्षार्थीलाई लाभान्वित हुने गरि यो नियम जारी गर्ने तयारी भएको हो ।

बक्यौता रकम भुक्तानीको माग गर्दै काठमाडौंको माइतीघरमा आन्दोलन गरिरहेका किसान र सरकारबीच सम्झौता भएको सुनेर आन्दोलनमा आएका एक किसानलाई हृदयघात भएर मृत्यु भएको छ ।

सर्लाहीका नारायणराय यादव (भगत) काठमाडौँको आन्दोलनमा सहभागी थिए । उनले यसपाली पूरै भुक्तानी नलिइ काठमाडौँबाट नफर्किने भन्दै आन्दोलनमा सक्रिय थिए । तर भुक्तानी नै नलिइकन सरकार र आन्दोलनकारी बीच सम्झौता भयो भन्ने सुनेर उनलाई हृदयघात भएको जनता समाजवादी पार्टी नेपालका नेता केदारनन्दन चौधरीले बताए ।

सम्झौता हुने बित्तिकै भगतले आफूलाई फोन गरेर ‘भुक्तानी नलिइकन सम्झौता किन गरेको ? काठमाडौँबाट खाली हात फर्किन मनै छैन । घरमा यसपाली पैसा लिएर आउने भनेर आएको तर यहाँबाट पैसा नलिइ आन्दोलन स्थगित गरेको भन्दै’ चित्त दुखाएको नेता चौधरीले बताए ।

विगत ३ वर्षदेखि उनले अन्नपूर्ण सुगर मिलबाट २४ लाख ६५ हजार रुपियाँ लिन बाँकी थियो । त्यही पैसाका कारण उनी निकै तनावमा थिए । ‘राति नै फोन गर्दा उहाँलाई निकै चिन्तित भएको पाएको थिएँ । चिन्ता नगर्नुस् तपाईसँग म भोलि भेट्छु जसरी पनि भुक्तानी लिएर मात्र घर जाने हो भनेर सन्तवना दिएको थिएँ,’ नेता चौधरीले भने, ‘तर विहान अचानक फोन आयो कि भगतजी ट्वाइलेटमा लडेर बेहोस हुनुभयो रे । म गंगालाल अस्पतालमा पुगेको छु । डाक्टरले पनि तनावका कारण यो एट्याक भएको भन्नुभएको छ ।’

केही समयअघि ह्वावेले धेरै पीसीहरूमा काम गरिरहेको खबर आएको थियो । कम्पनीले पनि आफ्नै सिलिकन डेस्कटप पीसी र ल्यापटप निर्माण गरिरहेको आधिकारिक रुपमै बताउँदै आएको छ । कम्पनीकै हाई-सिलिकन एआरएम चिपद्वारा सञ्चालित डेस्कटप पीसी रहने ह्वावेले पुष्टि गरेको छ ।

वेइबो टिपस्टरले नोटबुकको बक्सको फोटो पोस्ट गरेको छ, जसमा केही महत्वपूर्ण स्पेसिफिकेशन ल्याएको छ । यो डिभाइस किरिन ९९० चिपसेटले सञ्चालित छ, जसमा ८ जीबी र्याम, ५१२ जीबी एसएसडी र १४ इन्चको १०८०पी डिस्प्ले रहेको छ ।

लिनक्स आधारित दीपिन ओएस २० मा ल्यापटप रन हुनेछ । तर भविष्यमा हार्मोनी ओएसमा आधारित ल्यापटप सार्वजनिक हुने अपेक्षा गरिएको छ ।

Qingyun L410 नाम दिइएकाे याे ल्यापटप माेडल मेटबुक १४ काे भन्दा सस्ताे हुने बताइएकाे छ । साथै फाइभजी मोडेम सपोर्ट गर्ने चिपसेट प्रयोग भएकाले ल्यापटपमा फाइभजी कनेक्टिभिटी समेत हुनसक्ने आँकलन गरिएको छ ।

अप्टिकल ड्राइभ, कीबोर्ड, माउस, १८० वाट पावर सप्लाइ र कम्पनीको आफ्नै काइलिन अपरेटिङ सिस्टम हुने बताइएकाे छ ।

पवन प्रसाद साह, वीरगंज । राष्ट्रिय प्रजातन्त्र पार्टी राप्रपाले आईतवार वीगरंजमा सडक आन्दोलन गरेको छ । पर्साको वीरगंजमा राप्रपाले राजसंस्था र हिन्दु राष्ट्रको माग गर्दै आन्दोलन गरेको हो ।

जिल्ला स्थिती पार्टिको कार्यालय रहेको स्थान लाठगलिबाट सुरु भएको बिरोध ¥यालीले माईस्थान चोक हुँदै आदर्सनगर, अलखिया मठ, घडिअर्वा पोखरि हुँदै माईस्थान चोकमा पुगी कोणसभामा परिणत भएको थियो ।

पार्टिका केन्द्रिय अध्यक्ष कमल थापाको समेत उपस्थितीमा राप्रपाले वीरगंजमा बृहत रुपमा सडक संघर्ष गरेको हो ।

कोणसभालाई सम्बोधन गर्दै अध्यक्ष थापाले राजसंस्था र हिन्दुराष्ट्र अहिलेको आवश्यकता भएको जिकिर गरेका थिए । दुई तिहाईको मतको अहिलेको नेकपाको सरकारले जनताको भावना बुझेर काम गर्न नसकेको र संबिधानको मर्म बिपरित संसद बिघटन जस्तो अकर्मण्यता प्रस्तुत गरिरहेकोले राजसंस्था प्रति जनलहर उर्लिएको उनको भनाई थियो ।

त्यस्तै पार्टिका बरिष्ट उपाध्यक्ष राजिव पराजुलीले पनी हिन्दु राष्ट्र र राजसंस्थाको बिषयमा चर्चा गरेका थिए । कोणसभा पछि पार्टिले जिल्ला प्रसासन कार्यालय पर्सामा पुगेर ज्ञापन पत्र बुझाएको थियो ।

बिरोध प्रदर्शन कार्यक्रममा जिल्लाका सयौँ पार्टि नेता तथा कार्यकर्ताको सहभागीता रहेको थियो ।