रौतहट जिल्लामा पछिल्लो समय घर टहरो तथा पसलहरुमा चोरिको घटना बढिरहेको बेला पसलबाट चोरि गरेको समान सहित एकजनालाई प्रहरिले पक्राउ गरेको छ । पक्राउ पर्नेमा जिल्लाको माधवनारायण नगरपालीका वडा नम्बर ४ मानपुरका सन्तोष कुमार साह सोनार छन ।
मध्यरात अर्थात शुक्रवार बिहान करिव १ बजेको समयमा माधवनारायण नगरपालीका ४ मानपुर बजारमा स्थानिय सिकिलदेव मुखियाले सञ्चालन गरेको किराना पसलमा चोरि भएको थियो । टालीले छाएको मुखियाको आफ्नै घरमा सञ्चालीत पसलको छानाबाट टाली हटाई नगद तथा जिन्सि धनमाल चोरि भएको भन्दै मुखियाले प्रहरिलाई खबर गरेका थिए ।
प्रहरिले खबर पाउनासाथ घटनास्थलमा पुगेर अनुसन्धान गरेको सुरु थियो । अनुसन्धानका क्रममा प्रहरिले घटनास्थलबाट पकेट पर्स तथा पसभित्र सन्तोष साह मानपुर लेखिएको रसिद फेला पारेको थियो । रसिदका आधारमा चोरिमा संलग्न सोनारको घरमा पुगेको प्रहरिले खानतलासि गर्दा सोनार सुतिरहेको ओछ्यानबाट चोरि गरि ल्याएको बिभिन्न नामका ११ ओटा चुरोटको डब्बा सहित १००, ५०, २०, १० र ५ रुपैँयाका एकहजार पाँच रुपैँया फेला पारेको थियो ।
चोरिमा संलग्न स्थानिय प्रेमलाल साह सोनारका छोरा २१ बर्षिय सन्तोषलाई प्रहरिले पक्राउ गरि जिल्ला अदालत गौरबाट १० दिनको म्याद थप गरि न्यायीक हिरासतमा राखेर थप अनुसन्धान गरिरहेको ईलाका प्रहरि कार्यालय गरुडाले जनाएको छ ।
रौतहटको धमौरामा आज शुक्रवार बिहानै प्रहरिले घरेलु भट्टि तथा अवैध मदिराजन्य पदार्थ नष्ट गरेको छ । जिल्लाको बृन्दावन नगरपालीका ७ धमौरा बस्ने सन्तलाल चौधरिले सञ्चालन गरेको घरेलु मदिरा उत्पादन गर्ने भट्टी नष्ट गरेको हो ।
गोप्य सुचनाको आधारमा चौधरिले १ तले फुसको कच्चि घरमा सञ्चालन गरेको भट्टि तथा घरेलु मदिरा बनाउन प्रयोग हुने समान तथा तयारि मदिरा तथा कच्चा पदार्थ स्थानियको रोहवरमा नष्ट गरिएको ईलाका प्रहरि कार्यालय गरुडाले जनाएको छ ।
भट्टि सञ्चालक चौधरि भने फरार भएका छन । उनको भट्टिबाट प्रहरिले मदिरा उत्पादनमा प्रयोग हुने समान, मदिरा राख्न प्रयोग गरिने ६ वटा प्लाष्टिक ड्रम, तयारि २० लिटर मदिरा तथा अन्दाजी तिन हजार लिटर कच्चा पदार्थ बरामद गरि नष्ट गरेको छ ।
प्रहरिका अनुसार फरार भट्टि सञ्चालक चौधरिको खोजि भईरहेको छ ।
नेपाल तरुणदल जीतपुरसिमरा कार्यसमितिले ४५ औं राष्ट्रिय एकता तथा मेलमिलाप दिवसका अवसरमा बाराको जीतपुरसिमरा अन्तर्गतको राधाकृष्ण मध्यवर्ती सामुदायिक वन क्षेत्रभित्र बृक्षारोपण कार्यक्रम तथा अन्तरक्रिया कार्यक्रमको आयोजना गरेको छ ।
मलेसियन साल, टिक लगायतका ७० बिरुवा बृक्षारोपण पछि सम्पन्न अन्तरक्रिया कार्यक्रका प्रमख अतिथि समेत रहेका नेपाली काग्रेस जीतपुरसिमरा नगर कार्य समिति बाराका सभापति श्यामबाबु गुप्ताले बिपीको राष्ट्रिय एकता तथा मेलमिलापको निती अझपनि धेरै महत्व रहेको बताएका छन् । उनले बिपिको चिन्तनमा देश चल्न नसकेको भन्दै अहिले बिपिको चिन्तनभन्दा अलग बाटोमा हिँड्ने समुहले देशलाई ठुलो दलदलमा फसाएको आरोप समेत लगाएका छन् ।तरुण दल नगर सभापति अर्जुन लामिछानेको अध्यक्षतामा सम्पन्न कार्यक्रममा नगर सभापति गुप्ताले बिपीको राष्ट्रिय एकता तथा मेलमिलाप नितीले देश अहिलेसम्म बिदेशी शक्तिबाट जोगिएको टिप्पणी समेत गरे ।
वृक्षारोपण कार्यक्रमपछी विपिको मेलमिलाप दिवसको सम्झनामा मिठाई बितरण समेत गरिएको छ । कार्यक्रममा राधाकृष्ण मध्यवर्ती सामुदायिक वन समितिका अध्यक्ष सत्य बहादुर श्रेष्ठ, पुर्व अध्यक्ष चौला बहादुर पण्डित, युवा नेता रामकुमार अर्याल लगायतले कार्यक्रममा मन्तब्य राखेका थिए ।
काँग्रेसका वडा सभापती दिपु भण्डारीको समन्वयमा सम्पन्न कार्यक्रको सञ्चालन २ नं. वडा अध्यक्षका प्रत्यासी तथा काँग्रेसका वडा सचिब युवा नेता संतोष कार्कीले गरेका थिए ।
आज राष्ट्रिय नेपाली टोपी दिवस मनाइँदैछ । नेपाली टोपीको प्रवर्द्धन गर्नका लागि अंग्रेजी नयाँ वर्षको पहिलो दिन पारेर यो दिवस मनाउन थालिएको हो । जंगबहादुर राणाकी बहिनी डम्बरकुरमारीले आफ्ना दाजुलाई खुशी पार्न पहिलोपटक टोपी बनाएर उपहार दिएको संस्कृतविद्को भनाई छ ।
नेपाल बाहिर रहेका नेपाली र नेपालीभाषीहरुले पनि नेपाली टोपी लगाउने गर्छन् । नेपाली टोपीको साइनो बंगलादेशको ढाका, कश्मीर, टर्की, कैलाश पर्वत र पाल्पासँग जोडिन्छ ।
विशेषतः भादगाउँले टोपी र ढाका टोपीलाई नेपाली टोपीका रुपमा लिने गरिन्छ । तर नेपालका विभिन्न समुदायले आ–आफ्नो पहिचान र परम्परा झल्किने खालका टोपी लगाउने गरेका छन् ।