करिव १० दिन अघि मोटरसाईकल दुर्घटनामा पर्नुभएका परवानीपुरका पुर्व गाबिस अध्यक्ष एवं कांग्रेस नेता जतन बुडाथोकीको मृत्यू भएको छ । दुर्घटनामा परि गम्भिर घाईते हुनु भएका बुडाथोकीको चितवन मेडिकल कलेजमा उपचार भईरहेको थियो ।
दुर्घटना लगत्तै अचेत अवस्थामा अस्पताल पु¥याएपनी अन्तिम दिनसम्म उहाँको होस खुलेको थिएन । यहि असोज महिनाको १५ गते राती ८ बजेतिर रानीगञ्जबाट परवानीपुरतर्फ जाने क्रममा एकै दिशामा गईरहेका मोटरसाईकल एक आपसमा ठोक्किएर दुर्घटना भएको थियो ।
लालबन्दी नगरपालीका वडा नम्बर १७ रानिगञ्जबाट वडा नम्बर १६ परवानीपुरतर्फ जाँदै गरेको देविचरण न्यौपानेले चलाएको ना५६प ३७९१ नम्बरको मोटरसाईकल र सोहि दिशातर्फ जाँदै गरेको बिष्णुमणि घिमिरेले चलाएको प्रदेश २ ०३–००७ ८३४७ नम्बरको पल्सर मोटरसाईकल एक आपसमा ठोक्किएको थियो ।
२ ओटा मोटरसाईकल एक आपसमा ठोक्किएर भएको दुर्घटनामा मृतक नेता बुडाथोकी सहित ५ जना घाईते भएका थिए ।
मृतक वुडाथोकीको शवलाई आज बिहान १० बजे पोस्टमार्टम गरि परवानीपुर ल्याईने पारिवारिक श्रोतले जानकारि दिएको छ । शव दाहसंस्कार परवानीपुर नै गर्ने कि बागमतीमा भन्ने बिषयमा भने अन्योल रहेको बुझिएको छ ।
आश्विन शुक्ल सप्तमीका दिनमा मनाइने फूलपाती पर्व आज घरघरमा शास्त्रीय विधिअनुसार शुभ साइतको प्रतीक फूलपाती भित्र्याएर मनाइँदैछ ।
घटस्थापनाका दिनदेखि वैदिक विधिपूर्वक दुर्गालाई आह्वान गरी पूजा गरिएको दशैँ घर अथवा पूजा कोठामा शुभ साइतको प्रतीकका रूपमा उखु, हलेदो, केराको बोट, धानको बाला, बेलपत्र, दारिम, जयन्ती, अशोकको फूल र मानवृक्ष भित्र्याउने गरिन्छ ।
नौ वटा देवीको प्रतीकका रूपमा भित्र्याइ शास्त्रीय विधिअनुसार शक्तिको आराधनाका साथ पूजा गर्ने वैदिक विधि रहेको नेपाल पञ्चाङ्ग निर्णायक समितिका पूर्वअध्यक्ष डा. रामचन्द्र गौतमले जानकारी दिनुभयो ।
फूलपाती भित्र्याएपछि नौवटा देवीको विधिपूर्वक पूजा आराधना गरिन्छ । फूलपाती भित्र्याउनका लागि साइतको आवश्यक्ता नपर्ने पनि गौतमले जानकारी दिनुभयो । आजैका दिनदेखि दशैं बिदा पनि सुरु भएको छ ।
दशैँको पाँच दिन बिदा हुने गरेकाले सरकारी कार्यालय पनि आजबाट बन्द हुन्छ ।