सर्लाही, २६ जेठ । राष्ट्रिय स्वतन्त्र पार्टी (रास्वपा) ले मधेश प्रदेश अधिवशेन स्थगित गरेको छ । २८ जेठका लागि तय भएको अधिवेशन अनिश्चितकालका लागि स्थगित गरिएको छ ।
२३ र २४ जेठका लागि तोकिएको जिल्ला अधिवेशन समयमा हुन नसकेपछि प्रदेश अधिवेशन रोकिएको हो । मधेशका आठ जिल्लामध्ये हालसम्म पर्साको मात्रै अधिवेशन भएको छ । अन्य जिल्लामा प्रक्रिया सुरु भएपनि नेतृत्व चयनको प्रक्रियामा पुगेपछि विवाद भएर नयाँ समिति गठन हुन सकेको छैन ।
अनुशासन आयोग केन्द्रीय प्रमुख भुवन केसीले मंगलबार सूचना प्रकाशित गरेर मधेश अधिवेशन रोकिएको जानकारी गराएका हुन् ।
‘स्थगनको निर्णय मधेस प्रदेश अधिवेशनसँग सम्बन्धित प्रतिनिधि छनोट, निर्वाचन कार्यक्रम, उम्मेदवारी प्रक्रिया, प्रचारप्रसार, बैठक, भेला तथा अधिवेशन आयोजनासँग सम्बन्धित सम्पूर्ण गतिविधिहरुमा लागु हुनेछ,’ अनुशासन आयोगका प्रमुख केसीले निकालेको विज्ञप्तिमा भनिएको छ ।
रास्वपाको प्रदेश अधिवेशन आजबाट सुरु भएको छ । प्रदेशतर्फ पहिलो अधिवेशन बागमतीबाट सुरु गरिएको छ । कोशीको जेठ २७, गण्डकीको २९, लुम्बिनीको ३०, कर्णालीको ३१ जेठ र सुदूरपश्चिम प्रदेशको अधिवेशन असार १ गतेका लागि तोकिएको छ ।
लालबन्दी, २६ जेठ । तराईको चर्को घाम र उखरमाउलो गर्मिबाट साना साना विद्यार्थीलाई बचाउन एक समाजसेवीले विद्यालयलाई पङ्खा सहयोग गरेका छन ।
सर्लाहीको लालबन्दी १५ मा रहेको सिद्धेश्वर प्राथमिक विद्यालयमा अध्ययनरत कलिला विद्यार्थीलाई पठन पाठनमा सहज होस भनेर पङ्खा प्रदान गरिएको दाता बिक्रम खड्काले बताए । लालबन्दीको मरिण जाने बाटोमा रहेको गढिमाई ट्रेडर्सका संचालक रहेका समाजसेवी खड्काले आफुलाई त्यहाँका शिक्षाप्रेमी र शिक्षिकाहरुबाट पङ्खा सहयोग गरिदिन गरिएको आग्रह अनुसार आफुले सानो सहयोग गरेको खड्काले प्रतिकृया दिए ।
गर्मिको समयमा पङ्खा सहयोग गरेकोमा विद्यालय परिवारले खड्कालाई धन्यवाद प्रदान गरेको थियो । आज बिहान विद्यालय प्राङ्गणमा गरिएको एक औपचारीक कार्यक्रममा विद्यालय व्यवस्थापन समितीका अध्यक्ष दल बहादुर परियार (रामहरी)ले दाता खड्कालाई धन्यवाद दिए । विद्यालयलाई पङ्खा हस्तान्तरण गर्दै खड्काले राम्रो सँग पढ्न, नियमित विद्यालय आउन र ज्ञानी हुन आग्रह गर्दै त्यसो गरेमा आफुले विद्यालय झोलासमेत प्रदान गर्ने आश्वासन दिएका थिए । खड्काको कुरा सुनेर खुसि भएका विद्यार्थीले उनको कुरामा समर्थन जनाउँदै तालि बजाएका थिए ।
पछिल्लो समय विपन्न परिवारका बालबालिकाको मात्रै अध्ययनको थलो बनेको सामुदायिक विद्यालयका विद्यार्थीहरु उखरमाउलो गर्मि, कापि कलम, विद्यालय झोलाको अभाव लगाएत समस्यासँग जुध्दै विद्यालय पुग्ने गरेका छन ।