लालबन्दी, २८ जेठ । सर्लाहीको लालबन्दी नगरपालिका १२ का २५ जना महिलाहरुले ब्यवसायीक ब्युटिपार्लर तालिम सम्पन्न गरेका छन ।
वडा नम्बर १२ को आर्थिक सहयोगमा लर्ड बुद्ध सिप तथा तालिम केन्द्र लालबन्दीले आयोजना गरेको तालिमको बुधबार एक औपचारीक कार्यक्रममार्फत समापन गरिएको हो । सो वडाका २५ जना महिलाहरुको सहभागीतामा संचालित तालिम ४५ दिनसम्म चलेको थियो ।
वडाध्यक्ष दुर्गा बहादुर आलेको प्रमुख आतिथ्य र सर्लाही सौन्दर्य संघकी अध्यक्ष सरु श्रेष्ठको विशिष्ट आतिथ्यतामा सहभागीहरुलाई प्रमाणपत्र वितरण गर्दै कार्यक्रम सम्पन्न गरिएको आयोजक संस्थाका अध्यक्ष घमराज श्रेष्ठले जानकारी दिनुभयो ।
आफ्नै वडाले निशुल्क रुपमा ४५ दिनको ब्युटिपार्लर तालिम संचालन गरेकोमा सहभागीहरुले वडा कार्यालय र आयोजक संस्थालाई धन्यवाद दिएका थिए ।