सर्लाही | गोडैता नगरपालीका १२ मधुवनीगाउँ स्थित नेपाल भारत बोर्डर नजिकैबाट प्रहरिले सोमवार दिउँसो लागुऔषध सहित एक जनालाई पक्राउ गरेको छ ।
भारततर्फबाट नेपाल आउँदै गरेको ०३–०२–०३१ प् २७८१ नम्बरको २२० सिसिको पल्सर मोटरसाईकलमा सवार रामनगर गाउँपालीका ५ बस्ने २९ बर्षिय राजेश कुमार यादवलाई शंका लागी चेकजाँच गर्ने क्रममा प्रहरिले लागुऔषध बरामद गरेको हो ।
चेकजाँचका क्रममा यादवको साथबाट ९०० ओटा पिस नाईट्रोभेट टेन नामक लागुऔषध बरामद भएको जिल्ला प्रहरि कार्यालय सर्लाहीले जनाएको छ । पक्राउ परेका यादवलाई मोटरसाईकल सहित नियन्त्रणमा लिएर आवश्यक अनुसन्धान गरिरहेको प्रहरिले बताएको छ ।
