राप्रपा निजगढले मनायो पृथ्वी जयन्ती तथा राष्ट्रिय एकता दिवस

आज राष्ट्रिय प्रजातन्त्र पार्टी निजगढ नगर कार्यसमितिको आयोजनामा श्री ५ वडामा राधिराज पृथ्वीनारायण शाहको ३०३ औं जन्मजयन्ती तथा राष्ट्रिय एकता दिवस निजगढमा पनि मनाइएको छ। निजगढको सहिद चोकबाट बुद्धचोकसम्म पुगी नगर परिक्रमा गरी पुन सहित चोकमै सभामा परिणत भएको थियो।

कार्यक्रमका सभाध्यक्ष राप्रपा निजगढ नगरकार्य समितिका अध्यक्ष खड्गप्रसाद उप्रेती को थियो भने प्रमुख अतिथि राप्रपा केन्द्रीय सदस्य तथा धार्मिक अभियन्ता अभिषेक जोशी थिए भने विशिष्ट अतिथि राष्ट्रिय प्रजातान्त्रिक उत्पीडित संगठनका केन्द्रीय अध्यक्ष अमर परियार, विशिष्ट अतिथि राष्ट्रिय प्रजातन्त्र पार्टीका पूर्व केन्द्रीय सदस्य सावित्री देवी भारती ,अतिथि किसान संगठनका केन्द्रीय सदस्य तथा पृथ्वीनारायण शाहको तस्बिर कार्यालयमा राख्ने अभियन्ता निर्मल खड्का , अतिथि महिला संगठनकी केन्द्रीय सदस्य शेषा सापकोटा ,भक्त दर्लामी ,सुजन तिमल्सिना लगायतको कार्यकर्ताहरूको रहेको थियो। कार्यक्रममा प्रमुख अतिथि अभिषेक जोशी ले जसले यो राष्ट्र बनायो त्यही राष्ट्र बनाउने ठूला पार्टीहरूले आज पृथ्वीनारायण शाहलाई बिर्सिएका छन् र ठूला दलहरू देश बनाउने भन्दा पनि आफू कसरी सत्तामा पुग्ने र अकुत सम्पत्ति कुम्ल्याउने र भ्रष्टाचार कसरी गर्न सकिन्छ भन्ने दाउमा छन् भन्नुभयो। आज यो देशमा जति भ्रष्टाचार भएको छ त्यो सबै छोप्दा छोप्दै पनि देखिएकाहरु दोषी देखिएका हुन् भोलि सबै केलाउँदै जाने हो भने माथिदेखिबाट तलसम्म कोही पनि नबच्ने बताउनुभयो। यसैगरी शुभकामना राख्ने क्रममा सावित्री देवी भारती ,भक्त दर्लामी , अविनाश बुढाथोकी लगायतले शुभकामना राख्नुभएको थियो। भने स्वागत मन्तव्य शेषा सापकोटा ले राखेकी हुन् कार्यक्रम सञ्चालन नगर प्रवक्ता केशव राउत ले गरेका हुन् ।
पृथ्वी जयन्ती तथा राष्ट्रिय एकता दिवस देशैभरि राष्ट्रिय प्रजातन्त्र पार्टीले जिल्लाको सदरमुकाम तथा स्थानीय तहहरूमा गरिएको छ। त्यसैगरी काठमाडौँमा राष्ट्रिय प्रजातन्त्र पार्टीको पृथ्वी जयन्ती तथा राष्ट्रिय एकता दिवसमा प्रधानमन्त्री केपी ओली, पूर्व प्रधानमन्त्रीहरू लगायतले श्री ५ बडा महाराज धिराज को तस्वीरमा माल्यार्पण गरेका छन् ।