अशक्त दोङ्गलाई एजुकेशन जोनद्वारा ह्विल चेयर प्रदान

लालबन्दी, २० फागुन । नारायणखोलाका एक अशक्तलाई ह्विल चेयर प्राप्त भएको छ । सर्लाहीको लालबन्दी नगरपालिका १४ नारायणखोलाका सोम बहादुर दोङ्गलाई लालबन्दी बजारमा रहेको एजुकेशन जोनले ह्विल चेयर प्रदान गरेको हो ।

३६ वर्षिय दोङ्ग ३ वर्षअघि घाँस काट्ने क्रममा रुखबाट लडेका थिए । आर्थीक अवस्था कमजोर भएका दोङ्गलाई एजुकेशन जोनका संचालक उद्धव थापासहितले घरमै पुगेर चेयर हस्तान्तरण गरेका हुन । ह्विल चेयर पाएपछि अब अशक्त दोङ्गलाई हिँडडुल गर्न सहायता पुगेको भन्दै परिवारले खुसि भएर एजुकेशन जोन र थापासहितलाई धन्यवाद दिएका स्थानीय युवा रोशन दोङ्ग तामाङ्गले बताए ।

एजुकेशन जोनका संचालक थापाले सामाजिक उत्तरदायित्व अन्तर्गत केहि समाजसेवी युवाहरुको आग्रह अनुसार अशक्त दोङ्गलाई सहयोग गर्न पाउँदा खुसि लागेको बताएका छन ।