मोटरसाईकलको ठक्करबाट बागमतीका पैदलयात्री रबिन्द्र राय गम्भिर घाईते

शनिवार सर्लाहीमा मोटरसाईकलको ठक्करबाट एक पैदलयात्री गम्भिर घाईत भएका छन । पुर्व पश्चिम लोकमार्ग अन्तर्गत बागमती नगरपालीका ११ को राजमार्गमा सोही ठाउँका ३० बर्षका रबिन्द्र रायलाई मोटरसाईकलले ठक्कर दिएको हो ।

हरिवन नगरपालीका ५ बस्ने १७ बर्षका सुलभ बस्नेतले चलाएको ना३५प १६९४ नम्बरको मोटरसाईकलको ठक्करबाट पैदलयात्री रायको टाउकोमा चोट लागेको छ भने दाईने खुट्टा भाँचिएको छ । उनको हरिवन स्थित नमुना अस्पतालमा सामान्य उपचार पश्चात थप उपचारका लागी वीरगञ्ज रेफर गरिएको छ ।

त्यस्तै मोटरसाईकल चालक बस्नेतको हातखुट्टामा सामान्य चोट लागेको छ । उनको नमुना अस्पतालमा उपचार भएको र मोटरसाईकल प्रहरिको नियन्त्रणमा रहेको जिल्ला प्रहरि कार्यालय सर्लाहीले जनाएको छ ।