लक्ष्मी गुरुङ, लालबन्दी | गएको भदौमा एक महिलामाथी जबरजस्ती करणी प्रयास गरेको आरोपमा फरार सर्लाहीको ब्रम्हपुरि ७ नोकेल्वाका श्याम सुन्दर यादवलाई प्रहरिले पक्राउ गरेको छ । जिल्ला प्रहरि कार्यालय सर्लाहीका अनुसार लुकी छिपी बस्दै आएका यादवलाई प्रहरिले खोजतलास गरि पक्राउ गरेको हो ।
यादवलाई पक्राउ गरि जिल्ला अदालत सर्लाहीबाट ५ दिनको म्याद थप गरि आवश्यक अनुसन्धान गरिरहेको जिल्ला प्रहरि कार्यालय मलंगवाका सुचना अधिकृत प्रहरि नायव उपरिक्षक माधव प्रसाद बुडाथोकीले जानकारि दिनुभयो ।
त्यस्तै सर्लाही प्रहरिले करिव ३ लाखको भन्सार छलिका कपडा बरामद गरेको छ ।
सोमबार करिव साँडे ८ बजेको समयमा लालबन्दी नगरपालीका ५ स्थित मेजरगञ्जबाट ब्रम्हपुरी १ का २५ बर्षका बिमल कुमार राय र मलंगवा ११ बस्ने मनी कुमार यादवलाई भारतीय बजारबाट भन्सार छल गरि मोटरसाईकलमा बिभिन्न किसिमका कपडा नेपालतर्फ भित्र्याउँदै गरेको अवस्थामा पक्राउ गरेको हो ।
बरामद कपडाको मुल्य २ लाख ९५ हजार ४०० रुपैँया रहेको प्रहरि नायव उपरिक्षक बुडाथोकीले जानकारि दिनुभयो ।
उनिहरुलाई नियन्त्रणमा लिएर आवश्यक कारवाहीका लागी भन्सार कार्यालय मलंगवामा बुझाईएको छ ।
