रौतहटको कटरिया नगरपालीकालाई फ्रि वाईफाई जोन घोषणा गरिएको छ । एउटै कार्यकालमा दोश्रो पटक नगरप्रमुखको कार्यभार सम्हालेका नगरप्रमुख शियाराम कुशवाहले बुधवार नगरलाई फ्रि वाईफाई जोनको रुपमा उद्धोष गरेका हुन ।
एक समारोहका बिच मेयर कुशवाहले आफ्नो मोबाईलबाट ईन्टरनेटको नेटवर्क एक्सेस गर्दै कोभिडको महामारिबाट प्रभावित बिद्यार्थीका लागी लक्षित गर्दै नगरभित्र फ्रि वाईफाई जोनको अवधारणा ल्याइएको बताए ।
फ्रि वाईफाई जोन संचालनमा आएपछि अहिले बिद्यालय जानबाट बञ्चित बिद्यार्थीका लागी अनलाईन कक्षामा सहभागी हुन तथा अन्य उमेर समुहका ब्यक्तिहरुका लागी ईन्टरनेटबाट अन्य विविध काम गर्न सहज हुने छ ।
अहिले नगरको ७ वटा वडामा ५४ ओटा राउटर राखेर ईन्टरनेटको ब्यबस्था गरिएको छ ।
