बेद बोहरा, दोहा कतार : नेपाली जनप्रगतिशील मोर्चा कतारले अक्टोबर ३० शुक्रबारका दिन दोहा कतार स्थित ‘नज्मा गोर्खा रेस्टुरेन्ट’मा बिजया दशमिको उपलक्ष्य तथा र आउँदै गरेको तिहार र छठपर्वको अबसरमा भेटघाट एवं शुभकामना आदानप्रदान, चियापान तथा प्रशिक्षण कार्यक्रम गरेको छ ।
अध्यक्ष साजन गुरुङ (छबि) को सभापतित्वमा भएको कार्यक्रमका बिशेष अतिथी राजेन्द्र लिम्बुले परदेशी भुमिमा रहेता पनि आफ्नो कला संस्कृतिलाई जगेर्ना गर्न सकिन्छ तर त्यसको लागी बिकृती र बिसंगतीबाट टाढा रहनु पर्छ र कसैलाई अप्ठ्यारो पार्नु हुँदैन भन्दै देश तथा बिदेशमा रहेका सबै नेपाली दाजुभाई दिदीबहिनीहरुलाई शुभकामना दिएका थिए ।
त्यसैगरि अतिथि महिला बिभाग प्रमुख तथा मोर्चा उपाध्यक्ष गोमा थापाले परदेशी भुमिमा रहेर पनि यसरी दशैँ मनाउन पाउनु निकै खुशिको कुरा भएको बताउनुभएको थियो । त्यस्तै अतिथी मनमोहन सिंह, सुजक अर्याल, ज्ञानेन्द्रराज भारतिले परदेशमा पनि यसरी नेपाली कला संस्कृतिको झल्कने कार्यक्रम मनाउन पाएकोमा खुसि ब्यक्त गरेका थिए भने कार्यक्रमका सभापति गुरुङले कार्यक्रम सफल बनाउन निरन्तर खटिएका साथीहरुलाई धन्यवाद दिँदै निमन्त्रणालाई स्विकार गर्दै उपस्थित भएका सबैलाई धन्यवाद ब्यक्त गर्नुभएको थियो ।
मोर्चाका महासचिव बिवेक मल्लद्वारा संचालित कार्यक्रममा बिशेष अतिथि प्रबक्ता राजेन्द्र लिम्बू सहित महिला बिभाग प्रमुख एवं उपाध्यक्ष गोमा थापा र सचिव ज्ञानेन्द्रराज भारति, कोषाध्यक्ष मनमोहन सिंह, सुजक अर्याल लगाएतको सहभागीता थियो ।
पाहुनालाई नेपाली जनप्रगतिशिल मोर्चा कतारका केन्द्रीय सदस्य देब बिस्टले स्वागत गरेका थिए ।
जमाना इन्टरनेटको छ। कोरोनाले जनजीवन अस्तव्यस्त बनाए तापनि युट्युव, फेसबुक, टिकटक र इन्स्टाग्रामले धेरैलाई व्यस्त नै बनाइराखेका छन्। अहिलेको समयमा सबैको ध्यानाकर्षण कोभिड-१९ तर्फ केन्द्रित भएको छ। यो स्वाभाविक पनि हो। तर हामी अलि बुद्धिमान भएर सोच्ने हो भने कोरोना सँगसँगै प्रेसर र सुगर लगायत अन्य मुटु रोगहरुतर्फ पनि सबैको ध्यान जान आवश्यक देखिन्छ।
संसार जतिजति विकसित हुँदै गइरहेको छ, उच्च रक्तचाप, मधुमेह (सुगर) र हृदयघात (हार्ट अट्याक) जस्ता घातक रोगहरु मौलाउँदै गइरहेका छन्। यी रोगहरुबाट मृत्यु हुनेको संख्या उकालो लाग्दो क्रममा छ। कोभिड-१९ को संक्रमणबाट मृत्यु हुनेमा पनि मुटुरोग र मधुमेहका बिरामी बहुसंख्यक छन्।
विश्वमा र नेपालमै पनि सबैभन्दा बढी मृत्युदर बोकेको रोगमा कोरोनरी धमनी रोग पर्छ। अस्वस्थकर खानपिन, आसिन जीवनशैली, मोटोपना, उच्च रक्तचाप र सुगर यो रोगका जोखिम कारक हुन्। यस रोग अन्तर्गत एन्जाइना र हृदयघात पर्छन्।
कोरोनरी धमनी रोग (एन्जाइन र हृदयघात) के हो?
मुटुका कोष र मांसपेसीहरुमा रगत सम्प्रेषण गर्ने रगत नलीलाई कोरोनरी धमनी भनिन्छ। यदि शरीरमा हानिकारक कलेस्ट्रोल (एलडिएल) को मात्रा बढी भयो र जोखिम कारक पनि बढ्दै गए भने, उक्त अवस्थामा कलेस्ट्रोल (बोसो), क्याल्सियम र सुजन कोषिकाहरु रगत नलीमा गएर जम्मा हुन्छन् र नली साँघुरो पार्छन्।
जसरी पाइपमा खिया लाग्दा पानीको वहाव कम हुन्छ त्यसैगरी मुटुको रगत नली साँघुरो हुँदा रगत सञ्चालन कम हुन्छ र पछि गएर सञ्चालन नै बन्द हुने स्थिति पनि सिर्जना हुन सक्छ। जसका कारण मुटुका कोष र मांसपेसीहरुले रगत पाउँदैनन् र अक्सिजनको अभाव भएर कोषहरूको मृत्यु हुन्छ। यो अवस्थामा बिरामीलाई छाती दुख्ने, छातीमा भारी वस्तुले थिचेको महसुस हुने, श्वास फेर्न गाह्रो हुने, खलखली पसिना बग्ने वा अचानक बेहोस हुने जस्ता लक्षणहरु देखापर्न थाल्छन्, जसलाई कोरोनरी धमनी रोग भनिन्छ।
रोगका जोखिम कारक
• अत्यधिक मात्रामा धूमपान र मध्यपान गर्नु,
• अस्वस्थकर खानपिन (बोसो भएको मासु, तेलमा तारेका खानेकुरा, वटर,चिज,पनिर, केक लगायत बेकरी आइटम्सको सेवन),
• शारीरिक व्यायाम र कसरतको कमी,
• आसिन जीवनशैली र मोटोपना,
• रगतमा हानिकारक कलेस्ट्रोल (एलडिएल) को मात्रा बढी हुनु,
• लामो समयसम्म प्रेसर र सुगर नियन्त्रणमा नहुनु,
• निरन्तर तनाव लिइरहनु, डिप्रेसन हुनु
• ४० देखि ६० प्रतिशत मानिसमा कोरोनरी धमनी रोग वंशानुगत हुने गरेको पाइएको छ।
पुरुषमा ३५ देखि ४५ वर्षको उमेरमा मुटु रोगको जोखिम बढ्ने गरेको छ। र ५५ वर्ष पुगेपछि जोखिम दुई गुणाले बढ्ने गर्छ। महिनावारी नरोकिएका माहिलाको सन्दर्भमा भने रोगको जोखिम सोही उमेरका पुरुषभन्दा कम देखिने गरेको विभिन्न अनुसन्धानमा उल्लेख छ। महिलामा हुने “इस्ट्रोजन” हर्मोनले शरीरमा बोसोको मात्रा सन्तुलनमा राखी एन्जाइना र हृदयघात विरुद्ध रक्षात्मक भूमिका निर्वाह गर्ने गरेको चिकित्सकहरुको भनाइ छ। महिनावारी रोकिसकेपछि चाहिँ महिला वर्गमा पनि मुटु रोगको जोखिम पुरुषमा झैं बढ्ने गर्छ, अझै पुरुषमा भन्दा धेरै जोखिम पनि हुनसक्छ।
धूमपान एन्जाइना र हृदयघातको एउटा प्रमुख कारक हो। दिनमा कम्तीमा पनि १ खिल्ली चुरोट सेवन गर्ने व्यक्तिमा सामान्य व्यक्तिभन्दा यो रोग लाग्ने सम्भावना दुई गुणा बढी हुन्छ।
मोटोपना भएका मानिसहरु खासगरी जो लामो समयदेखि प्रेसर र सुगरको सामना गरिरहेका छन्, उनीहरुमा एन्जाइना र हृदयघात हुनसक्ने सम्भावना उच्च भएकाले बेलैमा होसियार हुनपर्ने हुन्छ।
बिरामीमा देखा पर्ने लक्षण
• छाती दुख्नु, गह्रौं वस्तुले छाती थिचेको महसुस हुनु,
• दुखाइ घाँटी, गिजा हुँदै पाखुरातर्फ सर्दै जानु,
• श्वास फेर्न अप्ठ्यारो हुनु,
• खलखली पसिना बग्नु,
• वाकवाकी लाग्नु/बान्ता हुनु,
• मन्द-मन्द टाउको दुख्नु,
• मुटुको धड्कन तेज भएको वा घटेको महसुस हुनु,
• अचानक बेहोस हुनु।
सुरुवाती अवस्थामा यी लक्षणहरु कसरत गर्दा, तनाव हुँदा, चिसोको सम्पर्कमा आउँदा, धेरै खाना खाँदा वा जीउलाई बल पर्ने खालका कुनै पनि कार्य गर्दा देखिन सक्छन्। जसलाई मेडिकल भाषामा “इस्टेवल एन्जाइना” भनिन्छ।
तर, पछि जब रोग बल्झिँदै जान्छ र यसले आक्रामक रुप लिन्छ तब यी लक्षणहरु सामान्य काम गरिरहँदा वा आराम गरिरहेको अवस्थामा समेत देखा पर्न सक्छन्। यो अवस्थालाई “अन-इस्टेवल एन्जाइना” र “हृदयघात” (हार्ट अट्याक) भनिन्छ।
यदि ३५/४० वर्ष उमेर नाघेका, विशेषगरी प्रेसर, सुगर र अन्य मुटु रोग भएका व्यक्तिहरुमा यी लक्षण देखा परेमा तुरुन्त चिकित्सकको परामर्श लिनुपर्ने हुन्छ। समयमा उपचार पाएन भने बिरामीको ज्यान पनि जान सक्छ।
हामीले बेलैमा निम्न लिखित उपायहरु व्यवहारमा उतार्यौं भने हृदयघात लगायत अन्य मुटु रोगहरुको न्यूनीकरण गर्न सक्छौं:
• धूमपान र मध्यपान त्याग्ने,
• तौल नियन्त्रणमा राख्न दैनिक कम्तीमा २० मिनेट एरोबिक व्यायाम र कसरत गर्ने जस्तैः जगिङ गर्ने,स्किपिङ गर्ने, पौडी खेल्ने, खेलकुदमा भाग लिने आदि,
• नियमित मेडिटेसन र योग गर्ने,
• पोषणयुक्त र सन्तुलित आहार सेवन गर्ने; खासगरी फलफूल, सागपात र तरकारी सेवनमा विशेष जोड दिने,
• रातो मासु हुने जनावरहरु: खसी-बाख्रा, च्याङ्ग्रा, बँगुरको मासु सक्दो कम सेवन गर्ने। प्रेसर, सुगर र अन्य मुटु रोगका बिरामीले त सेवन नै नगरे पनि हुन्छ,
• पनिर, वटर, चिज, केक र डुनट जस्ता बेकरी आइटम्स र तेलमा तारेका खानेकुराले शरीरमा हानिकारक एलडिएल कलेस्ट्रोलको मात्रा वृद्धि गर्ने हुँदा यस्ता खानेकुराको सेवन सक्दो कम गर्ने,
• बादाम (आल्मोन्ड्स), ओखर, काजु र वनस्पति स्रोतका तेलमा मानव शरीरका लागि आवश्यक तेल पाइने हुँदा यिनको सेवन गर्न सकिन्छ,
• ३५/४० वर्ष नाघेकाहरुले समय-समयमा प्रेसर, सुगर, कलेस्ट्रोल र अन्य स्वास्थ्य परीक्षण गराउने,
• उच्च रक्तचाप, मधुमेह, उच्च कलेस्ट्रोल र अन्य मुटु रोग भएका बिरामीले चिकित्सकको सल्लाह बमोजिम आफ्नो स्वास्थ्य अवस्था सन्तुलित राख्ने,
हृदय रोग र क्यान्सर लगायत घातक रोगहरु नेपालका लागि चुनौतीको विषय बनेका छन्। हामीसित यी रोग सम्बन्धी तथ्यांकहरुको कमी छ। आवश्यक मात्रामा खोज र अनुसन्धान भएका छैनन्। चेतनामूलक कार्यक्रमहरु न्यून छन्। सरकार, गैरसरकारी संस्था र स्वास्थ्य संगठनले चालेका कदम पर्याप्त छैनन्। गंगालाल हृदय केन्द्र जस्तै मुटु सम्बन्धी सरकारी अस्पतालहरुको स्थापना अत्यावश्यक छ। यसतर्फ बेलैमा राज्यको ध्यान जाओस्।
स्वास्थ्य खबर बाट…
नेपालमा एकै दिन थप १७ जना कोरोना संक्रमितको मृत्यु भएको छ। यो सँगै नेपालमा कोरोना संक्रमित मृतकको संख्या ९ सय ३७ पुगेको स्वास्थ्य तथा जनसंख्या मन्त्रालयले जनाएको छ।
पछिल्लो २४ घण्टामा थप २ हजार २ सय ६४ जना कोरोना संक्रमित संक्रमणमुक्त भएका छन्।
देशका विभिन्न आइसोलेसनबाट उनीहरू निको भएर घर फर्किएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।
यो सँगै नेपालमा एक लाख ३१ हजार २ सय २२ जना संक्रमित उपचारपछि निको भएका छन्। मन्त्रालयको अनुसार संक्रमणमुक्त हुनेको संख्या ७६दशमलभ ९ प्रतिशत रहेको छ।
आज मन्त्रालयका अनुसार ९ हजार २ सय ७९ जनाको पिसिआर परीक्षण भएको छ । यो सँगै १४ लाख ४३ हजार ३ सय ४३ जनाको पिसिआर भएको मन्त्रालयले जनाएको छ।
मन्त्रालयका अनुसार २ हजार ४ सय १० जना क्वारेन्टाइनमा छन्। नेपालमा ३८ हजार ३ सय ५७ जना संक्रिय संक्रमित भएको मन्त्रालयले जनाएको छ।
विज्ञापन रहित (क्लिन फिड) पूर्णरुपमा कार्यान्वयनमा आएपछि शुल्क बढ्ने टेलिभिजन वितरकहरुले बताएका छन् ।
विदेशी च्यानलहरुले नेपालका लागि छुट्टै क्लिन फिड दिदा खर्च बढ्ने भएकाले शुल्क बढ्नसक्ने तर्क वितरकहरुको छ । यसबाहेक विज्ञापन नीति लागू भएपछि स्वदेशी च्यानलमा विदेशी विज्ञापन प्रसारण हुन नदिन र समग्र विज्ञापन बजारको व्यवस्थापन तथा नियमनको लागि चुनौति समेत बढेको विज्ञहरुले बताएका छन् ।
नेपालमा प्रसारण हुने विदेशी टेलिभिजन प्रसारणमा विज्ञापन रहित (क्लिन फिड) नीति लागू भएको एक हप्ता पुगेको छ । तर कतिपय च्यानलहरुले क्लिन फिडका लागि आवश्यक उपकरण जडान गरिनसक्दा प्रसारण बन्द छ । क्लिन फिडका लागि प्रयोग हुने उपकरणको लागत उच्च हुने, सञ्चालन लागत र स्याटेलाइटको लागत बढ्ने भएकाले ग्राहकले तिर्नुपर्ने शुल्क पनि बढ्न सक्ने टेलिभिजन वितरकहरुले बताएका छन् ।
नेपाल केबल टेलिभिजन व्यवसायी महासंघका अध्यक्ष ध्रुव शर्माले क्लिन फिडका लागि टेलिभिजन प्रसारकहरुले प्रविधिमा ठूलो लगानी गर्नुपर्दा खर्च बढेको बताउनुभयो । त्यसैले ग्राहकले तिर्नुपर्ने शुल्क पनि अहिलेको भन्दा बढ्ने उहाँको भनाई छ ।
सरकारले आधारभुत सेवा शुल्क निर्धारण गर्ने र विदेशी च्यानललाई प्याकेजमा हेर्न पाउने व्यवस्था नगरे ग्राहकले तिर्नुपर्ने शुल्क निकट भविष्यमा नै बढ्ने अध्यक्ष शर्माले बताउनुभयो । आधारभूत प्याकेज बाहेकका च्यानलहरुमा मनपर्ने च्यानल मात्रै हेर्न पाउने सुविधा नदिने हो भने अहिलेको शुल्कमा २५ देखि ३० प्रतिशत सम्म बृद्धि हुने उहाँको भनाई छ ।
क्लिन फिड लागू हनुभन्दा पहिले अधिकांश विदेशी च्यानल डाउनलिङ्क अनुमति लिएर प्रसारण गर्दै आएका थिए । तर क्लिन फिड लागू हुँदा दुवैतर्फ खर्च बढ्ने भएकाले भविष्यमा शुल्क बढाउनुपर्ने अवस्था आउनेमा वितरकहरुले जोड दिएका हुन् ।
तर अहिले क्लिन फिडका कारण कतिपय विदेशी च्यानल बन्द भएकाले तत्कालका लागि शुल्क बढाइहाल्नुपर्ने अवस्था नरहेको पनि उनीहरुको भनाइ छ ।
बजारमा सयपत्री फूलको मागमा कमी र स्वदेशी उत्पादन राम्रो रहेकाले यस वर्षको तिहारमा छिमेकी देश भारतबाट फूल आयात नहुने भएको छ ।
गएकाे वर्ष तिहारमा २५ लाख सयपत्री माला खपत भएको थियो । यस वर्ष भने बजारमा १५ लाख मात्र मालाको माग छ । मागअनुरुप उत्पादन भएकाले आयातित फूलको आवश्यक नहुने बताइएको छ ।
तिहारमा प्रयोग हुने सयपत्री, मखमली र गोदावरी फूलमध्ये सयपत्री मात्रै भारतबाट ल्याउने गरिएको थियो । गएकाे वर्षको तिहारमा २५ लाख माला खपत हुँदा तीन लाख माला भारतबाट ल्याइएको थियो ।
विश्वभरि फैलिएको कोरोना भाइरसका कारण यसअघि फूलले बजार नपाए पनि तिहारमा भने स्वदेशी उत्पादनले नै धान्ने छ । स्थानीय फूल फुलिरहेका छन् ती सबै फूल तिहारका लागि प्रयोग हुन्छ । व्यवसायीहरुले यस वर्षको पात्रो हेरेर व्यावसायिकरूपमा फूल लगाएका हुनाले उत्पादन राम्रो रहेको फ्लोरीकल्चर एशोसिएशनका अध्यक्ष कुमार कसजू श्रेष्ठले बताउनुभयो ।
अघिल्ला वर्षको तुलनामा यस वर्षको तिहारमा उपभोक्ताले केही बढी मूल्य तिर्नुपर्छ । एउटा सयपत्री मालाको मूल्य ६० देखि ७० रुपैयाँसम्म तिर्नुपर्ने देखिन्छ । गत वर्ष ५० देखि ६० रुपैयाँ बढी मूल्यमा माला किन्नुपर्ने अवस्था नभएको एशोसिएशनलेका अध्यक्ष श्रेष्ठले बताउनुभयो । प्रत्येक वर्ष १० देखि १५ प्रतिशत स्वदेशी फूल उत्पादनमा वृद्धि हुने गरको छ ।
विगतका वर्षमा तिहारमा मात्रै १५ करोड रुपैयाँकाे फूल कारोवार हुने गरेको थियो ।
काठमाण्डाै उपत्यकामा चल्ने सार्वजनिक गाडीमा भाडादर नटाँसे कारबाही गरिने भएको छ । महानगरीय ट्राफिक प्रहरी महाशाखाले यात्रुवाहक सवारी साधनमा भाडादरको विवरण नभएमा वा नटाँसेमा त्यस्ता सवारी साधनलाई कारबाही गर्ने जनाएको हो ।
सार्वजनिक गाडीले नियम विपरीत चर्को भाडा लिने गरेको गुनासो व्यवस्थापन गर्न भाडादर टाँस्नुपरेको महाशाखाले जनाएको छ ।
यस्तै यात्रुलाई आफनो गन्तव्य सम्मको भाडादर सजिलै थाहा पाइ ठगिनबाट रोक्नका लागि यात्रुले देखिने भाडादरको सूची सवारीमा अनिवार्य राख्न कडाइ गरेको ट्राफिक महाशाखाका प्रमुख एसएसपी भिमप्रसाद ढकालले बताउनुभयो ।
विश्वका केही प्रभावशाली अखबार र म्यागेजिनले अमेरिकी राष्ट्रपतिको निर्वाचनमा डेमोक्रेटिक पार्टीका उम्मेदवार जो बाइडेनलाई खुलेर समर्थन गरेका छन् ।
निर्वाचनको पूर्वसन्ध्यामा लण्डनबाट प्रकाशित हुने प्रसिद्ध पत्रिका दि इकोनोमिष्टले राष्ट्रपति डोनाल्ड ट्रम्पका प्रतिद्वन्द्वी जो बाइडेनलाई समर्थन गरेर एक लेख प्रकाशित गरेको छ र, म्यागेजिनको कभरपेजमा किन जोड बाइडेन हुनुपर्छ भनेर उल्लेख गरेको छ ।
विश्वमा नै प्रभावशाली मानिने दि इकोनोमिष्ट आर्थिक उदारवाद र खुल्ला बजार अर्थतन्त्रको पक्ष लिने गर्छ । सो पत्रिकाले सन् १९८० देखि नै अमेरिकी निर्वाचनमा कुनै एक उम्मेदवारको समर्थन गर्ने गरेको छ ।
सन् २०१६ मा सो पत्रिकाले हिलारी क्लिन्टनको समर्थन गरेको थियो । सो अखवारले भनेको छ, ‘बाइडेन जादु त होइनन्त, र उनले चुनाव जित्दा ह्वाइट हाउसको इज्जत बढ्छ ।’
अर्काे प्रभावकारी अखबार न्यूयोर्क टाइम्सले पनि यस अगाडि नै बाइडेनको समर्थन गरेर सम्पादकीय लेखिसकेको छ । सो अखबार पनि संसारभरि नै प्रभावशाली अखबार मानिन्छ ।
बाइडेनलाई समर्थन गर्दै सो अखबारले बाइडेनले अमेरिकाको आत्मा पुर्नस्थापना गर्ने बताएको छ । सो अखबारले अमेरिका चार बर्ष अगाडिको तुलनामा कमजोर र विभाजित भएकाले बाइडेनले निर्वाचन जित्नुपर्ने तर्क गरेको छ ।
बासिङटन पोष्टले पनि अबको राष्ट्रपति बाइडेन हुनुपर्छ भनेर सम्पादकीय नै प्रकाशित गरेको छ । अखबारले आफ्नो सम्पादकीयमा भनेको छ, ‘जो बाइडेन एकदमै योग्य उम्मेदवार हुन् । उनले आगामी चार वर्षमा आउने चुनौतीहरुलाई राम्रोसँग सामना गर्न सक्छन् ।’
त्यसैगरी युएसए टुडे, लस एन्जल्स टाइम्स लगायतका पत्रिकाले पनि बाइडेनको पक्ष लिएका छन् ।
रौतहटमा शनिवार २६ औँ राष्ट्रिय कण्डम दिवश २०२० मनाईएको छ । जिल्लाको चन्द्रपुरमा निलहिरा समाज रौतहटले पत्रकारहरुलाई भेला गरेर दिवशको औचित्य प्रस्ट्याएको हो ।
समाजले ‘दोहोरो सुरक्षाको लागि कण्डमको पहुंच’ भन्ने नाराका साथ सेभ द चिल्ड्रेनको सहयोगमा रौतहटमा एचआइभि एड्स रोकथामका लागि काम गरीरहेको छ ।
रौतहटमा हाल सम्म २ सय १४ जना संक्रमित रहेका समाजले जनाएको छ । साथै एक सय ९१ जनाले नियिमत औषधी सेवन गरीरहेका, १६ जना सम्पर्क बाहिर रहेका र ७ जनाको एचआइभि एड्स बाट मृत्यु भएको समाजको तथ्यांक उल्लेख छ ।
जिल्लामा एचआईभि एड्सको अवस्थाको बारेमा जानकारी दिँदै समाजका रौतहट जिल्ला संयोजक जिना रानाले पत्रकारहरु मार्फत जिल्लामा रोगको बिषयमा चेतना फैलाउन चाहेको बताएकी थिईन । बिभिन्न कारणले रोग परिक्षण गराउन नसकेकाहरुलाई संस्थाले सहयोग र परामर्श दिँदै आएको छ ।
कार्यक्रममा सञ्चारकर्मि, पत्रकारका साथै एचआइभि एड्स नियन्त्रणमा सकृय व्यक्तिहरुको उल्लेख्य उपस्थिती रहेको थियो ।
रौतहटमा पुर्व उपप्रधानमन्त्री तथा जनता समाजवादी पार्टीका केन्द्रिय अध्यक्ष उपेन्द्र यादव आउने भएका छन । समाजवादी पार्टीका अध्यक्ष यादव रौतहट आउने भएपनि मिति भने तय भएको छैन ।
यादवको रौतहटमा आगमन हुने भएपछि उनको स्वागतका लागी जनता समाजवादी पार्टीका नेताहरुले गरुडामा छलफल गरेका छन । जनता समाजवादी पार्टी नेपालका केन्द्रिय सदस्य पूर्वमन्त्री गोविन्द चौधरीको संयोजकत्वमा पार्टीका केन्द्रिय सदस्य समेत रहेका राज्यमन्त्री योगेन्द्र यादवको बिशेष उपस्थितीमा गरुडामा विहिबार बसेको बैठकले यादवलाई रौतहटमा स्वागत गर्ने विषयमा केन्द्रित रहेर छलफल गरेको श्रोतले बतायो ।
छलफलमा विधायक किशोरी यादव, पूर्वसांसद बबन सिंह, अनिल सिंह, रेवन्त झा, धिरज पटेल, विन्देश्वर यादव, विधायक बाबुलाल साह, लिला साह, कन्थमुनी जैसवाल, संघीय परिषद सदस्यद्वय किरण साह, विन्देश्वर यादव, प्रदेश सांसद फूलबाबु, पूर्वसांसद रम्भा देवी, तत्कालीन समाजवादी पार्टीका जिल्ला इन्चार्ज बृज यादव, सह इन्चार्ज बिरेन्द्र यादव, जसपाका नेता एवं मेयर धर्मेन्द्र पटेल, जसपाका नेता तथा मेयर बिरेन्द्र यादव, जिससका उपसभापति राम वशिष्ठ यादव, नेता राजकुमार दास, बदरुद्दिन अन्सारी लगाएतका जसपाका प्रभावशाली नेताहरुको सहभागिता रहेको थियो ।
परीक्षण नै गर्न छाडिएको सर्लाही जिल्लामा अब सक्रिय कोरोना संक्रमित ३६ जना मात्रै बाँकी भएका छन् ।
पीसीआर रिपोर्ट पोजिटिभ आएको १४ दिन पूरा नभएका ३६ जना संक्रमित आ–आफ्नो घरमा आइसोलेटेड भएर बसिरहेका स्वास्थ्य कार्यालय मलंगवाले जनाएको छ । पछिल्ला दिनमा स्वास्थ्य मन्त्रालयले बनाएको मापदण्ड अनुसार पोजिटिभ रिपोर्ट आएका व्यक्तिलाई दोस्रो पटक थ्रोट स्वाब परीक्षण नगराई दुई साता आइसोलेसनमा बसेपछि कोरोनामुक्त घोषणा गरिँदै आएको छ ।
जसअनुसार सर्लाहीमा अब आइसोलेसनको बसाई पूरा नगरेका ३६ जना संक्रमित बाँकी रहेका स्वास्थ्य कार्यालय मलंगवाको कोभिड–१९ फोकल पर्सन सुशील कुमार झाले जानकारी दिए । उनले ईश्वरपुर, सिसौट, रामनगर लगायतका स्थानमा सक्रिय संक्रमितहरु होम–आइसोलेसनमा बसिरहेका बताए ।
परीक्षण नहुँदा नयाँ संक्रमित थपिएका छैनन् । सर्लाहीमा अहिलेसम्म २ हजार १ सय १६ जनामा कोरोना संक्रमण पुष्टी भएकामध्ये २ हजार ६७ जना संक्रमणमुक्त भइसकेका छन् । १३ जना संक्रमितको मृत्यु भएको छ ।
डेढ/दुई महिनादेखि पालिकाहरुले पीसीआर परीक्षणको काम बन्द गरेका छन् । हाटबजार, सवारी लगायत सार्वजनिक स्थलमा मानिसहरु सामान्य स्वास्थ्य मापदण्ड पालना नगरी हिँडिरहेका छन् भने ठूलो मास जम्मा गरेर गोेष्ठी, भेला, भेटघाट र अन्य कार्यक्रमहरु भइरहेका छन् । मन्त्री, नेता, जनप्रतिनिधि लगायतले नै नेतृत्व गरेर ठूल्ठूला कार्यक्रम गरी बढ्दो कोरोना संक्रमणप्रति बेवास्ता गरिरहेका छन् ।
जिल्ला अस्पताल मलंगवाका मेडिकल सुपरीटेन्डेन्ट डाक्टर सन्जिव कुमार सिंहले अहिले भइरहेको लापरवाहीले कोरोना संक्रमण फैलावटमा थप मद्धत पुगेको बताएका उज्यालो अभियान मा खबर छ ।