आगलागीबाट सर्लाहीका ६ जनाको घर, टहरो तथा पराल जलेर नस्ट

सर्लाही | सोमवार राती करिव साँडे १० बजेतिर आगलागी हुँदा सर्लाहीको हरिपुर्वाका नागा रायको घर जलेको छ । हरिपुर्वा ७ खिला टोलका रायको काठको घरमा राती एक्कासि आगलागी भएको हो ।

आगलागीबाट घरमा रहेको अन्नपात, लत्ताकपडा, भाडावर्तन र काठपात जलेर नष्ट भएको छ । जिल्ला प्रहरि कार्यालय सर्लाहीका अनुसार गाईको गोठमा बालेको घुरबाट आगो सल्किएर आगलागी भएको हो ।

करिव २ लाखको क्षति हुने गरि भएको आगलागीबाट मानवीय तथा चौपायाको भने कुनै क्षति नभएको र राती ११ बजेतिर आगलागी नियन्त्रणमा आएको जिल्ला प्रहरी कार्यालय सर्लाहीले जानकारि दिएको छ ।

त्यसैगरि गएको मध्यरातमा भएको आगलागीबाट जिल्लाको बिष्णु गाउँपालीका ४ बस्ने ५ जनाको पराल तथा दाउरा राख्ने फुसको गोठ जल्दा करिव १ लाख १० हजार बराबरको क्षति भएको छ ।

राती भएको आगलागीबाट वडा नम्बर ४ का बिन्देश्वर साहको पारालको टाल र २ ओटा दाउरा राख्ने टहरो जल्दा करिव ५ हजार बराबर, सोहि ठाउँका सगुनी रायको अन्दाजी १० हजार बराबरको परालको टाल, सोनेलालको २० हजार बरारको पराल, उपेन्द्र रायको १५ हजार बराबरको पराल र बिश्वनाथ रायको १५ हजार बराबरको पराल जलेको हो ।