सर्लाहीमा मोटरसाइल दुर्घटना हुँदा तीनको मृत्यु
क्षितिज बिश्वकर्मा | सर्लाही
जिल्लाको सागरनाथ जंगलमा मोटरसाइकल अनियन्त्रित भएर भएको दुर्घटनामा परि मोटरसाइकलमा सवार तीनजनाको मृत्यु भएको छ ।
इश्वरपुर नगरपालिका–३ बयलबास– भक्तिपुर सडकखण्डस्थित सागरनाथ जंगलमा ईश्वरपुर ६ बयलबास तर्फ जाँदै गरेको बा १९ प ७१९७ नम्बरको मोटरसाइकल अनियन्त्रित भई सडक छेउको रुखमा ठोकिएर बाटो भन्दा १० मिटर तल खसेको थियो । दुर्घटनामा ईश्वरपुर नगरपालिका–१० दसबिघा बस्ने २२ वर्षिय अरुण सिंह, २० वर्षिय श्रगम बिश्वकर्मा र रोहन सिंहको घटनास्थलमै मृत्यु भएको प्रहरीले जनाएको छ ।
मोटरसाइकलसहित तीनजना लडेको अवस्थामा देखेपछि स्थानीयले आइतवार विहान प्रहरीलाई खबर गरेका थिए । दुर्घटनाको समय र कारण खुल्न नसकेपनि मादक प्रदार्थ सेवन अथवा बाक्लु हुस्सुले मोटरसाइकल अनियन्त्रित भएको हुनसक्ने प्रहरीको प्रारम्भिक अनुमान छ ।
मृतक तीनैजनाको शव जिल्ला अस्पतालमा राखिएको जिल्ला प्रहरी कार्यालय सर्लाहीका प्रवक्ता डिएसपी माधव प्रसाद बुडाथोकीले जानकारि दिनुभयो ।