सत्तारुढ नेकपाका सांसदले पनि दसैँ भत्ता फिर्ता गर्ने भएका छन्।
संघीय संसदका सांसदहरुले दसैँ भत्ता लिएको भनेर केही अभियान्ताले विरोध जनाउँदै आएका छन्।
अभियान्ताको विरोधपछि सांसदहरुले व्यक्तिगत रुपमा भत्ता फिर्ता गर्न लागेपछि नेकपाले संस्थागत रुपमै निर्णय गर्ने भएको हो।
संसदीय दलका उपनेता सुवास नेम्वाङले भत्ता राज्य कोषमै फिर्ता गर्ने कि कोरोना कोषमा हन्तातरण गर्ने भन्ने विषयमा छलफल भइरहेको जानकारी दिए।
सोमबार प्रमुख प्रतिपक्षी दल नेपाली कांग्रेसले संस्थागत रुपमै भत्ता नलिने घोषणा गरेको छ। संसदमा नेकपाका २२० जना सांसद छन्।
