निजगढकी मृगौला पिडित मोक्तानलाई २ लाख रकम सहयोग प्रदान
निजगढकी मृगौला पिडित सुमिना मोक्तानलाई आज सहयोग रकम प्रदान गरिएको छ । पिडित सुमिनाको उपचारकोलागी उद्धार समाज प्रतिष्ठान नेपाल धरानले मंगलवार नेपाली कांग्रेस निजगढका सचिव आशिष तामाङको रोहबरमा उक्त रकम प्रदान गरेकोहो ।
प्रतिष्ठान बुद्धिमान कार्कीले सुमिनाका पिता पंचलाल मोक्तानलाई २ लाख रुपैंया प्रदान गर्नुभएको हो । नेपाली कांग्रेस निजगढका सचिव आशिष तामाङको आग्रह बमोजिम प्रतिष्ठानले हालसम्म ७ लाख २६ हजार ८ सय १७ रुपैंया सुमिनाको मृगौला प्रत्यारोपण गर्नका लागी प्रदान गरिसकेको छ । कांग्रेस निजगढका सचिव तामाङले सुमिनाको उपचारकालागी प्रतिष्ठानलाई आग्रह गर्नुभएसंगै ६ महिनामा १० लाख रुपैंया सहयोग प्रदान गर्ने प्रतिबद्धता जनाईएको थियो ।
सोहि अनुरुप प्रतिष्ठानले डेढ महिनामा ७ लाख रुपैंया भन्दा बढीको आर्थिक सहयोग गरेको हो । निजगढ नगरपालिका वडा नम्बर १२ कि १९ वर्षीय सुमिना मोक्तानको दुवै मृगौलाले काम नगरेपछि हाल प्रत्यारोपण गर्ने तयारि हुँदै छ । उनि हाल काठमाडौंमा उपचाररत छिन ।