प्रदेश २ मा ३५६ किलोमिटर पक्कि सडक निर्माण सम्पन्न

प्रदेश २ मा हालसम्म प्रदेशसभा निर्वाचन क्षेत्रमा ३५६ किलोमिटर पक्कि सडक निर्माण सम्पन्न भएको तथ्यांक सार्वजनिक गरिएको छ ।

शनिवार एक कार्यक्रमका बिच प्रदेश २ को भौतिक पूर्वाधार विकास मन्त्रालयले आर्थिक वर्ष २०७५/७६ देखि हालसम्म निर्माण गरिएको पक्कि सडकको बारेमा पत्रकार सम्मलन गरि जानकारि गराएको हो । प्रदेशमा कालोपत्रे सडक ५०.९५ किलोमिटर, पक्की सडक ढलान ७४.९० किलोमिटर र ग्राभेल सडक १७०.१७ किलोमिटर निर्माण सम्पन्न भएको बताइएको छ ।

त्यस्तै ३० वटा पुल निर्माणको क्रममा रहेको, ५.५४ किलोमिटर नाला, १४ वटा कल्भर्ट र ५९.८१ किलोमिटर नयाँ कच्ची सडक निर्माणकार्य सम्पन्न भएको छ । नीति तथा कार्यक्रममा रहेको १० वटा झोलुङ्गे पुलमध्ये तीनवटाको निर्माण कार्य सम्पन्न भएको समेत बताईएको छ ।

यसैबिच प्रदेश २ सरकारद्वारा फागुन महिनाभित्रै प्रदेश परिवहन सञ्चालन गर्ने गृहकार्य भइरहेको जानकारि दिईएको छ । प्रदेश परिवहन सञ्चालनका लागि प्रदेश सरकारद्वारा रु तीन करोड नौ लाख ८२ हजारमा पाँचवटा बस खरीद गरिसकेको छ ।