प्रदेश सांसद महतोले भवन उद्घाटन गरेसँगै पक्का भयो फरहदवामा सामुदायिक भवन निर्माण गर्ने कार्य
फरहदवामा सामुदायिक भवन निर्माण हुने भएको छ । प्रदेश सांसद उपेन्द्र महतोले बिहिवार भवनको शिलान्यास गरेसँगै भवन बन्ने पक्का भएको हो ।
गाउँमा हुने कुनै पनी सामाजिक कार्यका लागी भवन नभएपछि सांसद महतोकै पहलमा प्रदेश सरकारको सामाजिक बिकाश मन्त्रालयले २० लाख बजेट बिनियोजन गरेको छ । जसपाका युवा नेता दिगेश्वर नायकका अनुसार उपभोक्ता समिती मार्फत भवन निर्माण हुने भएकोले मन्त्रालयले सुनिश्चित गरेको २० लाखमा १० प्रतिशत थप गरी २२ लाख बढीमा सामुदायिक भवन निर्माण हुने छ ।
सामुदायिक भवन निर्माणको लागि स्थानिय ननिपत महतोले दश धुर जगा दान गर्नुभएको स्थानिय बिजय साहले बताउनुभयो ।
कार्यक्रममा स्थानिय जनसमुदाय, बिभिन्न राजनितीक दलका स्थानिय नेता लगायत जसपाका जिल्ला अध्यक्ष नागेश्वर महतो, दिगेश्वर नायक, महेश पासवान, उपेन्द्र यादव लगायतको उपस्थिति रहेको थियो ।
सर्लाहीको हरिपुर नगरपालीका ३ फरहदवामा कुनै पनि सामाजिक कार्य गर्न भवन नरहेको र स्थानीय जनसमुदायको आवश्यकतालाई मध्यनजर गर्दै सामुदायिक भवन बनाउन रकम बिनियोजन गराउन पहल गरेको भन्दै स्थानीयले प्रदेश सांसद महतोलाई धन्यवाद दिएका छन् ।