लायन्स क्लब अफ निजगढ सिटी द्वारा वृक्षारोपण

आज लायन्स क्लब अफ निजगढ सिटीको आयोजनामा निजगढ नगरपालिकाको विभिन्न ठाउँमा वृक्षारोपण कार्यक्रम सम्पन्न भएको छ ।

निजगढ नगरपालिकाको वडा नं ८ मा रहेको शसस्त्र बेस क्याम्प, श्री सार्वजनिक मा. वि. वडा नं ५ र वडा नं १० को शहीद पार्कमा कपूर,धुपी,अशोक,जामुन लगायतको बिरुवा बृक्षारोपण गरिएको लायन्स क्लब अफ निजगढ सिटीका प्रेसिडेन्ट मणि घिमिरेले बताउनु भयो । शसस्त्र बेस क्याम्पको कार्यक्रमका प्रमुख अतिथि डी एस पी श्याम पौडेलले लायन्स क्लबको यस वृक्षारोपण कार्यक्रमलाई हौसला दिँदै शसस्त्रको “एक जवान एक वृक्ष” भन्ने कार्यक्रमलाई सहयोग पुगेको र यस्ता कार्यक्रम मा सधैं साथ दिने समेत बताउनुभयो । त्यसै गरी निजगढ नगरपालिका वडा नं ५ मा रहेको वृक्षारोपण कार्यक्रमका प्रमुख अतिथि वडा नं ५ का वडा अध्यक्ष थल प्रसाद गौतमले वातावरण संरक्षण गर्न निजगढ नगरपालिकाले अभियान ल्याउने र हरियाली निजगढ बनाउने सोच भएपनि विशेष बाटोघाटो मै केन्द्रित रहेको र रुख र मानिस बीचको सम्बन्ध परिपूरक भएकोले यो अभियानमा जुट्नुहुने अन्तराष्ट्रिय संस्था लायन्स क्लबलाई विशेष धन्यवाद दिनुभयो । सार्वजनिक माविका व्यवस्थापन समितिका अध्यक्ष दुर्गा गौतमले बोल्नुहुँदै धेरै अगाडि देखि नै लायन्स क्लबले यस विद्यालयलाई माया गरेको र अहिले पनि यस विद्यालयलाई छनौट गर्नुभएकोमा खुशी व्यक्त गर्नुभयो र यस बिरुवालाई विद्यालयले संरक्षण गरी हुर्काउने समेत प्रतिबध्दता व्यक्त गर्नु भयो। सोही कार्यक्रममा रिजन चियार पर्सन महेश न्यौपाने ले लायन्स को बारेमा जानकारी गराउनु भएको थियो।

बाग्देव दुग्ध उत्पादक संस्था निजगढ ६ मा रहेको सहकारीका अध्यक्ष थानेश्वर सापकोटालाई संस्थाको हाताभित्र बिरुवा हस्तान्तरण समेत गरिएको थियो। निजगढ नगपालिका वडा नं १० लालमा रहेको सहिद पार्कमा स्थानियहरुको रोहबरमा बृक्षा रोपण गरी समापन गरिएको थियो ।

कार्यक्रमको सभाध्यक्ष लायन्स क्लव अफ निजगढ सिटी का अध्यक्ष मणि घिमिरेले गर्नु भएको थियो । कार्यक्रममा पास्ट प्रेसिडेन्ट मनोज रेग्मी, भाइस प्रेसिडेन्ट विष्णु गोपाल रिसाल, सेकेन्ड भाइस प्रेसिडेन्ट राजेन्द्र सापकोटा, सेक्रेटरी मोहन राउत लगायत सदस्यहरूको उपस्थिति रहेको थियो । कार्यक्रमको सहजीकरण जोन चियर्स पर्सन खड्ग प्रसाद उप्रेती ले गर्नुभएको थियो ।