खैराबजारमा लागेको सामा चकेवा पर्वमा आज सामा चकेवा प्रतियोगीता सम्पन्न
सर्लाही | ईश्वरपुर १० बेला, खैराबजारमा लागेको सामा चकेवा पर्वमा शुक्रवार सामा चकेवा प्रतियोगीता गरिएको छ । बिहिवारबाट शनिवारसम्म लाग्ने ३ दिने मेलाको दोश्रो दिन सामा चकेवा प्रतियोगीता भएको हो ।
प्रतियोगीतामा आसपासका थारु समुदायका युवतीहरुले बनाएको लगेको सामा चकेवाको मुल्यांकन गरिएको थियो । प्रतिस्पर्धामा ईश्वरपुरकै वडा नम्बर ९ स्थित राम नगर प्रथम, १० नम्बरको खैरा बजार दोश्रो र चन्द्रनगर ७ को खड्काटोलको टोली तेश्रो भएको थियो ।
प्रतियोगीतामा पहिलो, दोश्रो र तेश्रो हुने टोलीलाई क्रमशः ४ हजार, २ हजार र १ हजार पुरस्कार रकम प्रदान गरिएको थियो ।
कार्यक्रममा सहभागी प्रतियोगीहरुलाई लोकतान्त्री समाजवादी पार्टी लोसपाका जिल्ला संयोजक नागेश्वर महतोले पुरस्कार रकम प्रदान गरेका थिए ।
लोप हुँदै गएको सामा चकेवाको संस्कारलाई जगेर्ना गर्ने उद्देश्यले मेलाको आयोजना गरिएको मेला आयोजक समितीले जानकारि दिएको छ ।