रौतहटमा मोटो रकम ठगी गरेको आरोपमा एक ब्यक्ति पक्राउ परेका छन । पक्राउ पर्नेमा बृन्दावन नगरपालीका ६ हर्षाहा टोल बस्ने बर्ष २८ का अनिल कुमार पटेल रहेका छन ।
उनलाई २३ जना किसान सँग किस्ता वापतको रकम बुझाउने भन्दै उठाएर ठगी गरेको आरोपमा प्रहरिले पक्राउ गरेको हो । प्रहरिका अनुसार ओम्नि अटो मोबाईल प्रा.लि. चन्द्रनिगाहपुर स्थित ट्याक्टर स्वरुमबाट किस्तामा ट्याक्टर खरिद गरिएकोमा उक्त स्वरुममा किस्ता वापतको रकम बुझाउने भन्दै २३ जना किसानसँग ४४ लाख ७८ हजार पाँचसय रुपैँया उठाई ठगी गरेको उजुरि परेपछि पटेललाई पक्राउ गरिएको हो ।
उनले २०७५ श्रावण देखि बिभिन्न मितिमा बुझाउने भन्दै किस्ता वापतको रकम उठाई किस्ता बुझाएका थिएनन् । उनलाई आईवार पक्राउ गरि जिल्ला अदालतबाट ७ दिनको म्याद थपि अनुसन्धान भईरहेको जिल्ला प्रहरि कार्यालय रौतहटले जनाएको छ ।
