रौतहट प्रहरिले श्रोत नखुलेको भारतीय नोट सहित एक जनालाई पक्राउ गरेको छ ।
बुधवार दिउँसो सिमा प्रहरि चौकी बन्जरहावाबाट खटिएको प्रहरि गस्ति टोलीले नेपालतर्फ आउँदै गरेका एकजनालाई पक्राउ गरेको हो ।
पक्राउ पर्नेमा भारत बिहार राज्य शिवहर जिल्ला ग्राम पंचायत वेलवाघाट वडा नं. ५ वस्ने २२ बर्षका सुशिल कुमार साह रहेका जिल्ला प्रहरि कार्यालय रौतहटले जनाएको छ ।
साहलाई भारतबाट नेपालतर्फ आउँदै गरेको अवस्थामा ईशनाथ १ बन्जरहा स्थित बकैया खोलाको बाँधमा रोकेर चेकजाँच गर्ने क्रममा उनको साथबाट १ लाख ८० हजार भारतीय रुपैँया बरामद गरिएको हो ।
पक्राउ परेका साहलाई बरामद रकमसहित थप अनुसन्धानको लागी शुक्रवार राजस्व अनुसन्धान कार्यालय पथलैया पठाईएको रौतहट प्रहरिले बताएको छ ।
अमेरिकी राष्ट्रपति जो बाइडेनले चीनद्वारा ताइवानमाथि आक्रमण भएको खण्डमा अमेरिकाले सुरक्षा गर्ने बताएका छन् । एक अन्तरक्रिया कार्यक्रममा बोल्दै बाइडेनले ताइवानको रक्षा गर्ने बताएका हुन् ।
बाइडेनको पछिल्लो अभिव्यक्ति अमेरिकाले लामो समयदेखि लिँदै आएको नीतिसँग मेल खाँदैन । तर उनको अभिव्यक्तिलाई अमेरिकी नीतिमा आएको परिवर्तनको रुपमा बुझ्न नहुने ह्वाइट हाउसका एक प्रवक्ताले प्रस्ट पारेका छन् ।
त्यस्तै, बाइडेनले चीनसँग जानीजानी हुने द्धन्द्धबाट आफू चिन्तित नहुने समेत बताएका छन् ।
अमेरिका विश्व इतिहासमै सबैभन्दा शक्तिशाली सैन्य शक्ति हो भन्ने सबैलाई थाहा भएको र चीन थप शक्तिशाली हुने कुराबाट चिन्ता गर्नुपर्ने कुनै कारण नरहेको उनको भनाइ थियो ।