हरिवन प्रहरिले फिर्ता दियो बिभिन्न मिती र समयमा फेला परेका ६ वटा पल्सर मोटरसाईकल

सर्लाही | ईलाका प्रहरि कार्यालय हरिवनले मंगलवार दिउँसो एक कार्यक्रमको आयोजना गरि बिभिन्न मिती र समयमा बरामद बजाज कम्पनीका ६ वटा मोटरसाईकल सम्बन्धित निकायलाई बुझाएको छ । बिभिन्न समयमा प्रहरिको सक्रियतामा चोरि भई फेला पारिएका, बेवारिसे अवस्थामा भेटिएका मोटरसाईकलहरु सम्बन्धित निकायलाई बुझाएको हो ।

प्रहरिले हरिवनका दिपेन्द्र थापाको कालो रंगको २२० सिसिको २ ओटा पल्सर, दाङका फिरलाल चौधरिको निलो रंगको २२० सिसिको पल्सर, धनुषाका कमल यादवको रातो रंगको २२० सिसिको पल्सर, बाराका सुसन तामाङको २०० सिसिकाृ एनएस पल्सर र महोत्तरिका लवराज देवकोटाको १५० सिसिको कालो रातो पल्सर मोटरसाईकल सम्बन्धित मोटरसाईकल धनिलाई बुझाएको हो ।

त्यसका साथै ईलाका प्रहरी कार्यालय हरिवनले मंगलवार शान्ति सुरक्षा सम्बन्धि सचेतनामुलक अन्तरक्रिया कार्यक्रम गरेको छ । जिल्ला प्रहरि कार्यालय सर्लाहीका प्रमुख प्रहरि उपरिक्षक कृष्ण प्रसाद प्रसाईको प्रमुख आतिथ्यतामा सचेतनामुलक अन्तरक्रिया कार्यक्रम गरेको हो ।

कार्यक्रममा सशस्त्र प्रहरि बल हरिवनका प्रमुख दिपेन्द्र थापा, नेकपा समाजवादीका सर्लाही जिल्ला संयोजक सुरेन्द्र लामा, माओवादी केन्द्रका सर्लाही संयोजक कमल बुडाथोकी, नेकपा समाजवादी हरिवन नगर कमिटि अध्यक्ष चुडामणि वाग्ले, बिभिन्न राजनितिक दल सम्बद्ध प्रतिनिधिहरु, ईलाका प्रशासन कार्यालय हरिवनका प्रमुख सुर्य दाहाल, हरिवन उद्योग वाणिज्य संघका अध्यक्ष मोहनलाल श्रेष्ठ, हरिवन नगरपालीकाका बिभिन्न वडाका जनप्रतिनिधिहरुको उपस्थिती रहेको थियो ।

कार्यक्रममा उठेका बिषयबस्तुहरुको सम्बन्धमा प्रमुख अतिथी एस.पी.कृष्ण प्रसाईंले जवाफ दिनुभएको जिल्ला प्रहरि कार्यालय सर्लाहीका प्रवक्ता एवं सुचना अधिकृत प्रहरि नायव उपरिक्षक माधव प्रसाद बुडाथोकीले जानकारि दिनुभयो ।