परवानीपुर स्वास्थ्य चौकीलाई दियो हिमालयन केयर ह्याण्ड्स नेपालले स्वास्थ्य सामाग्री


सर्लाहीको परवानीपुरमा रहेको स्वास्थ्य चौकी परवानीपुरलाई एक संस्थाले शनिवार स्वास्थ्य सामाग्री प्रदान गरेको छ । लालबन्दी नगरपालीका १६ परवानीपुरमा रहेको स्वास्थ्य चौकीलाई हिमालयन केयर ह्याण्ड्स नेपालले एक कार्यक्रम मार्फत अत्यावश्यक स्वास्थ्य सामाग्रीहरु प्रदान गरेको हो ।
स्वास्थ्य चौकीको प्रांगणमा पुगेको हिमालयन केयर ह्याण्ड्स नेपालका प्रमुख समिर खतिवडा सहितको टोलीले सर्जिकल मास्क ५०० थान, स्यानिटाइजर ५० लिटर, एन ९५ मास्क ९० थान, पल्स अक्सीमिटर १ थान, पी.पी.ई. २ थान, बि.पी.सेट १ थान, फेस शिल्ड १० थान, इन्फ्रारेड थर्मोमिटर १ थान, गाउन २ थान, सोडियम हाइपोक्लोराइट ५० लिटर, बेटाडिन सोलुसन २ थान, पारासिटामोल १०० ट्याब्लेट, बेड म्याट्रेस सहित १ थान, जीवनजल ५० प्याकेट र कटन रोल २ थान प्रदान गरेको हो ।
वडा नम्बर १६ का वडासदस्यहरु तथा स्वास्थ्य शाखाका कर्मचारिहरुको उपस्थितीमा स्वास्थ्य चौकी परवानीपुरका ईन्चार्ज हिमांसु शेखर कर्णले सहयोगी संस्थाका प्रमुख खतिवडा सहितको टोलीलाई खादा ओढाई सम्मान गर्दै आउने दिनमा पनी सहयोगको अपेक्षा गरेको बताउनुभएको थियो ।
छोटो औपचारिक कार्यक्रम मार्फत स्वास्थ्य चौकी परवानीपुरका हृदेश कुमार यादवले सहयोगी संस्थाको टोलीलाई स्वागत गर्नुभएको थियो ।