नेपालमा शुक्रबार थप १९४५ जनामा कोरोना पुष्टि भएको छ । स्वास्थ्य मन्त्रालयले पछिल्लो २४ घण्टामा देशभर कुल १९४५ जना संक्रमित थपिएको जानकारी दिएको छ ।
अहिलेसम्म कुल २ लाख १६ हजार ९६५ संक्रमित पुगेका छन् । नेपालमा हाल सक्रिय कोरोना संक्रमितको संख्या २४ हजार ६६५ रहेको छ ।
त्यस्तै पछिल्लो २४ घण्टामा ५ हजार ३६४ जना संक्रमण मुक्त भएका छन् भने अहिलेसम्म एक लाख ९१ हजार २ जना संक्रमण मुक्त भएका छन् । नेपालमा कोरोना निको हुने प्रतिशत ८८ रहेको मन्त्रालयले जनाएको छ ।
पछिल्लो २४ घण्टामा १० हजार ३४० पिसिआर परिक्षण भएको छ भने नेपालमा अहिलेसम्म कुल पिसिआर १६ लाख ४३ हजार ८९९ पुगेको छ ।
त्यस्तै क्वारेन्टाइनमा ७५३ जना रहेका छन् । त्यस्तै आइसोलेसनमा २४ हजार ६६५ जना रहेका छन् ।
कोरोना संक्रमणबाट पछिल्लो २४ घण्टामा थप २२ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या १२९८ पुगेको छ । नेपालमा अहिले कोरोना संक्रमणबाट मृत्यु हुनेको प्रतिशत ०.६० रहेको मन्त्रालयले जानकारी दिएको छ ।
