अत्रौलीका ९१ महिलाको प्रजनन् स्वास्थ्य जाँच गरियो
सर्लाही | हरिवन नगरपालिका २ अत्रौलीमा प्रजनन् स्वास्थ्य तथा रुग्नता सम्बन्धी क्याम्प सम्पन्न भएको छ ।
वडा अध्यक्ष अर्जुन महतोको अध्यक्षता तथा नगरउपप्रमुख रेणुका कुमारी पौडेलको प्रमुख आतिथ्यतामा क्याम्प सम्पन्न भएको हो ।
क्याम्पका अवसरमा सो वडाभित्रका ९१ जना महिलाहरुको प्रजनन् स्वास्थ्य जाँच गरिएको थियो । जाँच गरिएकामध्ये ९ जनामा पाठेघरको मुखको क्यान्सर भएको पाईएको छ ।
त्यस्तै २ जनामा आङ्ग खस्ने समस्या भएको पाइएको छ भने एक जनालाई रिङ राखिएको छ ।
जाँचकै क्रममा ३० जना महिलाहरुमा यौन रोग भेटिएको छ । त्यस्तै १३ जना महिलाको स्तन क्यान्सर सम्बन्धी जाँच गरिएको नगर स्वास्थ्य शाखाका सह संयोजक रामबाबु चौधरीले जानकारी दिए ।
क्याम्पको उद्घाटन कार्यक्रममा स्त्रीरोग विशेषज्ञ लक्ष्मी थापा, नगर शिक्षा शाखाका प्रमुख उपसचिव नवराज निरौला, हरिवन नगर स्वास्थ्य शाखाका संयोजक शशीकाकन्त सिंह, सासापुर स्वास्थ्य चौकीका डाक्टर विजय साह, नर्सिङ स्टाफ लक्ष्मी आचार्य, अत्रौली स्वास्थ्य चौकीका इन्चार्ज मोहन घिसिङ्ग र महिला स्वास्थ्य स्वयमसेविकाहरुको उपस्थिति रहेको थियो ।