लिड न्युज नेपाल कर्मि एवं ब्यवसायी उप्रेतीमाथी हमला
बाराको निजगढका एक ब्यवसायी एवं लिड न्युज नेपाल अनलाईनका संचालक सदस्य मध्येका एक खड्ग प्रसाद उप्रेती माथी सांघातिक हमलाको प्रयास भएको छ ।
निजगढ नगरपालीका स्थित शहिद चोकमा मोबाईलको पसल संचालन गर्दै आउनुभएका उप्रेती माथी हातपातको प्रयास भएको हो । सोमवार दिउँसो करिव ३ बजेको समयमा सुशान्त भ्लोन, प्रमोद वाइबा, किरण कार्की लगायत केही अपरिचित युवाहरुले सस्तोमा किन्न पाउनुपर्ने भन्दै उप्रेतीमाथी हातपात गर्ने प्रयास गरेका हुन ।
एक दुई पटक आफुलाई लागेको भन्दै उप्रेतीले घट्नामा संलग्न जो कोही भएपनी कडा भन्दा कडा सजायको माग गरेका छन । एक ब्यवसायीमाथी दिन दहाडै हातपातको प्रयास भएकोमा निजगढका ब्यापारिहरु आक्रोशित भएका छन । उनिहरुले दोषिलाई हदै सम्मको कारवाहीको माग गरेका छन ।
राप्रपा नेपालका निजगढ नगर संयोजक एवं समाजसेवि उप्रेती प्रतिको हमलाले सिंगो ब्यापार क्षेत्रमा नै त्रास सिर्जना हुने भन्दै निजगढका ब्यापारिहरुले सुरक्षा प्रत्याभुतिको समेत माग गरेका छन ।