सर्लाहीको बागमतीमा सवारि दुर्घटनामा परि २ जनाको ज्यान गयो

क्षितिज बिश्वकर्मा, लालबन्दी | सर्लाहीको बागमतीमा सवारि दुर्घटनामा परि २ जनाको ज्यान गएको छ । मगंलवार साँझ टाटासुमोको ठक्करबाट मोटरसाइकलमा सवार हरिवनका दुई युवकको ज्यान गएको हो ।

जिल्ला प्रहरि कार्यालय मलंगवा सर्लाहीका अनुसार बागमती नगरपालिका–१०, केराबारीमा कर्मैयाबाट बरहथवातर्फ गइरहेको BR 05 PA 7199 नम्वरको टाटासुमोले ज १२ प ९९०७ नम्वरको मोटरसाइकललाई ठक्कर दिँदा मोटरसाइकलमा सवार हरिवन नगरपालिका–७, का २५ वर्षीय देव मोक्तान र सोही ठाउँका २३ वर्षीय मिलन ब्लोनको ज्यान गएको हो ।

उनिहरुलाई उपचारका लागी अस्पताल लगिएकोमा चिकित्सकले मृत घोषणा गरेका थिए ।

दुर्घटनामा परेको टाटासुमो, त्यसका चालक र मोटरसाइकल ईलाका प्रहरि कार्यालय बरहथवाको नियन्त्रणमा रहेको जिल्ला प्रहरि कार्यालय सर्लाहीका सुचना अधिकृत प्रहरि नायव निरिक्षक माधव प्रसाद बुडाथोकीले जानकारि दिनुभयो ।