निजगढ नगरपालिका वडा नं. १३ बाट कांग्रेसका सुर्य घलान पुन: वडा अध्यक्ष निर्वाचित

Lead News Desk २०७९, १ जेष्ठ आईतवार ०३:५१

बाराकाे निजगढमा गठबन्धनले खाता खोलेकाे छ ।

निजगढ नगरपालिका वडा नं. १३ बाट वडा अध्यक्षमा कांग्रेसका सुर्य घलान निर्वाचित भएका हुन् ।

नेकपा एमालेका कमानसिह थिङलाई पराजित गर्दै घलान निर्वाचित भएका हुन् ।

उनी २०७४ काे स्थानीय तह निर्वाचनमा झिनाे मतान्तरले निर्वाचित भएका थिए । एमालेका तिलक घलानसंग ४२ मतले उनी निर्वाचित भएका थिए ।

जनप्रतिनिधिका रुपमा पहिलो कार्यकाल पूरा गरेका घलानले याे वर्ष माओवादीकाे समेत साथ पाएका छन् । वडामा गठबन्धन नभएपनि नगरस्तरिय गठबन्धनकाे कारण उम्मेदवारी दिएकाे थिएन । माओवादीका नेता साेमबहादुर गाेलेले स्वतन्त्र उम्मेदवारी दिएका थिए । उनले पार्टीको आग्रहमा उम्मेदवारी फिर्ता लिदै घलानलाइ समर्थन गरेका थिए ।